გადამწყვეტი მატჩები მოახლოვდა

ინდიან უელსის მასტერსის მესამე წრეში მსოფლიოს პირველი ჩოგანი ნოვაკ ჯოკოვიჩი თავის ძველ ნაცნობს ხვდებოდა ინდიან უელსის მასტერსის მესამე წრეში მსოფლიოს პირველი ჩოგანი ნოვაკ ჯოკოვიჩი თავის ძველ ნაცნობს ხვდებოდა.სამხრეთაფრიკელმა კევინ ანდერსონმა 2008 წელს მაიამიში დაამარცხა სერბი, თუმცა გასულ სეზონში ამ ჩოგბურთელთა სამივე მატჩი ნოვაკმა მოიგო. გამონაკლისი არც გუშინდელი შეხვედრა ყოფილა. საათსა და 40 წუთში ანდერსონმა ვერც ერთი ბრეიკ-პოინტის რეალიზება ვერ შეძლო, არადა, სამი ასეთი შანსი ჰქონდა. თავისი პირველი ბრეიკი სერბმა მეექვსე გეიმში გააკეთა, როცა მისმა მეტოქემ ორმაგი შეცდომა დაუშვა. ამის შემდეგ ჯოკოვიჩმა კიდევ ორჯერ აიღო სამხრეთაფრიკელის მოწოდება. მერვედფინალში მისი მეტოქე პაბლო ანდუხარი იქნება.მორიგი მარცხი იწვნია ენდი როდიკმა. ამჯერად ამერიკელი ტომაშ ბერდიხთან დამარცხდა. ასე რომ, ერთ დროს მსოფლიოს პირველმა ჩოგანმა ბოლო 14 მატჩიდან მეცამეტედ წააგო საუკეთესო ათეულის წევრებთან. ელიტის წარმომადგენლებთან ბოლო მოგება როდიკს შარშან, აშშ-ის ღია პირველობაზე ჰქონდა, როცა დავიდ ფერერი დაამარცხა.ბერდიხი პირველივე წუთებიდან დომინირებდა და საწყის გეიმში ბრეიკი გააკეთა. ეს საკმარისი აღმოჩნდა სეტის მოსაგებად. მეორე პარტიაში როდიკი გააქტიურდა. 3:3-ზე მან ბრეიკი გააკეთა, შემდეგ კი მესამე ცდაზე სეტის აღება მოახერხა. მაგრამ გადამწყვეტ პარტიაში ბერდიხმა ინიციატივა დაიბრუნა.მან ადრეული ბრეიკი გააკეთა, რამაც 3:1 დაწინაურების საშუალება მისცა. თავის გეიმებზე ჩეხი მშვიდად იღებდა ქულებს და მეტოქეს მხოლოდ შვიდი გათამაშება დაუთმო. 2:5-ზე როდიკმა ორჯერ მარჯვნიდან არაზუსტად ითამაშა, შემდეგ ორმაგი შეცდომაც დაუშვა და ბერდიხს სამმაგი ბრეიკ-პოინტი აჩუქა, რომელიც ჩეხმა ზუსტი ფორჰენდით გამოიყენა.საინტერესოა, რომ ბერდიხი მერვედფინალში ნიკოლას ალმაგროს შეხვდება. შეგახსენებთ, რომ მათი მატჩი ავსტრალიის ღიაზე სკანდალით დასრულდა: ბერდიხმა მეტოქეს ხელი არ ჩამოართვა, რადგან მიიჩნია, რომ ალმაგრომ ერთ-ერთი გათამაშების დროს შეგნებულად გაარტყმა ბურთი.მესამე წრეში მამაკაცებს შორის ერთი სენსაცია მაინც მოხდა - მერვე ნომრად განთელისმა მერდი ფიშმა ზელანდელ მეტიუ ებდენთან წააგო - 3:6, 4:6. თუმცა ამ სენსაციას შეიძლება ფორმალური ვუწოდოთ იმის გამო, რომ გასული სეზონის ბოლო ნაწილიდან მოყოლებული, ფიში შორს არის ოპტიმალური ფორმისგან.ზედიზედ მეექვსე ტურნირია ამერიკელი ვერ ახერხებს მეოთხედფინალამდე მიღწევას, გარდა ამისა, 2011 წლის შემაჯამებელ ტურნირზე სამივე მატჩი წააგო, ჰოპმანის თასზე - სამიდან ორი. თუმცა ერთი პოზიტიური მომენტი იყო - მერდიმ დევისის თასზე ურთულეს მატჩში სტანისლას ვავრინკას მოუგო და ამით ამერიკის მეოთხედფინალში გასვლას შეუწყო ხელი.* * *ქალებმა დაასრულეს მერვედფინალისტების გამოვლენა. რთული მატჩი ჰქონდა კაროლინ ვოზნიაცკის, რომელსაც ორსაათნახევარი დასჭირდა სოფია არვიდსონის წინააღმდეგობის დასაძლევად.პირველ სეტში შვედის უპირატესობა აშკარა იყო. მან პირველივე გეიმი მოიგო მიღებაზე და მეთოდურად ზრდიდა სხვაობას. 5:3-ზე კაროლინმა კიდევ ერთი საკუთარი გეიმი და მასთან ერთად სეტი წააგო. მეორე სეტში ვოზნიაცკიმ მოახერხა თამაშის მსვლელობის შემოტრიალება, თუმცა ეს პარტიის ბოლოსკენ მოახერხა - 4:5-ზე კარომ მომდევნო 11 გეიმიდან ცხრა თავის სასარგებლოდ დაასრულა. 5:2-ზე ვოზნიაცკიმ შესანიშნავი შემოვლითი დარტყმით გამოიყენა მატჩ-პოინტი და მერვედფინალში ანა ივანოვიჩზე გავიდა.უფრო დამაჯერებელი იყო მარია შარაპოვას გამარჯვება სიმონა ჰალეპთან. მეორე ნომრად განთესილი პირველ სეტში კორტის სრული ბატონ-პატრონი იყო. უკვე მესამე გეიმში მან ბრეიკი გააკეთა და კომფორტული უპირატესობა მოიპოვა.ამ პარტიაში რუსმა მეტოქის სამივე ბრეიკ-პოინტი მოიგერია. არანაკლებ წარმატებით დაიწყო მარიამ მეორე სეტიც. რუმინელმა ორმაგი შეცდომით დათმო საკუთარი გეიმი, თუმცა მეცხრეში დაიბრუნა დაკარგული მოწოდება და ანგარიში გაათანაბრა. მაგრამ იქვე ჰალეპმა კიდევ ერთი ბრეიკი აჩუქა მარიას.BNP Paribas Openინდიან უელსი (აშშ). ჰარდიკაცები. III წრეჯონ ისნერი (აშშ, 11)-ხუან მონაკო (არგ, 22) 7:5, 7:5; ნოვაკ ჯოკოვიჩი (სერ, 1)-კევინ ანდერსონი (ს. აფრ, 29) 6:2, 6:3; ჟილ სიმონი (საფ, 13)-სტანისლას ვავრინკა (შვეიც, 23) 6:4, 6:4; პაბლო ანდუხარი (ესპ)-ალბერტ რამოსი (ესპ) 7:6, 6:4; მეტიუ ებდენი (ზელ)-მერდი ფიში (აშშ, 8) 6:3, 6:4; ნიკოლას ალმაგრო (ესპ, 12)-სანტიაგო ხირალდო (კოლ) 4:6, 6:2, 7:6; ტომაშ ბერდიხი (ჩეხ, 7)-ენდი როდიკი (აშშ, 30) 6:3, 4:6, 6:2; რაიან ჰარისონი (აშშ)-გილერმო გარსია-ლოპესი (ესპ) 6:4, 7:5.ქალები. III წრემარიონ ბარტოლი (საფ, 7)-შანელ სხეპერსი (ს. აფრ) 6:2, 6:0; ლუსი საფაროვა (ჩეხ, 23)-ფრანჩესკა სკიავონე (იტა, 10) 6:2 უარი; ნადია პეტროვა (რუს, 30)-სამანტა სტოსური (ავსტრა) 6:1, 6:7, 7:6; რობერტა ვინჩი (იტა, 21)-დომინიკა ციბულკოვა (სლოვაკ, 16) 6:7, 6:0, 6:4; მარია კირილენკო (რუს, 20)-ლურდეს დომინგეს-ლინო (ესპ) 6:2, 4:6, 6:4; მარია შარაპოვა (რუს, 2)-სიმონა ჰალეპი (რუმ) 6:3, 6:4; ანა ივანოვიჩი (სერ, 15)-ქსენია პერვაკი (ყაზ) 6:7, 6:3, 6:2; კაროლინ ვოზნიაცკი (დან, 4)-სოფია არვიდსონი (შვედ) 3:6, 7:5, 6:2.1/8 ფინალიაზარენკა (1)-გორგესი; ჰემპტონი-ა. რადვანსკა (5); მაკჰეილი (32)-კერბერი (18); ზაკოპალოვა-ნა ლი (8); ბარტოლი (7)-საფაროვა (23); ივანოვიჩი (15)-ვოზნიაცკი (4); პეტროვა (30)-კირილენკო (20); ვინჩი (21)-შარაპოვა (2).ყოველდღიური სპორტული გაზეთი "ლელო"

ერთ დროს ჩოგბურთის ამომავალი ვარსკვლავი დოპინგ კონტროლზე კოკაინის გამო ჩავარდა

ნოვაჯ ჯოკოვიჩი ცინცინატის მასტერსზე პირველივე წრეში დამარცხდა

"ყველაფერი ჩემ გარშემო აღარ ტრიალებს " - ნოვაჯ ჯოკოვიჩი

ჟოაო კანსელო "ბარსელონაში" დაბრუნდა

"იაგელონიასთან" მატჩში "იბერია 1999"-ის შემადგენლობა ცნობილია

[VIDEO] მესის 922-ე გოლი და "მაიამის" ფრე "ფილადელფიაში"

"არსენალმა" ინგლისის ნაკრების მცველის ტრანსფერი შეათანხმა

ქართველი მსაჯები კონფერენს ლიგის მატჩს განსჯიან

პსჟ-სა და "რენის" მატჩი პარიზში არ ჩატარდება

გეგმავს "ბარსელონა" მიქაუტაძის შეძენას? - COPE დეკოს სიას ასახელებს

ზაბარნიმ შეიძლება პსჟ დატოვოს და ინგლისში დაბრუნდეს

პსჟ შეტევის სათადარიგოთა სკამის სრულად გადახალისებას და "მონაკოს" სკანდალური თავდამსხმელის დამატებას აპირებს

ცნობილი გახდა გოჩოლეიშვილის ესპანურ გუნდში გადასვლის დეტალები

კეინს "ოქროს ბუცი" გადასცეს

"ინტერი" "ლივერპულის" ნახევარმცველს შეიძენს

7 ფეხბურთელი, რომელმაც "რეალს" "ბარსელონა" არჩია

[VIDEO] ეგვიპტის მწვრთნელი ცოლებს აშველებდა და გონება დაკარგა

"რომამ" 19 წლის პორტუგალიელი ნახევარმცველი დაიმატა

სასამართლოში გეგმავს სარჩელის შეტანას - უოლკაპს "დუბაიში" სურს თამაში

"ნაპოლიმ" 22 წლის იტალიელი ვინგერი დაიმატა

რობერტო კარლოსმა ისლამი მიიღო - თურქული მედია ლეგენდარული ბრაზილიელის გადაწყვეტილებაზე

პოგბამ "მონაკოსთან" კონტრაქტი გაწყვიტა და თავისუფალი აგენტი გახდა