"ნეტავ იცოდნენ ქართველებმა, რამდენს ნიშნავს ნაკრები შენთვის" - თორნიკე შენგელიას ცოლი

ევრობასკეტის მეოთხედფინალში საქართველოს ნაკრების გასვლას, ჩვენი გუნდის კაპიტნის, თორნიკე შენგელიას ცოლი, სალომე ჯუღელი ემოციური პოსტით გამოეხმაურა.   "მინდა ვთქვა რამდენიმე სიტყვა პროფესიონალიზმზე და სიყვარულზე — სამშობლოს , ოჯახის და კალათბურთისადმი. ის, რაც შენ ამ ერთ წელში გააკეთე, ნამდვილად გმირობის ტოლფასია.მთელი სეზონი არანორმალური რეჟიმით ჩაატარე — კვირაში სამი თამაში, მაგრამ მაინც უმაღლეს დონეზე. რა თქმა უნდა, იყო აღმართი და დაღმართი, მაგრამ ყოველთვის პროფესიონალი იყავი, ყოველთვის იქ , სადაც საჭირო იყავი. მიუხედავად ყველაფრისა, ჩვენთან სრულფასივანი დროის გატარებაც კი არასდროს დაგიკლია.   ერთი მატჩის მერე მეორე, სამი თამაში ოთხ დღეში — სამ სხვადასხვა ქვეყანაში… ეს ყველაფერი მხოლოდ და მხოლოდ იმიტომ, რომ შენ უპირობოდ და წარმოუდგენლად გიყვარს შენი სამშობლო — საქართველო და ქართველი ხალხი.ყველამ იცის, რა პერიოდი გადაიტანე — სისხლმდენი წყლულის გახეთქვა, გამოწვეული ფიზიკური სტრესით და იმ წამლებით, რასაც მხოლოდ ტკივილის გასაყუჩებლად სვამდი… და მაინც ყოველთვის იქ სადაც საჭირო იყავი, შენი ქვეყნის და ნაკრების გვერდით.ფენომენალური პლეიოფები იტალიურ ლიგაში, თუნდაც მაშინ, როცა დარტყმის შემდეგ ტვინის შერყევა დაგემართა, მაინც ითამაშე, იმიტომ რომ გუნდი შენზე იყო დამოკიდებული.   გუნდს გამარჯვება მოუტანე და მოიპოვე MVP-ის ტიტული იტალიის ჩემპიონატში.დასვენების და აღდგენის დრო საერთოდ არ გქონდა, მაგრამ მაინც მზად იყავი ნაკრებისთვის. და, რა თქმა უნდა, ისევ მთელი გულით, 100%-ით. და მაშინ მოხდა — გულის პრობლემა თამაშის დროს და გადაუდებელი ოპერაცია — კათეტერით აბლაცია.ექიმებმა მკაფიოდ თქვეს &bdquo;არა“ — მინიმუმ პირველ სამ თამაშში მონაწილეობა არ შეიძლებოდა. მაგრამ არასოდეს დამავიწყდება შენი კითხვა ოპერაციიდან ეგრევე: &bdquo;თუ ვითამაშებ რა იქნება?“ იმ წამს გული გამიჩერდა. დარწმუნებული ვიყავი რომ მანდ უკვე გადაწყვეტილი გქონდა თამაში, ვერაფერი გითხარი, იმიტომ რომ ზუსტად ვიცოდი — შენს აზრს ვერაფერი შეგაცვლევინებდა.მეფიქრებოდა: ნეტა იცოდნენ ქართველებმა, რამდენს ნიშნავს ნაკრები შენთვის, რამხელა სიყვარული გაქვს, რამდენად შეგიძლია თავდადება.   EuroBasket-ზე ითამაშე მაშინ, როცა საერთოდ არ უნდა გეთამაშა, ჯერ კიდევ ნაკლებად ფორმაში, მაგრამ სულით და გულით, ნამდვილად თავდაუზოგავად. მიუხედავად კრიტიკისა და არა კეთილი კომენტარებისა, მე ზუსტად ვიცოდი, რას გრძნობდი, როგორი თავდადება და მოტივაცია გქონდა. დიდ უსამართლობად მიმაჩნია არა კეთილი კომენტარები შენს მიმართ, ჯანსაღი კრიტიკა ყოველთვის მისაღებია, ლანძღვა ნამდვილად დაუმსახურებელია, შენს და მთელი ნაკრების მიმართ! მაგრამ დღეს შენ შეუძლებელი გააკეთე, შეუძლებელი შეძელით მთელმა გუნდმა, ჩვენმა საამაყო ნაკრებმა!!! სიტყვებიც არ მყოფნის, მხოლოდ ერთი შემიძლია ვთქვა: შენ ხარ ჩემი გმირი. შენ მხოლოდ კალათბურთელი ან MVP არ ხარ — შენ ხარ დიდი ქართველი კაცი, დიდი გულით. კაცი, რომელსაც უყვარს ღმერთი, სამშობლო, ოჯახი და კალათბურთი. კაცი, რომელმაც შექმნა ისტორია, იმით რისი კეთებაც უყვარს! შენ ხარ ჩემი სიყვარული და შენით უსაზღვროდ ვამაყობ. და ეს მხოლოდ ერთი წელია, რაც ახლა მოვყევი. თუ წარსულ წლებზეც ვიტყვი — წიგნი გამოვა! მიყვარხარ.ვამაყობ საქართველოს საკალათბურთო ნაკრებით!!!".   შეგახსენებთ, საქართველოს ნაკრები ევრობასკეტის მეოთხედფინალში ფინეთს დაუპირისპირდება, მატჩი 10 სექტემბერს, თბილისის დროით 18:00 საათზე დაიწყება.

!!!

ყოჩაღ ქართველი სპორტსმენების ქართველო ცოლებო!კვარაცხელიას ცოლმაც რამდენ ბულინგის გაუძლო!
საბა-ს

ამერიკული ტიპაჟია,ამერიკელებს ბაძავს,მაგიტო ევასება შავკანიანი ქალები!
mamuka09ze

ძნელია ემოციის გარეშე შეაფასო საქართველოს ნაკრების გამოსვლა. ერთ ტურნირში ესპანეთის და საფრანგეთის დამარცხება ნებისმიერი გინდისთვის უდიდესი წარმატებაა, მითუმეტეს ჩვენნაირი მცირერიცხოვანი ერისთვის. მე ისიც ვიცი, ეს ბოლო არაა და ერთ სენსაციას კიდევ გამოაცხობენ ბიჭები. ჩვენ ბრძოლაში ვართ ბედნიერები. წინ, საქართველო!!!
alexandre

აი, დავაკოპირებ სალომეს სიტყვებს! ყოველ სიტყვაზე ხელს მოვაწერ, დასამატებელიც არაფერია! "შენ ხარ ჩვენი გმირი. შენ მხოლოდ კალათბურთელი ან MVP არ ხარ — შენ ხარ დიდი ქართველი კაცი, დიდი გულით. კაცი, რომელსაც უყვარს ღმერთი, სამშობლო, ოჯახი და კალათბურთი. კაცი, რომელმაც შექმნა ისტორია, იმით რისი კეთებაც უყვარს! შენ ხარ ჩვენი სიყვარული და შენით უსაზღვროდ ვამაყობთ. ვამაყობთ საქართველოს საკალათბურთო ნაკრებით!!!". გაიხარე, თოკო. სულ წარმატებებს გისურვებ კარიერაში, პირად ცხოვრებაში. და კიდევ ერთს დავამატებ. შენ ხარ სამაგალითო ქართველი! დიდება უფალს ასეთები რომ არიან ქვეყანაშ! აი ვისგან უნდა აიღოთ მაგალითი თქვენ, ახალგაზრდებო, ჩვენო შვილებო! მთავარია გიყვარდეს შენი ქვეყანა და არაფერს არ იშურებდე მისთვის. დიდი მადლობა თოკო, დიდი მადლობა ბიჭებო! გაიხარეთ და გაახარეთ ჩვენი სამშობლო.
მამუკა

ერთი ის გამაგებია ვინაა დისლაიქებს რომ უწერს ყველას და ...
საბა

მამუკელაშვილი რატო არასდროს მღერის საქართველოს ჰიმნს??არ იცის თუ უტყდება?
მერსიკო

ერის მშვენება და სიამაყე ხართ ❤️❤️❤️ იხარეთ მრავალჟამიერ 🙏🙏🙏
საქართველო -ს

არ უნდათ და ნუ უნდათ,ამით ქართველ ქალებს არაფერი დააკლდებათ,თვითონ კი ბევრი დააკლდებათ!!
ნინო

სალომე,საოცარი გოგო ხარ❤️
ქალთმოძულეებ-ს

აჰა,გამოგორებულან კომენტარებში ქალთმოძულეები
ზაკო

ნამდვილი ქართველები, ნაღდი ქართული ოჯახი!!!, ისე ახლა რამდენია აქ თოკოს რომ ცსკ-ში გადასვლას ლანძღვით უპასუხეს,ხოლო თოკომ პირველი რაც მოითხოვა კონტრაქტში ნაკრებში უსიტყვოდ ჩამოსვლა იოყ, აქ სანაიები და მისნაირე ლანძღავდნენ და დღეს კაცმა ნაკრების გულისთვის და სამშობლოს გულისთვის ჯანმრთელობა შეირყია და თავი გადადო. ქ-ნი სალომე კი ალბათ ცალკე დიდებაა როგორც ოჯახის ისე ქვეყნის
ჯუმბერაა-ს

ვაი შენს პატრონს,მართლა ჯუმბერააა
ვახო

გამრავლდით და გაიხარეთ თქვენს ლამაზ,ქართულ ოჯახთან ერთად!!
ნიკა

მიბაძეთ თორნიკეს სხვა სპორტსმენებმაც და ასეთი ქართველი,ცოლები მოიყვანეთ!
ჯუმბერა

ცოლი კუხნაში!!!
დაიწვა ჯიგარი

ეგ ცალკე უნდა უთხრას ცოლმა ქმარს და არა საქვეყნოდ! ხალხი ისედაც კარგად ხვდება და არჩევს როგორც ცუდს, ისე კარგს. არ იყო საჭირო ასეთი მნიშვნელოვანი თამაშის წინ თოკოს განხილვა. ვუსურვებ გამარჯვებას ჩვენს ნაკრებს ფინელებთან თოკოს წინამძღოლობით და იმედია ნახევარფინალსაც დავძლევთ!!!
გაგა

თქვენი დამსახურებაცაა ქალბატონო,თორნიკეს ასეთი წარმატებები.
ნიკა

ყოჩაღ კაპიტანო!!საოცარი მეუღლე გყოლია!
ნიკა

ნამდვილად!!
timo

ქალბატონო სალომე თქვენ შემოგევლეთ,თქვენს ოჯახს შემოვევლეთ. ვიცით და რაც მთავარია ვგრძნობთ თოკოს სიყვარულს და ვინც ვერ გრძნობს ეს უკვე სხვა პრობლემის ნაწილია! არც ჩვენს ქვეყანაში და არც არსად არ გამოილევა მავნებელი და შურიანი და დაუნახავი ადამიანები< ასე რომ საქართველოსაც ძალიან უყვარს თოკო... ნეტა იცოდეს თორნიკემ მე როგორ მიყვარს თოკო შენგელია!!!!!!
გიორგი

"შენ ხარ ჩემი გმირი.ვამაყობ შენით".ეს არის ის სიტყვები,რომელიც ყველა კაცს მთებს გადაადგმევინებს.ულევი ბედნიერება თქვენს ოჯახს!!!
ყოჩაღ

პირველი პოსტია რომლის კომენტარებსაც არცერთი დისლაიქი არა აქვს.
სოსო-ს

ზუსტად,შვილებს ქართველებად გაზრდის და არა ისე,აღარ ჩამოვთვლი სპორტსმენებს,რომლებსაც უცხოელმა ცოლებმა სისხლი გამოუცვალეს და საერთოდ დაავიწყეს საქართველო და ქართველობა!💔
გოᲩა

აფერუმ,ქალბატონო,არ ინერვიულოთ ვინ რას დაწერს,თორნიკეს დიდი მადლობა,მთელ ნაკრებს დიდი მადლობა,ისე ვისაც ყველაზე მეტად აკრიტიკებდნენ იმათმა დაგლიჯეს,თორნიკესთან ერთად კამარ ბოლდუინს ვგულისხმობ,ფინეთსაც მოვუგებთ,წარმატებები ჩვენს ნაკრებს და პირადად თორნიკეს.
მერაბი ჩხოროწყუ

წავიკითხე და ცოტა ცრემლები წამომივიდა, მადლობა თქვენ ბიჭებო, მადლობა თქვენს ოჯახებს, თქვენ ხართ საქართველო, თქვენ ხართ საქართველოს საამაყო შვილები, გისურვებთ ჯანმრთელობას და წარმატებებს თქვენს ოჯახებს, თქვენ გენაცვალეთ,
ქუთაისი

თოკო შენგელია - ნამდვილი პატრიოტი...ვინც არ იცით,თუ რა არის კათეტერით აბლაცია...ეს არის ოპერაცია გულზე,რომელიც ტარდება გარკვეულ შემთხვევებში არითმიისგან განსაკურნებლად...მთავარ არტერიაში შეჰყავთ კათეტერი,რომელიც აღწევს გულამდე და მოწვავს ან მოყინავს იმ ადგილს,საიდანაც განვითარდა არითმია...ოპერაცია დაახლოებით გრძელდება ერთიდან ორ საათამდე...არითმიის რეციდივის,ანუ განმეორების შესაძლებლობა არის ძალიან მცირე...ოპერაციიდან ფაახლოებით ხუთ დღის განმავლობაში არ არის რეკომენდირებული საშუალო და მაღალი ხარისხის ფიზიკური დატვირთვა...შენგელიას არითმია დაემართა ევროპის ჩემპიონატის წინა მოსამზადებელ პერიოდში...დატოვა შეკრება და გაემგზავრა ესპანეთში...დაახლოებით ერთი კვირის შემდეგ დაბრუნდა,შეუერთდა გუნდს და შემდეგ მალევე ითამაშა ევროპის ჩემპიონატის თამაშები...ხვალ ითამაშებს მეოთხედფინალს...დარწმუნებული ვარ,რომ ათიდან ათივე ჩვენთაგანი,გულზე მსგავსი ოპერაციული ჩარევის შემდეგ ორი კვირის განმავლობაში სახლიდან ცხვირს არ გამოყოფდა...შენგელია არის ნამდვილი გმირი...იხაროს შენმა ოჯახმა,დიდო ქართველო!
საქართველო

როგორ მწყდება გული მამუკელაშვილზე და ქოჩორაშვილზე,აი ასეთ ქართველ ცოლებს იმსახურებენ!!
ჯუღელი

ჯუღელების ჯიშის ალალი სიტყვა...
გიგი

მაგალითი ყველა ქართველი სპორტსმენისთვის,თუ როგორი მეუღლეები უნდა მოიყვანოთ ცოლად,სამ ვაჟკაცს უზრდის ეს ოჯახი საქართველოს!!
SOS

თქვენნაირი მეუღლე,რომ არ უმაგრებდეს გვერდს,ეს ყველაფერი შეუძლბელი იქნებოდა!🙌❤️
გიგა

გენაცვალეთ!!! თოკო მარტო თქვენი კი არა ჩვენი გმირია და გვიყვარს იმ კაცობისთვის იმ გულისთვის და იმ თავგანწირვისთვის რასაც აკეთებს ქვეყნისთვის, ნაკრებისთვის და ყველა ჩვენგანისთვის. ასეთი პროფესიონალები და პატრიოტები მოგვცა ყველა საქმეში და არა მარტო სპორტში
ლადო

რა კარგი ქართული ოჯახი გყოლია თორნიკე!👏ყოჩაღ!
სოსო

აი რას ნიშნავს ქართველი ქალი და ქართველი ცოლი,კლდესავით იდგება შენს გვერდით,ამიტომ მინდა,რომ ქართველმა სპორტსმენებმა შექმნან ქართული ოჯახები!!
!

რა კარგი ცოლი ყოლია თორნიკეს,როგორ ემოციურად გულშემატკივრობს ხოლმე,ხშირად იღებენ ტრანსლაციის დროს ოპერატორები,ძალიან ლამაზი და კარგი გოგო ყოფილა!!
Lasha

ჯანმრთელობა, მშვიდობა და წარმატება თქვენ ოჯახს!
არჩი

გენაცვალე თოკო, ჯიგარი ხარ!!! წარმატებები ჩვენს კალათბურთელებს, ყველა სპორცმენს, ჩვენს საყვარელ საქართველოს!!!
rigiti

აბსოლუტურად გეთანხმებით ქალბატონო სალომე, არც ერთი გადაჭარბებული სიტყვა არ გითქვამთ!!!! დარწმუნებული ვარ მთელი ქართველი ერის სათქმელს ამბობთ! "ვინ შეამკოს ღირსეულად ..."
ქუთაისი

იხაროს თქვენმა ოჯახმა.
ცოტნე

რა ბედნიერი კაცი ხარ თოკო.. ესეთი ცოლი რომ გყავს გვერდში.. როგორ გაფასებს და უყვარხარ გვერდში გიდგას.
llcl

გაუმართლა ჩვენს საამაყო კაპიტანს, ულამაზესი სულის და ვიზუალის მეუღლე შეხვდა! უფლის წყალობა არ მოკლებოდეს თქვენს ოჯახს!
Irakli Apkhaidze

სათაური რომ წავიკითხე, ცოტა მეწყინა, რას ჰქვია არ ვიცითთქო, მაგრამ კი ბატონო, აბსოლუტურად სწორად და ადეკვატურად აფასებს ყველაფერს და იმ დაუმსახურებელ კრიტიკასაც. ასე, რომ მხოლოდ სათაურზე ნუ დააკომენტარებთ, ჯერ წაიკითხეთ. თორნიკე არის თანამედროვე გმირთაგანი! - სამაგალითო სპორტსმენი, პატრიოტი, პროფესიონალი, დიდი ქართველი (პირდაპირი და გადატანითი მნიშვლელობთ)! წარმატებები!!!!!

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

ევრობასკეტის პირველი მეოთხედფინალისტი გაირკვა - თურქეთის ნაკრებმა შვედეთი დაძაბულ ბრძოლაში დაამარცხა

"ფენერბაჰჩეს" დომენიკო ტედესკო ჩაიბარებს

ნიკოლოზ ბასილაშვილი ჩინური ტურნირის პირველივე წრეში დამარცხდა

"ნოტინგემმა" ეშპირიტუ სანტუ გაათავისუფლა - მოურინიო მისი შეცვლის ერთ-ერთი მთავარი კანდიდატია

"მარტო უნდა დავტოვოთ" - სკალონის ჰკითხეს, ითამაშებს თუ არა მესი 2026 წლის მსოფლიო ჩემპიონატზე

"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია

„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე

პსჟ ბარკოლასთან კონტრაქტის გაგრძელებაზე მოლაპარაკებას აწარმოებს

რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..

საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს

"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა

"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს

"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი

მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია

[PHOTO] არდა გიულერის ემოციები ესპანეთთან განადგურების შემდეგ

[VIDEO] შერჩათ თურქებს იამალი? - ესპანელი კურიოზულ სიტუაციაში აღმოჩნდა

"წავაგეთ ნაკრებთან, რომელმაც კალათბურთის თამაში 12 თვის წინ დაიწყო" - რას წერენ ფრანგი გულშემატკივრები საქართველოსთან მარცხის შემდეგ?

შენგელია: გასაკვირია ჯიკიჩი ევროლიგის გუნდს რომ არ წვრთნის

[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა

მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით

"კიდევ ერთხელ დავამტკიცეთ რომ ყველასთან შეგვიძლია თამაში. მადლობა გულშემატკივარს" - თორნიკე შენგელია

ევრობასკეტზე ჩასულ საქართველოს ნაკრებს კაპიტანი თორნიკე შენგელია ლიმასოლში დახვდა

[VIDEO] კატასტროფული მეოთხე მეოთხედი - საქართველოს ნაკრები იტალიასთან დამარცხდა

შენგელია: გასაკვირია ჯიკიჩი ევროლიგის გუნდს რომ არ წვრთნის

Marca: საქართველოს ნაკრების სერიოზული პრობლემა - შენგელიას ექიმების რჩევის მიუხედავად ნებისმიერ ფასად თამაში სურს

კარგი ამბავი - FIBA-მ შენგელიას მსაჯების შეურაცხყოფისთვის დისკვალიფიკაცია არ მისცა