- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ტენდენცია: მწვრთნელობა ათასად დაფასდა...
<p>სასიამოვნოა, რომ თანამედროვე ფეხბურთის მიმდინარე ტენდენციებს არც საქართველო ჩამორჩება... ოღონდ მხოლოდ სამწვრთნელო გადაადგილებებს ვგულისხმობთ <br> თანამედროვე ფეხბურთში რომ დიდი ფული ("თეთრიც", "შავიც") ტრიალებს, უკვე აღარავის უკვირს; ისე, როგორც მართლაც ხმაურიანი ტრანსფერები, - ამა თუ იმ ფეხბურთელში 50 მილიონ ევროზე მეტის გადახდა ხომ უკვე ჩვეულებრივ ამბად აღიქმება.</p><p>აი, მაგალითად, ბრაზილიელი <strong>ნეიმარის</strong> შეძენა "ბარსელონას" სოლიდურ თანხად დაუჯდა; ასტრონომიულ თანხებზეა ლაპარაკი <strong>ედინსონ კავანის, რადამელ ფალკაოსა</strong> თუ <strong>გარეთ ბეილის</strong> მოსალოდნელ ტრანსფერებზეც.</p><p>მოკლედ, ჩვეულებრივი სიტუაციაა, თუმცა ისიც ფაქტია, რომ ამ ბოლო წლებში ფეხბურთელებზე უფრო "მოთხოვნადი"... მწვრთნელები გახდნენ! ჰო, მართლაც ასეა: ეს ერთი კვირაა, ზემოთ დასახელებული ფეხბურთელების შემდგარ თუ მოსალოდნელ ტრანსფერებზე მეტად აქტუალური სწორედ სამწვრთნელო გადაადგილებებია; თანაც, უნდა ვაღიაროთ, რომ მოთამაშეებზე მეტად ხმაურიანი და, თქვენ წარმოიდგინეთ, ბევრად უფრო მასშტაბურიც!</p><p>ეგ კი არა, "სატრანსფერო ბაზარზე" დღესდღეობით ისეთი სიტუაციაა შექმნილი, რომ მხოლოდ და მხოლოდ <strong>ლეო მესის</strong> სხვა გუნდში გადასვლა თუ "გადასწონის" <strong>ჟოზე მოურინიოს</strong> ("ჩელსიში"), <strong>რაფაელ ბენიტესის</strong> ("ნაპოლიში"), <strong>ვალტერ მაცარის</strong> ("ინტერში"), <strong>მანუელ პელეგრინისა</strong> ("მანჩესტერ სიტიში") და <strong>დევიდ მოიესის</strong> ("მანჩესტერ იუნაიტედში") დანიშვნებს.</p><p>მთავარი ინტრიგა წინ არის: ვინ ჩაიბარებს მადრიდის "რეალს", <strong>კარლო ანჩელოტი</strong> თუ <strong>იუპ ჰაინკესი?</strong> სად "გაარტყამს" მორიგ სარფიან კონტრაქტს <strong>რობერტო მანჩინი</strong>? ან სად გააგრძელებს კარიერას მანჩინიზე არანაკლები "მადის" მქონე <strong>გუუს ჰიდინკი</strong> (რომელსაც მახაჭყალის "ანჟისთან" კონტრაქტი უმთავრდება).</p><p>სამწვრთნელო ცვლილებებია მოსალოდნელი "მილანში", "რომაში"; საბოლოოდ კიდევ არ არის გადაწყვეტილი, დარჩება თუ არა "ბარსელონას" მთავარ მწვრთნელად <strong>ტიტო ვილანოვა</strong>; ჯერჯერობით უცნობია, საით გაუწევთ გული ჩემპიონთა ლიგის შარშანდელ გამარჯვებულ <strong>რობერტო დი მატეოსა</strong> თუ მართლაც გამორჩეული სამწვრთნელო ხედვის მქონე <strong>მარსელო ბიელსას</strong> (ამ უკანასკნელს ბილბაოს "ატლეტიკთან" კონტრაქტი უმთავრდება).</p><p>ტრადიციულად, დიდი ამბები უნდა მოხდეს რუსეთის პრემიერლიგაშიც: "ზენიტის" მთავარი მწვრთნელი ჯერჯერობით ისევ <strong>ლუჩანო სპალეტია</strong>, მაგრამ იტალიური გუნდებიდან არაერთი შემოთავაზება აქვს; დიდი ალბათობით, თავის პოსტს დაატოვებინებენ <strong>სლავენ ბილიჩს</strong> და მოსკოვის "ლოკომოტივის" სავარაუდო მწვრთნელებად <strong>რობერტო მანჩინისა</strong> და <strong>მასიმილიანო ალეგრის</strong> განიხილავენო, - ამტკიცებს რუსული სპორტული პრესა.</p><p>სამაგიეროდ, ის კი გარკვეულია, რომ ცნობილმა და საკმაოდ ნორმალური კვალიფიკაციის მწვრთნელმა <strong>იური სიომინმა</strong>... აზერბაიჯანული "გაბალა" ჩაიბარა! ამ პერიფერიულ აზერბაიჯანულ კლუბს სოლიდურზე სოლიდური ბიუჯეტი აქვს: ორი წლის წინათ ინგლისის ნაკრებისა და ლონდონის "არსენალის" ლეგენდარული კაპიტანი <strong>ტონი ადამსი</strong> მიიწვიეს მთავარ მწვრთნელად, ახლა კი რუსეთის ნაკრების, კიევის "დინამოსა" და მოსკოვის "ლოკომოტივის" ყოფილი თავკაცი იური სიომინი.</p><p>სხვათა შორის, სიომინს ყოველთვის განსაკუთრებული ურთიერთობა ჰქონდა ქართველ ფეხბურთელებთან: <strong>მალხაზ ასათიანი</strong> და <strong>ზაზა ჯანაშია</strong> წლების განმავლობაში მოსკოვის "ლოკომოტივის" ლიდერები იყვნენ!</p><p>ისე, თემას გადავუხვევთ და ვიტყვით, რომ ასათიანმაც და ჯანაშიამაც (ისე, როგორც სიომინის ხელმძღვანელობით, "ლოკომოტივში" სხვადასხვა დროს მოასპარეზე <strong>მიხეილ აშვეთიამ</strong> თუ <strong>გიორგი დემეტრაძემ</strong>) არაერთი მატჩი თუ სეზონი ჩაატარეს მაღალ დონეზე, მაგრამ ბევრი, ალბათ, დაგვეთანხმება, რომ უფრო მეტის მიღწევაც შეეძლოთ...</p><p>...ისევ სიომინის "თემას" გავაგრძელებთ: აზერბაიჯანული გუნდების თითქმის აბსოლუტურ უმრავლესობას სოლიდური ბიუჯეტი აქვს და ცნობილი და მაღალანაზღაურებადი მწვრთნელების მიწვევაც უკვე ჩვეულებრივ ამბად აღიქმება.</p><p>"გაბალას" მსგავსად, ასევე პერიფერიული კლუბია ლენქორანის "ხაზარი", სადაც ამ ერთი თვის წინათ მთავარ მწვრთნელად ცნობილი უელსელი სპეციალისტი <strong>ჯონ ტოშაკი</strong> დაინიშნა.</p><p>თუმცა, ფული რომ ყველაფერს არ ნიშნავს, იმავე აზერბაიჯანის მაგალითზე ვიტყვით: ქართველი სპეციალისტების დამოძღვრილ გუნდებს, <strong>კახა ცხადაძის</strong> "ინტერს" და <strong>გიორგი ჩიხრაძის</strong> "სიმურგს", მოკრძალებული ბიუჯეტი აქვთ, მაგრამ "ხაზარიც" უკან ჩამოიტოვეს, "გაბალაც", არანაკლებ მდიდარი "ბაქიც" და ჩემპიონატიც, შესაბამისად, მესამე და მეოთხე ადგილებზე დაასრულეს!</p><p><span style="color: #ff0000;"><strong>ქართული სინამდვილე</strong></span></p><p>მართლაც სასიამოვნოა, რომ თანამედროვე ფეხბურთის მიმდინარე ტენდენციებს არც საქართველო ჩამორჩება! ოღონდ ამ შემთხვევაში, მხოლოდ და მხოლოდ, სამწვრთნელო გადაადგილებებს ვგულისხმობთ: სეზონის დასრულებიდან ჯერ ათი დღეც არ გასულა და უკვე რამდენიმე ქართული გუნდი უმწვრთნელოდ არის დარჩენილი!</p><p>ჩემპიონატი ახალდასრულებული იყო, "ზუგდიდის" აწ უკვე ყოფილმა მთავარმა მწვრთნელმა <strong>ელგუჯა ქომეთიანმა</strong> ჩვეული გულახდილობით რომ განაცხადა, გუნდიდან მივდივარ და, საერთოდ, სამწვრთნელო საქმიანობას მინდა შევეშვაო.</p><p>"ზუგდიდს" ჯერჯერობით ახალი თავკაცი არ ჰყავს, ისე, როგორც "დილას" თუ "ტორპედოს": <strong>ვალდას ივანაუსკასი</strong> გორელთა მწვრთნელი აღარ არის (არადა, გუნდმა ისტორიაში საუკეთესო შედეგი უჩვენა - მეორე ადგილი დაიკავა), ხოლო ქუთაისელებს <strong>გია გეგუჩაძე </strong>გამოემშვიდობა (ზედიზედ ორჯერ მესამე ადგილის დაკავება როგორი შედეგია, ამის განსჯა მკითხველისთვის მიგვინდვია).</p><p>თუმცა, ჯერ სადა ვართ: ახალი სეზონის დაწყებამდე, სულ მცირე, სამ-ოთხ გუნდში (თუ უფრო მეტში არა) კიდევ უნდა ველოდოთ სამწვრთნელო ცვლილებებს. არ დაგვავიწყდეს, რომ დღესდღეობით უმწვრთნელოდ არის დარჩენილი "ზესტაფონი"; არავინ იცის, თუ როგორ განვითარდება მოვლენები ბათუმის "დინამოსთან" დაკავშირებით; ბოლნისის "სიონის" სავარაუდო მწვრთნელად <strong>ივო შუშაკიც </strong>ახსენეს; გორის "დილას" ასევე სავარაუდო კანდიდატად კი ისეთი პიროვნებაც დასახელდა, აი, "ხმაურიანი დანიშვნა" ეს იქნება, თუ იქნება!..</p><p>არადა, წინა სეზონთან შედარებით, გასულ ჩემპიონატში მწვრთნელების მოხსნა-დანიშვნას მასშტაბური ნამდვილად აღარ ეთქმოდა: ექვსმა სპეციალისტმა პირველიდან ბოლო ტურის ჩათვლით იმუშავა.</p><p>აი, ის მწვრთნელებიც, კლუბის ხელმძღვანელთა მხრიდან ნდობას რომ ინარჩუნებდნენ: <strong>დუშან უჰრინი</strong> (თბილისის "დინამო"), <strong>სოსო ფრუიძე</strong> ("ჩიხურა"), <strong>მალხაზ ჟვანია</strong> ("მერანი"), <strong>გია გურული</strong> (ბათუმის "დინამო"), გია გეგუჩაძე ("ტორპედო") და ელგუჯა ქომეთიანი ("ზუგდიდი").</p><p>აი, სხვაგან კი აბსოლუტურად განსხვავებული სურათი იყო: ოთხ გუნდში თითოჯერ შეიცვალა მთავარი მწვრთნელი, ერთგან - ორჯერ, "ზესტაფონმა" კი სეზონის "რეკორდი" დაამყარა! სწორედ "ზესტაფონის" სამწვრთნელო გადაადგილებას შეგახსენებთ: <strong>გია ჭიაბრიშვილის </strong>ნაცვლად მეოთხე ტურში გუნდს <strong>გიორგი ყიფიანმა</strong> უთავკაცა, მომდევნო შეხვედრიდან კი ქვეყნის ჩემპიონების გაძღოლა <strong>დავით მუჯირსა</strong> და <strong>ზაზა ზამთარაძეს</strong> მიანდეს. XIX ტურის წინ ამ "დუეტმა" პროტესტის ნიშნად გუნდი დატოვა და "ჩიხურასთან" გასვლით შეხვედრაზე "ზესტაფონი" მოედანზე <strong>გიორგი მიქაძემ</strong> გაიყვანა; აი, მომდევნო ტურიდან კი "ზესტაფონს" უკვე <strong>კახა კაჭარავა</strong> მოძღვრავდა, თუმცა ჩემპიონატის ბოლო ტურში, თბილისის "დინამოსთან" გასვლით მატჩში, იმერული კლუბი მოედანზე ისევ გიორგი მიქაძემ გამოიყვანა.</p><p>...გორის "დილამ" სეზონი <strong>თემურ შალამბერიძის</strong> ხელმძღვანელობით დაიწყო, თუმცა წარუმატებელი სტარტის (რაც ევროტურნირებზე მონაწილეობითა და საშინაო მატჩების თბილისში ჩატარებითაც იყო გამოწვეული) მერე V ტურიდან გუნდის გაძღოლა ისრაელიდან ჩამოყვანილ <strong>გიორგი დარასელიას</strong> დაევალა.</p><p>დარასელიას საქართველოს ჩემპიონატში ჩინებული სამწვრთნელო დებიუტი ჰქონდა (ზედიზედ 11 მატჩი მოიგო), თუმცა ზამთრის პაუზის დროს ხაბაროვსკის "სკა-ენერგიაში" გადავიდა და მის ნაცვლად "დილა" ლიტველ სპეციალისტს, ვალდას ივანაუსკასს ჩააბარეს.</p><p>მესამე ტურის მერე შეიცვალა მთავარი მწვრთნელი "სიონში" - <strong>ხვიჩა ქასრაშვილის</strong> ნაცვლად ბოლნისურ კლუბში <strong>არმაზ ჯელაძე</strong> მივიდა; VIII ტურში რუსთავში საშინაო მარცხის ("ვიტ ჯორჯიასთან") მერე "მეტალურგის" მთავარი მწვრთნელის პოსტის დატოვება მოუხდა <strong>კობა ჟორჟიკაშვილს</strong>, რომელიც "ზესტაფონიდან" წამოსულმა გიორგი ყიფიანმა შეცვალა;</p><p>XIX ტურის მერე მთავარი მწვრთნელი შეიცვალა "კოლხეთშიც": <strong>დავით მახარაძე</strong> წავიდა და მცირე პაუზის მერე ფოთელთა გუნდში კვლავაც <strong>სოსო ფილია</strong> დაბრუნდა. დაახლოებით ასეთი შინაარსის ცვლილება მოხდა "ვიტ ჯორჯიაშიც": <strong>მერაბ კოჭლაშვილი</strong> XXV ტურის მერე <strong>ზურაბ ბერიძემ</strong> ჩაანაცვლა.</p><p>ვინ იქნება შემდეგი?..</p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/chempionati/50114-goris-qdilasq-akhali-mtsvrthneli-eyoleba-ivanauskass-saqarthvelo-ar-ethmoba.html" target="_blank">გორის "დილას" ახალი მწვრთნელი ეყოლება, ივანაუსკასს საქართველო არ ეთმობა</a></p><p><a href="/fexburti/qarthuli-fekhburthi/chempionati/50143-gia-geguchadzis-gareshe-quthaiseltha-akhalgazrduli-da-espanuri-kursi.html" target="_blank">გია გეგუჩაძის გარეშე - ქუთაისელთა ახალგაზრდული და ესპანური კურსი</a></p><p><a href="/fexburti/qarthuli-fekhburthi/chempionati/49966-elguja-qomethiani-pasukhismgebloba-mkholod-me-mekisreba.html" target="_blank">ელგუჯა ქომეთიანი: პასუხისმგებლობა მხოლოდ მე მეკისრება</a></p><p><a href="/fexburti/qarthuli-fekhburthi/chempionati/50115-bolnisis-qsionshiq-ivo-shushakis-motsvevaze-fiqroben.html" target="_blank">ბოლნისის "სიონში" ივო შუშაკის მოწვევაზე ფიქრობენ</a></p>
სარეკორდო ტრანსფერი - "ტორპედომ" მამუჩაშვილი დაიმატა და გიგაური გაუშვა
"იბერია 1999"-მა კოტ-დ'ივუარის ნაკრების ფეხბურთელი დაიმატა
"დილას" იტალიელი მწვრთნელი ჩაუდგა სათავეში
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
ᓒᓝᓒᓘᓢᓐ ᓒᓝᓒᓣᓐᓛ ᓘᓜᓪᓘᓓᓔᓜᓢᓘᓡ ᓒᓐᓛᓝ ᓑᓝᓓᓘᓨᓘ ᓛᓝᓘᓮᓐᓓᓐ
წასვლიდან ორ კვირაზე ოდნავ მეტში ბრუნდება - თბილისის შემდეგ ჭიაბრიშვილი ბათუმის "დინამოს" მწვრთნელი ხდება
გია გეგუჩაძე: ძალიან რთული თამაშის მოლოდინი გვაქვს
გია გეგუჩაძე: ყველას იმედი გვქონდა, რომ შემდეგ ეტაპზე გავიდოდით
[გაიცანით 19-წლამდელები] ავთანდილ ენდელაძე: ნახევარფინალში მაინც!
ᓒᓝᓒᓘᓢᓐ ᓒᓝᓒᓣᓐ ᓗᓐᓕᓘᓡ ᓛᓬᓕᓠᓗᓜᓔᓚᓡ ᓞᓘᓠᓓᓐᓞᓘᓠ ᓗᓐᓛᓐᓨᓘᓡ ᓓᓠᓝᓡ ᓔᓩᓮᓣᓑᓐ
ზაზა ჯანაშია: ჩვენმა კალათბურთელებმა ყველას მაგალითი აჩვენეს!
ახლა უკვე ოფიციალურად: ბესიკ შეროზია "ზუგდიდის" მთავარი მწვრთნელი აღარაა
"ზუგდიდი" - კარგი დასაწყისი და საშინელი დასასრული
გეგუჩაძე უნდა წავიდეს, ამას აღარ მოვითმენთ! - ბათუმის "დინამოს" გულშემატკივრები
"მჯერა, ყველაფერს ჩვენ სასიკეთოდ დაასრულებთ" - კვარაცხელიას გზავნილი ბათუმის "დინამოს" ფეხბურთელებს "ტირანასთან" მატჩამდე [VIDEO]
Geo Team: გია გეგუჩაძემ ბათუმის "დინამო" დატოვა
შლაგბაუმი - რა უშლის ხელს ლევან მჭედლიძის ბრიტანულ ტრანსფერს?
მეტალურგი-ზუგდიდი 5:0 - სიხარულიძის სამი სიხარული
ᓒᓝᓒᓣᓐᓡ ᓡᓘᓛᓑᓝᓚᓣᓠᓘ ᓡᓐᓡᓯᓔᓚᓘ ᓓᓐ ᓝᓠᓘ ᓡᓐᓒᓝᓚᓔ ᓞᓐᓡᓘ
აქტუალური თემა: სამწვრთნელო კარუსელი