<p><span style="line-height: 1.3em;" />დერიკ როუზს ნაკრებში მოუნდა <br> </span>არასასიამოვნო ინფორმაცია შეიტყვეს "ბოსტონის" გულშემატკივრებმა. ძირითადი გამთამაშებელი რაჟონ რონდო, სავარაუდოდ, ვერ შეუერთდება თავის გუნდს წინასასეზონო შეკრებაზე და ვერც რეგულარული ჩემპიონატის პირველ მატჩებში მიიღებს მონაწილეობას.</p><p>ადრე გუნდის გენერალურმა მენეჯერმა დენი ეინჯმა განაცხადა, რომ პლეიმეიკერი მოასწრებდა ტორონტოში სასტარტო მატჩისთვის აღდგენას, მაგრამ ახლა" სელტიქსის" ლიდერის დაბრუნება შეიძლება გაურკვეველი ვადით გადაიდოს.</p><p>"მწვანეების" ახალმა მთავარმა მწვრთნელმა ბრედ სტივენსმა განაცხადა, რომ ვერავინ გაბედავს, მოთამაშეს სარეაბილიტაციო პროცესის ფორსირება მოსთხოვოს: რონდო მოედანზე მხოლოდ მაშინ დაბრუნდება, როცა ასი პროცენტით იქნება მზად. ასევე, მწვრთნელი დარწმუნებულია, რომ "კელტებს" ბევრი რამ გამოუვათ ტრავმირებული ლიდერის გარეშეც.</p><p>"ხოლო, როცა ის დაბრუნდება, ჩვენ იოლად მოვახდენთ რონდოს ჩართვას უკვე მზა სათამაშო სქემებში", - მიაჩნია სპეციალისტს.</p><p>* * *</p><p>"ბოსტონთან" დაკავშირებული კიდევ ერთი სიახლე ის არის, რომ ხელმძღვანელობამ შემადგენლობიდან დაითხოვა ფორვარდი დონტე გრინი. შეგახსენებთ, რომ გრინი "ბოსტონში" გასულ თვეში გადავიდა "მემფისთან" გაცვლის შედეგად.</p><p>როგორც კალათბურთელის აგენტი ამბობს, დონტე კარიერას ჩინეთის ერთ-ერთ კლუბში გააგრძელებს.</p><p><strong><span style="color: #ff0000;">დერიკ როუზს ნაკრებში მოუნდა</p><p></span></strong> "ჩიკაგო ბულზის" გამთამაშებელი დერიკ როუზი აშშ-ის ნაკრებში დაბრუნებას გეგმავს და 2014 წელს, ესპანეთში მსოფლიოს ჩემპიონატზე თამაშს იმედოვნებს.</p><p><em>"თუ 2014 წლისთვის ნაკრებში მიწვევას მივიღებ, ეს ჩემთვის დიდი პატივი იქნება. აუცილებლად შევუე</em><em>რთდები გუნდს, თუ მაიკ კრჟიჟევსკი ჩემს ხილვას ისურვებს შემადგენლობაში"</em>, - განაცხადა კალათბურთელმა.</p><p>როუზმა, რომელმაც 2010 წელს თურქეთში მსოფლიოს ჩემპიონატის ოქროს მედალი მოიგო, 2012-13 წლების სეზონი მუხლის ტრავმის გამო გამოტოვა.</p><p>უფრო ადრე აშშ-ის ნაკრების გენერალურმა მენეჯერმა ჯერი კოლანჯელომ როუზს მხარდაჭერა გამოუცხადა და აღნიშნა, რომ "ბულზის" ლიდერის მსოფლიოს ჩემპიონატში მონაწილეობა დიდწილად დამოკიდებული იქნება კალათბურთელის ჯანმრთელობის მდგომარეობასა და სურვილზე.</p><p><strong><span style="color: #ff0000;">ბაინუმი სტარტისთვის მზად იქნება</p><p></span></strong>როგორც FOX Sports-ი წერს, ლიგის ერთ-ერთი წამყვანი ცენტრი ენდრიუ ბაინუმი შორს არის სრული გამოჯანმრთელებისგან და გამოტოვებს 2013-14 წლების სეზონისთვის მოსამზადებელ პერიოდს. მიუხედავად ამისა, "კლივლენდის" ცენტრი გუნდს რეგულარული ჩემპიონატის სტარტზე შეუერთდება და შესაძლოა, 30 ოქტომბერს, "ბრუკლინის" წინააღმდეგ გახსნის მატჩშიც ითამაშოს.</p><p>გასულ სეზონში ბაინუმს არც ერთი მატჩი არ ჩაუტარებია "ფილადელფიას" რიგებში მუხლების ტრავმის გამო.</p><p><strong><span style="color: #ff0000;">"კლიპერსმა" არენასი მიიწვია</span></strong></p><p>ვებგვერდ Hoopsworld-ის მიმომხილველმა ალექს კენედიმ გამოაქვეყნა ინფორმაცია იმის შესახებ, რომ NBA-ს ყოფილი ვარსკვლავი გილბერტ არენასი მიწვეულია "ლოს ანჯელეს კლიპერსის" საწვრთნელ ბანაკში.</p><p><em>"გავიგე, რომ არენასი კარგად გამოიყურებოდა ამ ზაფხულს ვარჯიშებზე. "კლიპერსმა" შეიძლება ის შემადგენლობაში მიიწვიოს",</em> - დაწერა თავის "ტვიტერზე" კენედიმ.</p><p>შეგახსენებთ, რომ ამ მომენტისთვის არენასი ჩინური "შანხაი შარქსის" მოთამაშეა. 31 წლის კალათბურთელი ბოლოს NBA-ში 2011-12 წლების სეზონში თამაშობდა - "მემფისის" რიგებში ირიცხებოდა და რეგულარული ჩემპიონატის მხოლოდ 17 მატჩში მიიღო მონაწილეობა. ის საშუალოდ მოედანზე 12 წუთს ატარებდა.</p><p><strong><span style="color: #ff0000;">ჯეფრიზმა კარიერა დაასრულა</p><p></span></strong>"ვაშინგტონ უიზარდისის" ყოფილმა ფორვარდმა ჯარედ ჯეფრიზმა კარიერის დასრულება გადაწყვიტა. მან 11 წელი გაატარა NBA-ში და ახლა დათანხმდა ადმინისტრაციულ როლს "დენვერ ნაგეტსში".</p><p>31 წლის კალათბურთელმა, რომელმაც კარგი ურთიერთობა შეინარჩუნა "დენვერის" გენერალურ მენეჯერთან ტიმ კონელისთან (ვისთან ერთადაც "ვაშინგტონში" 2002-06 წლებში მუშაოდა), გუნდში სკაუტის ფუნქციებს შეასრულებს.</p><p>აღვნიშნავთ, რომ 2002 წელს ჯეფრიზი "ვაშინგტონმა" დრაფტში მე-11 ნომრად აირჩია. გასულ სეზონში ის "პორტლენდის" ღირსებას იცავდა, 38 მატჩში მიიღო მონაწილეობა და საშუალოდ 1.2 ქულა დააგროვა.</p><p><strong><span style="color: #ff0000;">"ლეიკერსმა" ლენდრი გაიფორმა</span></strong></p><p>"ლოს ანჯელეს ლეიკერსმა" კონტრაქტი გააფორმა ფორვარდ მარკუს ლენდრისთან. კონტრაქტის დეტალები არ დასახელებულა.</p><p>აღვნიშნავთ, რომ 27 წლის ფორვარდი, რომელიც "საკრამენტოს" მოთამაშის, კარლ ლენდრის უმცროსი ძმაა, "ლეიკერსში" NBA-ს საზაფხულო ლიგაზე თამაშობდა. მარკუსმა ხუთ მატჩში მიიღო მონაწილეობა და საშუალოდ 15.2 ქულა და 4.2 მოხსნა დააგროვა.</p><p>2012-13 წლების სეზონში ლენდრი D ლიგაში კლუბ "რენო ბიგჰორნსში" თამაშობდა. ბოლო სამი წლის განმავლობაში მან მოასწრო პუერტო რიკოს, ჩინეთისა და ვენესუელას ლიგებში თამაში.</p><p><strong>ყოველდღიური სპორტული გაზეთი "ლელო"</strong></p><p><strong><span style="color: #ff0000;">ასევე იხილეთ:</span></strong></p><p><a href="/kalatburti/uckhouri-kalathburthi/nba/53646-pol-pirsi-deron-uiliamsi-mvp-gakhdeba.html" target="_blank">პოლ პირსი: დერონ უილიამსი MVP გახდება</a></p>
იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა
იოკიჩმა "დენვერს" შეატყობინა, რომ კონტრაქტს არ გაახანგრძლივებს
"NBA-ის ისტორიაში საუკეთესო მექულე ვარ" - პოლ პირსი
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
ბუნდესლიგა ხმაურიანი მატჩით იხსნება - "ბაიერნი" "ლაიფციგს" უმასპინძლებს
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"ნიუკასლის" ფეხბურთელი რომ ვიყო, ისაკის გუნდში დაბრუნება არ მენდომებოდა" - უეინ რუნი შვედი თავდამსხმელის სატრანსფერო საგას გამოეხმაურა
ქართველები ევროტურნირებზე - "სლოვანის" მარცხი, სიგუას დებიუტი
სფფ-ის ტექნიკური ცენტრი "ავაზა" გაიხსნა
[PHOTO] დაფრინავდნენ უნიტაზები, ფეკალიები, ქვები, ჯოხები - არიან დაჭრილები, 300 ფანი კი დაპატიმრებულია
[VIDEO] საქართველოს ნაკრებმა ბოლო სპარინგიც წააგო - რა იქნება ევრობასკეტზე?
სპერციანმა ინგლისური კლუბი უარით გაისტუმრა
ლუის ენრიკე: დონარუმა? კრიტიკა მესმის, თუმცა...
საქართველოს მეტოქეები მსოფლიო ჩემპიონატის შესარჩევისთვის უკრაინითა და დანიით შეივსო
"მის ჩანაცვლებას ვცდილობდით, მაგრამ ეს შეუძლებელია" - დე ლაურენტისმა კვარაცხელიაზე ისაუბრა
ჯიკიჩმა შემადგენლობა 3 მოთამაშით შეკვეცა
"ტოტენჰემი" სავინიოს სანაცვლოდ 80 მილიონს იხდის - რას გადაწყვეტს "მანჩესტერ სიტი"?
"საფონოვმა ეს სურვილი დააფიქსირა" - ფრანგი ჟურნალისტი რუსი მეკარის მომავალზე წერს
"ყველაფერი კარგად იყო, მაგრამ შემდეგ მბაპე და ნეიმარი მოვიდნენ" - დრაქსლერმა პსჟ-ში გატარებული პერიოდი გაიხსენა
მატჩის დღე! ხვიჩა კვარაცხელია განაცხადში არაა
"არსენალმა" "ტოტენჰემს" მთავარი სატრანსფერო სამიზნე წაართვა - ეზეს მომავალი გაირკვა
NBA-ს 2-გზის ჩემპიონი ყოფილ მეუღლეს სახლში იარაღით მიადგა - ვარსკვლავს დიდი პრობლემები ელის
ლებრონ ჯეიმსის ლოს ანჯელესური დებიუტი კრის პოლის და რაჟონ რონდოს ხელჩართულმა ჩხუბმა გადაფარა [VIDEO]
როგორ აუკრძალეს ყოფილ პროფესიონალს კონკურსში მონაწილეობა
რაჟონ რონდო ჩიკაგოელი "ხარი" გახდა
"ბოსტონ სელტიკსმა" 36 წლის მწვრთნელი დანიშნა
NBA. რეგულარული ჩემპიონატი: "ჰიუსტონს" უმწვრთნელობამ უშველა
NBA. რეგულარული ჩემპიონატი რონდოს პირველი ტრიპლი
ეგოიზმის ზეიმი "ბოსტონში"
NBA. რეგულარული ჩემპიონატი: გასული კვირა ასოციაციაში