<p>ბუბა დაუშვილის "კარპატიში" ტრანსფერთან დაკავშირებით ფიფაში ზესტაფონელთა სარჩელი შევა <br> "ლელოს" მკითხველს კარგად მოეხსენება ლვოვის "კარპატისა" და საქართველოს ჩემპიონის დავის ამბავი: უკრაინული კლუბი არ აპირებს, "ზესტაფონს"<strong> მურთაზ დაუშვილის</strong> ტრანსფერის კომპენსაცია, 360 ათასი ევრო გადაუხადოს.</p><p>ფეხბურთელმა ისარგებლა უფლებით და ქართულ კლუბთან კონტრაქტის ვადის ამოწურვამდე ხუთი თვით ადრე, 2011 წლის აგვისტოში "კარპატისთან" კონტრაქტი გააფორმა. მასზე გაბრაზებულმა "ზესტაფონის" პრეზიდენტმა <strong>ილია კოკაიამ</strong> ბოლო 5 თვის განმავლობაში დუბლშემადგენლობაში გადაიყვანა. ყველას ეგონა, რომ ლვოველები "ზესტაფონს" საკომპენსაციო თანხას, 360 ათასი ევროს გადაუხდიდნენ, ბუბა უკრაინაში თამაშის უფლებას მიიღებდა და კონფლიქტი ამოიწურებოდა, მაგრამ ლვოველებმა უკრაინული მასშტაბით ამ მიზერული თანხის გადახდაც არ ისურვეს.</p><p>რადგან საქმეს ასეთი პირი უჩანდა, "ზესტაფონმა" ლვოველებს ოფიციალურად მიმართა, რომ "კარპატის" კუთვნილი საკომპენსაციო თანხა გადაეხადა. უკრაინელთა არაოფიციალური პასუხი უცნაურად ჟღერდა - ან 50 ათას ევროს გადაგიხდით, ან 1 მაისამდეც მოვიცდითო. საქმე ისაა, რომ 1 მაისს დაუშვილი 23 წლის გახდება და მის კონტრაქტში "კარპატის" კომპენსაციის გადახდა აღარ მოუწევს, "ზესტაფონი" კი უკრაინის პირველი ლიგის "ლვოვისგან" (სადაც ტრანსფერი დაარეგისტრირეს დაუშვილის "კარპატიში" იჯარით გაშვებამდე) მხოლოდ 60 ათას ევროს მიიღებს.</p><p>ცნობილია, რომ დაუშვილი "კარპატის" თავისუფალი აგენტის სტატუსით შეუერთდა, მაგრამ ყველაფერს თავისი წესი აქვს: უკრაინის პრემიერლიგა ეროვნული ჩემპიონატების მეორე კატეგორიაშია და გუნდი ვალდებულია, 23 წლამდე თავისუფალ აგენტში გამზრდელ კლუბს სეზონში 60 ათასი ევრო გადაუხადოს. დაუშვილი "ზესტაფონში" 6 სეზონი თამაშობდა და იმერულ კლუბს 360 ათასი ევრო ეკუთვნოდა.</p><p>რადიკალურად იცვლება ვითარება "ლვოვის" შემთხვევაში: უკრაინის პირველი ლიგის კლუბი ჩემპიონატების მეოთხე კატეგორიაშია და "ზესტაფონს" ბევრად ნაკლები, სეზონში 10 ათასი ევრო, ანუ სულ 60 ათასი უნდა გადაუხადოს.</p><p>ეს "ზესტაფონის" პრეზიდენტმა<strong> </strong>ილია კოკაიამ თავიდანვე თაღლითურ სქემად მონათლა, რადგან კლუბს კომპენსაციისთვის თავის არიდება სურს.</p><p>"თუ ლვოველებს ეს სქემა დაუმტკიცდათ, მაშინ ფიფასგან სერიოზული სანქციები წამოვა... "ზესტაფონის" ინტერესის დასაცავად ბოლომდე ვიბრძოლებ. მეტსაც გეტყვით: ყველაფერს გავაკეთებთ, დემინსკის ფეხბურთში საქმიანობა რომ აუკრძალონ. ეს მათთვის პირველი სკანდალი არ არის, მის "საქმეებს" თავად უკრაინაშიც კარგად იცნობენ", - განაცხადა კოკაიამ (<a href="/fexburti/qarthuli-fekhburthi/skhvadaskhva/28668-ilia-kokaia-lvovis-qkarpatimq-am-thaghlithur-sqemaze-pasukhi-unda-agos.html" target="_blank"><span style="color: #ff0000;"><strong>იხილეთ ვრცლად</strong></span></a>).</p><p>როგორც შევიტყვეთ, ამჟამად "ზესტაფონი" ამ ტრანსფერის იურიდიულ მხარეს დეტალურად სწავლობს, საჭირო ინფორმაციებს აგროვებს, დახმარებისთვის კი უკრაინელი იურისტი მოიწვია. ეს ინკოგნიტო პიროვნება თბილისში მცირე ხნის წინ იმყოფებოდა, მაგრამ ვინაობის დასახელება და კომენტარი არ ისურვა.</p><p>თუ ფიფა ქართული მხარის არგუმენტებს გაიზიარებს, მაშინ ლვოველები იძულებულნი გახდებიან, რომ "ზესტაფონს" საკომპენსაციოსთან ერთად, დამატებითი თანხაც გადაუხადონ.</p><p>ამ საქმეში გადამწყვეტი მნიშვნელობა ექნება იმ ფაქტს, რომ დაუშვილმა იჯარამდე "კარპატიში" 4 საკონტროლო მატჩი ჩაატარა.</p><p>"ზესტაფონი" ამ საკითხზე განცხადებას ჯერ არ აკეთებს, თუმცა დაგვიდასტურეს, რომ კონსულტაციებს აწარმოებენ და "კარპატისთვის" თანხის შერჩენას არ აპირებენ.</p><p><strong>ყოველდღიური სპორტული გაზეთი "ლელო"</strong></p>
ქომაგი
მიდი ზესტა არაფერი შეარჩინა მაგ უნამუსოებს! მარტო ზესტაფონმა კი არა ფედერაციამაც ყველა საშუალებას უნდა მიმართოს რომ სამაგალითოდ დაისაჯოს „ლვოვიც“, „კარპატიც“ და დაუშვილიც, რომ მასეთი გოთვერნობებით შემდეგში სხვა ქართული კლუბებიც არ დაზარალდნენ!
"მანჩესტერ იუნაიტედმა" მაიკლ კერიკი გაათავისუფლა - "წითელ ეშმაკებს" პოჩეტინო ჩაიბარებს
ფუტსალი | საქართველო 2:1 ლიბანი
აი, გემოვნებაც ასეთი უნდა - სქოულზმა "მანჩესტერს" კრიზისის დასაძლევად ამ ფეხბურთელების შეძენა ურჩია
ბათუმის "დინამოს" წარმომადგენლები ლისაბონში გამართულ მასშტაბურ საფეხბურთო სამიტს - TransferRoom LIVE Global-ს დაესწრნენ
შერმადინის "ტენერიფემ" ანდრონიკაშვილის "ანდორას" სტუმრად მოუგო
შევჩენკომ უკრაინის ნაკრების მწვრთნელს მხარდაჭერა გამოუცხადა
შეცვლის თუ არა პოჩეტინოს? - გვარდიოლამ საკუთარ მომავალზე გადაწყვეტილება მიიღო
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
"აი, ასე დავამარცხეთ ესპანეთის ნაკრები" - თომას ტუხელი
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
[VIDEO] სანდროს 21 წუთი, დონჩიჩის ბრწყინვალე მატჩი და "ლეიკერსის" ზედიზედ მერვე გამარჯვება
საფრანგეთმა თურქეთს მოუგო და ჯგუფში გაიმარჯვა - ბელგიამ იტალიას დიდი ანგარიშით სძლია
უკრაინა - საქართველო | წლის დასკვნითი მატჩი
[VIDEO] ლოლაძის ოქრო და ინანეიშვილის ბრინჯაო ზაგრების გრან პრიზე
[VIDEO] 46 წლის რონალდინიომ 11-წლიანი პაუზის შემდეგ ითამაშა
სობოსლაი: ახლოს ვიყავი იმასთან, რომ საქართველოსთან არ მეთამაშა
მეთოთხმეტედ! - ნონა გაფრინდაშვილი მსოფლიო ჩემპიონია
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
"აქ ვერაფერს ვაკეთებთ, რაც მალე წავალთ, მით უკეთესი" - დე ბრუინის ცოლი ნეაპოლში ცხოვრებით უკმაყოფილოა