18 წლის შემდეგ ქართველმა WTA-ის ტურნირი მოიგო [VIDEO]

<p>ოქსანა კალაშნიკოვამ "ბაქოს თასზე" წყვილებში გაიმარჯვა <br> აზერბაიჯანის დედაქალაქში 28 ივლისს დამთავრდა ჩოგბურთელ ქალთა საერთაშორისო ტურნირი "ბაქოს თასი" (საპრიზო ფონდი 235.000 დოლარი), რომლის დირექტორი გახლდათ <strong>ლეილა მესხი</strong>.</p><p>შეჯიბრებაში წარმატებით იასპარეზა <strong>ოქსანა კალაშნიკოვამ</strong>, რომელიც წყვილებში უკრაინელ ირინა ბურიაჩოკთან შეამხანაგებული მე-2 ნომრად იყო განთესილი.</p><p>ქართულ-უკრაინულმა დუეტმა კვარცხლბეკისკენ მიმავალ გზაზე ჩამოიშორა ალექსანდრა კადანტუ (რუმინეთი) და ინეს ფერერ სუარესი (ესპანეთი) - 6:1, 6:2, თამარ ჭალაგანიძისა და ნაზრინ ჯაფაროვას (აზერბაჯანი) მძლეველი ილონა კრემენისა (ბელარუსი) და მარინა მელნიკოვას (რუსეთი) დუეტი - 6:4, 7:5, <strong>ანა ტატიშვილისა</strong> და ვესნა დოლონჩის (სერბეთი) დამმარცხებელი ჩეხი დების - კაროლინა და კრისტინა პლისკოვების ტანდემი - 6:1, 6:4, გადამწყვეტ პაექრობაში კი ელენი დანილიდუსა (საბერძნეთი) და ალექსანდრა კრუნიჩს (სერბეთი) სამ სეტში აჯობა - 4:6, 7:6, 10:4. გამარჯვებულები ლეილა მესხმა დააჯილდოვა.</p><p>"ბაქოს თასზე" მიღწეული წარმატებისთვის წყვილთა რეიტინგში 1360 ქულით 66-ე ადგილზე მყოფი თბილისელი ჩოგბურთელი 280 ქულას შეიმატებს და საგრძნობლად დაწინაურდება.</p><p><p><div style="text-align: center;"><span style="font-size: x-small;"><span style="color: #ff0000;"><strong>იხილეთ ვიდეო</strong></span></span></div></p> <a href="/mtavari/video.html?view=video&video=2678" target="_blank"><img src="pictures/artimages/image16/1202bc7265e4e883c1d57bf28cbf1649.jpg" border="0" style="border: 0px none; margin-left: 150px; margin-right: 150px;" alt="Sportall.Ge" title="18 წლის შემდეგ ქართველმა WTA-ის ტურნირი მოიგო [VIDEO]" /></a></p><p>შეგახსნებთ, რომ აზერბაიჯანის დედაქალაქში ასპარეზობდა ანა ტატიშვილიც, რომელიც ადრეულ ეტაპზევე გამოეთიშა შეჯიბრებას.</p><p>30 ივლისიდან ჩვენებური ვაშინგტონის ქალთა საერთაშორისო ტურნირის (საპრიზო ფონდი 235.000 დოლარი) ძირითად ბადეში ჩაებმება და სტარტზე ფრანგ კაროლინ გარსიას დაუპირისპირდება.</p><p>გერმანულ ჰორბში ქალთა 10.000-იან ტურნირზე <strong>სოფიო ქვაცაბაიამ</strong> ორი წრე წარმატებით გაიარა - კაროლინ უებელჰაუერი (გერმანია, 6:3, 6:3) და <strong>ნათელა ძალამიძე</strong> (რუსეთი, 6:3, 7:5) დაამარცხა, მეოთხედფინალში, ეტყობა, ტრავმის გამო პეტრა კრეიშოვასთან (ჩეხეთი) სათამაშოდ არ გამოცხადდა და შეჯიბრებას გამოეთიშა.</p><p><strong>ყოველდღიური სპორტული გაზეთი "ლელო"</strong></p>