<p>რა შეიძლება გახდეს ლონდონის "არსენალის" წარმატების საფუძველი <br> გთავაზობთ ბრიტანული "ტოქსპორტის" მასალას ლონდონის "არსენალზე". ავტორი მსჯელობს იმაზე, თუ რა შეიძლება გახდეს ჩრდილოლონდონური გუნდის წარმატების საფუძველი.</p><p><strong>მოგება ნიუკასლთან</p><p></strong>"მეთოფეებმა" იოლად დაძლიეს საშინელი ჩავარდნა და ზედიზედ მოიგეს შეხვედრები "ტოტენჰემთან", "ლივერპულთან" და "მილანთან". მათთვის ახლა მნიშვნელოვანია ტემპის შენარჩუნება. თუკი ორშაბათს "ნიუკასლთანაც" გაიმარჯვებენ, ოთხეულში ფეხს მყარად მოიკიდებენ და ჩემპიონთა ლიგაში პირდაპირ მოსახვედრად "ტოტენჰემზე" ზეწოლას გააძლიერებენ. "მეთოფეებმა" ყურადღება არ უნდა მიაქციონ იმედგაცრუებას, რაც ჩემპიონთა ლიგიდან გამოვარდნით არის გამოწვეული.</p><p><strong>დეზების დაწევა</p><p></strong>შეიძლება არსენ ვენგერის მთავარი მიზანი ზედა ოთხეულში თავის დამკვიდრება იყოს, მაგრამ "არსენალის" მომავალი უფრო მარტივი იქნება, თუკი პირდაპირ ჯგუფურ ეტაპზე მოახერხებს კვალიფიკაციას. თუ ეს მოხერხდა, მწვრთნელს მთელი ზაფხული მხოლოდ ტრანსფერები ექნება საფიქრალი. წარმოიდგინეთ, რამდენ ადამიანს გაუხარდება, თუკი ისინი მაინც მოახერხებენ ჩრდილოეთ ლონდონის მეფობას.</p><p><strong>ახალი კონტრაქტი ვან პერსის</p><p></strong>ჩამონათვალში ეს ყველაზე მნიშვნელოვანი პუნქტია. როგორც ვიცით, რობინ ვან პერსის გარეშე "არსენალს" საუკეთესო შემთხვევაში ცხრილის შუაში მოუწევს ყურყუტი. მიმდინარე სეზონში ჰოლანდიელის მზადყოფნა ყოველი მატჩში გადამწყვეტ როლს თამაშობს. მის კონტრაქტს ვადა მალე გასდის და გუნდმა ფეხბურთელი უნდა დაარწმუნოს, რომ "ემირიტსზე" დარჩეს. ამისთვის საჭირო იქნება ლიგის საგზური, ხელფასის მომატება და რამდენიმე წარმატებული ფეხბურთელის ტრანსფერი.</p><p><strong>ჯეკის დაბრუნება</p><p></strong>ნასრისა და ფაბრეგასის წასვლის შემდეგ ყველა წინასწარმეტყველებდა, რომ გუნდის ნახევარდაცვის მთავარი ფიგურა ჯეკ უილშირი გახდებოდა. სამწუხაროდ, ტრავმების გამო მას ჯერ ერთი წუთითაც არ უთამაშია. თუკი უილშირი სეზონის დასრულებამდე დაბრუნებას მოახერხებს, ინგლისის ნაკრებს ევროპის ჩემპიონატზეც გაჰყვება. ვენგერს კი იმედი ექნება, რომ ის მორიგ ტრავმას არ მიიღებს.</p><p><strong>ბალასტისგან გათავისუფლება</p><p></strong>მარუან შამახი და პაკ ჩუ იუნი "არსენალიდან" წამსვლელთა სიმბოლოებად იქცნენ. "მილანთან" მოედანზე მათმა გამოჩენამ გულშემატკივრებში გაოცება გამოიწვია. მაგრამ საქმე მხოლოდ მაროკოელსა და კორეელში არ არის. შემადგენლობაში სხვა სტაბილურად არაეფექტური ფეხბურთელებიც არიან: კარლოს ველა, ნიკლას ბენდტნერი, დენილსონი, მანუელ ალმუნია, აბუ დიაბი და ანდრეი არშავინი. ზოგიერთის ხელფასს თუ გავითვალისწინებთ, წმენდის აუცილებლობა აშკარა ხდება.</p><p><strong>ახალი დაცვითი ტიპის ნახევარმცველი</p><p></strong>ალექს სონგი ჩემპიონთა ლიგაში ყველაზე მეტი ვარდნის "ავტორია". ამასთან მას პრემიერლიგაში 7 საგოლე გადაცემა აქვს. იმდენივე, რამდენიც ამპლუით შემქმნელებს გარეთ ბეილს, ეშლი იანგსა და სამირ ნასრის. კამერუნელი საყრდენი ნახევარმცველია, მაგრამ მისი წყურვილი შეტევებისადმი "არსენალის" დაცვას ხშირად ცუდ სამსახურს უწევს. "არსენალს" ამ პოზიციაზე საიმედო დასაყრდენი სჭირდება, რაც სონგს თავისუფლად მოქმედების საშუალებას მისცემს.</p><p><strong>ოქსლეიდ-ჩემბერლენი</p><p></strong>ბევრს გაუკვირდა, როცა ვენგერმა ქვედა ლიგის გუნდს ფეხბურთელში 15 მილიონი ფუნტი გადაუხადა. თუმცა დღეს უკვე ყველა ფიქრობს, რომ ალექს ოქსლეიდ-ჩემბერლენი ინგლისის ნაკრებისთვისაც კი მზადაა. ჟერვინიოს არყოფნის პერიოდში მან ფლანგზე მშვენიერი შთაბეჭდილება დატოვა. აფრიკელის დაბრუნების შემდეგ კი შანსი მოედნის ცენტრში მიიღო. მან აქაც გაიბრწყინა ვიეირას სტილის დრიბლინგებითა და ჭკვიანური პოზიციური თამაშის წყალობით. ის ისე მშვიდად თამაშობს, რომ ხანდახან გავიწყებს, რომ 18 წლისაა. უილშირის გვერდით ის თამაშს მხოლოდ მოუმატებს.</p><p><strong>სტივ ბოულდი №2</p><p></strong>ხშირად იწერება, რომ ვენგერს გუნდისადმი ახლებური მიდგომა სჭირდება. სამწვრთნელო შტაბის გადახალისება კი ამის ერთ-ერთი წინაპირობაა. პეტ რაისმა უკვე განაცხადა, რომ ზაფხულზე გუნდიდან წასვლას აპირებს. ეს ნიშნავს, რომ ვენგერის შემდეგ №2-ის პოზიცია სტივ ბოულდისთვის თავისუფლდება. ის რამდენიმე წელიწადია, "არსენალის" 18-წლამდელთა გუნდის მწვრთნელია.</p><p><strong>ტიტული</p><p></strong>მომდევნო სეზონისთვის მთავარი მიზანი სწორედ ეს არის - "არსენალი" უბრალოდ ვალდებულია რაიმე მოიგოს.</p><p><strong>ყოველდღიური სპორტული გაზეთი "ლელო"</strong></p>
ერლინგ ჰოლანმა შესაძლოა, ზაფხულში "სიტი" დატოვოს
ოფიციალურად: "კრისტალ პალასს" ახალი მთავარი მწვრთნელი ჰყავს
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
"ბარსელონამ" ესპარტს ხელშეკრულება გაუხანგრძლივა
"რეალმა" კურტუას კონტრაქტი გაუგრძელა
პოჩეტინომ "მანჩესტერ იუნაიტედის" მთავარ მიზანზე ისაუბრა და ბავშვობის კერპი დაასახელა
კონტემ განმარტა, რატომ დატოვა "ინტერი" საჩემპიონო სეზონის შემდეგ
"ბარსელონა" გერმანიის ნაკრების მცველის შეძენას შეეცდება
ანგისას "ნაპოლიდან" წასვლა უნდა
"როგორც იქნა, გვირაბის ბოლოს სინათლე გამოჩნდა" - ჯორჯო კიელინიმ იტალიის ნაკრებზე ისაუბრა
"არსენალი" ზამთრის სატრანსფერო ფანჯარაზე 2 შემტევის დამატებას გეგმავს
მესიმ არგენტინის ფეხბურთის ასოციაციის ხელმძღვანელობასთან კავშირი გაწყვიტა
"ყველაზე მეტი ამ მწვრთნელისგან ვისწავლე, ის ჩემთვის მისაბაძი მაგალითი იყო" - ლუის ენრიკე
[VIDEO] ბითაძის 20 წუთი - "ორლანდოს" 4-მატჩიანი მოგებათა სერია "ფილადელფიასთან" შეწყდა
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
საბო: დავითაშვილს უნდა ვუმადლოდეთ - კითხვა მაქვს ქართველთა მეკარესთან
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა