თავისუფალი ჭიდაობა. საქართველოს ჩემპიონატი: "ერისიონისა" და დალოცვის ფონზე [PHOTO]

ამ უქმეებზე თავისუფალ ჭიდაობაში, სპორტკომპლექს "არენაში", საქართველოს ჩემპიონატი საკმაოდ მშვიდ ვითარებაში და ორგანიზებულად ჩატარდა ამ უქმეებზე სპორტკომპლექს "არენაში" საკმაოდ მშვიდ ვითარებაში და ორგანიზებულად ჩატარდა საქართველოს ჩემპიონატი თავისუფალ ჭიდაობაში.იყო გახსნის ცერემონიალიც თვით ლეგენდარული "ერისიონის" მონაწილეობით, რომელმაც რამდენიმე საცეკვაო ნომერი შეასრულა, რამაც ცერემონიალს პომპეზური იერი შესძინა. მანამდე კი შეჯიბრება და მისი მონაწილენი საგურამოს წმინდა ილია მართლის სახელობის ეკლესიის მოძღვარმა, მამა ტარიელმა და მისმა მგალობელთა გუნდმა დალოცეს.შეპირებისამებრ, ტურნირს გერმანელი ექიმებიც ესწრებოდნენ, რომლებიც ნაკრებთან სამუშაოდ მოიწვიეს, ერთი მათგანი კი მსოფლიოსა და ოლიმპიური პრიზიორი ტომას ცანდერია.გერმანელთა გარდა, ჩემპიონატს საპატიო სტუმრები ესწრებოდნენ ირანიდანაც - იქაური საჭიდაო ფედერაციის გენერალური მდივანი და ახალარჩეული ვიცე-პრეზიდენტი, მსოფლიოს ჩემპიონი ალირეზა რეზაეი.ლიდერთა სამეულიეროვნული ნაკრების იმ სამი ლიდერიდან, სტაბილურად რომ დამკვიდრდნენ თავიანთ წონებში ფავორიტებად - გიორგი ედიშერაშვილი (55), ვლადიმერ ხინჩეგაშვილი (60) და დავით მარსაგიშვილი (84), ფინალში ყველამ იოლად გაიმარჯვა.განსაკუთრებით - მარსაგიშვილმა. მან ზუსტად ისე მოუგო ლევან გოგრიჭიანს, როგორც ჭიდაობს ხოლმე შედარებით სუსტებთან - მისვლისთანავე ჩაჰყავს ჩოქბჯენში და მერე მანამ ატრიალებს აქეთ-იქით, ვიდრე ქულებით წმინდა მოგებას არ გაინაღდებს, რითაც ზოგავს დროს, ენერგიას, ძალას და ახლაც ასე მოიქცა - 48 წამში მოიგო შეხვედრა.მას დიდი ჯაფა არც მანამდე დასდგომია, რადგან ყველა პაექრობაში ქულებით სუფთად იმარჯვა - პირველივე წრეში რევაზ ივანიშვილს (ამან საქართველოს თასიდან დაგვამახსოვრა თავი კარგი ჭიდაობით) 8:0, მარადი ზოიძეს - 7:0, გოჩა ლომთათიძეს კი ისევ 8:0 სძლია.ახალგაზრდა ბექა ბუჯიაშვილმა სანაქებო ბრძოლა გაუმართა ევროპის ჩემპიონ ედიშერაშვილს, თუმცა კლასი მაინც კლასია და გამოცდილებამ აჯობა შემართებას -როცა შანსი მიეცა, სისწრაფისა და მოქნილობის გამო ედიშერაშვილმა უპრობლემოდ აღკვეთა მისი ფეხში შესვლა თუ სხვა სახის შეტევა და წარმატებული კონტრილეთით იქით აართვა ქულები.თუმცა ის მხოლოდ მეტოქის შეცდომებს არ დალოდებია და თავადაც უტევდა, რამაც წმინდა გამარჯვება მოუტანა.ედიშერაშვილმა მანამდეც წმინდად იმარჯვა ნაირ ჰარუთინიანთან და ლაშა ტალახაძესთან, რითაც თითი დაუქნია ახალგაზრდა კონკურენტებს, ემანდ, რიდი იქონიეთო, თუმცა ბუჯიაშვილის შემართება მაინც აღსანიშნავია.ხინჩეგაშვილმაც წმინდად მოუგო საკმაოდ კარგად მოჭიდავე ბექა ლომთაძეს, იმის მიუხედავად, რომ მანამ თვითონ ჩვეულებრივად დამაჯერებლად ვერ გამოიყურებოდა. გადამწყვეტი აქაც გამოცდილება აღმოჩნდა, ქუთაისელმა კი ჟინითა და შემართებით დაგვამახსოვრა თავი.პირველი ქულაც მან მოიპოვა, მერე კი 3:4-მდეც მოახერხა ანგარიშის შემცირება, თუმცა ამის შემდეგ ხინჩეგაშვილმა ჯერ ჩოქბჯენში ჩაიყვანა, მერე კი ფეხებიდან ჯვარზე წარმატებით ატრიალა წმინდა მოგებისთვის საჭირო ქულებამდე.დაძაბული ფინალებიერთ-ერთი ყველაზე დაძაბული ფინალი 66-ში გაიმართა, სადაც კონსტანტინე ხაბალაშვილმა კი იმარჯვა, მაგრამ თავისუფლად შეიძლებოდა, მოგება ქელეხსაშვილს დარჩენოდა.მსოფლიოს ჩემპიონატზე ბრინჯაოსთვის ნაჭიდავებმა ამ ბიჭმა კიდევ ერთხელ მოგვხიბლა შემტევი სტილით და რაც მთავარია, მებრძოლი ხასიათით.ძლიერებიდან მან ზურაბ იაკობაშვილს მოუგო (თუმცა საკამათო შეხვედრა იყო), ხაბალაშვილმა კი წმინდად დაამარცხა მალხაზ ქურდიანი და ახალი თაობის ორი გამორჩეული წარმომადგენელი - შოთა ფარტენაძე და ომარ გურჯიძე, თუმცა ისინი ჯერ ამ დონეზე საკონკურენციოდ პატარებიც არიან.ფინალში ქელეხსაშვილი იგებდა კიდეც. შეხვედრა გარდამავალი უპირატესობით, ქულა-ქულაში მიდიოდა და საბოლოოდ ხაბალაშვილმა 4:3 მოიგო.ორივე მეტოქე უკვე რამდენჯერმე ვნახეთ საერთაშორისო ასპარეზზე, ხოლო ამ სურათს ახლანდელს თუ დავუმატებათ, ასეთი დასკვნაც შეიძლება გამოვიტანოთ (რაც, ცხადია, დოგმა არაა) - ხაბალაშვილმა ევროპის მომავალი პირველობაც თუ ჩააგდო, საეჭვოა, ქელეხსაშვილმა მას კიდევ მისცეს შანსი. ვიმეორებთ - ამას მტკიცებითი ფორმით არ ვამბობთ, მაგრამ ის კი ცხადია, რომ გარდამავალი წონაა, სადაც ლიდერი ჯერ კიდევ ვერ გამოიკვეთა...იგივე ითქმის 96-ზეც, თუმცა იქ დავით ქერაშვილი თანდათან უფრო იკვეთება. მან ახლაც ფინალში დამაჯერებლად აჯობა ბექა ჭელიძეს - 5:0. არადა, ფინალამდე უფრო ძნელი გზა ჭელიძემ გაიარა - თედორე ებანოიძეს, ელიზბარ ოდიკაძეს და გუსოშვილს მოუგო. თან - სულ წმინდად. თუმცა ქერაშვილი წონის ღირსეული ჩემპიონია.74-ში ტიტული შეინარჩუნა იაკობ მაქარაშვილმა, ვინც ფინალში გიორგი მარსაგიშვილს 2:5 ამოუქაჩა.ფინალი, რომელიც შეიძლება გაგრძელდესხმაურიანი ფინალი მხოლოდ მძიმე წონისა გამოდგა, სადაც განთესილი ფავორიტები - ოლიმპიადის ვიცე-ჩემპიონი, მსოფლიოს პრიზიორი დავით მოძმანაშვილი და ევროპისა და მსოფლიოს ბრინჯაოსმედალოსანი გენო პეტრიაშვილი უპრობლემოდ გავიდნენ.ხანგრძლივი დაზვერვით დაწყებულ შეხვედრაში პეტრიაშვილი მეტოქის გაფრთხილების ხარჯზე მიღებული ქულით დაწინაურდა და მინიმალურ ანგარიშს მეორე პერიოდის მიწურულამდეც ინარჩუნებდა.საკამათო ეპიზოდიც მაშინ მოხდა, როცა პეტრიაშვილის მესამე მცდელობა, ხელით შესულიყო ფეხში, მოძმანაშვილმა დახურა და იქვე ჯვარიდან დატრიალებაც მოინდომა. გდება ბოლომდე არ მისულა, თუმცა, როგორც მოგვიანებით ვიდეოგამეორებაზე გაირკვა, 2 ქულით შესაფასებლად საკმარისი ამპლიტუდა იყო.ოღონდაც ეპიზოდი ამით არ დასრულებულა, გენომ წამოდგომა მოახერხა და წრიდან გაყვანით იქით გადააგდო მეტოქე ილეთზე.კამათიც ამან გამოიწვია - მსაჯები 2 ქულას აძლევდნენ მოძმანაშვილს ჩოქბჯენის ზემოაღნიშნული ეპიზოდისთვის, პეტრიაშვილს კი მხოლოდ ერთ ქულას - მეტოქის წრიდან გაყვანისთვის. იმ გდებას კი არ უფასებდნენ იმ მოტივით, რომ როცა რომელიმე ფეხს გადგამს ხაზის გარეთ, იქ ეპიზოდი წყდება და მერე რა ხდება, ამას მნიშვნელობა აღარ ენიჭებაო.ცხადია, ამას პეტრიაშვილი და მისი პირადი მწვრთნელი ნუგზარ სხირელი არ დაეთანხმნენ, მაგრამ მსაჯებმა ეს ეპიზოდი 2:1 შეაფასეს მოძმანაშვილის სასარგებლოდ. ამით ანგარიში 2:2 გახდა, მოგება კი მოძმანაშვილს მიენიჭა იმ 2-ქულიანის გამო.პეტრიაშვილი იმდენად გაცხარდა, რომ მსაჯებს ჯერ ტაში დაუკრა პროტესტის ნიშნად, მერე კი ტრიბუნებთან ქომაგებით გარშემორტყმული ტიროდა კიდეც. თუმცა თავად მოჭიდავეთა სასახელოდ უნდა ითქვას, რომ ერთმანეთს მეგობრულად გადაეხვივნენ და მათ შორის ოდნავი ინციდენტიც არ მომხდარა.თუმცა პროტესტი ამით არ დასრულებულა და, შესაძლოა, ეს ფინალი უკვე კაბინეტებში გაგრძელდეს. სხირელი იშველიებს ახალ წესებს, რომელთა თანახმადაც, ქულათა თანაბრობის შემთხვევაში უპირატესობა ენიჭება გაფრთხილებას და არა ტექნიკურ ქულას.<div style="text-align: center;">იხილეთ ფოტოგალერეა<a href="/mtavari/photo.html?view=categories&category=427" target="_blank"><img src="pictures/artimages/image16/0c886e8888b67b0710b6ff7e87e375c7.jpg" border="0" alt="Sportall.Ge" title="თავისუფალი ჭიდაობა. საქართველოს ჩემპიონატი: "ერისიონისა" და დალოცვის ფონზე [PHOTO]" /></a></div>ამ წესით, მოგება პეტრიაშვილს ეკუთვნის. თუმცა ექსტრა-კლასის მსაჯმა ედიშერ მაჩაიძემ გვითხრა, რომ წესების პროექტის ის ვარიანტი, რომელიც სხირელმა წარმოადგინა, ზაფხულშია მიღებული, მას მერე კი შეიცვალა და ახლა უპირატესობა სწორედ ტექნიკურ ქულას ენიჭება.მისი თქმით, ამ წესებით ჩატარდა მსოფლიოს ჩემპიონატიც, თუმცა ფილას ჯერ საბოლოოდ არ დაუმტკიცებია.ასეა თუ ისე, ჩემპიონი მოძმანაშვილია, სხირელი კი აპირებს, განცხადებით მიმართოს საქართველოს ჭიდაობის ფედერაციას ამ ორთაბრძოლის განხილვისა და საკონტროლო შეხვედრის თხოვნით. ის ქელეხსაშვილისა და იაკობაშვილის ზემოაღნიშნულ შეხვედრასაც იგონებს, სადაც, მისი აზრით, ანალოგიურ ვითარებაში მოგება არა იაკობაშვილს, არამედ ქელეხსაშვილს მისცეს.ვნახოთ, რა იქნება მომავალში, 9 დეკემბერს კი "არენაში" სტარტს აიღებს ბერძენ-რომაელთა საქართველოს ჩემპიონატი. ასპარეზობები კვლავაც 11 საათზე დაიწყება, ხალიჩაზე კი ოთხი წონის - 55, 66, 84 და 120-ის ფალავნებს ვიხილავთ.გუნდურ ჩათვლაში ადგილები ასე განაწილდა: 1. გორი - 70 ქულა, 2. თბილისი - 59, 3. ქუთაისი - 39.კვარცხლბეკი55 კგ. 1. გიორგი ედიშერაშვილი (აჭარა); 2. ბექა ბუჯიაშვილი (გორი); 3. ოთარ გოგავა (ხონი), ლაშა ტალახაძე (ხაშური).60 კგ. 1. ვლადიმერ ხინჩეგაშვილი (გორი); 2. ბექა ლომთაძე; 3. მურთაზ კვესაძე (ორივე - ქუთაისი), აკაკი მოწონელიძე (ხაშური).66 კგ. 1. კონსტანტინე ხაბალაშვილი (გორი); 2. ლევან ქელეხსაშვილი (ხაშური); 3. ზურაბ იაკობაშვილი (ყვარელი), მალხაზ ქურდიანი (ბოლნისი).74 კგ. 1. იაკობ მაქარაშვილი (თბილისი); 2. გიორგი მარსაგიშვილი (ყაზბეგი); 3. ალექსანდრე ჯაჭვაძე (გარდაბანი), ჯუმბერ ყველაშვილი (გორი).84 კგ. 1. დავით მარსაგიშვილი (ყაზბეგი); 2. ლევან გოგრიჭიანი; 3. გოჩა ლომთათიძე (ორივე - თბილისი), ნოდარ ეგაძე (გორი).96 კგ. 1. დავით ქერაშვილი (თბილისი); 2. ბექა ჭელიძე (აჭარა); 3. ზვიად მეტრეველი (ონი), ელიზბარ ოდიკაძე (თბილისი).120 კგ. 1. დავით მოძმანაშვილი (გურჯაანი); 2. გენო პეტრიაშვილი (გორი); 3. ტარიელ ლაბაძე (რუსთავი), გიორგი მეშვილდიშვილი (ონი).ყოველდღიური სპორტული გაზეთი "ლელო"

88888888888

კოკა კლავიატურას ამოფარებულო ვირტხა,მსაჯები როგორ მოეკცნენ გენოს რატომ მაგაზე არ ამახვილებ ყურადგებას?
koka

ჯერ ერთი პეტრიაშვილი მოიქცა ცუდად მსაჯებს აგინა და ამაზე გაამახვილე ბატონო ჟურნალისტო ყურადღება ერთხელაც არ გიხსენებია ეგ, შელამაზება არ ჭირდება პეტრიაშვილს მოიქცა ცუდად.

ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს

ზოიძის ვერცხლი და ლოლუას ბრინჯაო ევროპის ჩემპიონატზე

სოლომონ მანაშვილი ევროპის ჩემპიონატის ფინალში დამარცხდა

U21 | ბოლო დღე ავსტრიულ შეკრებაზე, დღეს ახალგაზრდული სლოვაკეთში გაემგზავრება

7-კაცა | მაკარსკაში კლოდ სორელის ხსოვნის პატივსაცემად

კაბო-ვერდე რთულად დასამარცხებელია - ვინ ითამაშებს ამჯერად?

რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს

ამაზე უარის თქმა რთული იქნება - "ფენერბაჰჩემ" სანეს ზღაპრული შეთავაზება გაუკეთა

"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს

[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა

კალანდაძის ლიდერობით - საქართველოს ნაკრებმა ლუქსემბურგსაც მოუგო

პსჟ-ს მძიმე დანაკლისი - ესპანეთთან პარიზელთა ორმა ფეხბურთელმა ტრავმა მიიღო

სომხეთის ნაკრები ისევ დიდი ანგარიშით დამარცხდა

ზედიზედ მესამედ - ვახტანგ ახობაძე ევროპის ჩემპიონია!

ისტორიული ოქრო პარაკაიაკის ევროპის ჩემპიონატზე

კიმი შეიძლება იტალიაში დაბრუნდეს

საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?

ანშლაგი ქუთაისში - საქართველო - კაბო-ვერდე | 7 ივნისის განრიგი

უარი "სიტის" - მიქაუტაძის თანაგუნდელის გოლი და საგოლე პასი ესპანეთთან

ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს

"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა

"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ

დვალიშვილი VS ომალი 2 - დიდ ბრძოლამდე სულ ცოტა დრო რჩება

ევროპის ჩემპიონატი: დავით მარსაგიშვილი ბრინჯაოს ვერ შესწვდა

წყალბურთი: "ივერია" და "არენა" დაწინაურდნენ

დავით მარსაგიშვილმა ბაქოს "ოქროს დიდ პრიზზე" ბრინჯაოს მედალი მოიპოვა

გენო პეტრიაშვილმა ბაქოს "ოქროს დიდ პრიზზე" ოქროს მედალი მოიპოვა

მსოფლიო რეიტინგი: ლადო ხონჩეგაშვილი ახალ წონაშიც ლიდერია

ევროპის ჩემპიონატი. I დღე: დავით მარსაგიშვილის საბედისწერო შვიდი წამი

ზურაბ იაკობიშვილი და ელიზბარ ოდიკაძე მსოფლიოს ჩემპიონატის ნახევარფინალში გავიდნენ

იაკობაშვილი და ოდიკაძე ნახევარფინალში გავიდნენ, ხუციშვილი და მარსაგიშვილი მედლების გარეშე დარჩნენ

ქორქია-საკანდელიძის მემორიალი 2017: ფინალისტები გამოვლინდნენ

დავით მარსაგიშვილი მსოფლიოს ყველაზე მაღალანაზღაურებადი საკლუბო ჩემპიონატის ფინალშია

იაკობაშვილი და ოდიკაძე ნახევარფინალში დამარცხდნენ და ბრინჯაოს მედლებისთვის იჭიდავებენ

მინსკი 2019: ვლადიმერ ხინჩეგაშვილმა ჩეჩენ ფალავანს სძლია და ფინალში გავიდა [VIDEO]

საქართველოს თავისუფალი სტილით მოჭიდავეთა ნაკრების შემადგენლობა მსოფლიოსთვის ცნობილია

დავით მარსაგიშვილის საუკეთესო მომენტები ინდოეთის პრო ლიგაში [VIDEO]

მინსკი 2019: ქართველი სპორტსმენების 27 ივნისის განრიგი

საპლაჟო ჭიდაობის სალიცენზიო ტურნირში საქართველოს ნაკრებმა 3 ოქროს მედალი მოიპოვა

ქართველმა თავისუფალი სტილით მოჭიდავეებმა მსოფლიო ჩემპიონატი მარცხით დაიწყეს

ევროპის 2014/15 წლების სეზონის ყველაზე დასწრებადი სტადიონები

მინსკი 2019: ვლადიმერ ხინჩეგაშვილი ალიევთან დამარცხდა და ვერცხლის მედალს დასჯერდა [VIDEO]

ევროპის ჩემპიონატი. I დღის ანონსი: დებიუტანტითა და ლიდერით ვიწყებთ

"ყველაზე უადგილო მომენტი და ყველაფერი დასრულებულია..." - სამწუხაროდ, ოლიმპიადას მოქმედი ჩემპიონი გამოტოვებს...