- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ოლიმპიური ჩემპიონების, ზურაბ საკანდელიძისა და მიხეილ ქორქიას გახსენება
<p>ზურაბ საკანდელიძესა და მიხეილ ქორქიას ცნობილი ვეტერანები - ლევან მოსეშვილი, ამირან სხიერელი და გივი ბიჭიაშვილი იხსენებენ <br> 24 დეკემბერს ზურაბ საკანდელიძისა და მიხეილ ქორქიას მემორიალური ტურნირის ფინალია.</p><p>ლეგენდარული ქართველი კალათბურთელების სახელობის ტურნირი 2006 წლიდან იმართება. ამ ორ კალათბურთელს ქართველი გულშემატკივრის წინაშე წარდგენა არ სჭირდება - ვისაც კალათბურთი უყვარს, არ შეიძლება, ქორქიას და საკანდელიძის თამაშიც არ უყვარდეს. ქართველ კალათბურთელთაგან ამ სპორტსმენებმა უმაღლეს მწვერვალს მიაღწიეს - საბჭოთა კავშირის ნაკრების შემადგენლობაში ოლიმპიური ჩემპიონები გახდნენ.</p><p>ქართული საკალათბურთო სამყაროს ორი ბრწყინვალე წარმომადგენელი ერთ წელს დაიღუპა. 2006 წლიდან კი, საქართველოს კალათბურთის ფედერაციის ორგანიზებით, მათი ხსოვნის ტურნირი იმართება.</p><p>24 დეკემბერს ფინალია, მიხეილ ქორქიასა და ზურაბ საკანდელიძეს კიდევ ერთხელ გაიხსენებენ - ჩვენ კი იმ ადამიანებს მოვუსმინოთ, რომლებიც ამ დიდი მოთამაშეების თანამედროვეები, თანაგუნდელები და მეგობრები იყვნენ.</p><p>ზურაბ საკანდელიძესა და მიხეილ ქორქიას ცნობილი ვეტერანები - ლევან მოსეშვილი, ამირან სხიერელი და გივი ბიჭიაშვილი იხსენებენ...</p><p><p><div style="text-align: center;"><span style="color: #ff0000;"><strong>ტურნირის შესახებ</strong></span></div></p> <strong>გივი ბიჭიაშვილი: </strong></p><p>მისასალმებელია ოლიმპიური ჩემპიონების მემორიალის ჩატარება, თან სპორტული თვალსაზრისითაც - მნიშვნელოვანი. სასიხარულოა, რომ ამ ტურნირმა უკვე სათანადო ადგილი დაიკავა ქართული კალათბურთის ისტორიაში. მემორიალში ყოველთვის მონაწილეობენ წამყვანი გუნდები, რეგიონის გუნდებისთვის კი ამ ტურნირში მონაწილეობა ფინანსებზეა დამოკიდებული.</p><p>რა თქმა უნდა, სასურველია, ეს ტურნირი ქუთაისში ტარდებოდეს, ვინაიდან ჩვენი სახელოვანი სპორტსმენები - მიხეილ ქორქია და ზურაბ საკანდელიძე ქუთაისელები იყვნენ და ცხადია, მემორიალის იქ ჩატარებას სულ სხვანაირი აჟიოტაჟი ექნებოდა, თუმცა ეს ყველაფერიც ფინანსებთან არის დაკავშირებული. ღმერთმა ქნას, რომ მემორიალს შემდეგში საერთაშორისო ტურნირის სახე მიეცეს.</p><p>ზურაბ საკანდელიძე და მიხეილ ქორქია უმაღლესი დონის კალათბურთელები იყვნენ და სასურველია ამ ტურნირის უფრო ფართო მასშტაბით ჩატარება. საკანდელიძე და ქორქია ამას ნამდვილად იმსახურებენ. მაქსიმუმ 2 გუნდიც რომ ჩამოვიდეს, შესანიშნავი იქნება. განსაკუთრებით - ისეთი ქვეყნების გუნდები, რომელთაც კარგად ახსოვთ ეს ორი ბრწყინვალე კალათბურთელი. საბოლოოდ აქაც ფინანსებთან მივედით, თუმცა, რასაკვირველია, ამით ეს ტურნირი კიდევ უფრო საინტერესო და მიმზიდველი გახდება.</p><p><strong>ამირან სხიერელი:</strong></p><p>ძალიან კარგი და მისასალმებელია, რომ ამ ორი ღირსეული სპორტსმენის უკვდავსაყოფად წლებია, უკვე ეს ტურნირი იმართება. ეს ფაქტი ძალიან სასიამოვნოა როგორც მათი ოჯახის წევრებისთვის, ასევე ჩვენთვის, მათი მეგობრებისთვის. მნიშვნელოვანია, რომ ფედერაცია არ ივიწყებს მათ სახელებს და ამ ორი დიდი კალათბურთელის სახელობის მემორიალს ატარებს.</p><p><strong>ლევან მოსეშვილი:</strong></p><p>თავისთავად ყველა შეჯიბრება კარგია ახალგაზრდებისთვის, იღებენ გამოცდილებას, ოსტატდებიან... მაყურებლებისთვისაც შესანიშნავია. დასანანია, რომ ასე ადრეულ ასაკში გარდაიცვალნენ ოლიმპიური ჩემპიონები, მაგრამ რას იზამ.</p><p><p><div style="text-align: center;"><span style="color: #ff0000;"><strong>ოლიმპიური ჩემპიონები</strong></span></div></p> <strong>გივი ბიჭიაშვილი:</strong></p><p>მე და მიხეილ ქორქია ერთად ვთამაშობდით საქართველოს პირველობაზე და მერე "დინამოში" ერთად მივედით. საკანდელიძე ჩვენზე უფროსი იყო და ის უკვე გუნდში თამაშობდა. მასთან ერთად "დინამოში" უფროსი თაობა დაგვხვდა - გურამ მინაშვილი, ანზორ ლეჟავა...</p><p>ძალიან გვეამაყებოდა მათთან თამაში. ამდენი წელი ერთად ვასპარეზობდით და ერთად ვიყავით სულ. მათ დავახასიათებდი, როგორც უმაღლესი დონის კალათბურთელებს. ძალიან კარგი მეგობრობა და ურთიერთობა გვქონდა, სპორტულ არენაზეც და მის მიღმაც. მიხეილ ქორქია ძალიან ბრძოლისუნარიანი იყო. არასდროს ნებდებოდა, კბილებით იბრძოდა და ამით თანაგუნდელებს დიდ სტიმულს გვაძლევდა.</p><p>ცხოვრების საკმაოდ დიდი ნაწილი გამოვიარეთ. წლების მანძილზე ერთად ვთამაშობდით და კარგად გვესმოდა ერთმანეთის. სხვანაირი ურთიერთობა გვქონდა. სპორტული ცხოვრებიდან გამომდინარე, იყო კამათიც, მაგრამ კალათბურთისთვის არასდროს გვიღალატია. მიშა უფრო ცეცხლი იყო, საკანდელიძე შედარებით რბილი, მაგრამ ბრწყინვალე კალათბურთელი. მისი დონის მოთამაშე არ გვყოლია. სასწაული იყო.</p><p><strong>ლევან მოსეშვილი:</strong></p><p>საერთოდ, ოლიმპიადის იდეა ეკუთვნის ფრანგ საზოგადო მოღვაწეს, კუბერტენს. ოლიმპიადაში მონაწილეობა ითვლება სპორტსმენისთვის უდიდეს წარმატებად და მედლების აღება ხომ საერთოდ, ნებისმიერისთვის საოცნებოა. ქართული კალათბურთის ისტორიაში კი სულ რამდენიმე კალათბურთელს აქვს მოპოვებული ოლიმპიური მედლები.</p><p>პირველები იყვნენ ოთარ ქორქია და ნოდარ ჯორჯიკია (1952 წ. მელბურნი), რომლებმაც მეორე ადგილი დაიკავეს და ვერცხლის მედლები მოიპოვეს. შემდეგ, 1960 წელს, გურამ მინაშვილმა და ვლადიმერ უგრეხელიძემ აიღეს რომის ოლიმპიადაზე ბრინჯაოს მედლები.</p><p>1964 წელს ტოკიოში მე გახლდით მარტო და ვერცხლის მედლები მოვიპოვეთ. მოსკოვის ოლიმპიადაზე ნიკოლოზ დერიუგინმა მესამე ადგილი აიღო. მანამდე კი იყო მიუნხენის ოლიმპიადა, სადაც მიხეილ ქორქია და ზურაბ საკანდელიძე ოლიმპიური ჩემპიონები გახდნენ.</p><p>განსაკუთრებული და ღირსშესანიშნავი კი ის იყო, რომ მათ არა მარტო სტატიკური ადგილი ჰქონდათ გუნდში, არამედ დიდი წვლილი შეიტანეს ამ გამარჯვებაში და სწორედ ამიტომ იყვნენ დაფასებულნი არა მარტო ჩვენთან, არამედ არაერთ საკალათბურთო ქვეყანაში.</p><p><strong>ამირან სხიერელი:</strong></p><p>ზურიკო თბილისის "დინამოში'' 1963 წელს აიყვანეს. მაშინ "დინამოს'' მწვრთნელი ოთარ ქორქია იყო. მე მასზე 4 წლით უფროსი ვიყავი და გუნდში დავხვდი. ის იყო წარმატებული ახალგაზრდა, რომელიც ქუთაისის გუნდში გამორჩეულად კარგი თამაშის გამო "დინამოში'' მოიწვიეს.</p><p>ის თამაშობდა უფროსი თაობის გვერდით, ისეთ კალათბურთელებთან, როგორებიც იყვნენ ანზორ ლეჟავა, გურამ მინაშვილი, ალექსანდრე კილაძე (შურიკა), ლევან ინწკირველი, ლევან მოსეშვილი... ზუსტად ამ მოთამაშეებით დაკომპლექტებული ევროპის თასის მფლობელი "დინამო'' იწვევს 17 წლის ზურაბ საკანდელიძეს. ამ კალათბურთელების გვერდით ვარჯიში მისთვის ძალიან მნიშვნელოვანი და ბევრის მომცემი იყო.</p><p>რაც შეეხება მიშას, ის უფრო გვიან, 1966 წლის ბოლოს მოვიდა და ზურა უკვე გუნდში თამაშობდა. ორივე სასწაული პიროვნება იყო, არაჩვეულებრივი სისწრაფის მქონე. ზურა იყო ძალიან შემტევი მოთამაშე. ქორქია - უფრო ტანმაღალი და, შესაბამისად, ნაკლებად სწრაფი. ორივეს მებრძოლი ხასიათი ჰქონდა, ნამდვილი მეომრები გახლდნენ და ყოველთვის ბოლომდე იბრძოდნენ. მოედანზე ნამდვილი ფენომენები იყვნენ და ძალიან სამწუხაროა, რომ ასეთი დიდი კალათბურთელები ახალგაზრდები წავიდნენ ამ ქვეყნიდან.</p><p><p><div style="text-align: center;"><span style="color: #ff0000;"><strong>მოგონებები</strong></span></div></p> <strong>გივი ბიჭიაშვილი: </strong></p><p>ბევრი მნიშვნელოვანი გამარჯვება მახსოვს... უკრაინაში ვიყავით სპარტაკიადაზე. მაშინ უკრაინა საჩემპიონო გუნდი იყო და წესით, ჩემპიონიც უნდა გამხდარიყო.</p><p>ჩვენ ფავორიტები არ ვიყავით. ოთხეულში უნდა შევსულიყავით ან მე-5-მე-6 ადგილებისთვის გვებრძოლა. პლეი ოფში შევხვდით უკრაინას. 14 ქულას ვაგებდით. მაშინ სამქულიანი არ იყო და ამ ჩამორჩენის აღმოფხვრა ადვილი არ იყო. მთავრდებოდა მეორე ტაიმი (იმ დროს 4 პერიოდი არ იყო), 10-12 წუთი რჩებოდა და უცბად რაღაც დაგვემართა.</p><p>გადავწყვიტეთ, რომ ყველაფერი უნდა გაგვეკეთებინა და გაგვემარჯვა. ბურთი არ ავაცილეთ და ზღაპარი თამაში მოვიგეთ. სასწაულ გადაცემებს აკეთებდა მიშა. ბრწყინვალედ ითამაშა, მეც არანაკლებ ავუბი მხარი და საბოლოოდ მე-3 ადგილზე გავედით.</p><p>შემდეგ იყო ლენინგრადის "სპარტაკთან" შესანიშნავი თამაში. იმ დროს "ჟალგირისი" იმდენად არ ბრწყინავდა, "სპარტაკი" კი ძალიან ძლიერი გუნდი იყო. ქორქია არ ყრიდა ფარ-ხმალს და სულ ბოლომდე იბრძოდა, ემოციური იყო. როგორც უკრაინაში, "სპარტაკთანაც" სასწაულებრივ მოვიგეთ. მიშა დაუღალავი იყო, ლიდერი. მიდიოდა და ჩვენც მივყვებოდით.</p><p>საკანდელიძე იყო საოცრად აკადემიური კალათბურთელი. მას შინაგანად, ღმერთისგან ბოძებული ჰქონდა კალათბურთის კულტურა და ნიჭი. ქორქია ნავარჯიშები იყო, "საკო" (საკანდელიძის მეტსახელი) ბუნებრივად იყო ასეთი. მის სიტყვას ყოველთვის დიდი მნიშვნელობა ჰქონდა. ის კალათბურთელად იყო დაბადებული. გამოვიდოდა მოედანზე და ყოველგვარი ვარჯიშის გარეშე ყველაფერი გამოსდიოდა. ისეთი ნიჭიერი იყო, მოედანზე ნამდვილ სპექტაკლებს დგამდა. არავითარი მონახაზი - მის გარეშეც იცოდა, საით წასულიყო, როგორ წაერთმია მეტოქისთვის ბურთი.</p><p>საქართველოს ისტორიაში ასეთი კალათბურთელი არ გვყოლია, "საკო" იყო ფენომენი. დღესაც არ გვყავს ასეთი მოთამაშე. მიუნხენის ოლიმპიადაზე ისეთ სასწაულებს აკეთებდა, მე თვითონ მიკვირდა ხოლმე. რა თქმა უნდა, დიდ პატივს ვცემ დღევანდელ კალათბურთს, მაგრამ ის განუმეორებელი იყო - როგორც პავაროტი და კარუზო კულტურის სფეროში.</p><p><strong>ლევან მოსეშვილი:</p><p></strong>ორივენი ჩემი მოწაფეები იყვნენ და ამასთან, ოჯახებით საკმაოდ ახლოს ვიყავით. ისინი დროს გასწრებული კალათბურთელები იყვნენ. საკანდელიძე თამაშობდა პირველ ნომერზე და თავისი თამაშით ახლა ნბა-ს რომელიმე გუნდში თავისუფლად იასპარეზებდა.</p><p>რაც შეეხება მიხეილ ქორქიას, არ იყო ძალიან მაღალი, ჩემი სიმაღლის, 196 სმ გახლდათ. მასაც ისეთი ბუნებრივი მონაცემები ჰქონდა, რომ შეძლებდა ნბა-ში თამაშს, ოღონდ სათამაშო ამპლუა უნდა შეეცვალა. მაშინ 4 ნომერს თამაშობდა, ახლა 2 ნომერი უნდა ეთამაშა.</p><p>ორივე ერთი მწვრთნელის გაზრდილი იყო. ისინი სახელოვანი და სახელგანთქმული სულიკო თორთლაძის მოსწავლეები იყვნენ და შემართება, პატრიოტიზმი თუ თავდადება ნამდვილად არ აკლდათ. ძალიან ბევრ ამერიკელ კალათბურთელზე მაღლა დადგებოდნენ და მათი სახით არა მარტო ქართულმა კალათბურთმა, არამედ მსოფლიომ ბევრი დაკარგა.</p><p>სხვადასხვა დროს ორივე იყო გუნდის კაპიტანი თბილისის "დინამოსა" და საქართველოს ნაკრებში. ორივე იყო ლიდერი და რაც კარგი თუ ავი ხდებოდა, "დინამოს" გარშემო მთავარი როლი მათ ჰქონდათ.</p><p>მათ მხოლოდ ოლიმპიადა არ მოუგიათ. ზურაბ საკანდელიძე ყველაზე ტიტულოვანი კალათბურთელია საბჭოთა კავშირსა და საქართველოში. მას მოგებული აქვს მსოფლიო პირველობა, 4 ევროპის ჩემპიონატი, ბევრი სხვადასხვა ტურნირი, რომელიც ხშირად ტარდებოდა ევროპის ქვეყნებში. მიხეილ ქორქიასაც აუარება ტიტული აქვს, თუმცა, შესაძლოა, საკანდელიძეზე ოდნავ ნაკლები.</p><p>მათი ჯილდოები არის შესაკრები და მუზეუმში შესანახი, რათა ახალგაზრდა თაობამ ნახოს ეს ყველაფერი. ეს ჯილდოები ტურნირის დროს უნდა გამოიფინოს დარბაზში, კარგად დაცული უნდა იყოს და ახალგაზრდები ხედავდნენ ამ საოცნებო მედლებსა თუ თასებს.</p><p>უდიდესი ტრაგედია იყო, როცა საკანდელიძის გარდაცვალების ამბავი გავიგეთ. მიხეილ ქორქია სპორტის სასახლეში მის დაკრძალვას ესწრებოდა, ვერ გამოიყურებოდა კარგად. ნანერვიულებიც იყო და მიჰყვა კიდევაც მალევე. მათი დაკარგვით დიდი დანაკლისი განიცადა კალათბურთმა და პირველ რიგში, რა თქმა უნდა, მათმა ოჯახებმა.</p><p><span style="color: #808080;"><strong>წყარო: superleague.ge</strong></span></p>
-
td58
ფენომენალური კალათბურთელები იყვნენ, ნათელში იყოს მათი სულები.
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
[VIDEO] დარბაზი დაინგრა - საოცრება არგენტინის ჩემპიონატის საკალათბურთო მატჩში
რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
[სახელი] უტიტულო ვარსკვლავი - დღეს გელა დარსაძეს 55 წელი შეუსრულდებოდა
[იუბილე. გივი ბიჭიაშვილი 70] დიდი შრომა, დიდი სიყვარული თუ არ ჩადე...
კალათბურთის ეროვნული ფედერაციის წლის შემაჯამებელი ღონისძიება [PHOTO]
მწვრთნელთა გადამზადების პროგრამის პირველი ნაწილი რეგიონებში დასრულდა
ახალ სპორტის სასახლეში სუპერლიგა ALL STAR 2016 გაიმართა
ქართველები "სასკი ბასკონიას" საერთაშორისო კემპზე
ლეგენდარული ლევან მოსეშვილი გარდაიცვალა
კახეთის საკალათბურთო ფესტივალის გამარჯვებული თელავის გუნდი გახდა [PHOTO]
ვითამაშოთ ევროთასებზე და ეთიოპიასაც აღარ შეგვადარებენ
"ის უნიკალური კალათბურთელი იყო, რომლის მსგავსიც დღემდე არ დაბადებულა"
იმ გორიდან იგორამდე - საქართველოს კალათბურთელთა ნაკრების მწვრთნელები
"მზად ვარ, "ტორპედოში" სოლიდური ინვესტიცია დავაბანდო და "დინამოს" კონკურენტი გავხდეთ"
საკალათბურთო ისტორია: ევროპული ოქროების ქვეყანა
ქართული კალათბურთის დიდი დანაკლისი: გარდაიცვალა გივი ბიჭიაშვილი
ლევან მოსეშვილი: ვიცოდით, რომ უნდა გვეთამაშა და მოგვეგო, სხვა შედეგს არ გვაპატიებდნენ
მიხეილ ქორქიას გახსენება: შენი საუკეთესო თამაში იყოო
მანილაში ზურაბ საკანდელიძის დიდების დარბაზში წარდგენის ცერემონია გაიმართა!
ზურაბ საკანდელიძე-მიხეილ ქორქიას მემორიალის წინასატურნირო პრესკონფერენცია
დღესაც რა ლამაზ ჟღერს - 57 ცსკა-სთან!
ზურაბ საკანდელიძისა და მიხეილ ქორქიას სახელობის მემორიალური ტურნირის კალენდარი