- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ჰარი რედნაპი, როგორც კანდიდატი
<p>რატომ შეიძლება გახდეს რედნაპის მუშაობა ინგლისის ნაკრებში წარუმატებელი <br> გთავაზობთ "გარდიანის" ჟურნალისტის, ჯონათან უილსონის სტატიას იმის თაობაზე, თუ რატომ შეიძლება გახდეს რედნაპის მუშაობა ინგლისის ნაკრებში წარუმატებელი. მასალას მცირედი შემოკლებით გთავაზობთ.</p><p><strong>რედნაპი და მისი სქემები</strong></p><p>"ტოტენჰემის" მარცხი "იუნაიტედთან" რაღაცნაირად უცნაური გამოდგა. 60 წუთის განმავლობაში ლონდონელები უკეთ თამაშობდნენ, თუმცა მერე თავადვე აჩუქეს 2 გოლი მეტოქეს. ასეთი რამეები ხშირად ხდება ხოლმე. თავისთავად წაგება არ არის დიდი ტრაგედია, თუმცა ის შეკითხვას ბადებს ჰარი რედნაპის სანაკრებო კანდიდატურასთან დაკავშირებით.</p><p>"ტოტენჰემმა" მიმდინარე სეზონში 7 თამაში წააგო. აქედან ერთი "სტოკთან" დიდწილად მსაჯის შეცდომის გამო. დანარჩენებში კი ის, როგორც წესი, ბევრ გოლს უშვებს.</p><p>ასეთ შეხვედრებში რჩებოდა შთაბეჭდილება, რომ მართალია, გუნდი დიდებულად თამაშობდა, ის იყო, მოწინააღმდეგე უნდა გაეტეხა, რომ საბოლოოდ მეტისმეტად გახსნილი თამაშის გამო ნადგურდებოდა. ორ მატჩში კი, პირველ წრეში "სიტისთან" (1:5) და მეორეში "არსენალთან" (2:5), 20-25 წუთის განმავლობაში რედნაპის შეგირდები სულაც უსუსურად გამოიყურებოდნენ.</p><p>ამ ორმა კლუბმა "ტოტენჰემს", ვინც მუდამ 4-4-2 განლაგებას იყენებს, იოლად მოუგო ბრძოლა მოედნის ცენტრში. თანაც, "არსენალმა" ეს კლასიკური 4-3-3 სისტემის სქემით შეძლო, "სიტიმ" კი 4-4-1-1-იდან 4-2-3-1—ზე გარდამავალი განლაგებით.</p><p>რობერტო მანჩინის შეგირდებიდან სერხიო აგუერო რეგულარულად ჩადიოდა ნახევარდაცვაში, სამირ ნასრი და ჯეიმს მილნერი კი ხშირად იწევდნენ ცენტრისკენ და რიცხობრივ უპირატესობას ქმნიდნენ ბურთის გათამაშებისას. საქმეც სწორედ ეს არის - 4-4-2 სქემით შეუძლებელია ბურთზე კონტროლის დაწესება, რადგან მეტოქეს ერთით მეტი ფეხბურთელი ყოველთვის ეყოლება.</p><p>ეს სქემა უფრო ვერტიკალური თამაშისთვის არის შექმნილი და თუკი გუნდმა მაინც მოახერხა ბურთის ხელში ჩაგდება, თავისუფალ ზონებში მუდმივი ჩაწოდებებით მეტოქის დაცვას სერიოზულ პრობლემებს შეუქმნის, რაც "ტოტენჰემმა" "მილანთან" და განსაკუთრებით, "ინტერთან" შეხვედრებში დაამტკიცა.</p><p>შეიძლება ვიღაცამ თქვას, რომ ამ სქემამ "არსენალთან" თავიდან გაამართლა კიდეც, რადგან გუნდმა 2 გოლი სწრაფად გაიტანა. რეალურად კი ეს უფრო "მეთოფეთა" დაცვის სისუსტის გამო მოხდა. ორივე განაპირა მცველი წინ მიდიოდა, ალექს სონგი კი მათ დაზღვევას ვეღარ ასწრებდა.</p><p>ამასთან, ერთი გოლი "დეზებმა" საეჭვო პენალტით გაუშვეს. მოვლენები ასევე რომ გაგრძელებულიყო, მაშინ ვიტყოდით, რომ რედნაპის ტაქტიკამ 100%-ით გაამართლა, მაგრამ 0:2-ის დროსაც კი იყო შეგრძნება, რომ "არსენალს" შეეძლო გათანაბრება.</p><p>1:2-ზე ამასთან დაკავშირებული ეჭვი საბოლოოდ გაიფანტა. ამას რედნაპიც მიხვდა, მაგრამ სისხლდენას ვერაფრით უშველა. რაღაც წილად "არსენალს" გაუმართლა, რაღაც დონეზე "ტოტენჰემს" არ ეყო ფიზიკური კონდიციები.</p><p><strong>ის, რაც ჰარის არ უყვარს</p><p></strong>რედნაპს ძალიან არ უყვარს თამაშის მიმდინარეობისას ტაქტიკის შეცვლა. ის ყველანაირად ცდილობს, რისკზე არ წავიდეს და ნაუცბათევი გადაწყვეტილებების მიღება არ მოუხდეს.</p><p>ამაში გასაოცარი არაფერია, მაგრამ ბოლო წლებში "ტოტენჰემის" მიღწევები გვიჩვენებს, რამდენად ეფექტური შეიძლება იყოს ასეთი მიდგომა ზოგადად. უმაღლეს დონეზე გამართულ თამაშებში შეიძლება შეიქმნას სიტუაცია, როცა ფორმაში მყოფი მეტოქის შემხედვარე გუნდი იძულებული გახდება, დაამშვიდოს თამაში, რათა რისკი მინიმუმამდე დაიყვანოს და მხოლოდ ამის მერე ეძებოს თავისი შანსები შეტევაში.</p><p>სწორედ ასე მოიქცა რობერტო მანჩინი, როცა მისი გუნდი "არსენალს" დაეჯახა. პირველ 10 წუთში "სიტიმ" საკუთარ კართან მისასვლელი ყველა გზა გადაკეტა და ბოლოს თამაში 1:0 მოიგო. მასპინძელი მეტოქეს გახსნილ თამაშში რომ აჰყოლოდა, ქულის აღების შანსიც კი არ ექნებოდა.</p><p>მეორე მაგალითად ანტონიო კონტე მოვიყვანოთ. რამდენიმე კვირის წინ "მილანთან" სუფთად წაგებული პირველი ტაიმის შემდეგ 3-5-3 სქემა 4-3-3-ად აქცია. ის 1:0-ს აგებდა, მაგრამ ჩათვალა, რომ უპირველესად მეტოქე უნდა გაეტეხა. "იუვენტუსმა" თამაში ჯერ ჯიჯი ბუფონის კარიდან შორს გადაიტანა, შემდეგ კი შეტევებზეც დაფიქრდა და შეცვლაზე შესულმა ალესანდრო მატრიმ გაათანაბრა კიდეც.</p><p>მატჩის შემდეგ კონტემ აღიარა, რომ მას თავდაპირველი გეგმა შეცდომით ჰქონდა არჩეული. თუმცა მან მაინც შეძლო თამაშის მიმდინარეობისას გარდატეხის შეტანა. აბსოლუტურად განსხვავებული სიტუაცია იყო "ტოტენჰემისა" და "რეალის" შეხვედრაში. პიტერ კრაუჩის გაძევების შემდეგ "დეზებმა" "რეალის" შემტევებს არათუ ვერაფერი მოუხერხეს, ალბათ წარმოდგენაც არ ჰქონდათ, როგორ უნდა გაეკეთებინათ ეს.</p><p>თუკი რედნაპი ინგლისის ნაკრებს მაინც ჩაიბარებს, შეიძლება ბევრი აღაფრთოვანოს მისმა თამამმა შემტევმა სტილმა. ამან შეიძლება შედეგები მოიტანოს კლასით დაბლა მდგომ გუნდებთან, მაგრამ უსიამოვნებები მას მერე დაიწყება, რაც მას კლასით თანაბარი ან აღმატებული გუნდი შეხვდება. "ტოტენჰემი" ჩემპიონატში მესამე ადგილზეა, თუმცა ორივე მანჩესტერულ კლუბთან 4 შეხვედრაში 16 გოლი გაუშვა და ამას "არსენალთან" 6 მიამატა.</p><p>ეს დაახლოებით იმას ჰგავს, როცა საერთაშორისო ტურნირის პლეი ოფში იოლად გადიხარ და მერე პირველივე სერიოზულ მოწინააღმდეგესთან აგებ შეხვედრას. ნაკრებს ისეთი მწვრთნელი სჭირდება, რომელიც, მაგალითად, ესპანეთთან მოპოვებულ ერთბურთიან უპირატესობას როგორმე ბოლომდე შეინარჩუნებს.</p><p><strong>ყოველდღიური სპორტული გაზეთი "ლელო"</strong></p>
ორივე შემთხვევაში გავარდნენ - "ვესტ ჰემის" ყველაზე ცუდი სტარტი ბოლო 52 წლის განმავლობაში
ოფიციალურად: შონ დაიჩი პრემიერ ლიგას დაუბრუნდა
ლეგენდარული ინგლისელი ფეხბურთელის ვაჟი 21 წლის ასაკში ტრაგიკულად გარდაიცვალა
ისევ მილანში, ოღონდ სხვა გუნდში - კოვაჩიჩს სერია A-ში დაბრუნების ვარიანტი აქვს
"მათ ჩემი განადგურება გადაწყვიტეს" - პლატინი FIFA-ს შესახებ
ორივე შემთხვევაში გავარდნენ - "ვესტ ჰემის" ყველაზე ცუდი სტარტი ბოლო 52 წლის განმავლობაში
ყველაზე მაღალანაზღაურებადი მწვრთნელი ისტორიაში - ბენიტესმა ბერძნული გუნდი ჩაიბარა
ჰანსი ფლიკს დღეს "რეალთან" მატჩში გვარდიოლას რეკორდის გამეორება შეუძლია
დავითაშვილის კაცნაკლული "სენტ-ეტიენი" "ანსისთან" განადგურდა
ნიკა ამაშუკელი საუკეთესო მსაჯთა ათეულში დაასახელეს
[VIDEO] "ნაპოლიმ" "ინტერს" უმნიშვნელოვანეს მატჩში სძლია
როგორი შეფასებები მიიღეს პსჟ-ს ფეხბურთელებმა "ბრესტთან" მატჩში?
ქართული წყვილის ტრიუმფი ჩინეთის გრან-პრიზე - მეტელკინასა და ბერულავას წყვილის მორიგი გამარჯვება
[VIDEO] ხვიჩას საგოლე პასი, ჰაკიმის დუბლი - პსჟ-მ "ბრესტს" უპრობლემოდ მოუგო
[VIDEO] კვარაცხელიას შედევრამდე სულ ცოტა დააკლდა - ქართველმა ჰაკიმის გაატანინა
გოჩოლეიშვილის დაბრუნება გადაიდო - "ჰამბურგი" სახლში "ვოლფსბურგთან" დამარცხდა
ზივზივაძის ერთი ტაიმი და "ჰაიდენჰაიმის" მორიგი წაგება
გოგლიჩიძემ ისევ შეუცვლელად ითამაშა - "უდინეზემ" გაიმარჯვა და მერვე ადგილზე გადავიდა
"ბრესტთან" მატჩში პსჟ-ს შემადგენლობა ცნობილია
"ლივერპული", "ბაიერნი" და მადრიდის "რეალი" "კრისტალ პალასის" მცველისთვის იბრძვიან
"საერთოდ არ მაინტერესებს არნე სლოტი ჩვენზე რას ამბობს" - რუბენ ამორიმმა კრიტიკოსებს მიმართა
"კარიერის გაგრძელების მხოლოდ 1 ვარიანტი აქვს" - Diario Sport-ი ნეიმარზე წერს
"მოვიდა დრო, ჩვენს გმირ მწვრთნელს დავემშვიდობოთ " - ლევან სალუქვაძემ ვილი სანიოლზე ისაუბრა