<p><span style="line-height: 1.3em;" />"ბოკა" კიდევ ერთხელ შერცხვა <br> </span><span style="color: #ff0000;"><strong><span style="font-size: x-small;">* "რივერ პლეიტში" თავი დიეგო სიმეონეს გუნდმა გამოიჩინა</p><p>* დიეგო მარადონას ყოფილი გუნდი თან ლიდერია და თან გავარდნის საფრთხე ემუქრება</p><p>* კარლოს ბიანკის "ბოკა ხუნიორსი" ძალიან არასტაბილურია</p><p>* მარტინ კაუტერუჩიომ ბოლო 10 მატჩში 8 გოლი გაიტანა</span></strong></p><p></span></p><p>ტორნეო ინისიალის მე-6 ტურში ლიდერი დამარცხდა და მეოთხე ადგილამდე ჩამოქვეითდა, პირველ ადგილზე კი ისევ "არგენტინოს ხუნიორსი" გადავიდა, რომელმაც მორიგი გამარჯვება მოიპოვა...</p><p><strong><span style="color: #ff0000;">ჩემპიონების დუელი</span></strong></p><p>ტურის ცენტრალური მატჩი შარშანდელი სეზონის ორ ჩემპიონს შორის შედგა - "ველეს სარსფილდმა", რომელმაც წინა ტორნეო ინისიალი და სეზონის გადამწყვეტი მატჩი მოიგო, ტორნეო ფინალის გამარჯვებულ "ნიუელს ოლდ ბოისს" უმასპინძლა.</p><p>შეხვედრა მასპინძელთა უპირატესობით წარიმართა და საბოლოოდ, "ველესის" დამაჯერებელი გამარჯვებითაც დასრულდა - 3:0.</p><p>ისევე, როგორც სეზონის ფინალურ შეხვედრაში, ანგარიში აქაც ლუკას პრატომ გახსნა - "ველესის" ფორვარდმა 11-მეტრიანი გამოიყენა. მეორე ტაიმში მოედანზე დავიდ ტრეზეგე გამოჩნდა, მაგრამ "ძველ ბიჭებს" ვერც მან უშველა. შეხვედრის გმირი კი 19 წლის რამირო კასერესი გახდა, რომელმაც კარიერაში პირველი გოლები გაიტანა.</p><p>ალფრედო ბერტის გუნდმა ჩემპიონატში პირველი მატჩი წააგო, "ველესმა" კი 9 ქულა მოაგროვა და 4-მატჩიანი მოუგებელი სერია შეწყვიტა. ახლა რიკარდო გარეკას შეგირდები ლიდერს მხოლოდ 4 ქულით ჩამორჩებიან.</p><p><strong><span style="color: #ff0000;">"ბოკას" მორიგი სირცხვილი</span></strong></p><p>ამდენივე ქულა აქვს "ბოკა ხუნიორსს", მაგრამ კარლოს ბიანკის გუნდი იმდენად არასტაბილურია, რომ მის საჩემპიონო შანსებზე სერიოზულად საუბარი ჯერ არ შეიძლება.</p><p>არგენტინული ფეხბურთის ერთ-ერთი გრანდი ამ ტურში ბაია ბლანკას ეწვია და იქიდან შინ შერცხვენილი გამობრუნდა. ამ მატჩამდე "ოლიმპოს" "ბოკა" მხოლოდ ერთხელ, ისიც "ბომბონერაზე" ჰყავდა დამარცხებული. საკუთარ მოედანზე ბაიაბლანკელებმა მრისხანე მეტოქეს პირველად სძლიეს, თანაც ეს საკმაოდ დამაჯერებლად გააკეთეს და "ბოკას" ისტორიაში მორიგი სამარცხვინო ფურცელი ჩააწერინეს.</p><p>მატჩის საუკეთესო ფეხბურთელი მარტინ პერეს გუედესი გახდა, ვინც დუბლი შეასრულა და სტუმართა განადგურებაში ყველაზე დიდი წვლილი შეიტანა. გამორჩეული იყო პაულო როსალესიც, რომლის შეჩერებაც "ბოკელებმა" ვერაფრით მოახერხეს.</p><p><strong><span style="color: #ff0000;">სიმეონეს პირველი</span></strong></p><p>ჯოვანი სიმეონემ კარიერაში პირველი გოლი შეაგდო, "რივერმა" კი "ტიგრე" გაანადგურა. დიეგო სიმეონეს ვაჟმა შეხვედრის მეორე გოლი გაიტანა, მანამდე და მერე კი თავი მანუელ ლანსინმა გამოიჩინა. ბოლო 8 მატჩიდან "რივერმა" მეტოქე მეექვსედ დაამარცხა და 7 ქულა მოაგროვა, "ტიგრე" კი ბოლოსწინა პოზიციაზე აღმოჩნდა.</p><p>კვლავ ბოლო ადგილზეა "რასინგი", რომელიც პირველ გამარჯვებასთან ძალიან ახლოს იყო. "აკადემიამ" "ლანუსი" პირწმინდად დაჩაგრა, მაგრამ ერთ გოლზე მეტი ვერ გაიტანა, თუმცა ეს ბურთი მასპინძლებმა 87-ე წუთზე შეაგდეს და თითქოს ასე ნანატრი გამარჯვებაც მოიპოვეს, მაგრამ მატჩის უკანასკნელ წამებზე შეტევაში ჩართულმა მაქსი ველასკესმა მეტოქის კარისკენ ზუსტად გაისროლა და საკუთარ გუნდს ქულა მოუტანა.</p><p><strong><span style="color: #ff0000;">"არგენტინოსი" ისევ ლიდერია</span></strong></p><p>"არგენტინოს ხუნიორსი" წინა სეზონში ლიგიდან გავარდნას ძლივს გადაურჩა. რიკარდო კარუსი ლომბარდის გუნდს დაქვეითება წელსაც ემუქრება, მაგრამ თუ ასე გააგრძელა, დიეგო მარადონას ყოფილი გუნდი ამ პრობლემას მალე მოაგვარებს.</p><p>1985 წლის ლიბერტადორესის თასის გამარჯვებულმა "ოლ ბოისს" უმასპინძლა და მინიმალური სხვაობით მოიგო. შეხვედრის ერთადერთი გოლის ავტორი ოსვალდო მირანდა გახდა, ვისთვისაც ეს "არგენტინოსის" რიგებში გატანილი პირველი ბურთი იყო.</p><p>ლიდერს არ ჩამორჩნენ სარანდის "არსენალი" და "სან ლორენსო". "მეთოფეებმა" მარტინ როლეს გოლით "კილმესს" მოუგეს, ამ უკანასკნელის ყოფილმა ფორვარდმა მარტინ კაუტერუჩიომ კი "სან ლორენსოს" გამარჯვებას დაუდო სათავე. ურუგვაელმა ამ ჩემპიონატში თავისი მეხუთე გოლი გაიტანა, ბოლო 10 მატჩში (წინა სეზონის ჩათვლით) კი მის ანგარიშზე 8 შედეგიანი დარტყმაა.</p><p><strong><span style="color: #ff0000;">VI ტური</span></strong></p><p><strong><em>ველესი-ნიუელსი 3:0</p><p></em></strong>გოლები: 1:0 პრატო (34-პენ), 2:0 რ. კასერესი (71), 3:0 რ. კასერესი (86)</p><p>გაძევება: პ. პერესი (72. ნიუელსი), კუბერო (82. ველესი)</p><p><strong><em>ესტუდიანტესი-ბელგრანო 1:1</p><p></em></strong>გოლები: 1:0 კარილიო (44), 1:1 მახიოლო (75)</p><p><strong><em>გოდოი-კოლონი 1:0</p><p></em></strong>გოლი: 1:0 რამისი (84)</p><p><strong><em>არ. ხუნიორსი-ოლ ბოისი 1:0</p><p></em></strong>გოლი: 1:0 ო. მირანდა (29)</p><p>გაძევება: ბატიონი (62. ოლ ბოისი)</p><p><strong><em>ატლ. რაფაელა-ხიმნასია 2:1</p><p></em></strong>გოლები: 1:0 დეპეტრისი (11), 2:0 როდალესი (90), 2:1 ფ. პერეირა (90)</p><p><strong><em>რასინგი-ლანუსი 1:1</p><p></em></strong>გოლები: 1:0 კ. არაუხო (87), 1:1 მ. ველასკესი (90)</p><p>გაძევება: პასკინი (83. ლანუსი), გოლტცი (89. ლანუსი), ფ. ორტისი (89. რასინგი)</p><p><strong><em>როსარიო-სან ლორენსო 0:2</p><p></em></strong>გოლები: 0:1 კაუტერუჩიო (26), 0:2 ე. ვილიალბა (86)</p><p><strong><em>კილმესი-არსენალი 0:1</p><p></em></strong>გოლი: 0:1 როლე (44)</p><p><strong><em>რივერი-ტიგრე 3:0</p><p></em></strong>გოლები: 1:0 ლანსინი (46), 2:0 სიმეონე (63), 3:0 ლანსინი (65)</p><p><strong><em>ოლიმპო-ბოკა 3:0</p><p></em></strong>გოლები: 1:0 პერეს გუედესი (7), 2:0 ვულეტიჩი (70), 3:0 პერეს გუედესი (81)</p><p><strong><span style="color: #ff0000;">სატურნირო მდგომარეობა</span></strong></p><p><img src="pictures/artimages/image17/d8570cccc2db3b9bf73002983a05b913.jpg" border="0" alt="Sportall.Ge" title="ტორნეო ინისიალი. VI ტური: არგენტინაში "არგენტინოსი" ლიდერობს" /></p><p><strong></p><p>ბომბარდირები: </strong>5 - კაუტერუჩიო (სან ლორენსო); 4 - კარილიო (ესტუდიანტესი), რ. რამირესი (კოლონი)</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/fexburti/uckhouri-fekhburthi/samkhreth-amerika/54404-argentina-torneo-inisiali-v-turi-inisialis-chempionis-pirveli-marckhi-inisialze.html" target="_blank">არგენტინა. ტორნეო ინისიალი. V ტური: ინისიალის ჩემპიონის პირველი მარცხი ინისიალზე</a></p>
ლუის ენრიკე: ნამდვილი შეჯიბრი ახლა იწყება
ქართველი მსაჯები 21-წლამდე ევროპის ჩემპიონატის 1/4-ფინალს განსჯიან
ლუის ენრიკე: ჩვენი დამარცხება ყველას უნდა
მესი ამერიკული ფეხბურთის დასაცად - ხვიჩა გუნდის ნახევარს აკეთებს...
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
არგენტინა. ტორნეო ინისიალი. XVII ტური: ლიდერთა კოშმარი
რიკარდო გარეკა: პერუს ნაკრები პროგრესირებს და ლიდერებში უნდა დამკვიდრდეს
არგენტინის ნაკრების მწვრთნელობის კანდიდატად გვარდიოლას დასახელებამ ოსკარ რუჟერის გაღიზიანება გამოიწვია [VIDEO]
არგენტინა. ტორნეო ინისიალი. XV ტური: ფურჩი - ყველაზე საშიში იარაღი "არსენალში"
არგენტინა. ტორნეო ინისიალი. XVI ტური: რომის პაპი კმაყოფილია - "სან ლორენსო" გალიდერდა
არგენტინა. ტორნეო ინისიალი. I ტური: ბევრი პენალტი და ბევრი წითელი
ᓒᓘᓛ
"ველეს სარსფილდის" მეათე საჩემპიონო
არგენტინა. პრიმერა დივიზიონი. ტორნეო ფინალი. II ტური: "ესტუდიანტესი" გალიდერდა