- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
NBA. რეგულარული ჩემპიონატი: კევინ ლავი ოცდაათიანებს მიეჩვია
<p>"მაიამიმ" D-ლიგის ვარსკვლავი დაიმატა <br> მორიგი სათამაშო დღე შედგა ეროვნული საკალათბურთო ასოციაციის რეგულარულ ჩემპიონატში. "კლივლენდი" და "ტორონტო" რამდენიმე დღის წინ არკვევდნენ ურთიერთობას და მაშინ კანადელებმა გაიმარჯვეს. მას შემდეგ "კავალიერზი" ჰოიესით გაძლიერდა, მაგრამ ამას არ უმოქმედია გუშინდელი მატჩის შედეგზე - გამარჯვება ისევ "რეპტორზმა" მოიპოვა.</p><p>ამ მოგებაში ყველაზე დიდი წვლილი "ტორონტოს" მცველმა დემარ დეროზანმა შეიტანა, რომელიც შეუჩერებელი იყო ბოლო მეოთხედში. დროის ამ მონაკვეთში მან 16 ქულა დააგროვა და მატჩის ბოლოს უმნიშვნელო საჯარიმოებიც ჩააგდო.</p><p>* * *</p><p>"ლეიკერსისა" და "ინდიანას" მატჩში შედგა ევან ტერნერის დებიუტი "პეისერსის" შემადგენლობაში. ყოფილ ფილადელფიელს ცუდად არ უთამაშია - მის ანგარიშზე 13 ქულა მოდის. თუმცა გადამწყვეტ სპურტში, რომელიც მესამე მეოთხედში შედგა, ტერნერს მონაწილეობა არ მიუღია. მთავარი გმირი პოლ ჯორჯი გახდა, რომელმაც მესამე 12-წუთეულში 12 ქულა დააგროვა და "ინდიანას" უპირატესობა სამიდან 21 ქულამდე გაიზარდა.</p><p>* * *</p><p>"ორლანდოსთან" მატჩში "ვაშინგტონმა" ამ სეზონში სარეკორდო - ზედიზედ მეოთხე მატჩი მოიგო. თავის მხრივ, "მეჯიქმა" ზედიზედ მე-15 გასვლითი შეხვედრა დათმო. გუნდებმა თამაშიდან ტყორცნების თანაბარი პროცენტი დააფიქსირეს და "ვაშინგტონმა" გამარჯვება სამქულიანების უკეთ შესრულებით მოახერხა (65.5 პროცენტი 32-ის წინააღმდეგ). გარდა ამისა, ფლორიდელებს არც ერთი ქულა არ დაუგროვებიათ სწრაფი გარღვევებისას.</p><p>* * *</p><p>"ატლანტაში" მაღალი კალათბურთელების დეფიციტია და ამის გამო 41 წუთი მოუწია ნოას, ბუზერისა და გიბსონის წინააღმდეგ თამაში ვეტერან ელტონ ბრენდს. ამან "ჩიკაგოს" საქმე გაუადვილა, თუმცა ბოლო მეოთხედში ტიგის შესანიშნავმა თამაშმა (11 ქულა) "ჰოქსს" უფრო ჯანმრთელ მეტოქესთან ბრძოლის საშუალება მისცა. კეროლის სამქულიანის შემდეგ "ატლანტამ" სირენამდე ერთი წუთით ადრე მინიმალური უპირატესობა მოიპოვა, თუმცა იმავე კეროლმა დაცვაში ითამაშა ცუდად, როცა სამქულიანის შესრულებისას დაჯარიმდა ჰაინრიხზე და ჩიკაგოელმა მცველმა სამი საჯარიმო ჩააგდო.</p><p>ამის შემდეგ მასპინძლებმა ვერც ერთი შეტევა ვერ დაასრულეს ზუსტი ტყორცნით.</p><p>* * *</p><p>"დენვერი" ისე ვეღარ ბრწყინავს, როგორც გასულ სეზონში, "პორტლენდი" კი ის გუნდი აღარ არის, რომელიც ამ სეზონის დასაწყისში ყველას უგებდა. ამიტომაც მათი ურთიერთშეხვედრა არც ისე ხარისხიანი გამოვიდა. "ნაგეტსმა" რაოდენობით სცადა ფონს გასვლა და 103 ტყორცნა შეასრულა მეტოქის 76-ის წინააღმდეგ, მაგრამ მასპინძლების რეალიზაცია 36 პროცენტი იყო.</p><p>პირველ სამ მეოთხედში ისინი მეტოქეს 18 ქულით ჩამორჩნენ, შემდეგ ბევრი იბრძოლეს, მაგრამ თამაში ვერ გადაარჩინეს. "პორტლენდმა" ბოლო მეოთხედში მხოლოდ ოთხი ბურთი ჩააგდო თამაშიდან, მაგრამ აქედან ორი მაშინ, როცა "დენვერმა" ორ ქულამდე შეამცირა სხვაობა.</p><p>* * *</p><p>"ფინიქსმა" საკუთარ მოედანზე წააგო "მინესოტასთან", რომლის რიგებში ზედიზედ მეექვსედ დააგროვა მინიმუმ 30 ქულა კევინ ლავმა. "სანზი" მეოთხე მეოთხედის შუაში რვა ქულას იგებდა, მაგრამ "მინესოტამ" 9:0 გაქცევით წინ გასვლა მოახერხა. "ფინიქსი" ამ დროს ასვენებდა სლოვენიელ გამთამაშებელ გორან დრაგიჩს, რომელმაც მესამე მეოთხედში ფეხი გადაიბრუნა. ბოლოს ის დაბრუნდა მოედანზე და არიზონელებმაც ისევ მოიპოვეს უპირატესობა, მაგრამ "მინესოტას" მორიგ 11:0 გაქცევას მასპინძლებმა უკვე ვეღარ უპასუხეს.</p><p>* * *</p><p>"ჰიუსტონი" კარგად გაერთო "საკრამენტოსთან" გასვლით მატჩში და ქვა-ქვაზე არ დატოვა "კინგზისგან". "როკეტსის" მცველს, ჯეიმს ჰარდენს ერთი ზუსტი ტყორცნა დააკლდა შედეგიანობაში საკუთარი რეკორდის გამეორებამდე. სამი მეოთხედის განმავლობაში მან 43 ქულა დააგროვა, ბოლო მეოთხედი კი სათადარიგოთა სკამზე გაატარა, რადგან მატჩის ბედი უკვე გადაწყვეტილი იყო.</p><p><strong><em>კლივლენდი-ტორონტო 93:99</p><p></em></strong>17:23, 24:24, 28:21, 24:31</p><p>კ: ირვინგი (25+9 პასი), ჰოიესი (15), ტომპსონი (13+9 მოხსნა), ჯეკი (12), დელავედოვა (10).</p><p>ტ: დეროზანი (33), როსი (19), ვასკესი (15), ლოური (13+9 პასი).</p><p><strong><em>ინდიანა-ლეიკერსი 118:98</p><p></em></strong>30:23, 27:31, 34:16, 27:28</p><p>ი: ჯორჯი (20), ჰილი (14), სტივენსონი (13+9 მოხსნა), ტერნერი (13), უესტი (11+12 მოხსნა), უოტსონი (11), ჰიბერტი (10+4 დაფარება).</p><p>ლ: ბეიზმორი (23), ჯონსონი (15), გასოლი (13+9 მოხსნა+4 დაფარება), მიქსი (13), ბრუქსი (11).</p><p><strong><em>ვაშინგტონი-ორლანდო 115:105</p><p></em></strong>35:31, 27:22, 31:27, 22:26</p><p>ვ: უოლი (27), არიზა (22), გორტატი (21+10 მოხსნა), ბილი (21).</p><p>ო: ოლადიპო (26), ჰარკლესი (22), ვუჩევიჩი (19+14 მოხსნა), ჰარისი (11), ო'ქუინი (10+9 მოხსნა).</p><p><strong><em>ატლანტა-ჩიკაგო 103:107</p><p></em></strong>30:20, 21:34, 24:26, 28:27</p><p>ა: ტიგი (26), მაკი (17), კორვერი (16), კეროლი (13), სკოტი (12), უილიამსი (12), ბრენდი (7+13 მოხსნა).</p><p>ჩ: დანლივი (22), ნოა (20+12 მოხსნა), ბუზერი (17+11 მოხსნა), ჰაინრიხი (14), გიბსონი (14), სნელი (10), ოგასტინი (10).</p><p><strong><em>დენვერი-პორტლენდი 95:100</p><p></em></strong>21:32, 24:20, 24:30, 26:18</p><p>დ: ფოიე (17), ჰიქსონი (16+25 მოხსნა), მოზგოვი (14), ბრუქსი (14), ფარიდი (11).</p><p>პ: ლილარდი (31+9 პასი), ბატუმი (16), უილიამსი (14), რაიტი (12), ლოპესი (12+10 მოხსნა+7 დაფარება), მეტიუზი (11).</p><p><strong><em>ფინიქსი-მინესოტა 101:110</p><p></em></strong>28:34, 29:21, 24:20, 20:35</p><p>ფ: მარკიფ მორისი (24), გრინი (19), დრაგიჩი (16), გუდვინი (10), ტაკერი (6+16 მოხსნა).</p><p>მ: ლავი (33+13 მოხსნა+9 პასი), მუჰამადი (20), ბრიუერი (18), კანინგემი (12), ბადინგერი (10), რუბიო (7+11 პასი).</p><p><strong><em>საკრამენტო-ჰიუსტონი 103:129</p><p></em></strong>17:42, 34:27, 26:35, 26:25</p><p>ს: გეი (25), კაზინსი (16), მაკლემორი (15+4 ჩაჭრა), ტომასი (12), უილიამსი (10).</p><p>ჰ: ჰარდენი (43+8 პასი), ჰოვარდი (20+11 მოხსნა), ჰემილტონი (12), ჯონსი (11), ლინი (11), პარსონსი (10).</p><p><strong><span style="color: #ff0000;">"მაიამიმ" D-ლიგის ვარსკვლავი დაიმატა</p><p></span></strong>NBA-ს ჩემპიონმა "მაიამი ჰიტმა" ათდღიანი კონტრაქტი გააფორმა D-ლიგის "ყველა ვარსკვლავის მატჩის" მონაწილესთან, დეანდრე ლიგინსთან.</p><p>ამ სეზონში 25 წლის შემტევი მცველი კლუბ "სიუ ფორსში" თამაშობდა. 40 წუთში ის საშუალოდ 14.5 ქულას, 7.5 მოხსნასა და 4.8 შედეგიან პასს აგროვებდა.</p><p>2011 წლის დრაფტის 53-ე ნომერი ადრე "ორლანდოსა" და "ოკლაჰომაში" თამაშობდა.</p><p><strong><span style="color: #ff0000;">გრეინჯერი "სპურსს" უნდა</p><p></span></strong>"ინდიანას" ყოფილი ფორვარდი დენი გრეინჯერი მალე თავისუფალი აგენტი გახდება. ეს კალათბურთელი ცოტა ხნის წინ ტრეიდის მეშვეობით აღმოჩნდა "პეისერსიდან" "ფილადელფიაში", თუმცა ეს უკანასკნელი არ აპირებს კალათბურთელის შენარჩუნებას და მისი კონტრაქტის გამოსყიდვა აქვს განზრახული.</p><p>როგორც ESPN-ი ვარაუდობს, გრეინჯერის გადაბირებაზე მთავარი პრეტენდენტი "სან ანტონიო სპურსი" იქნება, თუმცა ერთ დროს ელიტური სნაიპერის მიმართ სხვა კლუბებიც გამოთქვამენ დაინტერესებას.</p><p>გრეინჯერმა ამ სეზონში 29 მატჩში მიიღო მონაწილეობა და საშუალოდ 8.3 ქულა და 3.6 მოხსნა დააგროვა.</p><p><strong><span style="color: #ff0000;">"ოკლაჰომამ" პერკინსი დაკარგა</p><p></span></strong>"ოკლაჰომა-სიტის" ცენტრმა კენდრიკ პერკინსმა, რომელმაც "მაიამისთან" მატჩში ტრავმა მიიღო, სამედიცინო შემოწმება გაიარა. კალათბურთელს საზარდულის კუნთის დაზიანება დაუდგინდა და სავარაუდოდ, მკურნალობასა და აღდგენით პროცესს თვენახევარი დასჭირდება.</p><p>მიმდინარე სეზონში პერკინსმა 54 მატჩი ჩაატარა რეგულარულ ჩემპიონატში და საშუალოდ 3.4 ქულა და 5.0 მოხსნა მიითვალა.</p><p><strong><span style="color: #ff0000;">4-ქულიანი ტყორცნა არ იქნება</p><p></span></strong>ამ დღეებში ამერიკულ პრესაში გავრცელდა ინფორმაცია იმის შესახებ, რომ NBA-ს საკალათბურთო მოედანი, შესაძლოა, ზომაში გაზარდონ და აგრეთვე, შემოიღონ 4-ქულიანის ხაზი. ამის შესახებ ESPN-მა დაწერა - მისი ინფორმაციით, "ყველა ვარსკვლავის მატჩის" შესვენებაზე ამაზე მსჯელობდნენ ლიგის სპორტული დირექტორი როდ ტორნი და მისი თანაშემწე კიკი ვანდევეგე.</p><p>მაგრამ NBA-ს ხელმძღვანელობამ უარყო გავრცელებული ჭორი. <em>"არც NBA-ს და არც სატურნირო კომიტეტს სერიოზულად არ უმსჯელიათ ამ თემაზე",</em> - დაწერა საკუთარ "ტვიტერზე" ლიგის პრესმდივანმა ტიმ ფრენკმა.</p><p><strong>ყოველდღიური სპორტული გაზეთი "ლელო"</strong></p>
[VIDEO] სერიამ კულმინაციას მიაღწია - იოკიჩს მხარი მარიმ აუბა და "დენვერმა" "ოკლაჰომა" დაამარცხა
[VIDEO] "გოლდენ სტეიტი" პლეი-ოფს გამოეთიშა - "მინესოტა" კონფერენციის ფინალშია
მსგავსი რამ ძალიან იშვიათად ხდება -1.8%-იანი შანსი და პირველი არჩევანი "დალას მავერიქსს"
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
ხვიჩას დაჯილდოება, მიქაუტაძისა და დავითაშვილის გადამწყვეტი მატჩი და სხვა ამბები
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
NBA. რეგულარული ჩემპიონატი: 39 სიცხეც და ქულაც
ლებრონმა ახალი ისტორიული რეკორდი დაამყარა! [VIDEO]
NBA-ს ფინალის წინ: ზაზა ფაჩულია VS ტრისტან ტომპსონი
ზაზა ფაჩულია 6 ქულით დაბრუნდა! - "უორიორსმა" "კლივლენდს" მეორეც მოუგო [VIDEO]
სანდროს ოფიციალური დებიუტი! "ბაქსმა" "ბრუკლინი" გაანადგურა [VIDEO]
სტარტი დერონ უილიამსის გარეშე
NBA. პლეი ოფი: ნახევარფინალური სერიის პირველი გუნდი ცნობილია [VIDEO]
"ბოსტონის" ახალგაზრდა ვარსკვლავებმა ახალი სეზონი 70 ქულით გახსნეს [VIDEO]
კარის წარმოუდგენელი რეკორდი - "ოქროს ბიჭუნას" ვერავინ აჩერებს [VIDEO]
NBA. მატჩები: ლებრონ ჯეიმსი, კარიერაში პირველად, მოედნიდან გააძევეს [VIDEO]
ჯონ ლუკასი: NBA-ს კალათბურთელების დაახლოებით 40%-ს ფსიქოლოგიური პრობლემები აქვს
"კლიპერსის" მორიგი გამარჯვება - ლოსანჯელესურმა გრანდმა მოქმედი ჩემპიონი დაამარცხა [VIDEO]
ლებრონ ჯეიმსს რიოში ვნახავთ
NBA. რეგულარული ჩემპიონატი: სენსაცია "დეტროიტისგან"
გოგა მცირე დროით, ოლდრიჯის ისტორიული მიღწევა [VIDEO]
NBA. მატჩები: გამთამაშებელი ლებრონ ჯეიმსი [VIDEO]