<p>საქართველოს ნაკრებმა ტრენტოს ტურნირის იტალიასთან მარცხით დაიწყო <br> ევრობასკეტისა და სლოვენიის ემბლემებზე იქაური წმინდა მთა ტრიგლავია გამოსახული.</p><p>საქართველოს ნაკრები 7 აგვისტოს სლოვენიისკენ სავალ გზას იტალიასთან ამხანაგური მატჩით შეუდგა და ლოგიკურია, რომ გზა აღმართიანია.</p><p>სვლას ისიც ართულებს, რომ ჩვენს ნაკრებს ორი ლიდერი <strong>ზაზა ფაჩულია</strong> და <strong>თორნიკე შენგელია</strong> აკლია და ისიც, რომ ფიზმომზადება ახალი დასრულებული აქვს, გუნდი სათანადო კონდიციებში ვერ არის.</p><p>კიდევ ერთი ნიუანსია - ამერიკელი <strong>რიკი ჰიკმანი</strong> გუნდს გვიან შეუერთდა, შესაძლოა არადამაკმაყოფილებელი კონდიციების გამო მწვრთნელმა იგორ კოკოშკოვმა მისი განაცხადში შეყვანისგან ამიტომაც შეიკავა თავი.</p><p>პრობლემებზე თუ ვლაპარაკობთ, ბარემ <strong>ლუკ ზელერიც</strong> ვახსენოთ. იგი თითქოს ზაზა ფაჩულიას შემცვლელად ჩამოვიდა, თუმცა <strong>ნიკა ცქიტიშვილზე</strong> მსუბუქია და აშკარად ეტყობა რომ მისი მოწოდება ფარის გარეთ თამაშია.</p><p>თუ სანაკრებოდ მესამე ნომერს ვეძებდით, ევროპაში გაცილებით უკეთესის არჩევა შეიძლებოდა. მას მწვრთნელმა სულ 10:29 წუთი არგუნა... შეგახსენებთ, რომ ევროპის ჩემპიონატზე მხოლოდ ერთმა ნატურალიზებულმა უნდა ითამაშოს და ეს <strong>რიკი ჰიკმანი</strong> იქნება.</p><p>თავის მხრივ, იტალიასაც ორი დანაკლისი აქვს, ვერ ითამაშეს NBA-ს წარმომადგენლებმა <strong>ანდრეა ბარნიანიმ</strong> და <strong>დანილო გალინარიმ</strong> (იგი ვერც ევრობასკეტზე იქნება).</p><p>სამაგიეროდ საქართველოსთან საკუთარი შესაძლებლობები კარგად გამოამჟღავნა "ჩიკაგოდან" "სან ანტონიოში" გადასულმა <strong>მარკო ბელინელიმ</strong>.</p><p>იტალიელმა ჟურნალისტებმა შეხვედრის მიმოხილვას "ბელინელის შოუ" დაარქვეს. მან სულ 18 წუთი ითამაშა, 21 ქულა ჩააგდო და ფარქვეშ ლამაზი შესვლებით დაგვამახსოვრა თავი.</p><p>გაგახსენებთ, რომ 2004 წელს ევროპის ჩემპიონატის შესარჩევ ტურნირზე სქართველო და იტალია ერთ ჯგუფში იყვნენ, შეჯიბრების სნაიპერი სწორედ ბელინელი გახდა, ხოლო საუკეთესო მოთამაშე - <strong>მანუჩარ მარკოიშვილი</strong>.</p><p>მანუმ გუშინაც დიდი მოცულობის სამუშაო გასწია. მესამე პერიოდის დასაწყისში მანუმ სამქულიანით ათქულიანი ჩამორჩენა შვიდამდე დაიყვანა, მას <strong>ვიქტორ სანიკიძემ</strong>, <strong>გიორგი ცინცაძემ</strong> და <strong>გიორგი შერმადინმაც</strong> შეაშველეს ქულები და სხვაობა სამამდე შემცირდა (35:38).</p><p>4 წუთის განმავლობაში მასპინძლები ჩვენს კალათს საქულე დისტანციაზე ვერ გაეკარნენ. არადა, მანამდე იტალია 30:14-საც გვიგებდა...</p><p>ნაკრების მთავარმა მწვრთნელმა <strong>იგორ კოკოშკოვმა</strong> პირველ ტაიმშიც და მეორეშიც თითქმის ერთიანად შეცვალა სასტარტოები, სათადარიგოებს კი თამაშის დალაგება გაუჭირდათ.</p><p>ეს არცაა გასაკვირი, რადგან უმეტესობას ერთმანეთის გვერდით აქამდე არ უთამაშია. რაც შეეხება სასტარტო ხუთეულის წევრებს, ისინი 2004 წლიდან ერთად იცავენ ეროვნული გუნდის ღირსებას (2007-ში გიორგი შერმადინიც შეუერთდათ).</p><p>იტალიელებს კი ნამდვილად არ ეტყობოდათ ხუთეულის წევრთა ცვლილება, სტაბილურად მიიწევდნენ წინ და ერთ მომენტში 29 ქულითაც დაწინაურდნენ - 76:47. მატჩის ბოლოს ქართველებმა ხელმეორედ აღმოფხვრეს დეფიციტი, თუმცა მხოლოდ 16 ქულამდე...</p><p>ამხანაგური შეხვედრები სამ მიზანს ემსახურება: ახალბედების გამოცდას და შეწყობას; ძირითადი ბირთვის ფორმაში შესვლას; გუნდის შეთამაშებას და ფორმაში შეყვანას.</p><p>იტალიასთან შეხვედრამ დაგვანახა, რომ ევროპაში ერთ-ერთი საუკეთესო შიდა ჩემპიონატის მქონე ნაკრებთან თანაბრად თამაში, შესაბამისად ევრობასკეტზე პოზიტიურად გამოსვლა შეგვიძლია.</p><p>ამისთვის კი სწორედ ისაა საჭირო, რაც წეღან ვთქვით - ახალბედების გუნდთან კარგად შერწყმა და სასექტემბროდ ოპტიმალური კონდიციების მიღწევა.</p><p><strong>ნიკა მეტრეველმა</strong>, <strong>ბექა ბურჯანაძემ</strong> და სხვებმა დაგვანახეს, რომ გუნდის დახმარება ნამდვილად შეუძლიათ.</p><p>შერმადინმა მეტოქეს ფარი არ დაუთმო (23 წუთში 18 ქულა და 12 მოხსნა მოაგროვა), ცინცაძემ 12 ქულა და 8 პასი მიითვალა, სანიკიძემ - 14 ჩააგდო, რაც შეეხება <strong>ნიკა ცქიტიშვილს</strong>, მას სწორედ მაშინ უწევდა თამაში, როცა სათადარიგოები შემოდიოდნენ.</p><p>საინტერესო იქნება მისი სანიკიძესა და შერმადინთან ერთდროულად მოედანზე ხილვა. საამისოდ მწვრთნელ იგორ კოკოშკოვს რეზერვში 10 ამხანაგური თამაში აქვს.</p><p>კიდევ უამრავი ექსპერიმენტის ჩატარება შეიძლება, რათა ევრობასკეტზე გუნდი მრავალფეროვანი ტაქტიკით წარდგეს.</p><p>საზაფხულო არდადეგების შემდეგ ნებისმიერ ადამიანს თოკი რომ მივცეთ და თუნდაც იოლად დასაპყრობი მყინვარწვერისკენ მივუთითოთ, თავიდან გაუჭირდება, ნელ-ნელა გახურდება, "კუნთები რომ გამოიღვიძებენ" უფრო გაუადვილდება, ვიდრე დასაწყისში. ამას ველით საქართველოს ნაკრებისგან.</p><p>8 აგვისტოს თბილისის დროით 20 საათზე პოლონეთს ვეთამაშებით, რომელმაც ისრაელთან 65:81 დათმო.</p><p><img src="pictures/artimages/image17/1e9841ab8c7717e608418f5a950fe24b.jpg" border="0" alt="Sportall.Ge" title="იტალია-საქართველო 85:69 - გზის დასაწყისში აღმართია" /></p><p><strong>ყოველდღიური სპორტული გაზეთი "ლელო"</strong></p>
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
საქართველოს ნაკრებმა დანიასთან მატჩებისთვის თბილისური შეკრება დაასრულა
მარკის რიდი: მზად ვარ, ნაკრების წარმატებაში ჩემი წვლილი შევიტანო
მერაბ რატიშვილი მონტენეგრო-საბერძნეთის მატჩს უკომისრებს
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს
პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა
საქართველოს ნაკრები. ნატურალიზებულები: მაიკლ დიქსონი - ჩვენი მეშვიდე მოქალაქე
ამერიკული სამქულიანი სარგებელი - რას უნდა ველოდეთ მაიკლ დიქსონისგან
[VIDEO] შერმადინი მატჩში სათადარიგოთა სკამიდან ჩაერთო და საუკეთესო გახდა - "ტენერიფე" "გრან კანარიასთან" დამარცხდა
ევროპას საქართველოს საკალათბურთო ნაკრები აუტსაიდერი ჰგონია
საქართველოს ნაკრებს ევრობასკეტზე რიკი ჰიკმანი, სავარაუდოდ, არ დაეხმარება
ლევან ფაცაციას "ნიჟნი ნოვგოროდმა" ევროლიგაში "ფენერბაჰჩესთან" ვერაფერი გააწყო
ხორვატიაში სასეირნოდ არ მივდივართ! - ექსკლუზიური ინტერვიუ იგორ კოკოშკოვთან
"ახლა მაქვს შანსი, რაღაც განსაკუთრებული გავაკეთო ჩემი ქვეყნისთვის"
საქართველო VS იტალია - ტრენტოს ტურნირს "სკუადრა აძურათი" ვიწყებთ
[VIDEO] შერმადინი MVP გახდა - "ტენერიფემ" "ბარსელონას" დაუქამბექა
ესპანური ამბები: შერმადინის 14 და სანაძის 15 ქულა | შენგელია მურსიაში დამარცხდა, კორსანტიამ იმარჯვა
ევრობასკეტ 2015-ზე საქართველოს ნაკრების მატჩების ჩატარების საათები ცნობილია
[VIDEO] შერმადინის უნიკალური მიღწევა - "ტენერიფე" "ბურგოსთან" დამარცხდა
თორნიკე შენგელია: ჯორდანის გუნდში თამაშზე ბავშვობიდან ვოცნებობდი
ევრობასკეტი. მოსაზრება უკანახაზელებზე: ვისზე ნაკლებები ვართ? (ნაწილი I)
[VIDEO] შერმადინი ბრწყინვალეა - "ტენერიფემ" "ბრეოგანი" დაამარცხა
თორნიკე შენგელიას 11 ქულა და დასანანი მარცხი სტამბოლში "ფენერბაჰჩესთან"
[VIDEO] შერმადინის 11 ქულა და "ტენერიფეს" მეორე გამარჯვება ჩემპიონთა ლიგაში
იგორ კოკოშკოვი საქართველოს ნაკრებში: ჰო თუ არა?
საქართველო-სერბეთისა და საქართველო-ავსტრიის მატჩებზე ბილეთების გაყიდვა დაიწყო