- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
ბესიკ გოჩაშვილი - მონდომებით მოპოვებული რწმენა
<p>ევროპის ჩემპიონატის ვერცხლის მედლის მფლობელი 29 წლის ფალავანი საინტერესო თემებზე საუბრობს <br> სერბეთის დედაქალაქ ბელგრადიდან საქართველოს ნაკრების 29 წლის ფალავანი, გორელი ბესიკ გოჩაშვილი (55 კგ) ევროპის ჩემპიონატიდან ვერცხლის მედლით დაბრუნდა. იგივე შედეგი მას ორი წლის წინათ ჰქონდა, თუმცა მერე ამას ჩავარდნა მოჰყვა და არაერთმა მიიჩნია, რომ გოჩაშვილის კარიერის საუკეთესო წლები უკან დარჩა. მაგრამ...</p><p><strong></p><p>- ბესიკ, შარშან თითქმის მთელი სეზონი გაგიცდა, წ</strong><strong>ელს კი საქმე აშკარად უკეთ მიდის </strong>-<strong> საქართველოს ჩემპიონი გახდი, ახლა ევროპული ვერცხლის მედალი დაიმსახურე...</strong></p><p>- შარშან მართლაც რთული სეზონი მქონდა. ტრავმამ ფორმიდან ამომაგდო, ნაკრებში ჩემს წონაში ლიდერობაც დავკარგე. ქვეყნის ჩემპიონატზე მეტოქეებს იოლად მოვუგე. მერვედ მოპოვებულმა საქართველოს ჩემპიონობამ რწმენა შემმატა. ბევრისთვის მოულოდნელი იყო კონტინენტის ჩემპიონატზე ჩემი მორიგი წარმატება.</p><p><strong>- თუმცა ბევრმა ისიც იცოდა, რომ ბოლო შანსს გამოიყენებდი...</p><p></strong> - სწორედ მაგ განცდით წავედი სერბეთში. არაფერს ვამბობ შეჯიბრების მსვლელობისას მიღებულ ტრავმაზე. ეს ჩემი მნიშვნელოვანი ფსიქოლოგიური გამარჯვება იყო. მონდომებით ნავსი გავტეხე.</p><p><strong>- ფინალში პირველი პერიოდის მერე რატომ აღარ იჭიდავე?</p><p></strong>- მესამე შეხვედრაში უკრაინელ იგორ ხავალჯისთან ვიტკინე მარცხენა მხარი. რთული გდება კეთდებოდა, ცუდად შეიძლებოდა დავცემულიყავი და ხელზე დავეყრდენი. საშინლად მეტკინა, თუმცა მაინც შევძელი მეტოქის დამარცხება სამ პერიოდში 4:3, 0:3, 5:1. მომდევნო, ფინალში გადასასვლელ შეხვედრაში რუმინელ ალექსანდრუ ჩირტოაკთან გამაყუჩებელმა ნემსმა გამაძლებინა და მასაც ვძლიე. ფინალში კი ჯამალ ოთარსულთანოვთან საერთოდ ვეღარ ვამოძრავებდი ნატკენ ხელს.</p><p>ეს მოჭიდავე ახლა მესამედ გახდა კონტინენტის ჩემპიონი. მასთან სრულ მზადყოფნაშიც ჭირს გამარჯვება და ცალი ხელით რა უნდა მექნა? ამიტომ პირველი პერიოდის წაგების შემდეგ აღარ გავედი ხალიჩაზე, უაზრობა იყო გაგრძელება.</p><p><strong>- ტრავმამდე ორი მეტოქიდან პეკერის ძლევაა აღსანიშნავი...</p><p></strong>- აჰმედ პეკერი თავის წონაში თურქეთის ნაკრების წამყვანი მოჭიდავეთაგანია. იგი ახალგაზრდებს შორის მსოფლიოს ჩემპიონიცაა, ენერგიული სპორტსმენია, თუმცა ვერ ვიტყვი, რომ გამიჭირდა მოგება. იქამდე კი შეჯიბრებაზე ჩემი პირველი მოწინააღმდეგე ლიტველი იურკუსი სულაც იოლად ჩამოვიცილე გზიდან 7:0.</p><p><strong>- ოთარსულთანოვს უწინაც შეხვედრიხარ...</p><p></strong>- მან ადრეც ევროპის ჩემპიონატზე სამ პერიოდში მომიგო. ტიტულები მის შესაძლებლობებზე კარგად მეტყველებს. ჩეჩენია, საიტიევების გვერდით ვარჯიშობდა და მათი სტილის ზეგავლენა ეტყობა. რუსეთში მის წონაში უძლიერესი ფალავნებია თავმოყრილი, თორემ უდავოდ ლიდერი და ოლიმპიადის უპირველესი კანდიდატი იქნებოდა. ახლა მას ლონდონის საგზურისთვის დიდი ბრძოლები წინ აქვს.</p><p><strong>- საქართველოში შენს უშუალო კონკ</strong><strong>ურენტსა და თანადარბაზელ ლადო ხინჩეგაშვილთან კონკურენციაზე რას იტყვი?</p><p></strong>- ლადო მხოლოდ თანადარბაზელი არ არის, კარგი მეგობრები ვართ. კონკურენციაც ჩვენ შორის ჯანსაღია. ჩვეულებრივ ვიბრძვით ორივე საკუთარ ფრონტზე და რომელიც უკეთ წარმოაჩენს თავს, ალალად ვუსურვებთ წარმატებებს უცხოურ არენაზე. ბოლოს თებერვალში კიევის საერთაშორისო ტურნირზე შევხვდით ერთმანეთს და მე წავაგე 1:0, 0:1, 0:2.</p><p><strong>- სერბეთში ნაკრების კიდევ ორი გორელი ფალავანი, გიორგი გოგშელიძე და ოთარ თუშიშვილი გამოდიოდნენ. მათგან ყველა ყოველთვის გამარჯვებას მოელის, თუმცა ამჯერად ასე არ მოხდა...</p><p></strong>- ორივეს აწონვის დღიდან ტემპერატურა ჰქონდათ. ოთარი, მაგალითად, ფინალში გადასასვლელში თავის თავს აღარ ჰგავდა, ნათლად ეტყობოდა, რომ მეტი აღარ შეეძლო. არადა, იქამდე სიცხიანმა სამი ძნელი შეხვედრა მოიგო. ძლეულთა შორის იყო ევროპის ჩემპიონი, მსოფლიოს და ოლიმპიადის პრიზიორი, უკრაინელი ანდრეი სტადნიკი. მე, თუშიშვილი და გოგშელიძე ერთ ოთახში ვცხოვრობდით და ცოტა არ იყოს, ვშიშობდი კიდეც, მეც ავად არ გავმხდარიყავი. იქ გადავრჩი, თუმცა უკან გამომგზავრებისას ამიწია ტემპერატურამ.</p><p><strong>- ტრავმას მკურნალობ?</p><p></strong>- კი, ექიმების მითითებით ვმოქმედებ. ტრავმებით სავსე ჩემს კარიერაში მხარი ადრე არასოდეს მტკივებია, ეს ახალია.</p><p><strong>- საკლუბო დონეზე ამჯერად სად ასპარეზობ?</p><p></strong>- თურქეთის ერთ-ერთ კლუბში ორი წელიწადი დავყავი. ახლა სტრასბურგის კლუბში ვარ. კმაყოფილი ვარ ფინანსურად და საშეჯიბრო პრაქტიკაც მეტი მაქვს. საკლუბო ჩემპიონატის პრინციპით, მოგეხსენებათ, გუნდს გუნდთან გვიწევს შეხვედრა. ამას წინათ, ჩემი გამოსვლები მოვიგე და ბოლოს კლუბის მესვეურთა თხოვნით ერთი შეხვედრა ბერძნულ-რომაულშიც ჩავატარე. არადა, წესებიც არ ვიცოდი რიგიანად. საერთო გამარჯვებისთვის გუნდს სჭირდებოდა, რომ სუფთად მაინც არ წამეგო. თუმცა მოვიგე და კლუბის მეპატრონეთა განსაკუთრებული ყურადღება დავიმსახურე.</p><p><strong>ყოველდღიური სპორტული გაზეთი "ლელო"</strong></p>
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
ზოიძის ვერცხლი და ლოლუას ბრინჯაო ევროპის ჩემპიონატზე
სოლომონ მანაშვილი ევროპის ჩემპიონატის ფინალში დამარცხდა
"შავი ლომი" | გადაადგილებებით "გლაზგო ვორიორსთან"
ბასილაშვილმა როლან გაროსზე პირველი მატჩი მოიგო
მიქაუტაძის თანაგუნდელს ტოპ-კლუბები ეპატიჟებიან
მამარდაშვილმა ბექაურს აჯობა - პრიზი ვალენსიაში
კონტეს და "ნაპოლის" გზები იყოფა - დე ლაურენტისმა ახალი მწვრთნელი უკვე შეარჩია
IFFHS-მა მესი ყველა დროის საუკეთესო ფეხბურთელად დაასახელა - რონალდო მხოლოდ მეოთხეა
"ამის გამო გველესიანი "პერსოპოლისიდან" განაწყენებული წავიდა" - ირანული კლუბის წარმომადგენელმა ინციდენტის მიზეზი განმარტა
"მერაბი ნახევრად მკვდარი იყო, არავინ იცით, მას რა სჭირდა..." - დვალიშვილის მწვრთნელმა ნურმაგომედოვთან ბრძოლამდე ქართველის ჯანმრთელობის პრობლემებზე ისაუბრა
დრო და ადგილი ცნობილია - როდის და სად ვიხილავთ კვარაცხელიას "ოქროს ბურთის" დაჯილდოვებაზე
ახლა ფავორიტი "ბაიერნია" - "სიტი" ვირცისთვის ბრძოლას ჩაეხსნა
ფინალის შედეგის მიუხედავად მიდის? - ინძაგიმ ახალ კლუბთან შეთანხმებას მიაღწია
ფარიოლი წავიდა - "აიაქსმა" მთავარ მწვრთნელად შესაძლოა, ყოფილი დამრიგებელი დააბრუნოს
თანამშრომლობა გრძელდება - "ბარსელონა" ფლიკს კონტრაქტს უხანგრძლივებს
La Stampa: კლოპმა შეთანხმმებას მიაღწია და სერია A-ს კლუბს ჩაიბარებს
ევრო 2026 | საქართველოს ნაკრების კალენდარი ევროპის ჩემპიონატზე
კელეჰერი მიდის - მამარდაშვილს "ლივერპულში" მხოლოდ ალისონი დახვდება
ნეაპოლში საგიჟეთია - ქალაქი სკუდეტოს საზეიმოდ ემზადება
7-ქალა | მესამე ადგილი და საჭირო გამოცდილება ბონში
Geo Team: სანიოლის გადაწყვეტილება - ივნისში საქართველოს ნაკრები ლიდერების გარეშე ითამაშებს
მიქაუტაძის ყოფილ მწვრთნელს ორი ფრანგული კლუბი ეპატიჟება