- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
გიორგი ჩიხრაძე ახალ სარბიელზე: ძვირიანი პროექტის ხელმძღვანელი
<p>"თუ შევადარებთ, აზერბაიჯანულ კლუბებს ჩვენს მოწინავე გუნდებზე 2-3-ჯერ მეტი დაფინანსება აქვთ" <br> ქართველი მწვრთნელები უცხოეთში -ასეთი ბევრი არ არის და როცა გადაწყდა, რომ გიორგი ჩიხრაძე აზერბაიჯანულ "სიმურგს" ჩაუდგებოდა სათავეში, ასპარეზზე კიდევ ერთი ჩვენებური გამოჩნდა.</p><p>კახა ცხადაძე და შოთა არველაძე, მანამდე თემურ ქეცბაია - ყოფილი ნაკრებელებიდან საზღვარგარეთ სხვას ჯერ არ უმწვრთნელია, ნაკრებში თამაში კი მწვრთნელის ბიოგრაფიისთვის ცოტას არ ნიშნავს, ეს რეკლამაცაა და გამოცდილებაც.</p><p>ჩიხრაძე ნაკრებში შეპეტოვკის "ტემპიდან" მოხვდა, როცა ჩვენს ეროვნულ გუნდს ალექსანდრე ჩივაძე თავკაცობდა. ჩიხრაძე მარცხენა მცველი იყო და საიმედო თამაშით გამოირჩეოდა, მგონი ვერავინ გაიხსენებს ნაკრების ისეთ მატჩს, რომელიც ჩიხრაძემ ჩააგდო, როცა ჩიხრაძის შეცდომით იზარალა ჩვენმა ეროვნულმა გუნდმა.</p><p>ჩიხრაძეს აქვს ხასიათი, მწვრთნელისთვის აუცილებელი ნებისყოფა, მოთმინების უნარი, ის ზედმიწევნით გაწონასწორებული ადამიანია. ვინძლო ამ თვისებების გამო მას საქართველოში ჩააბარეს ერთ დროს საკმაოდ ამბიციური კლუბი - თბილისის "ამერი".</p><p>ყველა საიდანღაც იწყებს, ჩიხრაძემ კი ამბიციური გუნდით დაიწყო. "ამერში" ის არ იყო ავანტიურისტი მწვრთნელი, მისი გუნდიც არ გამოირჩეოდა ლამაზი და ზედმიწევნით შემტევი სტილით, მაგრამ ჩიხრაძე მუშაობდა იმაზე, რაც ყველაზე მთავარია - შედეგი. "ამერმა" ორჯერ მოიგო საქართველოს თასი და სუპერთასი. ჩიხრაძეზე ვერავინ იტყოდა, გარიგებულ თამაშებშია გახვეულიო, ვერც იმას, ფეხბურთელების ტრანსფერების წილში ზისო - ჩიხრაძემ კარგი რეპუტაციაც მოიპოვა.</p><p>მწვრთნელი ჩიხრაძის გემოვნება ზოგს არ მოსწონდა,თუმცა ესეც ალბათ ფეხბურთის ნაწილია - გემოვნებაზე, იმ ფეხბურთელებზე კამათი, რომელიც მწვრთნელს მოწონს თუ არ მოსწონს. კარგად მახსოვს საქართველოს თასის ის ფინალი, როცა "ამერმა" "ზესტაფონს" 1:0 მოუგო. ბურთს ფეროელები აკონტროლებდნენ, უფრო მეტს უტევდნენ, "ამერმა" კი კონტრშეტევაზე გამოიჭირა მოწინააღმდეგე და დიმიტრი ტატანაშვილის გოლით გაიმარჯვა. იმ ფინალიდან ცოტა ხნის შემდეგ ჩიხრაძემ ინტერვიუში თქვა, დაცვით თამაშსაც შესრულებაო უნდაო.</p><p>ჩიხრაძე არ ყოფილა მაინცდამაინც კატენაჩოს მიმდევარი, მაგრამ როცა საქმეს დასჭირდა, ამაზეც წავიდა და შედეგს მიაღწია. "ზესტაფონს" თასის ფინალში მანამდეც მოუგო, ოღონდაც მაშინ სულ სხვა ტაქტიკა აირჩია. ერთი სიტყვით, ჩიხრაძე არ იყო რაღაცაზე ჩაციკლული მწვრთნელი.</p><p>მისგან ქედმაღლობაც არავის ახსოვს, საქართველოს თასის ორჯერ მომგებმა არ ითაკილა და ბაქოს "ინტერში" კახა ცხადაძის თანაშემწედ წავიდა. მეორე მწვრთნელი საკმაოდ მნიშვნელოვანი პოზიციაა დალაგებულ, სწორად მომუშავე კლუბში. ბაქოს "ინტერს" წლობით აქვს ისეთი კარგი ბიუჯეტი, რომ კლუბი ძალაუნებურად ვერ გაჩერდებოდა ერთ ადგილზე და გვაქვს უფლება ვივარაუდოთ, რომ ჩიხრაძის იქ მუშაობა უმნიშვნელო ვერ იქნებოდა.</p><p>"წესითა და რიგით, "სიმურგი" სეზონის დასრულების შემდეგ უნდა ჩამებარებინა, მომდევნო სეზონში კლუბის პრეზიდენტს სერიოზული გუნდის შექმნა სურს. ჩემთვის მოულოდნელი იყო, როცა "სიმურგიდან" ახლა დამიკავშირდნენ და გუნდის მყისვე ჩაბარება შემომთავაზეს. გუნდი გასავარდნ ზონაშია, ზედიზედ ოთხი თამაში წააგო და შესაბამისად, ვითარება მძიმეა, მაგრამ ისიცაა, რომ სიძნელეები ჩემთვის ახალი ნამდვილად არ არის".</p><p>ჩიხრაძემ ისიც გვითხრა, საქმეს კიდევ ის ართულებს, რომ სატრანსფერო ფანჯარა აზერბაიჯანშიც დახურულია და ახალი ფეხბურთელებით გუნდს ვერ გავაძლიერებთო.</p><p>აზერბაიჯანული ფეხბურთი ჯერ კიდევ მაშინ მოფულიანდა, სანამ ჩვენთან "ვარდების რევოლუცია" მოხდებოდა. ჩიხრაძეს ამაზეც ჩამოვუგდეთ სიტყვა, აზერბაიჯანის ჩემპიონატის სპეციფიკაზე.</p><p>"აზერბაიჯანის ჩემპიონატში ახლა საკმაოდ ბევრი ძლიერი გუნდია, ზედა ექვსი გუნდი დაახლოებით თანაბარ პირობებშია, "ყარაბახსა" და "ნეფთჩის" თუ არ ჩავთვლით, ყველა მოწინავე გუნდს ჰყავს ბევრი ძვირადღირებული ლეგიონერი. ზუსტად ვერ გეტყვით, ვის რა ბიუჯეტი აქვს, მაგრამ თუ აზერბაიჯანულ გუნდებს ქართულ კლუბებს შევადარებთ, ჩვენს მოწინავე გუნდებზე 2-3-ჯერ მეტი დაფინანსება აქვთ".</p><p>"სიმურგის" ქართველი დამრიგებელი იმ ცნობილ განცხადებაზე გვესაუბრა, საქართველოს და აზერბაიჯანის პრეზიდენტებმა რომ გააკეთეს.</p><p>"თუ ერთ-ორ გამოსვლას არ მივიღებთ მხედველობაში, აზერბაიჯანში ევროპის ჩემპიონატის ერთობლივად ჩატარების იდეას ყველა დადებითად უყურებს, კამათი მხოლოდ იმაზე მიდის, რამდენად რეალურია ამის განხორციელება".</p><p>სანამ ორი ქვეყანა განზრახვას სისრულეში მოიყვანს და უეფაში განაცხადს შეიტანს, ჩიხრაძეს საკუთარი კარიერა აქვს გასამდიდრებელი.</p><p>"მიმაჩნია, რომ "ინტერში" გატარებეული პერიოდი ჩემთვის ერთობ ნაყოფიერი იყო, მქონდა წინადადებები ქართული გუნდებიდან, მაგრამ აზერბაიჯანში დარჩენა ვამჯობინე, რადგან "ინტერი" ამბიციური კლუბია, იგივე მიზანი აქვს "სიმურგსაც".</p><p>ჯერ არ ვიცი, რომელი ფეხბურთელებით გაძლიერდება გუნდი მომავალ სეზონში, გამორიცხული არ არის, რომ ქართველი ფეხბურთელებიც მოვიწვიოთ".</p><p>ჩიხრაძე საიმედოა - დიდი ეჭვია, რომ ზაქათალის "სიმურგმაც" ამის გამო აირჩია ჩვენებური ძვირიანი პროექტის ხელმძღვანელად.</p><p><strong>ყოველდღიური სპორტული გაზეთი "ლელო"</strong></p>
გოგლიჩიძემ შეიძლება კარიერა პრემიერლიგის გუნდში გააგრძელოს
მავთულხლართი ზურიკოს შესანარჩუნებლად - "სენტ-ეტიენი" ქართველის "სტრასბურგში" გასხვისების წინააღმდეგია
[VIDEO] ზივზივაძე შეცვლაზე შევიდა - "ჰაიდენჰაიმმა" პლეი-აუტის პირველი მატჩი ფრედ დაასრულა
იმედი L-ის მომხმარებელს AI ასისტენტი მოემსახურება
"ორივე შემტევი მოგვწონს" - დეკუს "ბარსას" სატრანსფერო სამიზნეებზე ჰკითხეს
იამალი "ბარსელონასთან" 2030 წლამდე გაახანგრძლივებს
24 მაისს თბილისში, ახალ სპორტის სასახლეში პროფესიონალური კრივის დიდი შოუ გაიმართება!
გადაწყდა - მოდრიჩი "რეალს" დატოვებს
მარკიზიო: "ინტერი" უფრო სრულყოფილია, პსჟ კი...
ქალთა ნაკრებმა ერთა ლიგის დასკვნითი მატჩებისთვის მზადება დაიწყო
მზადება ევროპის ჩემპიონატისთვის - ახალგაზრდული რუმინეთს დაუპირისპირდება
უშბაზე ექსპედიციის დროს ალპინისტი ნიკოლოზ ფალიანი დაიღუპა
1 ნაბიჯში როლან გაროსთან - ბასილაშვილი კვალიფიკაციიც ფინალში ითამაშებს
"მოსკოვზე შეყვარებული ვარ" - დიდიე დროგბა
"როცა საქართველოში ეს ვნახე, კულტურული შოკი მივიღე" - "რუსთავის" იაპონელი ფეხბურთელი
იოლანდამ "ნაპოლის" "ჩუმი ლიდერი" დაასახელა
16 წლის ასაკში ამ გადარეულმა ისეთი რამ გააკეთა, არ დაიჯერებთ" - მაიკონმა ბალოტელიზე ისტორია გაიხსენა
2024/2025 წლების სეზონის MVP შეი-გილჯეს ალექსანდერი გახდა
"იცით, გული რაზე მწყდება?" - ლაკაზეტმა მიქაუტაძეზე ისაუბრა
[VIDEO] "ინდიანას" საოცარი ქამბექი - "პეისერსმა" სტუმრად "ნიუ იორკ ნიქსი" დაამარცხა
"დინამო ბათუმმა" თელავში ნავსი გატეხა, "გაგრა"-"გარეჯი" ფრედ დასრულდა
"ბარსელონამ" ფლიკს კონტრაქტი გაუგრძელა
თქვენ ეს შეგიძლიათ? ხვიჩას კი შეუძლია...