<p>"წითელ ურჩხულებს" შინ უმნიშვნელოვანესი მატჩი ელით საფრანგეთთან, რომლის გამარჯვების შემთხვევაში დიდ სლემს შეასრულებენ <br> ექვსი ერის გათამაშების მე-4 ტურის ცენტრალური მატჩი პარიზში, "სტად დე ფრანსზე" გაიმართა, სადაც საფრანგეთის ნაკრებმა ექვსი ერის გათამაშების მორიგი ტურის მატჩში ინგლისის ეროვნულ გუნდს უმასპინძლა.</p><p>ამ შეხვედრის ფავორიტად მასპინძელთა გუნდი ითვლებოდა, მაგრამ "პომებმა" შესანიშნავად იასპარეზეს და უმნიშვნელოვანეს გამარჯვებას მიაღწიეს - 24:22.</p><p>ინგლისელები შესანიშნავად გაისარჯნენ მატჩის პირველ ტაიმში. სტუმრები მანუ ტუილაგისა და ბენ ფოდენის ლელოების წყალობით მე-17 წუთისთვის 11 ქულით დაწინაურდნენ - 14:3.</p><p>ფრანგები, რომელთა მთავარმა მწვრთნელმა ფილიპ სენტ-ანდრემ წლეულს პირველად ათამაშა დუეტში ჟულიენ დიუპიუი და ლიონელ ბუქსი, მხოლოდ ამის შემდეგ გამოცოცხლდნენ და ტამის დასრულებამდე ანგარიშში სხვაობის ხუთ ქულამდე შემცირება შეძლეს - 9:14.</p><p>მეორე ნახევარში მოედანზე თანაბარი ბრძოლა წარიმართა, თუმცა სტუმრებმა 70-ე წუთისთვის მაინც მოახერხეს 9 ქულით დაწინაურება - 24:15.</p><p>"ლე ბლომ" ყველა ღონე იხმარა მატჩის გადასარჩენად. მეტოქეს ერთი ლელოც გაუტანა, მაგრამ მეტისთვის არც დრო ეყო და აღარც ოსტატობა.</p><p>გათამაშების ლიდერმა, უელსის ნაკრებმა, რომელიც დღემდე დაუმარცხებელია და დიდი სლემის შესრულების შესანიშნავი შანსი აქვს, როგორც მოსალოდნელი იყო, შინ დაამარცხა იტალიის ნაკრები - 24:3.</p><p>"წითელ ურჩხულებს" მომავალ უქმეებზე შინ უმნიშვნელოვანესი მატჩი ელით. მეტოქე საფრანგეთის ნაკრები იქნება, რომელიც ინგლისთან მარცხის შემდეგ უფრო მეტად მოინდომებს მეტოქის ძლევას. მასპინძლები კი, გამარჯვების შემთხვევაში, დიდ სლემს შეასრულებენ.</p><p><strong>IV ტური</p><p></strong>უელსი-იტალია 24:3, ირლანდია-შოტლანდია 32:14, საფრანგეთი-ინგლისი 22:24.</p><p><strong>სატურნირო მდგომარეობა</p><p></strong>1. უელსი - 8 ქულა, 2. ინგლისი - 6, 3. ირლანდია - 5, 4. საფრანგეთი - 5, 5. შოტლანდია - 0, 6. იტალია - 0.</p><p><strong>V ტური</p><p></strong>იტალია-შოტლანდია, უელსი-საფრანგეთი, ინგლისი-ირლანდია.</p><p><strong>ყოველდღიური სპორტული გაზეთი "ლელო"</strong></p>
დრამატული ფინალი მსოფლიოს თასზე - სამხრეთ აფრიკამ ახალი ზელანდია მძიმე ბრძოლაში დაამარცხა და ტიტული შეინარჩუნა [VIDEO]
ნიკა ამაშუკელი მესამე ადგილისთვის შეხვედრაში კიდის მსაჯი იქნება
ახალმა ზელანდიამ არგენტინა დაამარცხა და მსოფლიო თასის ფინალში გავიდა
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
შევჩენკომ უკრაინის ნაკრების მწვრთნელს მხარდაჭერა გამოუცხადა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია
უკრაინა - საქართველო | წლის დასკვნითი მატჩი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
"აქ ვერაფერს ვაკეთებთ, რაც მალე წავალთ, მით უკეთესი" - დე ბრუინის ცოლი ნეაპოლში ცხოვრებით უკმაყოფილოა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია