- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო ჩემპიონატი
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
მსოფლიოს ჩემპიონატი: ამირან პაპინაშვილი ნახევარფინალით დაკმაყოფილდა
<p>პაპინაშვილი (66) ნახევარფინალში ძლევამოსილად გავიდა, ამის შემდეგ კი ზედიზედ ორი პაექრობა წააგო და უმედლოდ დარჩა <br> სამწუხაროდ, კარგად დაწყებული საქმე წარმატებით ვერ დავასრულეთ - ბრაზილიაში, ძიუდოისტთა მსოფლიოს ჩემპიონატზე ამირან პაპინაშვილი (66) ნახევარფინალში ძლევამოსილად გავიდა, ამის შემდეგ კი ზედიზედ ორი პაექრობა წააგო და უმედლოდ დარჩა.</p><p><span style="color: #ff0000;"><strong>ჟამი მოგებებისა</strong></span></p><p>რეიტინგის ლიდერი და ტურნირზე პირველ ნომრად განთესილი <strong>ამირან პაპინაშვილი</strong> (66) პირველ წრეში ისვენებდა, მეორეში კი მეტოქედ თურქი აჰმეტ შაჰინ კაბა ერგო, ვინც მანამდე მოზამბიკელი ლაზარეუს არუფანდიკა დააიპონა, თუმცა ეს, საყოველთაო მოლოდინის საწინააღმდეგოდ, გვარიანად გაუჭირდა.</p><p>თურქი არაა პაპინაშვილის სადარი მეტოქე, რაც შეხვედრის მიმდინარეობამ სრულად დაადასტურა, თუმცა რიგ ეპიზოდებში ქართველი თითქოს ოდნავ შენელებული იყო. ეს მას ახასიათებს და არცაა გასაკვირი - პირველი ორთაბრძოლა ხომ, უმეტესად, უჭირთ ფალავნებს, რადგან გახურება აკლიათ, მაგრამ ამ პაექრობაში ისიც აშკარად იგრძნობოდა, რომ ამირანი თავს ზოგავდა, ზედმეტ ძალას არ ხარჯავდა და ზუსტად იმდენს მუშაობდა, რაც მეტოქის დონეს შეეფერებოდა.</p><p>მისი უპირატესობა მალე ანგარიშშიც აისახა - გაფრთხილებებიც სწრაფად მიაღებინა თურქს, ბოლოს კი ყველაფერი შებოჭვით დაასრულა.</p><p>პაპინაშვილი მეორე შეხვედრაშიც სრულ უპირატესობას ფლობდა გერმანელ ტობიას ენგლმაიერთან, რასაც სწორად წარმართული ტაქტიკით ახერხებდა - ცდილობდა, არ დაეთმო ჩავლება და თავად დაესწრო მეტოქისთვის, რაც სოლიდურ უპირატესობას აძლევდა.</p><p>გერმანელსაც ამის ხარჯზე მიაღებინა გაფრთხილებები, თუმცა ილეთებსაც კარგად აკეთებდა, ძირითადად - გადავლება ქამრიდან აყვანით. ენგლმაიერსაც ორი იუკო აართვა, რომელთაგანაც უფრო დასამახსოვრებელი მეორე იყო - მაჯებში ჩავლებით ხანგრძლივად ათრია მეტოქე და მოღალა, ბოლოს კი ფეხით გამოცელა.</p><p>თუმცა ამ შეხვედრის ბოლოს ცოტა დაღლაც დაეტყო, ან იქნებ აქაც ინახავდა თავს, მაგრამ თითქოს სუნთქვა გაუჭირდა...</p><p>ეს მაინც ცუდად გვენიშნა, მით უფრო, როცა მისი მომდევნო მეტოქე გაირკვა - ყაზახი აშხატ ტელმანოვი, რომელმაც ბრწყინვალედ დააიპონა აზერბაიჯანელი მსოფლიოს პრიზიორი ილგარ მუშკიევი.</p><p>მერვედფინალში პაპინაშვილის მეტოქედ ბარე მეზობელი კი გვერჩივნა (რომელთანაც ზე-დადებითი ბალანსი აქვს), მუშკიევს 40 წამიც აშორებდა მოგებამდე, მაგრამ ტელმანოვის ბოლო შტურმს ვერ გაუძლო.</p><p>თითქოს ჩვენს შიშს იზიარებდნენო, ამ პაექრობის დასრულების შემდეგ ბრაზილიელმა ოპერატორებმა საქართველოს ძიუდოს ფედერაციის პრეზიდენტ დავით ქევხიშვილის კადრი შემოგვთავაზეს - იჯდა ტრიბუნაზე და დაფიქრებული ისრესდა სახეს...</p><p>საბედნიეროდ, პაპინაშვილმა დაგვიმტკიცა, რომ სულ ტყუილად ვნერვიულობდით - ტელმანოვთანაც ჩავლებებზე ააგო ჭიდაობა და გაანეიტრალა მისი კოზირები, თუმცა პირველივე წუთზე იუკო კი დაკარგა - მეტოქემ ბრუნზე გაისროლა.</p><p>ოღონდაც, შეხვედრის მიმდინარეობამ შიშის საფუძველი არ მოგვცა - ქართველის უპირატესობა კლასში და უფრო მაღალი აკადემიური საჭიდაო სტილი მაინც იგრძნობოდა.</p><p>მალევე პაპინაშვილმა ანგარიში არათუ გაათანაბრა, ვაზარით დაწინაურდა კიდეც - ჯერ ქამრიდან ღონივრად დაქაჩა და ეფექტურად გამოცელა, რასაც ლაზათიანი კისრულით მოპოვებული ვაზარიც მიაყოლა. იქვე ბოჭვაც დაიწყო, მაგრამ წმინდა მოგებამდე წამები დააკლდა, ოღონდ მორიგი იუკო კი დაიმსახურა.</p><p>აღსანიშნავია, რომ პირველ ქულამდე ორჯერ ბრუნზეც გადააგდო, მაგრამ სრულყოფილი გდებები არ გამოუვიდა. ამ დროს სულ 3 წუთი იყო გასული, დასრულებამდე წუთნახევრით ადრე კი მშვენიერი იპონი მიითვალა - მეტოქე, რომ იტყვიან, ილეთზე "მოაჯდა" და მოგვერდით ტომარასავით დაანარცხა ტატამს.</p><p><span style="color: #ff0000;"><strong>ჟამი წაგებებისა</p><p></strong></span>სამწუხაროდ, ამის შემდეგ პაპინაშვილმა ორივე დარჩენილი შეხვედრა წააგო - ნახევარფინალში მონღოლ ამარტუვშინ დაშდავაასთან დამარცხდა, ბრინჯაოსთვის პაექრობა კი აზერბაიჯანელ ორხან საფაროვთან დათმო.</p><p>ნახევარფინალში ჩვენებურის მეტოქე მონღოლთა შეხვედრაში ირკვეოდა და დაშდავაა იმთავითვე უფრო სასურველი ჩანდა, რადგან მასთან არ უჭირდა ჭიდაობა, ბოლდბაატარ განბატთან კი ბოლოს წააგო.</p><p>დაშდავაამ მართლაც მოიგო გაფრთხილებებით.</p><p>რაც შეეხება საფაროვს, ის პეტერ ზაიზენბახერმა ყველაზე ბოლოს, მე-9 კაცად შეიყვანა ნაკრებში, ძირითადი შემადგენლობის დასახელებიდან რამდენიმე დღის შემდეგ. საფაროვი ახალი გადმოსულია ახალგაზრდებიდან და პირველივე წრეში სენსაცია შემოგვთავაზა, როცა რუსთა ევროპის ჩემპიონი ბესლან მუდრანოვი დაამარცხა.</p><p>პაპინაშვილის წაგებები მით უფრო საწყენია, რომ ორივე შემთხვევაში უფრო თვითონ შეცდა, ვიდრე მეტოქემ იყოჩაღა.</p><p>პირიქით - არც ერთს არ მოუპოვებია ოდნავი უპირატესობაც კი, რაც ჩვენებურის მარცხის მიზეზად შეიძლებოდა ქცეულიყო. დაშდავაასთან გადამწყვეტი მომენტი ბრძოლის დასრულებამდე 35 წამით ადრე დადგა, როცა ქართველი პოზიციურად შეცდა - იმდენად "გახსნილად" იდგა და ფეხიც ისე დაუცველად დატოვა, თითქოს შეტევას არ ელოდა.</p><p>მონღოლმა კი მოძრაობაზე დაიჭირა და შიდა ფეხით იპონზე გამოცელა, თუმცა ამგვარ დასასრულს იმდენად არ ელოდა, გაკვირვება ვერ დამალა და სიხარულისგან ატირდა კიდეც.</p><p>საფაროვთანაც, სრულიად უწყინარ სიტუაციაში, როცა გაფრთხილებებით ანგარიში გაუთანაბრა და დაწოლასაც აძლიერებდა; როცა თითქოს მეტოქის გატეხვა დროის ამბავი იყო, ჩახვეული ფეხით ორმხრივი ჯაჯგურისას მეტოქე იოლად შეუშვა შეკვრაზე და იმანაც უპრობლემოდ გადააგდო ბეჭებზე.</p><p><span style="color: #ff0000;"><strong></p><p>სატურნირო ამბები</strong></span></p><p>26 აგვისტოს რიოში სხვა მონღოლებიც ტიროდნენ - ქალთა ტურნირის ფინალში იქაურმა ურანცეცეგ მუნკბატმა მტკივნეულით დაამარცხა იაპონელი ჰარუნა ასამი და ტატამზე თვითონ დაიღვარა ცრემლებად, იქით კი მწვრთნელმა ქალბატონმა აუბა მხარი.</p><p>მუნკბატმა ნახევარფინალში მასპინძელთა "ჯილა" სარა მენეზეში დაამარცხა, თუმცა მან ჩრდილოკორეელ სოლ მინ კიმთან ეფექტური იპონით ბრინჯაო მოიპოვა და დარბაზის გული მაინც მოიგო. სამაგიეროდ, მასპინძლებს ოლიმპიურმა პრიზიორმა ფელიპე კიტადაიმ დაწყვიტა გული - პირველივე შეხვედრა დათმო სამხრეთკორეელთა მომავალ ბრინჯაოსმედალოსან ვონ ჯინ კიმთან.</p><p>ეს კორეელი კარგი ვინმე ჩანს და ბრინჯაოსთვის აკი ლამაზადაც მოუგო განბატს - ჯერ ბრუნი სცადა, მაგრამ უკუკოტრიალი უფრო გამოუვიდა, თუმცა რაკი არც მონღოლი გაექცა, უკუმოძრაობა გააგრძელა და თან მეტოქეს ფეხებიც აჰკრა - ესეც ვაზარი. კორეელებს სახელოვანი მინ ჰო ჩოის კარგი შემცვლელი გამოუჩნდათ. კიმი ისე გაახარა მოგებამ, ტატამიდან გასვლისასაც ტიროდა.</p><p>ვაჟთა ფინალში იაპონელმა ნაოჰისა ტაკატომ დაშდავაა დაამარცხა გაფრთხილებებით. ამდენად, 26 აგვისტოს მსოფლიო იაპონელებმა და მონღოლებმა გაინაწილეს თითო ოქროთი.</p><p><span style="color: #ff0000;"><strong>დღეს იჭიდავებენ</strong></span></p><p>ტურნირზე 27 აგვისტოსაც ქალთა და ვაჟთა თითო წონა იასპარეზებს. ჩვენ ქალებში მონაწილე არ გვყავს და მხოლოდ ერთი სპორტსმენი გვეყოლება საქომაგო, მაგრამ როგორი - ოლიმპიური და ევროპის ჩემპიონი <strong>ლაშა შავდათუაშვილი</strong> (66)! ოღონდ ეგაა, წილისყრამ ძალიან დაჩაგრა - რაც კი წონაში განუთესავი და ძლიერი ათლეტია, ყველა მის ჯგუფში მოხვდა.</p><p>ამ ვითარებაში ისევ ჩვენი ჩემპიონის ნიჭიერებისა გვჯერა, ოღონდაც ტრავმამ ხელი არ შეუშალოს. შავდათუაშვილი პირველ წრეში თავისუფალია, მეორეში კი ჩრდილოკორეელ იონ სიკ ჩოეს დაეჭიდება.</p><p>მეოთხედფინალამდე მას ნაკლებად ცნობილების გარდა, შეიძლება, უზბეკი რიშოდ სობიროვი, ბრიტანელი კოლინ ოუტსი, რუსი ალიმ გადანოვი და ყაზახი აზამატ მუკანოვიც შეხვდნენ.</p><p><span style="color: #ff0000;"><strong>კვარცხლბეკი</p><p></strong></span><strong>ვაჟები</strong></p><p>60 კგ. 1. ნაოჰისა ტაკატო (იაპონია); 2. ამარტუვშინ დაშდავაა (მონღოლეთი); 3. ორხან საფაროვი (აზერბაიჯანი), ვონ ჯინ კიმი (სამხრეთი კორეა); 5 ამირან პაპინაშვილი (საქართველო).</p><p><strong>ქალები</p><p></strong>48 კგ. 1. ურანცეცეგ მუნკბატი (მონღოლეთი); 2. ჰარუნა ასამი (იაპონია); 3. სარა მენეზესი (ბრაზილია), კარლინე ვან სნიცკი (ბელგია).</p><p><strong>ყოველდღიური სპორტული გაზეთი "ლელო"</p><p><span style="color: #ff0000;">ასევე იხილეთ:<a href="//sport/tcidaoba/dziudo/54032-dziudos-msoflios-chempionati-ghmertho-sheetsie-chempions-mglebis-khorumshi.html" target="_blank"></p><p></a></span></strong><a href="//sport/tcidaoba/dziudo/54032-dziudos-msoflios-chempionati-ghmertho-sheetsie-chempions-mglebis-khorumshi.html" target="_blank"> ძიუდოს მსოფლიოს ჩემპიონატი: ღმერთო, შეეწიე ჩემპიონს მგლების ხორუმში</a></p>
ევროპის ჩემპიონატზე საქართველოს ნაკრების შემადგენლობა ცნობილია
[VIDEOS] ორი ოქრო და ორი ბრინჯაო! - თბილისის გრანდ სლემის ბოლო საშეჯიბრო დღე
ორი ოქროსა და სამი ბრინჯაოს შანსი - თბილისის გრანდ სლემის ბოლო საშეჯიბრო დღე
ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ
ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა
"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს
ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება
კვერნაძის 74 წუთი და "ფროზინონეს" მორიგი გამარჯვება
ქართველების "მეცი" "ნანტთან" ფრეს დასჯერდა
[VIDEOS] გულიაშვილმა ესპანეთში დუბლი შეასრულა
სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა
პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს
[VIDEO] ლუკა გადრანმა "ბეითარში" სადებიუტო გოლი გაიტანა
[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა
პეპ გვარდიოლამ "ლივერპულთან" პირადი რეკორდი დაამყარა
ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა
ფუტსალის ნაკრები აზერბაიჯანთან ორ ამხანაგურ მატჩს გამართავს
[VIDEO] "ბარსელონა" "რეალს" 7 ქულით გაექცა
U16. სახვაძის დუბლი, კვარაცხელიას ორი საგოლე პასი - საქართველოს ნაკრებმა სამხრეთ აფრიკას მოუგო
[VIDEO] მორიგი გამარჯვება პირველივე რაუნდში - ღვინიაშვილი MMA-შიც შეუჩერებელია!
18 წ. | 3 ლელო საფრანგეთთან
"მამარდაშვილი მთავარი დამნაშავე არ არის" - ინგლისური მედია
დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა
[მსოფლიო ჩემპიონატი] წილისყრა დასრულდა - ქართველი ძიუდოისტების ბადე ცნობილია
მსოფლიო ჩემპიონატი სამშობლოში - ქართველ ძიუდოისტებს იაპონელებთან დიდი ბრძოლა ელით!
ვალერი ლიპარტელიანი 30 აგვისტოს მსოფლიოს ჩემპიონატზე იჭიდავებს
ავთანდილ ჭრიკიშვილის ვაჟკაცური საქციელი დამარცხებულ რუს მეტოქესთან [VIDEO]
მინსკი 2019. ლუკა მაისურაძემ ბრინჯაოს მედალი მოიპოვა, ლაშა შავდათუაშვილი მედლის გარეშე დარჩა
ლაშა შავდათუაშვილი 27 აგვისტოს მსოფლიოს ჩემპიონატზე იჭიდავებს
პაპინაშვილი და მხეიძე მე-3 ადგილისთვის იჭიდავებენ(განახლებადი)
მსოფლიოს ჩეპიონატისთვის საქართველოს ძიუდოისტთა ნაკრების განაცხადი ცნობილია
ნუგზარ ტატალაშვილი და ზებედა რეხვიაშვილი 28 აგვისტოს მსოფლიოს ჩემპიონატზე იჭიდავებენ
[შეჯამება] დაცალკევებული ნაკრები, ოქროს ტურისტი და მსოფლიო ჩემპიონატი ძიუდოს სამშობლოში