<p>"მეტალურგისგან" გადამწყვეტი ეტაპის ასე შთამბეჭდავად დაწყებამ კონკურენტები უნდა დააფიქროს <br> 12. 03. რუსთავი. ფოლადი. 300 მაყურებელი</p><p><em><strong>მეტალურგი-ბაია 4:0</strong></em></p><p>1:0 სიხარულიძე (24), 2:0 კვარაცხელია (63, მაისურაძის პასით), 3:0 სიხარულიძე (77), 4:0 თექთურმანიძე (89)</p><p>მეტალურგი ბაია</p><p>4-2-3-1 4-3-3</p><p>ბედიაშვილი სომხიშვილი</p><p>ს. თოდუა აფაქიძე</p><p>კვარაცხელია პაჭკორია</p><p>მახვილაძე ლ. ტყებუჩავა</p><p>ჯაფარიძე აკობია</p><p>რაზმაძე კუტალია</p><p>ქავთარაძე ტყემალაძე</p><p>თექთურმანიძე სიხარულია</p><p>ი. მაისურაძე კუკავა</p><p>ოთარაშვილი გაბედავა</p><p>სიხარულიძე შ. ლომია</p><p>მწვრთნელი: მწვრთნელი:</p><p>კ. ჟორჟიკაშვილი გ. ტყებუჩავა</p><p><strong>მეტალურგი</strong></p><p>42. ოთარაშვილი - გავაშელიშვილი</p><p>74. ქავთარაძე - ტატანაშვილი</p><p>84. რაზმაძე - ექვთიმიშვილი</p><p>სათადარიგოები: ბათიაშვილი, ჭედია, სეთურიძე, გეწაძე</p><p><strong>ბაია</strong></p><p>45. ტყემალაძე - ზ. ქვარცხავა</p><p>62. კუტალია - გუჯეჯიანი</p><p>77. ლომია - ეხვაია</p><p>სათადარიგოები: მაქაცარია, გ. ქვარცხავა, ნ. შონია, ფარჯიკია</p><p>გაფრთხილება: ტყემალაძე (40), აკობია (53), აფაქიძე (60)</p><p>არბიტრი: ლ. სილაგავა</p><p>თბილისისგან განსხვავებით, 12 მარტს რუსთავში მატჩის ჩატარება-არჩატარებაზე ლაპარაკიც არ ყოფილა და "მეტალურგმაც" დამაჯერებელი გამარჯვებით გაახარა ის სამასამდე ქომაგი, სუსხის მიუხედავად "გმირულად" რომ გაძლო შეხვედრის დამთავრებამდე.</p><p>"მეტალურგს" დიდი ხანი არ ჰქონდა საშინაო ასპარეზზე გამარჯვება მოპოვებული და ჩემპიონატის გადამწყვეტი ეტაპის ასე შთამბეჭდავად დაწყება კონკურენტებისათვის დამაფიქრებელი უნდა იყოს. თანაც, ვერავინ იტყვის, რომ კობა ჟორჟიკაშვილის გუნდმა ოპტიმალური შემადგენლობით ითამაშაო. თუმცა, საკადრო პრობლემების მიუხედავად, "მეტალურგმა" თავიდანვე მოიპოვა ტერიტორიული უპირატესობა და შეხვედრის საბოლოო შედეგიც ლოგიკურად უნდა მივიჩნიოთ.</p><p>"ბაია", ფაქტობრივად, მხოლოდ საწყისი 15-20 წუთი ეპაექრებოდა თანაბრად მეტოქეს. პირველი სახიფათო მომენტიც ზუგდიდელებმა შექმნეს, როცა ლაშა კუკავა მახვილი კუთხიდან ცდილობდა "მეტალურგის" მეკარისათვის ბურთის თავზე გადაგდებას, მაგრამ არაზუსტად დაარტყა.</p><p>აი, ამის მერე კი "მეტალურგის" უპირატესობა ნათლად გამოიხატა და გიორგი თექთურმანიძისა და ირაკლი მაისურაძის მცდელობებს შედეგი თუ არ მოჰყოლია, მომდევნო შეტევა უკვე გოლით დასრულდა: მაისურაძის შორიდან დარტყმული ბურთი "ბაიას" კარის ხარიხას მოხვდა, დამატებაზე კი ყველას ირაკლი სიხარულიძემ დაასწრო და ზუსტი "თავურით" თავისი გუნდი დააწინაურა.</p><p>პირველ ტაიმში დასამახსოვრებელი ლაშა ჯაფარიძისა და გიორგი ოთარაშვილის ეფექტური კომბინაციაც იყო, სტუმართა მეკარემ გიორგი სომხიშვილმა დროული რეაქცია რომ შეაგება. ამას გარდა, ის ეპიზოდიც გვინდა აღვნიშნოთ, როცა ვალიკო ტყემალაძისა და გიორგი ოთარაშვილის შეჯახებას ამ უკანასკნელის ტრავმა მოჰყვა.</p><p>შესვენების შემდეგ მასპინძელთა უპირატესობა თვალსაჩინოზე მეტი გახდა და მეტოქის კარში ერთიმეორეზე ეფექტური გოლებიც გაიტანეს.</p><p>ნურც იმ ფაქტს დავივიწყებთ, რომ შესვენების შემდეგ "მეტალურგის" რამდენიმე ფეხბურთელი სხვა პოზიციებზე ვიხილეთ, თუმცა ამ ცვლილებებმა დადებითი ეფექტი უფრო მოიტანა. ასე მაგალითად, მარცხენა გარემარბის პოზიციაზე "აწეულმა" ლაშა ჯაფარიძემ წამოიწყო სწორედ ის შეტევა, ჯერ კუთხური, შემდეგ კი გოლი რომ მოჰყვა: "სტანდარტული" ირაკლი მაისურაძემ ჩააწოდა. გუნდის კაპიტანმა გივი კვარაცხელიამ კი ეფექტური თავურით სტუმართა მეკარე უშანსოდ დატოვა.</p><p>მესამე გოლიც "სტანდარტულის" შესრულების შემდეგ გავიდა: კუთხური, დიმიტრი ტატანაშვილის თავური დარტყმა, ხარიხა და კვლავაც ირაკლი სიხარულიძის დასწრებაზე თამაში!</p><p>მატჩის ბოლო წუთებზე კი ერთიმეორეზე დინამიკური ორი ეპიზოდიც ვიხილეთ: ჯერ იყო და გიორგი თექთურმანიძემ თავისი ჩინებული რეიდი არანაკლებ შთამბეჭდავი შორეული და ზუსტი დარტყმით დაასრულა, მერე კი მასპინძელთა მეკარემ გრიგოლ ბედიაშვილმაც გამოავლინა თავისი ოსტატობა, როცა ირაკლი ეხვაიას მიერ დარტყმული ბურთი "ცხრიანიდან" მოხსნა!</p><p><strong>ყოველდღიური სპორტული გაზეთი "ლელო"</strong></p>
ლაშა
მერე რა რო თოვლი იყო?! ჩვენ ბოლომდე იქ ვიყავით და დამსახურებულად გავიმარჯვეთ, მადლობა ბიჭებს!
“დაგვეხმარეთ, გადავარჩინოთ ბათუმის "დინამო" - "შავი ზღვის პირატების" განცხადება
"ჩემი ფეხბურთელები სასურველი შედეგისთვის მზად არიან" - "იბერიას" მწვრთნელმა "მალმიოსთან" დაპირისპირებაზე ისაუბრა
გიტის პაულაუსკასმა ბათუმის "დინამო" დატოვა და სლოვაკეთში გადაბარგდა
"ჩელსი" ნიკოლას ჯექსონში 100 მილიონ ევროს ითხოვს
U16 გოგონათა ნაკრებმა მოლდოვაც დაამარცხა და მე-5 ადგილისთვის კოსოვოს შეხვდება
უკრაინელი მცველი პსჟ-ში, ალბათ, ვერ გადავა
20 წ. | საბრძოლო შემადგენლობა ესპანეთთან
საქართველოს 20-წლამდელთა ნაკრებმა შვეიცარია დამაჯერებლად დაამარცხა
მესამედ ფლორენციაში - პიოლი "ფიორენტინას" მთავარი მწვრთნელია
"ვალენსიამ" მამარდაშვილის შემცვლელად 24 წლის მეკარე დაიმატა
კიბო დაამარცხა - ვან გაალმა საზოგადოებას კარგი ამბავი ამცნო
დე ლაურენტისი კონტეს პირობას უსრულებს - "ნაპოლი" ამ ზაფხულს ბევრი ფეხბურთელით გაძლიერდება
"ოქროს ბურთი" წელს ამ ფეხბურთელმა უნდა მოიგოს" - ლუის ენრიკემ თავისი ფავორიტი დაასახელა
გოჩოლეიშვილმა "შახტარში" გაიტანა და საბოლოო ანგარიში დააფიქსირა
დე ლაურენტისი ოსიმენის ტრანსფერზე გაჯიუტდა - არავითარი "განვადება", 75 მილიონი ახლავე და დაუყოვნებლივ
საქართველოს U20 ნაკრები ავსტრიასთან ბრძოლაში დამარცხდა
ბოლო წუთებამდე ბრძოლაში - "ბორჯღალოსნები" "ჩიტასთან" დამარცხდნენ
თბილისის "დინამოს" კაპიტანი თურქეთის სუპერლიგის გუნდში გადავიდა
ფედერაციის მივლინებით ევროპის ქალთა სამიტზე სლოვენიაში ოთხმეზური და დანელაშვილი იმყოფებიან
[VIDEO] Bienvenue. კიდევ ერთი ქართველი ლიგა 1-ში - წიტაიშვილი "მეცის" ფეხბურთელია
აბუაშვილი "სენტ-ეტიენში" არ გადავა - ის სხვა ფრანგულ გუნდში ჩაირიცხება
[VIDEO] Le Parisien: ქორეოგრაფია და ცეკვა ქართული კვარაცხელიას შესრულებით
"მან ყველაზე მეტად აღმაფრთოვანა" – "ბარსელონას" მეკარე თანაგუნდელზე