<p>ავსტრიულ შეკრებაზე "დინამომ" უკვე სამი სპარინგ-მატჩი ისე ჩაატარა, არც ერთი უცხოელი ახალწვეული გუნდში არ გამოჩენილა <br> ორ კვირაზე ოდნავ მეტი დრო დარჩა იმ დღემდე, თბილისის "დინამომ" ჩემპიონთა ლიგის მეორე საკვალიფიკაციო ეტაპის საშინაო მატჩი რომ უნდა ჩაატაროს.</p><p><strong></strong></p><p>აღსანიშნავია, რომ ჩვენი ყველაზე ტიტულიანი გუნდი ჩემპიონთა ლიგის გათამაშებას ხუთწლიანი პაუზის მერე უბრუნდება და მშვენიერი შანსიც აქვს, კლუბის ისტორიაში ერთ-ერთი გამორჩეული შედეგი აჩვენოს.</p><p>ვერაფერს ვიტყვით: წილისყრისას "დინამოს" აშკარად გაუმართლა და გუნდის ერთგული ქომაგები (ალბათ, ისევე, როგორც გუნდის მწვრთნელ-ფეხბურთელები), წესითა და რიგით, უკვე მომდევნო ეტაპზე უნდა ფიქრობდნენ. ახალი რა უნდა ვთქვათ: მეორე საკვალიფიკაციო ეტაპზე "დინამოს" მეტოქე ფარერების "სტეიმური" იქნება თუ ანდორის "ლუზიტანსი", ამას არსებითი მნიშვნელობა არა აქვს!</p><p>მოკლედ, საქართველოში ეჭვი არავის ეპარება, რომ "დინამო" უპრობლემოდ გააღწევს მესამე საკვალიფიკაციო ეტაპამდე და იქაც ხომ შეიძლება, რომ მეტ-ნაკლებად სასურველი მეტოქე შეგვახვედროს წილისყრამ?!.</p><p>..."სტეიმურისა" თუ "ლუზიტანსის" პირველი დაპირისპირება მომავალ კვირაშია. მანამდე კი "დინამო" ავსტრიულ შეკრებას განაგრძობს და 27 ივნისს რიგით მესამე საკონტროლო მატჩიც ჩაატარა (ამჯერად - რუმინულ "კლუჟთან").</p><p>ადრეც აღვნიშნეთ და კვლავაც გავიმეორებთ, რომ მსგავსი "უცნაური" უცხოური შეკრება "დინამოს" როდის ჰქონდა, ვერც გაგვიხსენებია!</p><p>მოგეხსენებათ, რომ გუნდების უმრავლესობა სეზონისწინა თუ ზამთრის შეკრებების დროს სპარინგ-პარტნიორებად, უმეტესწილად, თავისზე სუსტ მეტოქეებს ირჩევს ხოლმე. არის შემთხვევები, როცა ესა თუ ის გუნდი საკონტროლო მატჩებს ჯერ ძალიან სუსტ მეტოქესთან ჩაატარებს, მერე უფრო ძლიერთან და შეკრების ბოლოსღა შეიძლება წაეპაექროს სოლიდურ მოწინააღმდეგეს.</p><p>აი, "დინამოს" შემთხვევაში კი თავიდანვე ვიცოდით, რომ ავსტრიაში ერთიმეორეზე ძლიერ ოთხ გუნდს უნდა შეხვედროდა: კიევის "დინამოსთან" თუ დონეცკის "შახტართან" ჩატარებული საკონტროლო შეხვედრები რომ უფრო სასარგებლოა, ვიდრე, ვთქვათ, გერმანიის VI თუ VII ლიგის სამოყვარულო გუნდებთან 10-ბურთიანი სხვაობით გამარჯვება, ვფიქრობთ, საკამათო არავისთვის უნდა იყოს.</p><p>რა თქმა უნდა, სეზონისწინა შეკრებაზე ამა თუ იმ კონკრეტული საკონტროლო მატჩის შედეგს მნიშვნელობა არა აქვს, მაგრამ ისიც ვაღიაროთ, რომ, ალბათ, ბევრს ესიამოვნებოდა თბილისის "დინამოს" მიერ დონეცკის "შახტარის" ძლევა.</p><p>უკრაინული მართლაც გრანდის ბოლოდროინდელ პროგრესზე ლაპარაკი შორს წაგვიყვანს, უბრალოდ, მხოლოდ იმას დავძენთ, რომ ცნობილი რუმინელი სპეციალისტის, <strong>მირჩა ლუჩესკუს</strong> დამოძღვრილმა "შახტარმა" ეს საკონტროლო მატჩი, ფაქტობრივად, უძლიერესი შემადგენლობით ჩაატარა. ერთადერთი, დონეცკელებს ვინც აკლდა, <strong>ჰენრიხ მხითარიანი</strong> იყო, - ეს მართლაც გამორჩეული შემტევი უკვე მერამდენე წელიწადია, ევროპული გრანდების სამიზნეშია და სომხეთის ნაკრების ლიდერის რომელიმე ტოპ-კლუბში გადასვლაც არავის გაუკვირდეს.</p><p>ისე, მხითარიანი თავის კარიერას "დორტმუნდში" გააგრძელებს, "ლივერპულში" თუ "ფიორენტინაში", ეს ნაკლებად უნდა გვაღელვებდეს, - ქართველი ქომაგისათვის საინტერესო ის არის, რომელი გამორჩეული ლეგიონერით გაძლიერდება "დინამო"...</p><p><span style="color: #ff0000;"><strong>* * *</strong></span></p><p>ახლა კი "დინამოს" წინასასეზონო მზადების მეორე "უცნაურობაზეც": უკვე მერამდენე წელიწადია, თბილისურ თუ უცხოურ შეკრებაზე მიჩვეულნი ვართ პოტენციური უცხოელი ახალწვეულების გამოჩენას.</p><p>არც იმას დავმალავთ, რომ ხშირად გაგვკვირვებია ამა თუ იმ გასასინჯი ფეხბურთელით "დინამოს" დაინტერესება; კიდევ კარგი, რომ მათი უმრავლესობა პირველივე საკონტროლო მატჩის მერე უკან ბრუნდებოდა, მაგრამ ისეთი ტრანსფერიც მრავლად გვახსოვს, მხოლოდ და მხოლოდ გაკვირვებულნი რომ დავრჩენილვართ: "დინამოში" იმის გამო აიყვანეს, უცხოელები რომ არიანო?..</p><p>საბედნიეროდ, სასიამოვნო გამონაკლისიც არაერთი ყოფილა (<strong>ნედ ზელიჩი, მილოშ კრშკო, დიდიე ოვონო, მიკელ ალვარო, პეტერ გრაიციარი</strong> და, რაღა თქმა უნდა, <strong>ჩისკო</strong>) ამ ბოლო წლებში და "დინამოს" ქომაგები წლევანდელ ზაფხულსაც მოუთმენლად ელოდებიან: ჩემპიონთა ლიგაზე მეტ-ნაკლებად ღირსეული ასპარეზობისათვის 2-3 სერიოზული ტრანსფერი გუნდს აუცილებლად სჭირდება!</p><p>თუმცა ავსტრიულ შეკრებაზე "დინამომ" ორი სპარინგ-მატჩი ისე ჩაატარა, არც ერთი უცხოელი ახალწვეული გუნდში არ გამოჩენილა.</p><p>მოკლედ, ასე იყო გუშინდელ დღემდე და სიტუაცია დღესაც იგივეა.</p><p>ვნახოთ, "დინამოს" ხომ კიდევ ერთი საკონტროლო მატჩი აქვს ავსტრიაში...</p><p><span style="color: #ff0000;"><strong>* * *</strong></span></p><p>"დინამომ" თავისი მესამე სპარინგ-მატჩი ბოლო წლების რუმინული ფეხბურთის ერთ-ერთ გამორჩეულ გუნდთან, "კლუჟთან" ჩაატარა. ეს კლუბი რეგულარულად ასპარეზობს ევროტურნირებზე, ჩემპიონთა ლიგის ჯგუფურ ეტაპზეც უთამაშია და სხვათა შორის, სწორედ "კლუჟი" იყო ამ ქვეყნის ერთ-ერთი პირველი პერიფერიული გუნდი, დედაქალაქის დიდი სამეულის ("სტიაუა," "დინამო", "რაპიდი") ჰეგემონია რომ დაამხო.</p><p>ბოლო ხუთ წელიწადში "კლუჟი" სამჯერ გახდა რუმინეთის ჩემპიონი, გასულ სეზონში კი ჩემპიონატში IX ადგილი დაიკავა და ამასთან, თასის ფინალიც წააგო. სწორედ ამის გამოც იყო, რომ სეზონის დამთავრებისთანავე "კლუჟში" უკვე მერამდენე სამწვრთნელო გადაადგილება მოხდა: გუნდის გაძღოლა რუმინეთის ნაკრების ყოფილ ფეხბურთელს და შემდგომში ცნობილ მწვრთნელს <strong>მირჩა რედნიკს</strong> მიანდეს.</p><p>რედნიკს არაერთი რუმინული კლუბი გაუწვრთნია, რუსეთშიც უმუშავია, აზერბაიჯანშიც და ბელგიაშიც (გასული სეზონი ლიეჟის "სტანდარდში" დაასრულა) და სწორედ მან უნდა დააბრუნოს "კლუჟი" რუმინული ფეხბურთის ლიდერთა მარაქაში.</p><p>რაც შეეხება "დინამო" - "კლუჟის" საკონტროლო მატჩს, ეს სპარინგ-შეხვედრა ორმხრივი იერიშებით კი წარიმართა, მაგრამ ორივე გუნდის მეკარეები უშეცდომოდ თამაშობდნენ და საბოლოო შედეგიც (0:0), ალბათ, ლოგიკური იყო.</p><p><strong>დუშან უჰრინმა</strong> "კლუჟის" წინააღმდეგ გუნდი ასეთი შემადგენლობით ათამაშა:</p><p>ლორია (46. ზარქუა), - ხურცილავა (46. სეთურიძე), გ. კვარაცხელია, შაშიაშვილი (65. უსტარიცი), კვირკველია - ე. გრიგალაშვილი (65. ლექვთაძე), პაპავა (46. ხმალაძე), ძარია (78. ხოჭოლავა), მერებაშვილი (74. გლიშიჩი) - ჩისკო, დვალი.</p><p>ავსტრიულ შეკრებას "დინამო" 30 ივნისს დაასრულებს და საქართველოს ჩემპიონის მეტოქე რუსეთის პრემიერლიგის "კრასნოდარი" იქნება.</p><p><em>(იბეჭდება მცირე ცვლილებით)</em></p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span></p><p><a href="/fexburti/qarthuli-fekhburthi/skhvadaskhva/51314-tsilisyra-thbilisis-qdinamoq-khandakhan-chvenc-khom-unda-gagvimarthlos.html" target="_blank">წილისყრა. თბილისის "დინამო": ხანდახან ჩვენც ხომ უნდა გაგვიმართლოს!</a></p><p><a href="/fexburti/qarthuli-fekhburthi/skhvadaskhva/51254-dinamo-shakhtari-10-kargi-gantsyoba-chempiontha-ligis-tsin-video.html" target="_blank">დინამო-შახტარი 1:0 - კარგი განწყობა ჩემპიონთა ლიგის წინ [VIDEO]</a></p><p><a href="/fexburti/qarthuli-fekhburthi/skhvadaskhva/51140-dinamo-thbilisi-dinamo-kievi-01-pirveli-sparingi-avstriashi-video.html" target="_blank">დინამო (თბილისი)-დინამო (კიევი) 0:1 - პირველი სპარინგი ავსტრიაში [VIDEO]</a></p><p><a href="/fexburti/qarthuli-fekhburthi/skhvadaskhva/50996-dinamo-shiraqi-11-akhasli-gunsdis-konstusresbi-video.html" target="_blank">დინამო-შირაქი 1:1 - ახალი გუნდის კონტურები [VIDEO]</a></p>
Walkabout
ბატონო გია, სტატია თქვენია და მესმის რომ რასაც ისურვებთ იმას დაწერთ, მაგრამ ძალიან არ მომწონს და კატეგორიულად არ ვეთანხმები თქვენს პოზიციას საქართველოს გუნდებში ლეგიონერების ჩამოყვანასთან დაკავშირებით... მაგ ლოგიკით გამოდის რომ ბრიტანელები, ჰოლანდიელები, ბელგიელები, ფრანგები, თურქები და კვიპროსელები უბრალოდ სულელები ყოფილან...
akhali
გუშინ მოსკოვის სპარტაკის გულშემატკივრებისგან გავიგე-ვოლფსბურგი ჯანოში 5 მლნ იხდიდა!კარპინმა-7 მლნ მინდაო!არც ათამაშებს და ფეხბურთელში,300000 დოლარად ნაყიდში 5 მლნ გაძლევენ ,მეტი რა ჩემი ...უნდაო!!!
ლუის ენრიკე: ნამდვილი შეჯიბრი ახლა იწყება
ქართველი მსაჯები 21-წლამდე ევროპის ჩემპიონატის 1/4-ფინალს განსჯიან
ლუის ენრიკე: ჩვენი დამარცხება ყველას უნდა
გუგეშაშვილი "პაოკში" წარადგინეს - ძირითადი მეკარე გუნდს ტოვებს
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
უიმბლდონის პირველ წრეში ბასილაშვილის მეტოქე ცნობილია
ილია თოფურიამ სასურველი მეტოქე დაასახელა
"ამ ფეხბურთელს ვაღმერთებ" - ბრედ პიტი
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
[VIDEO] 9 წითელი და 7 ყვითელი ბარათი - "დინამოსა" და "ტორპედოს" მატჩი სკანდალით დასრულდა
ეროვნული ლიგა. I ტური. "დინამო" (ბთ) - "დინამო" (თბ) [LIVE]
"უოტფორდმა" ჩისკო გაათავისუფლა
აფრიკის ერთა თასი 2015: ჩუკუ ჩუკუ აფრიკა!
"დღეს როგორც არასდროს ამაყი ვარ" - რომან ფიფიამ ხვიჩა კვარაცხელიას ჩემპიონთა ლიგის მოგება მიულოცა
დუშან უჰრინი ლევან ყენიაზე: იმედია, ეს შარშანდელის მსგავსი ტრავმა არ არის
თბილისის "დინამომ" პეტერ გრაიციარი ხანგრძლივი დროით დაკარგა
მანოლო იერო: "საბურთალო" საემიროებისა და ესპანეთის კლუბებს ვამჯობინე
დუშან უჰრინი: ლევან ყენიას ტრავმა ცუდად გამოიყურება
საბურთალო-დინამო (თბ) 0:4 - თითქმის ჩემპიონი! [VIDEO]
უმაღლესი ლიგა. XVI ტურის წინათქმა: გადაფორმატება
ჩისკოს პრემიერლიგის მომგები მწვრთნელი შეცვლის
ლევან ყენიამ დისკვალიფიკაცია მოიხადა
ლევან ყენია: მიმაჩნია, რომ ამ სიტუაციაში სწორად მოვიქეცი...
ჩისკო Marca-ს მამარდაშვილზე ესაუბრა
ჩისკოს გუნდმა ლიდერი მეორედ დაამარცხა და პრემიერლიგას კიდევ უფრო მიუახლოვდა [VIDEO]
პეტერ გრაიციარი თბილისის "დინამოდან" წავიდა
თბილისის "დინამოს" ლაზარეთი იცლება, კაკაბაძე დღეიდან იწყებს...
დინამო (თბ)-დინამო (მ) 1:1 - საფეხბურთო მშვიდობა [VIDEO]
თბილისის "დინამოს" კარს სლოვაკი მეკარე ლიბორ ჰრდლიჩკა დაიცავს
უმაღლესი ლიგის XVIII ტურის მიმოხილვა და სიმბოლური ნაკრები
გიორგი ქვილითაია: დამიჯერეთ, ამაზე გასახდელშიც კი არ ყოფილა ლაპარაკი
გავაუმჯობესებ ინგლისურს, ჩავალ ესპანეთში, ვნახავ იტალიურ ფეხბურთს - ჩისკოს გეგმები
"გულშემატკივართა გარკვეული ნაწილი მიზანმიმართულად პროვოცირებდა და შეურაცხყოფას აყენებდა ჩვენი გუნდისა და ზოგადად ქართული ფეხბურთის ლეგენდას, ჯაბა კანკავას" - თბილისის "დინამოს" განცხადება
"იბერია 1999"-მა და "დილამ" მოიგეს, ფოთში ფრე დაფიქსირდა
"გადავწყვიტეთ მივმართოთ ფედერაციას თხოვნით, რომ კანკავას წითელი ბარათი გაუქმდეს" - გორის "დილას" განცხადება
[ოთხშაბათის საკითხავი] აფრიკის თასისთვის ხომ არ გვეყურებინა?
საჩხერის "ჩიხურას" მეტოქე "ვადუცი" - აქამდე "ჯუჯებს" მაინც ვჯობდით...
ლეგიონი გუშინ: ჯაბა კანკავას მესამე ყვითელი მესამე მატჩში
ლევან ყენიამ შესაძლოა, "ზლინის" წინააღმდეგ ითამაშოს
ამჯერად სამშობლოში - ჩისკომ "უოტფორდიდან" წამოსვლის შემდეგ ახალი გუნდი 1 თვეში იპოვა