[VIDEO] გოგლიჩიძის უიღბლო 90 წუთი - "იუვენტუსმა" 8-მატჩიანი მოუგებელი სერია "უდინეზესთან" დაასრულა

სერია A-ს მე-9 ტურში "იუვენტუსმა" "უდინეზეს" უმასპინძლა და 3:1 დაამარცხა. აღნიშნულ მატჩში საბა გოგლიჩიძე სტუმართა ძირითად შემადგენლობაში იყო და შეხვედრა შეუცვლელად ჩაატარა. სამწუხაროდ, საბას მოქმედებებს "უდინეზეს" კარში 2 პენალტი მოჰყვა.   ქართველმა ცენტრალურმა მცველმა დებიუტში ვლაჰოვიჩი წააქცია და პენალტი თავად დაზარალებულმა ზუსტად შეასრულა. მატჩი ორმხრივი შეტევების ფონზე მიმდინარეობდა, პირველი ტაიმის მიწურულს კი ნიკოლო ძანიოლომ სხვაობა აღადგინა.   მეორე ტაიმში "ბებერი ქალბატონი" გააქტიურდა, თუმცა მომენტების გარეშე არც სტუმრები დარჩნენ. 49-ე წუთზე "ბიანკონერის" საჯარიმოში გოგლიჩიძემ კალულუს საჰაერო ორთაბრძოლაში აჯობა და ბურთი თავით კარისკენ გადაგზავნა, თუმცა დი გრეგორიომ ურთულესი ბურთი მოიგერია. მოწოდების სიმაღლეზე იყო "უდინეზეს" მეკარეც, მადუკა ოკოიემ საკუთარი გუნდი გაშვებული გოლისგან არაერთხელ იხსნა, მაგრამ 67-ე წუთზე ფედერიკო გატის დარტყმულ ბურთს ვერაფერი მოუხერხა და "იუვე" წინ გავიდა. შეხვედრის ბოლოს საბამ საჯარიმოში ქენან ილდიზის წინააღმდეგ იუხეშა, ეპიზოდის VAR-ზე გადამოწმების შემდეგ კი შეხვედრაში მეორე თერთმეტმეტრიანი დაინიშნა, რომელიც გოლად თავად თურქმა ფეხბურთელმა აქცია და შეხვედრის საბოლოო ანგარიშიც დააფიქსირა.   აღსანიშნავია, რომ "ბიანკონერიმ" ყველა ტურნირზე 8-მატჩიანი მოუგებელი სერია დაასრულა.   "უდინეზე" 12 ქულით მე-9 ადგილზეა და 1-ელ ნოემბერს "ატალანტას" უმასპინძლებს. "იუვენტუსი" 15 ქულით ჯერჯერობით მე-6 პოზიციაზე იმყოფება და იმავე დღეს სტუმრად "კრემონეზეს" შეხვდება, სადაც დიდი ალბათობით ტურინულ გუნდს ლუჩანო სპალეტი უხელმძღვანელებს.   ტურინი. &bdquo;ალიანც სტადიუმი“ იუვენტუსი - უდინეზე 3:1 გოლები: 1:0 ვლაჰოვიჩი (5, პენ), 1:1 ძანიოლო (45+1), 2:1 გატი (67), 3:1 ილდიზი (90+6, პენ)

ამატაკი

გული არ გაიტეხო, ჩვენო ახალგაზრდა მეგობარო, თავი ასწიე!მნიშვნელოვანია მხოლოდ ის, თუ რამდენი ადგილი აქვს შენ გულში ფეხბურთს. თორემ ყველაზე მძიმე მარცხიც კი, მომავალი დიდი გამარჯვებების მყარი ფუნდამენტისთვის აუცილებელი კომპონენტია . მთავარია არ დაიზარო და გულმოდგინე შრომა ჯიუტად განაგრძო! დიდებისკენ მიმავალი გზა უსწორმასწოროა გულადო ბიჭო! გფარავდეს უფალი!
aburjga

ერთი გამაგებინე შენ დავით 67 ხარ თუ მიკოლა 19 -იანი?! რატომ დაივალე ზაბარნის გულშემატკივრობა, შენი ვინ არის?!
რაგბის ფანი

პენალტს არ იკიდებს, ვინც არ იბრძვის. გოგლიჩიძე არის ძალიან მაგარი მებრძოლი ბიჭი! ვისაც არ მოგწონთ, თქვენს სავარძლებზე თბილად დასხედით. კლავიატურის ლომების გასაკრიტიკებელი არაფერი ჭირს მას. სადაც არის, თავისი შრომით მიაღწია! თქვენ რომ გკითხოთ, არ ათამაშებდით _ ქართველი მოღალატეები აღა-მაჰმად-ხანთანსაკუთარმეფეს აბეზღებდნენ, სხვას კი არაფერს აკეთებდნენ! რომელი ქართველიც უცხოეთში წარმატებული ქართველის სკამზე გადასმას მოითხოვს, მასეთების გასამართლების დროც მოვა მალე.
დავით 67-ს

ზაბარნისგან განსხვავებით საბა არც ლიგის მომგებ პსჟ-ს უყიდია და არც 60 მილიონი გადაუხდით. შესაბამისად მათი შედარება არალევანტურია. ის რომ უკრაინელ ფეხბურთელებში ომის დაწყების შემდეგ არარეალურ ფასებს იხდიან და ვერცერთი ვერ ამართლებს ჯიუტი ფაქტია.
ჯონი კანკავა

შარშანაც იუვენტუსთან,იმავე ილდიზთან ძალიან გაუჭირდა პაექრობა,ამ ბიჭს მწვრთნელი სჭირდება სხვა რელსებზე რომ დააყენებს.აშკარაა ძალა,მოტივაცია,მონდომება არ აკლია.მაგრამ ინტელექტი,საკმარისი სისხარტე არ ყოფნის რომ საიმედო იყოს მოედანზე,წარმატებები!
დავით 67

დღეს ძალიან ცუდი მატჩი ჰქონდა. ზოგიერთი " პროფესორის " გასაგონად, თურმე ორი პენალტის აკიდება მარტო ზაბარნის არ შესძლებია, თუმცა ჩვენიანი არ გაუძევებიათ, რაც შეეხება გამოცდილებას ბ- ნო სოსო, ეგ დროს მოაქვს, ჯერ ახალგაზრდები არიან. ამიტომ დიდ ტრაგედიას ამაში ვერ ვხედავ
გელა

კიდე ვიღაცას უკვირს ტოპ კლუბებმა რატომ არ იყიდესო.
გუსანი

გამიკვირდება თუ საბა ძირითადში კიდევ გამოჩნდება, ამ ბიჭს სამწუხაროდ ვერაფერს ვატყობ დონეზე თამაშის რესურსი ქონდეს...
.

ეეჰ,მხოლოდ პენალტები კი არა,გატის გოლიც,მისი ზონიდან გავიდა.გამოცდილებაზე რომ ვწერ,აქ ზოგიერთს ელეთ-მელეთი ემართება ხოლმე,მაგრამ მეორე პენალტი,სწორედ გამოუცდელობის შედეგი იყო.ილდიზი,საჯარიმოდან გადიოდა,დარწმუნებული არა ხარ რომ ბურთზე მიასწრებ და ისე რადიკალურად ითამაშა,თითქოს გარდაუვალი გოლი მოჰყვებოდა ეპიზოდს,თან ყვითელი ბარათიც უკვე ჰქონდა და ამის გამოც,უფრო ფრთხილად უნდა ეთამაშა.არადა გავიდეს,რას ეჭიდავები?არც ერთი გამოცდილი ფეხბურთელი ასე არ იქცევა.ილდიზი კი ბრავო!მაგრად ითამაშა და 20 წლის ბიჭს,უკვე იუვენტუსის კაპიტნის სამკლაურიც გაუკეთეს.საბას ერთადერთი დადებითი,ამ თამაშიდან ის აქვს,რომ თავის ცხოვრებაში ყველაზე წარუმატებელი დღე,უკან მოიტოვა და ამის შემდეგ,მსგავსი უიღბლობა,აღარასოდეს გაუმეორდება.

32 მილიონად ნაყიდს 80 მილიონად გაყიდის - დე ლაურენტისმა შეიძლება მაკტომინეის ტრანსფერით გვარიანად იხეიროს

"ნაპოლი" "მანჩესტერ იუნაიტედის" კიდევ ერთ ფეხბურთელის დამატებას ცდილობს

"ერთ-ერთი ვარჯიშის შემდეგ გონება დავკარგე" - ფაბრეგასმა კონტესთან მუშაობა გაიხსენა

ევროპის საკლუბო ჩემპიონატზე "გოლდენ გორის" შემადგენლობა ცნობილია

ბერნარდო სილვამ შესაძლოა, "მანჩესტერ სიტი" დატოვოს

[VIDEO] აგვისტოს შემდეგ პირველად - ნეიმარმა ბრაზილიის ჩემპიონატში გაიტანა

[VIDEO] "ტორონტოს" ზედიზედ მეხუთე მოგება - მამუკელაშვილმა "ფილადელფიასთან" 15 წუთი ითამაშა

ჰაკიმი აფრიკის საუკეთესო ფეხბურთელად დაასახელეს

საქართველოს ნაკრებმა ფიფას რეიტინგში რეგრესი განიცადა

რუსი მეკარე ნორვეგიის ნაკრებში თამაშს აპირებს

გოგლიჩიძე "ბოლონიასთან", ალბათ, ვერ ითამაშებს

"კოშმარი საქართველოსთან დასრულდა - ეს ტრიუმფია" - ბულგარული მედია

As: საზონოვის იანვარში დამატება მადრიდული გუნდისთვის აუცილებელია

"დომინოს ეფექტი" სანიოლისთვის - სად გაქრა გამარჯვებულის მენტალიტეტი?!

"საქართველოს არ ჰყავს ფეხბურთელი, რომელიც კვარაცხელიას დონეს მიუახლოვდება" - Goal ხვიჩასა და სხვა ვარსკვლავებზე, რომლებიც მუნდიალზე ვერ ითამაშებენ

რონალდო "თეთრ სახლში" დონალდ ტრამპს შეხვდა და ილონ მასკთან სელფი გადაიღო

კვარაცხელია ძალიან პრესტიჟული Globe Soccer Awards-ის საუკეთესოთა სიაშია - როგორ მივცეთ ხმა ქართველ ფეხბურთელს

"60 ფეხბურთელს პირადად დავურეკე და ეს ავუხსენი" - ტუხელი ინგლისის ნაკრების მსოფლიო ჩემპიონატის შემადგენლობაზე

"საქართველოსთან შევხედრაში ჩვენი ამოცანა სწორედ ეს იყო" - ბულგარელთა მწვრთნელი მატჩის შემდეგ

"მინიმუმ იმ წარმატებით დავბრუნდებით, რაც საქართველოს აქამდე მოვუტანეთ" - დავითაშვილი ბულგარეთთან მარცხის შემდეგ

"ამ თამაშების შემდეგ ეს ყველაზე კარგად იგრძნობა" - მამარდაშვილი ბულგარეთთან მარცხის შემდეგ

"საკადრო შიმშილი გვაქვს, რასაც მენტალური პრობლემები ემატება" - რა თქვა სანიოლმა ბულგარეთთან მატჩის შემდეგ?

"იუვენტუსი" "სპორტინგის" კაპიტანის დამატებას კვლავ გეგმავს

"იუვენტუსში" მყავს ფეხბურთელი, რომელიც ხვიჩა კვარაცხელიას მახსენებს" - ლუჩანო სპალეტი

გოგლიჩიძე ისევ არ ათამაშეს - "უდინეზე" დამარცხდა

"უდინეზეს" მწვრთნელი: გოგლიჩიძე შანსის გამოსაყენებლად მზად უნდა იყოს

გოგლიჩიძემ ისევ შეუცვლელად ითამაშა - "უდინეზემ" გაიმარჯვა და მერვე ადგილზე გადავიდა

მენიო შესაძლოა, იტალიაში დარჩეს, მაგრამ სხვა გუნდში აღმოჩნდეს

გოგლიჩიძე "ბოლონიასთან", ალბათ, ვერ ითამაშებს

დერბი ვერ მოიგო, თუმცა 1000-იანთა კლუბში შევიდა - სპალეტის მორიგი მიღწევა სამწვრთნელო კარიერაში

20 წლის ქართველის დებიუტი სერია A-ში და შეუცვლელი გოგლიჩიძე

მარსელო ბროზოვიჩი შესაძლოა, სერია A-ში დაბრუნდეს

გოგლიჩიძემ შეუცვლელად ითამაშა - "უდინეზე" "კალიარის" დაუზავდა

ქოჩორაშვილის გარეშე - "სპორტინგი" სტუმრად "იუვენტუსს" ფრედ ეთამაშა