რამდენი გამოიმუშავა ბასილაშვილმა მუსეტის დამარცხებით და რა წინსვლა ელის რეიტინგში - ქართველი ჩოგბურთელის წარმატება რიცხვებში
<p>საქართველოს პირველმა ჩოგანმა ნიკოლოზ ბასილაშვილმა მიმდინარე "უიმბლდონზე" ერთ-ერთი ყველაზე ხმაურიანი სენსაცია შემოგვთავაზა და ასპარეზობას მსოფლიოს მე-7 ნომერი იტალიელი ლორენცო მუსეტი გამოთიშა. </p> <p> </p> <p>ტურნირის მეორე წრეში ჩვენებურს კიდევ ერთი იტალიელი და კიდევ ერთი ლორენცო (სონეგო) ელოდება, რომელიც 30 წლისაა, პლანეტის 47-ე ნომერი გახლავთ და ქართველთან ურთიერთდაპირისპირებებში 2:1-ს იგებს. </p> <p> </p> <p>შეხვედრა ხვალ გაიმართება. იქამდე კი გეტყვით, რომ ნიკოლოზმა საკვალიფიკაციო ეტაპის დაძლევითა და პირველ წრეში გამარჯვებით ჯამში 66 000 ფუნტი გამოიმუშავა. თუ ის სონეგოსაც აჯობებს, დამატებით კიდეც 33 000 ფუნტს მიიღებს. </p> <p> </p> <p>სათქმელია ისიც, რომ ქართველმა რეიტინგში მინიმუმ 18 საფეხურით დაწინაურება უკვე გაინაღდა და LIVE მსოფლიოს 108-ე ნომერია. თუ ის მორიგ იტალიელს სძლევს, ტოპ 100-ს დაუბრუნდება. </p> <p> </p> <p>ინფორმაციისთვის, წლევანდელი "უიმბლდონის" საპრიზო თანხა წინა წელთან შედარებით 7%-ითა გააზრდილი და ჯამში 53,550,000 მილიონ ფუნტს შეადგენს. როგორც ქალთა, ისე მამაკაცთა ერთეულთა თანრიგის გამარჯვებული, 3 მილიონ ფუნტს მიიღებს. </p>
