<p>ევროპის ჭიდაობის ფედერაციის სალიცენზიო ტურნირში ლონდონის ოლიმპიადის საგზურებს ფინალისტები მიიღებენ <br> 20-22 აპრილს სოფიაში ევროპის ჭიდაობის ფედერაციის მიერ ორგანიზებული სალიცენზიო ტურნირი ტარდება, სადაც ლონდონის ოლიმპიადის საგზურებს ფინალისტები მიიღებენ.</p><p>ჩვენი ნაკრების მწვრთნელები იქ წასაყვანი ფალავნების დასახელებას ჯერ არ ჩქარობენ, მათმა აზერბაიჯანელმა კოლეგებმა კი ეს უკვე გააკეთეს.</p><p>იქაურ "თავისუფალთა" ავარელმა (დაღესტანი) მწვრთნელმა საიპულა აბსაიდოვმა მაჰმუდ მაგომედოვი (55), ტოგრულ ასგაროვი (60) და ხეტაგ გოზიუმოვი (96) შეარჩია.</p><p>ჩვენი ნაკრების მთავარმა მწვრთნელმა ზაზა თურმანიძემ ჩვენთან ინტერვიუში საგანგებოდ გამოჰყო 55 კილოგრამი და თქვა, რომ ყველაფერს გააკეთებენ პირველივე ცდაზე ლიცენზიის მოსაპოვებლად.</p><p>ამ წონაში ბელგრადში ბესარიონ გოჩაშვილი ევროპის ვიცე-ჩემპიონი კი გახდა, მაგრამ, ვგონებთ, მწვრთნელი სოფიაში მაინც ვლადიმერ ხინჩეგაშვილს წაიყვანს, რომელსაც ბელგრადული ევროპა სწორედ ბულგარული შეჯიბრებისთვის გამოატოვებინეს. ამდენად, სოფიაში ისევ შეიძლება ვიხილოთ ხინჩეგაშვილისა და ევროპის ჩემპიონ მაგომედოვის დაპირისპირება. მათ შარშანდელ ევროპაზე იჭიდავეს და ჩვენებურმა საკმაოდ იოლად მოუგო.</p><p>ვფიქრობთ, სოფიაში ევროპისა და მსოფლიოს ჩემპიონი, ოლიმპიური პრიზიორი გოზიუმოვი ტურნირის ლიდერი იქნება. ალბათ, ჩვენგან იქ ასევე ევროპისა და მსოფლიოს ჩემპიონი, ოლიმპიადის ბრინჯაოსმედალოსანი გიორგი გოგშელიძე წავა. აი, რუსები კი საკუთარ ფალავანზე ოფიციალურად ჯერ არაფერს ამბობენ. იქ მხოლოდ ინტერნეტფორუმებზე მსჯელობენ ამაზე და იბრაგიმ საიდოვს ასახელებენ.</p><p>მოგეხსენებათ, ამ წონაში მათ მსოფლიოს ოთხგზის, ევროპისა და ოლიმპიური ჩემპიონი ჰაჯიმურატ გაცალოვიც ჰყავთ, ჩვენგან წასული ევროპისა და მსოფლიოს ჩემპიონი, ოლიმპიური მედალოსანი გიორგი კეტოევიც და აბდუსალამ გადისოვიც, რომელიც წინა კვირას ბელგრადში ტრიუმფით გახდა ევროპის ჩემპიონი.</p><p>ამათგან გაცალოვმა და კეტოევმა ივან იარიგინის წლევანდელი ტურნირი წააგეს, საიდოვი მეორეზე გავიდა - ფინალი გადისოვთან წააგო. სავარაუდოდ, მწვრთნელები ნაევროპალ გადისოვს დაასვენებენ და მართლაც არაა გამორიცხული, საიდოვი წაიყვანონ. არადა, მას აქამდე უცხოეთში ჭიდაობა იმდენად უჭირდა, სულ თავს არიდებდა ამას და სწორედ ამიტომ ჰყავდა გარიყული ნაკრებიდან რუსთა წინა მწვრთნელ ჯამბულათ თედეევს.</p><p>რაც შეეხება აზერბაიჯანელ ბერძენ-რომაელთა ნაკრებს, მათმა თურქმა მწვრთნელმა სალიხ ბორმა სოფიაში წასაყვანად ჰასან ალიევი (60), ვიტალი რახიმოვი, რასულ ჯუნაევი (ორივე - 66), რაფიკ ჰუსეინოვი (74), შალვა გადაბაძე (96) და მესუთ ჰაშიმზადე (120) დაასახელა. თან გამოთქვა იმედი, რომ სოფიაში ხუთივე ლიცენზიას მოიპოვებს.</p><p>ამ ნაკრებიდან ყურადღებას ჰასან ალიევზე შევაჩერებთ, რომელმაც სეზონის დასაწყისში 66-ში სცადა გადაბარგება, მაგრამ უშედეგოდ და ისევ 60-ს დაუბრუნდა, თუმცა წონის დაკლება სერიოზულად უჭირს. ის ერთ-ერთი სერიოზული კონკურენტია ევროპის ჩემპიონ რევაზ ლაშხისთვის.</p><p>შეგახსენებთ, რომ ალიევი ახალგაზრდებსა და უფროსებში ევროპისა და მსოფლიოს ჩემპიონია. მისი აღმავალი კარიერა 2009 წელს თბილისში დაიწყო, როცა ახალგაზრდებში ევროპის ჩემპიონი გახდა. აქედან მოყოლებული, მთელი ორი სეზონი მას ტურნირი არ წაუგია, ვიდრე 2001 წლის ევროპის ჩემპიონატის ნახევარფინალში ლაშხმა არ მოუგო. ამის შემდეგ ალიევის კარიერა დაღმა წავიდა და ჯერჯერობით ულიცენზიოდ დარჩა.</p><p>სავარაუდოდ, სოფიაში ლაშხიც იჭიდავებს, რადგან ის ევროპული მასშტაბის სალიცენზიო ტურნირია, მომდევნოებს კი მსოფლიოს ფედერაცია ატარებს და იქ არაევროპელებიც გამოვლენ.</p><p>თუმცა ლაშხის ძირითადი კონკურენტები ისევ ევროპელები არიან, დანარჩენთაგან კი ულიცენზიოდ იაპონელი მსოფლიოს ვიცე-ჩემპიონი რუიტარო მაცუმოტოა დარჩენილი, რომელიც, სავარაუდოდ, აზიელთა საკვალიფიკაციო შეჯიბრებაზე მოიპოვებს საგზურს, სადაც ძლიერი კონკურენტი არც ჰყავს, რადგან ირანს, ყაზახეთსა და კორეას უკვე აქვთ ლიცენზიები.</p><p><strong>ყოველდღიური სპორტული გაზეთი "ლელო"</strong></p>
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] ქართველი, რომელსაც არაფერი აშინებს - საბა ლაზიშვილმა ლეგენდარული ურაია ფეიბერი დაამარცხა!
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] ქართველი, რომელსაც არაფერი აშინებს - საბა ლაზიშვილმა ლეგენდარული ურაია ფეიბერი დაამარცხა!
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა
[VIDEO] დომინანტურად! მერაბ დვალიშვილმა მარლონ მორაესი წუთნახევარში დაამარცხა!
უნგრეთთან მატჩში საქართველოს ნაკრების შემადგენლობა ცნობილია
[VIDEO] შესანიშნავი თამაში და საქართველოს ნაკრების დამაჯერებელი გამარჯვება ტონგასთან
დუემ ფრატეზისთან შეჯახების შედეგად ყბის ტრავმა მიიღო და შეიძლება თურქეთთან ვერ ითამაშოს
"ჩემზე უზარმაზარი შთაბეჭდილება მოახდინა" - ბატრაკოვმა გაამხილა, ვის მისცემდა "ოქროს ბურთს"