იგორ კოკოშკოვი სერბეთის ნაკრების მთავარ მწვრთნელად...

ამის შესახებ გამოცემა "ეუროჰუპსი" იტყობინება
სათაურში სამი წერტილის ნაცვლად უნდა ეწეროს - განიხილება.

დიახ, საქართველოს ნაკრების თავკაცი იგორ კოკოშკოვი ერთ-ერთი მთავარი კანდიდატია სერბეთის ეროვნული გუნდის მთავარი მწვრთნელის პოსტზე. ამის შესახებ გამოცემა "ეუროჰუპსი" იტყობინება.

სტატიაში მოცემულია სერბების დამრიგებელ დუშან ივკოვიჩის სიტყვები:

"ჩვენს კალათბურთის ფედერაციასთან შეთანხმება მქონდა, რომლის მიხედვით, გუნდში მსოფლიოს ჩემპიონატამდე უნდა დავრჩენილიყავი.

სერბეთმა მუნდიალის საგზური მოიპოვა და მიმაჩნია, რომ დროა, ადგილი ახალგაზრდა მწვრთნელებს დავუთმო.

მაგალითად - ალექსანდრ კესარს, რომელიც წლების განმავლობაში მუშაობს ჩვენი ნაკრების სამწვრთნელო შტაბში".

"ეუროჰუპსი" იგორ კოკოშკოვის გვერდით ერთ-ერთ მთავარ კანდიდატად საშა ობრადოვიჩს ასახელებს.

ყოველდღიური სპორტული გაზეთი "ლელო"

ასევე იხილეთ:

იგორ კოკოშკოვი საქართველოს ნაკრებიდან მიდის?

ბესიკ ლიპარტელიანი: საქართველოს ნაკრებს, ალბათ, ახალი მესაჭე სჭირდება

თეგები: