სამხრეთაფრიკული "კუდუ" - სამი გუნდით საქართველოში

სამხრეთაფრიკული ‘კუდუს’ წვეულთა სამი ასაკობრივი გუნდი, დეკემბრის დასაწყისში საქართველოს ეწვევა და როგორც ქართულ კლუბებთან, ასევე 20-წლამდელთა სელექციასთან ამხანაგურ თამაშებს გამართავს.   ‘კუდუ’ პრეტორიის რეგიონს მოიცავს. 16 და 18-წლამდელთა გუნდები ამ რეგიონის სასკოლო ლიგის კლუბების მოთამაშეებით დაკომპლექტდა, ხოლო 20-წლამდელთა გუნდში, ადგილობრივი კლუბებისა და ‘ბლუ ბულსის’ აკადემიის მორაგბეებიც მოხვდნენ.   ქართული ტურნესთვის სამხრეთაფრიკელები სერიოზულად ემზადებიან და ვარჯიშებს ოქტომბრის შუა რიცხვებიდან მართავენ. ისინი თბილისში ორ ეტაპად, შაბათ-კვირას ჩამოვლენ და ჩვენს ქვეყანაში 8 დღეს გაატარებენ.   ეს არის შესანიშნავი შესაძლებლობა ქართველი ახალგაზრდებისთვის, ადრეულ ასაკში შეიძინონ საერთაშორისო თამაშების გამოცდილება. ერთი კვირის განმავლობაში სამხრეთ აფრიკელებს 6 ქართული კლუბი ეთამაშება, ხოლო 20-წლამდელთა სელექცია სტუმრებს 3-ჯერ შეხვდება, რაც მწვრთნელებს მსოფლიო რაგბის 20-წლამდელთა ჩემპიონატისთვის კანდიდატების შერჩევაში დაეხმარება.   პირველი სათამაშო დღე 2 დეკემბერია და სამი შეხვედრა &bdquo;რაგბი პლატოზე“ გაიმართება: 14 საათზე ‘კუდუს’ 16-წლამდელთა გუნდი, თბილისის ‘აკადემიას’ 16-წლამდელებს ეთამაშება; 15:15 საათზე სამხრეთაფრიკელთა 18-წლამდელები თბილისის ‘რაშების’ თანატოლებს შეერკინებიან; 20-წლამდელები 16:45 საათზე საქართველოს 20-წლამდელთა სელექციას დაუპირისპირდებიან, რომელიც ქართულ კლუბებში მოთამაშე 20-წლამდელთა ნაკრების კანდიდატებით იქნება დაკომპლექტებული.   4 დეკემბერს ‘კუდუ’ თელავს ეწვევა და &bdquo;კავკასიონი არენაზე“ სამ თამაშს გამართავს: 13 საათზე ‘კუდუს’ 16-წლამდელებს ‘ჭადარის’ თანატოლები დაუხვდებიან; 14:15 საათზე სტუმართა 18-წლამდელების წინაშე ‘ყოჩების’ ა ლიგის გუნდი წარსდგება; სათამაშო დღე 20-წლამდელების დაპირისპირებით დასრულდება, რომელიც 15:45 საათზე დაიწყება.   6 დეკემბერს სტუმრებს განსხვავებული აქტივობა აქვთ. ისინი &bdquo;ავჭალის“ რაგბის სტადიონს ეწვევიან და სამხრეთაფრიკელი მწვრთნელები 10 და 14-წლამდე მორაგბეებს (თითო ასაკში 50 მოთამაშე) ვარჯიშებს ჩაუტარებენ.   ‘კუდუ’ 7 დეკემბერს კიდევ სამ თამაშს გამართავს. &bdquo;რაგბი პლატოზე“ 16-წლამდელები ‘არმაზის’ თანატოლებს 11 საათზე დაუპირისპირდებიან; 12:15 საათზე სტუმართა 18-წლამდელთა გუნდი ‘ლოკომოტივს’ შეერკინება; 14 საათზე ‘კუდუს’ 20-წლამდელები მესამედ შეხვდებიან საქართველოს 20-წლამდელთა სელექციას.   Rugby.ge

7-კაცა | რულოფ კოცე - Sharks Academy-ს დამაარსებელი ქართული 7-კაცას განვითარებისთვის

5-ქალა | დიდი უპირატესობით რუმინეთთან

5-ქალას ისტორია რუმინეთიდან იწყება

სამხრეთაფრიკული "კუდუ" - სამი გუნდით საქართველოში

ჩაბი ალონსო: მე და ვინისიუსს ძალიან კარგი ურთიერთობა გვაქვს

ქართველ მოქანდაკეს გიორგი შხვაცაბაიას ანტიკური ოლიმპიის საპატიო მოქალაქის სიგელი გადაეცა

უკრაინასთან მატჩისთვის 12 მოთამაშის ვინაობა ცნობილია

[VIDEO] ეს უკვე საგანგაშოა - "ლივერპული" შინ პსვ-სთან 1:4 განადგურდა

[VIDEO] "კვარას" საგოლე პასი, ვიტინიას ჰეთ-თრიკი - პსჟ-მ "ტოტენჰემს" თამაში შემოუტრიალა

ჩინებული ამბავი - მამარდაშვილი პსვ-სთან მატჩის სასტარტოშია

ლუის ენრიკემ "ტოტენჰემთან" მატჩში პსჟ-ს შემადგენლობა დაასახელა

[VIDEO. ეროვნული ლიგა. XXXIV ტური] "ტორპედო" სამეულში გამაგრდა, "კოლხეთი" გავარდა!

[VIDEO. ეროვნული ლიგა. XXXIV ტური] ისევ ძაგანია, ისევ "დინამოსთან"... "იბერია" პირველ ადგილს ინარჩუნებს!

რონალდომ თანანაკრებელებს ძვირფასი საჩუქრები გაუკეთა

"ჩელსის" მეკარე: კუკურელიამ იამალი ჯიბეში ჩაისვა

7-კაცა | რულოფ კოცე - Sharks Academy-ს დამაარსებელი ქართული 7-კაცას განვითარებისთვის

ხაბო ალონსომ "რეალიდან" შესაძლო გათავისუფლებაზე ისაუბრა

უარი თურქებს - ლევანდოვსკი მინიმუმ სეზონის ბოლომდე "ბარსელონაში" რჩება

სიმეონემ დაასახელა კლუბი, რომლის გაწვრთნაც "ატლეტიკოდან" წასვლის შემდეგ სურს

"რომას" დიბალა უბრუნდება - როდის შეძლებს არგენტინელი "ჯალოროსის" დახმარებას

ეს რონალდოსთვის განსაკუთრებული ადგილია - დეტალები... როდის და სად გაიმართება კრიშტიანოსა და ჯორჯიანას ქორწილი

53-მატჩიანი სერია შეწყდა - "ბარსელონას" შესანიშნავი სვლა "ჩელსისთან" შეჩერდა

კვარაცხელია პრესკონფერენციაზე და ევროპის სუპერთასი ამჯერად პარიზში