- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
"ერთად ვთამაშობთ, ერთად ვანათებთ!" - სკოპიე 2025 დაიწყო
<p>ბრიუსელი, ვალკენსვაარდი, ბათი, ლისაბონი, ესბიერგი, მურსია, პარიზი, ლინიანო საბიადორო, ბელგრადი, ტამპერე, ტრაბზონი, უტრეხტი, თბილისი, დიორი, ბაქო, ბანსკა ბისტრიცა, მარიბორი...ერთმანეთისგან სრულიად განსხვავებულ ამ ჩვიდმეტ ქალაქს ევროპის ზაფხულის ახალგაზრდული ოლიმპიური ფესტივალები აერთიანებს. ევროპის ოლიმპიური კომიტეტების ინიციატივით დაარსებულ მულტისპორტულ შეჯიბრებას პირველად ბრიუსელმა უმასპინძლა 1991 წელს და მას შემდეგ ტურნირი, ყოველ კენტ წელიწადს, ხსენებული თანმიმდევრობით მიიღო თითოეულმა მათგანმა.რიგით მეთვრამეტე ფესტივალის მასპინძლობის პატივი ჩრდილოეთი მაკედონიის დედაქალაქ სკოპიეს ერგო, სადაც 21-დან 26 ივლისის ჩათვლით 14-18-წლის სპორტსმენები თხუთმეტ სახეობაში გაითამაშებენ მედლების ასზე მეტ კომპლექტს.</p> <p> </p> <p>შეჯიბრებების უმეტესობა სკოპიეს არენებზე გაიმართება, რამდენიმე ასპარეზობა ქვეყნის მეორე უდიდეს ქალაქ კუმანოვოში (კალათბურთი, საგზატკეცილო და სამთო ველორბოლები), მხატვრულად ტანმოვარჯიშეები კი ხორვატიის ქალაქ ოსიეკში შეეჯიბრებიან ერთმანეთს.სკოპიე 2025-ის გახსნის საზეიმო ცერემონია იანე სანდანსკის სახელობის სპორტული ცენტრის მთავარ დარბაზში გაიმართა. 49 ქვეყნის დელეგაციას და ლტოლვილთა გუნდს ევროპის ოლიმპიური კომიტეტების პრეზიდენტი სპიროს კაპრალოსი მიესალმა, ჩრდილოეთი მაკედონიის პრეზიდენტმა გორდანა სილიანოვსკა-დავკოვამ კი შეჯიბრება ოფიციალურად გახსნა.</p> <p> </p> <p>საქართველოს გუნდი, დელეგაციის ხელმძღვანელის, ეროვნული ოლიმპიური კომიტეტის პრეზიდენტის ლერი ხაბელოვის მეთაურობით, თითქმის სრული შემადგენლობით დაესწრო გახსნის ცერემონიას. ერთა აღლუმზე ახალგაზრდა ქართველი ათლეტები გერმანელი თანატოლების შემდეგ გამოჩნდნენ.შოუს ოფიციალური სახელწოდება ასეთი იყო: ერთად ვთამაშობთ, ერთად ვანათებთ! საორგანიზაციო კომიტეტმა სტუმრებს მუსიკალური წარმოდგენა შესთავაზა, სადაც მთავარი როლები ახალგაზრდა ჩრდილომაკედონიელმა პოპვარსკვლავებმა სარა მაცემ, ლარა ივანოვამ, იანგ დედიმ და ალეკსანდარ ტარაბუნოვმა შეასრულეს, ჩრდილოეთი მაკედონიის და ევროპის ოლიმპიური კომიტეტების დროშები შესაბამისი ჰიმნების ფონზე აღიმართა.</p> <p> </p> <p>აჟღერდა ფესტივალის ჰიმნიც, რომლის ავტორი რობერტ ბილბილოვი გახლავთ. რაც შეეხება თილისმას, მზე სახელად შაინი (Shiny) მთელი სანახაობის მანძილზე ამხიარულებდა სტუმრებს.საქართველოს გუნდის მედროშეობის პატივი წილად ხვდათ ტყვიის სროლაში ქვეყნის ჩემპიონს, 16 წლის ლიზი აღნიაშვილს და ევროპის ჩემპიონ ძიუდოისტს, 17 წლის გიორგი მუმლაძეს. საინტერესოა, რომ გიორგი არასრულ ერთ თვეში მეორედ იჭიდავებს სკოპიეში. ივნისის მიწურულს მან ჩრდილოეთი მაკედონიის დედაქალაქში 18-წლამდელთა ევროჩემპიონატი მოიგო.</p> <p> </p> <p>გეტყვით იმასაც, რომ მიმდინარე სეზონში ის დაუმარცხებელია: თებერვალსა და აპრილში სამორინსა და ტეპლიცეში ევროპის თასები მოიპოვა, ასე რომ, სრულიად სამართლიანად ითვლება ფესტივალის ოქროს მედლის მთავარ პრეტენდენტად.სკოპიე 2025 საქართველოს ახალგაზრდული ოლიმპიური გუნდისთვის მეჩვიდმეტე ფესტივალია. ქართველი ჭაბუკები და გოგონები ამ შეჯიბრებას 1993 წელს, ნიდერლანდურ ვალკენსვაარდში შეუერთდნენ და მას შემდეგ უცვლელად მონაწილეობენ ყველაზე მასშტაბურ ასაკობრივ კონტინენტურ თამაშებში.საქართველოს წარგზავნილებს პირად და გუნდურ შეჯიბრებებში სადღეისოდ 104 მედალი აქვთ მოგებული: 30 ოქრო, 25 ვერცხლი და 49 ბრინჯაო. ამ შედეგით ჩვენი ქვეყანა ფესტივალის საერთო გუნდურ ჩათვლაში მე-16 ადგილზეა.</p> <p> </p> <p>სპორტული ასპარეზობები 21 ივლისის დილიდან დაიწყება. პირველ დღეს სკოპიეს არენებზე ჩვენი გუნდის შვიდ წევრს ვიხილავთ: ბადმინტონის ტურნირში დანიელ ვაგარშაკიანი და ქეთევან წამალაიძე ჩაერთვებიან; ანასტასია მიქელაშვილი და სალი შჩერბაევა 100 მეტრზე თავისუფალი სტილით საკვალიფიკაციო გაცურვაში მიიღებენ მონაწილეობას (სათანადო შედეგის შემთხვევაში ისინი საღამოს იასპარეზებენ ნახევარფინალში); სიგრძეზე მხტომელთა შესარჩევ ეტაპზე ლიზი მუღალაშვილი გამოვა, ტყვიის მსროლელთა კვალიფიკაციაში კი სანდრო ხოსიტაშვილს და ჩვენი გუნდის ერთ-ერთ მედროშეს ლიზი აღნიაშვილს ვიხილავთ.წარმატებები ჩვენს გოგონებს და ვაჟებს!</p> <p> </p> <p><strong>ლაშა გოდუაძე </strong></p> <p> </p> <p><strong>სპორტულ ჟურნალისტთა ასოციაციის აღმასკომის წევრი </strong></p> <p> </p> <p><strong>2025 წლის 20 ივლისი სკოპიე, ჩრდილოეთი მაკედონია</strong></p>
[VIDEO] უსიკმა დუბუა დაანოკაუტა და უდავო ჩემპიონის სტატუსი მესამედ მოიპოვა
"სხვა ვერცერთი ტურნირი ვერ შეედრება“ - ინფანტინო მსოფლიო საკლუბო ჩემპიონატზე
კახის თასი იწყება - ინტერვიუ სამგზის ოლიმპიურ ჩემპიონებთან
დავით ნოზაძემ და ჯაბა ბაქრაძემ ფიბა-ს FECC-ის სამწვრთნელო პროგრამის სერტიფიკატები მიიღეს
"ერთად ვთამაშობთ, ერთად ვანათებთ!" - სკოპიე 2025 დაიწყო
განშორება ახლოვდება - "გალათასარაი" ოსიმენს "ნაპოლისგან" გამოისყიდის
U20 ნაკრებმა ევროპის ჩემპიონატის B დივიზიონში ასპარეზობა მე-20 ადგილზე დაასრულა
Record: ქოჩორაშვილი ბუნებით ლიდერია და ყველა გააკვირვა
კაპელო: "კვარა" პსჟ-ში სრულიად განსხვავებული ფეხბურთელია
კირილე თვაური ერევანში ლატვიასა და ხორვატიის ფინალურ მატჩს მოემსახურება
მამარდაშვილის "ლივერპულის" მორიგი ტრანსფერი - ეკიტიკე კარიერას "ენფილდზე" განაგრძობს
"აიაქსს" ახალი ფორვარდი ეყოლება - კლუბმა გლუხთან შეთანხმებას თითქმის მიაღწია
მადრიდის "რეალს" ახალი კაპიტანი ჰყავს
სამი წამსვლელი და ყველა ისევ იტალიაში - "ნაპოლიში" წმენდა დაიწყო
ინტერესი დიდია, კონკრეტული ქმედება მხოლოდ ამ 2 გუნდს აქვს - გოგლიჩიძის კარიერის გაგრძელების ვარიანტები
შეთანხმება მიღწეულია - მარკუს რაშფორდი კარიერას "ბარსელონაში" განაგრძობს
[VIDEO] უსიკმა დუბუა დაანოკაუტა და უდავო ჩემპიონის სტატუსი მესამედ მოიპოვა
"ნაპოლიში" სწორედ ამიტომ გადმოვედი" - დე ბრუინმა ჟურნალისტებთან თავის არჩევანზე ისაუბრა
გადაიხდიან ამხელა თანხას? - მამარდაშვილის "ლივერპულს" ისაკის შესაძენად სატრანსფერო ფასი დაუსახელეს
ქოჩორაშვილი შეიძლება "სპორტინგის" ლიდერი გახდეს - იულმანს "იუვენტუსში" გადასვლა სურს
გვაქვს თუ არა რეგრესი? - "ბორჯღალოსნების" მიერ გამართული ივლისის ტესტების შეჯამება
მეცხრე ადგილი მსოფლიო ჩემპიონატზე - საქართველომ შოტლანდია დაამარცხა
[VIDEO] დაიწყო - წიტაიშვილმა "მეცში" სადებიუტო გოლი გაიტანა