<p>"რეალი" და "ატლეტიკო" პრიმერაში ერთმანეთს 153-ედ შეხვდებიან - <span style="line-height: 1.3em;" />კრიშტიანო რონალდო და დიეგო კოშტა შესანიშნავ ფორმაში არიან <br> </span>27 სექტემბერს, პრიმერაში მორიგი ტური დაიწყო, რომლის ყველაზე საინტერესო და გამორჩეული დაპირისპირება "სანტიაგო ბერნაბეუზე" შედგება.</p><p>სანამ მე-7 ტურში გასამართ შეხვედრებზე ვისაუბრებთ, იქამდე, რამდენიმე სიტყვა მე-6 ტურის ბოლო სამ მატჩზე ვთქვათ...</p><p><strong><span style="color: #ff0000;">მასპინძლების დომინაცია</p><p></span></strong>სამივე შეხვედრაში გამარჯვება მასპინძლებს დარჩათ. განსაკუთრებით აღსანიშნავია "ვილიარეალის" მორიგი წარმატება - მარსელინიოს კრებულმა ხავიერ აგირეს "ესპანიოლს" სძლია და კატალონიელებს სეზონში პირველი მარცხი აგემა.</p><p>მორიგი შესანიშნავი მატჩი ჩაატარა კანიმ, რომელსაც ამჯერად გოლი არ გაუტანია, სამაგიეროდ 32 წლის ნახევარმცველმა ორი საგოლე პასი მიითვალა.</p><p>"ყვითელი წყალქვეშა ნავის" 10-იანმა პირველივე წუთზე ჟერემი პერბეს გაატანინა, 67-ე წუთზე კი ხონათან პერეირას დაეხმარა. სტუმრებმა ერთი საპასუხო ბურთი მე-80 წუთზე შეაგდეს - თავი სერხიო გარსიამ გამოიჩინა. აღსანიშნავია, რომ "ესპანიოლს" ვალენსიელთა კარში გოლი უკანასკნელ 9 შეხვედრაში არ ჰქონდა გატანილი. მართალია, ეს უიღბლო სერია ხავიერ აგირეს გუნდმა დაასრულა, მაგრამ ქულა მაინც ვერ მოიპოვა.</p><p>მოიგო ბილბაოს "ატლეტიკმაც", არადა ხორხე მოლინას გოლის შემდეგ ბასკები საკმაოდ რთულ სიტუაციაში იყვნენ.</p><p>მოლინას გოლამდე რამდენიმე წუთით ადრე, მასპინძლებმა პენალტის დარტყმის უფლება მიიღეს, თუმცა ბენიატმა ყოფილი გუნდის კარში ვერ გაიტანა და 11-მეტრიანი ვერ გამოიყენა.</p><p>გაფუჭებული პენალტი და საკუთარ კარში გაშვებული გოლი - თითქოს, მასპინძლები უნდა გამტყდარიყვნენ, მაგრამ ბასკებს დანებება არ სჩვევიათ და ეს "ბილბაოს" ფეხბურთელებმა კიდევ ერთხელ დაამტკიცეს.</p><p>შესაძლოა, მიკელ სან ხოსე უშუალო მოვალეობების შესრულებისას ბევრ შეცდომას უშვებს, მაგრამ ახალგაზრდა ფეხბურთელი სტანდარტულებისას ძალიან ეფექტურია. სწორედ 24 წლის მცველმა გაიტანა გამარჯვების მომტანი გოლი, რამდენიმე წუთით ადრე კი ბენიატმა რეაბილიტირება შეძლო და ანგარიში ოსკარ დე მარკოსს გაათანაბრებინა.</p><p>კიდევ ერთი შეხვედრა მადრიდში გაიმართა, სადაც "ხეტაფემ" "სელტას" უმასპინძლა და განსაკუთრებული პრობლემის გარეშე, 2:0 მოუგო.</p><p>გოლები მცველებმა, ლისანდრო ლოპესმა და ალვარო აროიომ გაიტანეს. ორივესთვის ეს ლა ლიგაში სადებიუტი გოლები იყო.</p><p><strong><span style="color: #ff0000;">მადრიდული დერბი</span></strong></p><p>"სანტიაგო ბერნაბეუზე" ტურის მთავარი მატჩი გაიმართება. "რეალი" და "ატლეტიკო" პრიმერაში ერთმანეთს 153-ედ შეხვდებიან.</p><p>ურთიერთშეხვედრებში უპირატესობა, რა თქმა უნდა, "სამეფო კლუბის" მხარეს არის - "რეალმა" 85 მატჩი მოიგო, 32 შეხვედრა ფრედ დასრულდა, 35-ჯერ კი გამარჯვება "როხიბლანკოს" დარჩა. ლა ლიგაში ამ უკანასკნელის ბოლო გამარჯვებიდან ძალიან დიდი დრო გავიდა - "ატლეტიკომ" 1999 წელს, "სანტიაგო ბერნაბეუზე" 3:1 მოიგო და იქიდან მოყოლებული უკვე 23-მატჩია თანაქალაქელი არ დაუმარცხებია.</p><p>აქვე, აუცილებლად უნდა გავიხსენოთ ამ გუნდების ბოლო შეხვედრა, რომელიც სამეფო თასის ფინალში, ისევ და ისევ "ბერნაბეუზე" შედგა და ის მატჩი დიეგო სიმეონეს კრებულმა, 2:1 მოიგო.</p><p>სტუმრები რეკორდის მიჯნაზე არიან. სეზონის სტარტზე ზედიზედ 7 გამარჯვება "ატლეტიკოს" არასდროს მოუპოვებია. პირველი 6 შეხვედრის მოგება კი მადრიდელებმა მესამედ შეძლეს. 1964/65 წლების სეზონში, "როხიბლანკოს" წარმატებული სვლა ბილბაოს "ატლეტიკმა" შეაჩერა, 1991/92 წლების სეზონში კი "ბარსელონამ".</p><p>ამჯერად, ესპანეთის 9-გზის ჩემპიონის მეტოქე ქვეყნის მესამე გრანდია, რომელიც მესამე ადგილს იკავებს და მხოლოდ 2 ქულით არის უკან.</p><p>"სამეფო კლუბს" გარეთ ბეილი გამოუჯანმრთელდა, თუმცა უელსელი ძირითადში არ იქნება და თამაშის სტარტს სათადარიგოთა სკამზე შეხვდება. მზადაა მარსელოც, მაგრამ მარცხენა მცველის პოზიციაზე ისევ ფაბიო კოენტრაო უნდა ვიხილოთ.</p><p>ესპანელი ჟურნალისტების აზრით, კარლო ანჩელოტი მოედანზე ზუსტად იმ 11 ფეხბურთელს გამოიყვანს, ვინც "ელჩესთან" სასტარტო შემადგენლობაში იყო. აი, დიეგო სომეონე კი წინა მატჩთან შედარებით ცვლილებებს განახორციელებს, რადგან არგენტინელმა "ოსასუნასთან" რამდენიმე ლიდერი დაასვენა.</p><p>განსაკუთრებულ ინტერესს იწვევს კრიშტიანო რონალდოს და დიეგო კოშტას დუელი. ფორვარდები შესანიშნავ ფორმაში არიან. პორტუგალიელმა "რეალის" ბოლო 4 შეხვედრაში (ყველა ტურნირზე) 8 გოლი გაიტანა, დიეგო კოშტამ კი ბოლო სამ მატჩში მეტოქეთა კარი 4-ჯერ აიღო.</p><p>აქვე ვთქვათ, რომ ბოლო დროს ესპანეთში არბიტრების თემა აქტუალურია, ამიტომ, მოგახსენებთ, რომ შეხვედრას 36 წლის ანტონიო მატეუ ლაოსი განსჯის.</p><p><strong><span style="color: #ff0000;">"ბარსაც" რეკორდის მიჯნაზე</p><p></span></strong>"ატლეტიკოსი" არ იყოს, რეკორდის დამყარება "ბარსელონასაც" შეუძლია - აქამდე, ჩემპიონატის სტარტზე ზედიზედ 7 გამარჯვება არც კატალონიელებს მოუპოვებიათ. ხერარდო მარტინოს გუნდის მეტოქე ძალიან ცუდ ფორმაში მყოფი "ალმერიაა", რომელსაც "ელჩეს" მსგავსად ჯერ თამაში არ მოუგია.</p><p>ალმერიაში ეს გუნდები ერთმანეთს ბოლოს 2010 წელს შეხვდნენ და მაშინ "ბარსელონამ" მოწინააღმდეგე მიწასთან გაასწორა - 8:0 მოუგო, შინ კი კატალონიელებმა 3:1 იმარჯვეს.</p><p>"ბარსას" კარლეს პუიოლი უბრუნდება, რომელიც სათამაშოდ მზად არის, თუმცა მარტინო ალბათ არ გარისკავს და კაპიტანს ძირითადში არ დააყენებს. მოსალოდნელია, რომ არგენტინელი კვლავ მიმართავს როტაციას და რამდენიმე წამყვან ფეხბურთელს სკამზე დასვამს.</p><p>საინტერესოა ბასკურ-ანდალუსიური დაპირისპირებაც. "სოსიედადს" პირველი ტურის შემდეგ არ უმარჯვია, "სევილიამ" კი პირიქით, სამი ქულა პირველად მე-6 ტურში ("რაიო ვალეკანოსთან") მოიპოვა.</p><p>ბასკებს რამდენიმე დღეში ჩემპიონთა ლიგის უმნიშვნელოვანესი მატჩი ("ლევერკუზენთან") ელით, შესაბამისად, არაა გამორიცხული, არასატემ ლიდერები არ დატვირთოს, რაც ანდალუსიელთა შანსებს გაზრდის.</p><p>შაბათს ითამაშებს "ვალენსიაც", ვისაც ადილ რამი არ ეყოლება. ფრანგმა ფეხბურთელმა, რამდენიმე დღის წინ, მიროსლავ ჯუკიჩი და კლუბის ხელმძღვანელობა გააკრიტიკა, რის გამოც მკაცრად დაისაჯა - უახლოესი ორი კვირის განმავლობაში რამის კლუბთან ერთად ვარჯიშის საშულება არ ექნება და შესაბამისად, შეხვედრებშიც მონაწილეობას ვერ მიიღებს.</p><p>"ღამურების" მეტოქე შავ დღეში მყოფი "რაიო ვალეკანოა", რომელმაც პირველივე ტურში 3:0 იმარჯვა, მაგრამ იქიდან მოყოლებული ზედიზედ 5 მატჩი წააგო, თანაც ამ ხუთ შეხვედრაში 20 გოლი გაუშვა. კიდევ ერთი მარცხი და დიდი ალბათობით, პაკო ხემესი უმუშევარი დარჩება.</p><p><span style="color: #008000;"><strong>ესპანეთი. ლა ლიგა. VII ტური</strong></span></p><p><strong><em>ვალიადოლიდი-მალაგა 2:2</p><p></em></strong></p><p><span style="text-decoration: underline;">28 სექტემბერი</p><p></span><strong>ვალენსია-ვალეკანო 18:00</p><p></strong>დისკვალიფიკაცია: გალვესი, ხ. ვიერა (რაიო ვალეკანო)</p><p>ტრავმა: გუაიტა, რ. კოშტა, პიატი - იაგო ფალკე, ხოსე კარლოსი</p><p>ურთიერთშეხვედრები</p><p>სულ 18 თამაში: +12 =2 -4 (43:19)</p><p><strong>ალმერია-ბარსელონა 20:00</p><p></strong>დისკვალიფიკაცია: არავინ</p><p>ტრავმა: ალბა, აფელაი, კუენკა (ბარსელონა)</p><p>ურთიერთშეხვედრები</p><p>სულ 10 თამაში: +0 =2 -8 (5:33)</p><p><strong>სოსიედადი-სევილია 22:00</p><p></strong>დისკვალიფიკაცია: არავინ</p><p>ტრავმა: სურუტუსა, გრანერო, ელუსტონდო, იფრანი - ვიტოლო, პეროტი, ფასიო, კარიკო, რეიესი, სისინიო</p><p>ურთიერთშეხვედრები</p><p>სულ 28 თამაში: +10 =7 -11 (31:34)</p><p><strong>რეალი-ატლეტიკო 00:00</p><p></strong>დისკვალიფიკაცია: არავინ</p><p>ტრავმა: ჩაბი ალონსო - ადრიანი</p><p>ურთიერთშეხვედრები</p><p>სულ 39 თამაში: +27 =9 -3 (80:36)</p><p><span style="text-decoration: underline;">29 სექტემბერი</p><p></span><strong>ოსასუნა-ლევანტე 14:00</p><p></strong>დისკვალიფიკაცია: არავინ</p><p>ტრავმა: რობერტო ტორესი, ეჩაიდე, სეხუდო, დე ლას კუევასი, ფლანიო, ნინო - პედრო ლოპესი</p><p>ურთიერთშეხვედრები</p><p>სულ 18 თამაში: +10 =1 -7 (30:18)</p><p><strong>სელტა-ელჩე 19:00</p><p></strong>დისკვალიფიკაცია: კ. სანჩესი (ელჩე)</p><p>ტრავმა: ნოლიტო, ა. ფერნანდესი, სამუელ ლორკა, ბერმეხო - საპუნარუ, სერხიო პელეგრინი</p><p>ურთიერთშეხვედრები</p><p>სულ 12 თამაში: +4 =5 -3 (18:16)</p><p><strong>ესპანიოლი-ხეტაფე 21:00</p><p></strong>დისკვალიფიკაცია: არავინ</p><p>ტრავმა: ხუან ფუენტესი, ვიქტორ ალვარესი - ლაფიტა, ხუან ვალერა, ლასენი</p><p>ურთიერთშეხვედრები</p><p>სულ 22 თამაში: +9 =6 -7 (24:29)</p><p><strong>ბეტისი-ვილიარეალი 23:00</p><p></strong>დისკვალიფიკაცია: არავინ</p><p>ტრავმა: რუბენ კასტრო, ხუან კარლოსი, სერხიო როდრიგესი, ედერ ვილარჩაო - ფარინოსი</p><p>ურთიერთშეხვედრები</p><p>სულ 20 თამაში: +8 =5 -7 (35:30)</p><p><span style="text-decoration: underline;">30 სექტემბერი</p><p></span><strong>გრანადა-ბილბაო 00:00</p><p></strong>დისკვალიფიკაცია: არავინ</p><p>ტრავმა: მაინსი, პიტი - საბორიტი, ბალენსიაგა, კიკე სოლა</p><p>ურთიერთშეხვედრები</p><p>სულ 4 თამაში: +1 =1 -2 (4:5)</p><p><em>შენიშვნა: ურთიერთშეხვედრები 1994 წლიდან</em></p><p><strong>ბომბარდირები: </strong>7 - მესი (ბარსელონა), დიეგო კოშტა (ატლეტიკო); 6 - კრიშტიანო რონალდო (რეალი); 5 - პედრო (ბარსელონა); 4 - რაულ გარსია (ატლეტიკო), როდრი (ალმერია), ისკო (რეალი)</p><p><strong>ყოველდღიური სპორტული გაზეთი "ლელო"</strong></p>
გადავალ თუ არა პსჟ-ში? - გავიმ კომენტარი გააკეთა
"ბარსელონას" ახალი მეკარე ეყოლება - ტერ შტეგენი ტრანსფერზეა
იამალმა დაასახელა კლუბი, სადაც არასდროს ითამაშებს
7-კაცა | მაკარსკაში კლოდ სორელის ხსოვნის პატივსაცემად
რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს
ამაზე უარის თქმა რთული იქნება - "ფენერბაჰჩემ" სანეს ზღაპრული შეთავაზება გაუკეთა
"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს
[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა
კალანდაძის ლიდერობით - საქართველოს ნაკრებმა ლუქსემბურგსაც მოუგო
პსჟ-ს მძიმე დანაკლისი - ესპანეთთან პარიზელთა ორმა ფეხბურთელმა ტრავმა მიიღო
სომხეთის ნაკრები ისევ დიდი ანგარიშით დამარცხდა
ზედიზედ მესამედ - ვახტანგ ახობაძე ევროპის ჩემპიონია!
ისტორიული ოქრო პარაკაიაკის ევროპის ჩემპიონატზე
კიმი შეიძლება იტალიაში დაბრუნდეს
საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?
ანშლაგი ქუთაისში - საქართველო - კაბო-ვერდე | 7 ივნისის განრიგი
უარი "სიტის" - მიქაუტაძის თანაგუნდელის გოლი და საგოლე პასი ესპანეთთან
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა
"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ
უარი "ალ ჰილალს" - ოსიმენისთვის ბრძოლაში ახალი კლუბი ჩაერთო
დვალიშვილი VS ომალი 2 - დიდ ბრძოლამდე სულ ცოტა დრო რჩება
"აყურებინეთ ბავშვებს ფეხბურთი" - ბეილმა მასწავლებლებს მოუწოდა
BMV - "რეალის" შეტევას ახალი ზედმეტსახელი აქვს
ფანებმა დაიწყეს კამპანია, რათა ლიონელ მესის არგენტინის ნაკრებიდან წასვლა გადააფიქრებინონ
ბეილი: ჩემპიონთა ლიგის ფინალი 5:0 დასრულდება
ბეილი ახალ გუნდში მცირე ხელფასითაც კმაყოფილია
"ვფიქრობ, მესის მსგავსი ტიტული ექნება, როდესაც კარიერას დაასრულებს..." - პუიოლი
დიეგო კოშტა, დიდი ალბათობით, ლა ლიგაში დაბრუნდება
"აღმაშფოთებელი უპატივცემულობა!" - ფეხბურთელი, რომელმაც თქვა, რომ გეია, კასილასსა და პუიოლს აკრიტიკებს
"ბოდიში! შეცდომა დავუშვი! მესმის, რომ..." - პუიოლი გუშინ გავრცელებულ სკანდალურ პოსტს ეხმაურება
კარლო ანჩელოტი: ცუდი თამაში არ იყო, კმაყოფილი ვარ
ოფიციალურად: დიეგო კოშტა პრემიერლიგას დაუბრუნდა
კოპა ამერიკა სენტენარიო: Don't cry for me Argentina [VIDEO]
კვლავ თავის სტიქიაშია - დიეგო კოშტამ "გრემიოს" 20-წლამდელებშიც იჩხუბა [VIDEO]
[PHOTOS] კვარაცხელიას რონალდო არ ავიწყდება - ქართველმა ჩემპიონთა ლიგის მოგების შემდეგ კრიშტიანოსთან დაკავშირებით ორი პოსტი გამოაქვეყნა
ქოჩორა და რონალდო ერთად? - ამის ალბათობა მაღალია
"ღამე მშვიდობისა..." - კარლეს პუიოლი სუსოს პოსტს გამოეხმაურა
სავარაუდოდ დიეგო კოშტა სათამაშოდ პრემიერ ლიგაში დაბრუნდება
რონალდო "ალ ნასრიდან" მიდის? - დიდი ალბათობით, პორტუგალიელი საუდის არაბეთის კლუბს დატოვებს
IFFHS-მა მესი ყველა დროის საუკეთესო ფეხბურთელად დაასახელა - რონალდო მხოლოდ მეოთხეა
კრიშტიანო რონალდოს შვილი პორტუგალიის ნაკრებში გამოიძახეს
მსოფლიოს 2022 წლის ჩემპიონატის ყველაზე ცუდი ფეხბურთელებისგან შემდგარი თერთმეტეული დასახელდა, სადაც ბეილი და კვარაცხელიას თანაგუნდელიც მოხვდნენ
"ღამე ერთ ოთხაში გავათიოთო... ვუთხარი, შენი უკანალით ნუ მაცდუნებ-მეთქი..." - დიეგო კოშტა ჰალკზე
გარეთ ბეილმა 33 წლის ასაკში საფეხბურთო კარიერა დაასრულა
პუიოლი: "ბარსა" შეიცვალა - პარიზში ერთ გოლს შეეძლო თამაში შემოეტრიალებინა
პუიოლი "ბარსელონაში" ბრუნდება
ჩემპიონთა ლიგის მომგებები ფეხბურთელისა და მწვრთნელის რანგში - შემდეგი ზიდანია?
შესაძლოა, დიეგო სიმეონემ "ატლეტიკოს" პარალელურად არგენტინის ნაკრებიც გაწვრთნას
არგენტინის ნაკრები მთავარი მწვრთნელის გარეშე დარჩა
"ბარსელონას" ყოფილი თავკაცი მექსიკის ნაკრების მწვრთნელად დანიშნეს
მაიამის "ინტერის" მწვრთნელად ხერარდო მარტინო დანიშნეს
ზაფხულში ლუნინმა შესაძლოა, სერია A-ს მიაშუროს
"მესი თუ რონალდო?" - იგუაინმა უცნაური არჩევანი გააკეთა