ქართველები
  • ქართველი სპორტსმენები
  • ფეხბურთი
    • ეროვნული ნაკრები
    • ეროვნული ლიგა
    • ეროვნული ლიგა 2
    • ლეგიონერები
    • თასი
    • ასაკობრივი ნაკრები
    • სხვადასხვა
    • ევროპა ლიგა
    • კონფერენს ლიგა
    • ინგლისი
    • ესპანეთი
    • იტალია
    • გერმანია
    • საფრანგეთი
    • მსოფლიო
    • ჩემპიონთა ლიგა
    • ევროპის ჩემპიონატი
    • სხვადასხვა
    • ქალთა ფეხბურთი
    • ტრანსფერები
    • კალათბურთი
      • ეროვნული ნაკრები
      • სუპერლიგა
      • თასი
      • NBA
      • ლეგიონერები
      • ევრო ლიგა
      • ევროპის ჩემპიონატი
      • მსოფლიოს ჩემპიონატი
      • ასაკობრივი ნაკრები
      • სხვადასხვა
      • ჭიდაობა
        • ძიუდო
        • თავისუფალი
        • კლასიკური
        • ქართული
        • სუმო
        • სამბო
        • ქალთა ჭიდაობა
        • ბერძნულ-რომაული
        • ჩოგბურთი
          • როლან გაროსი
          • უიმბლდონი
          • ავსტრალიის ღია პირველობა
          • ამერიკის ღია პირველობა
          • მონტე კარლო
          • ATP ცინცინატი
          • მადრიდის მასტერსი
          • რომის მასტერსი
          • მაიამის მასტერსი
          • რაგბი
            • ეროვნული ნაკრები
            • დიდი 10
            • თასი
            • ლეგიონერები
            • 6 ერი
            • ტესტები
            • ერთა თასი
            • მსოფლიო თასი
            • ასაკობრივი ნაკრები
            • სხვადასხვა
            • ფორმულა 1
              • მონაკოს გრან-პრი
              • ბრიტანეთის გრან-პრი
              • იტალიის გრან-პრი
              • ბელგიის გრან-პრი
              • ბაჰრეინის გრან-პრი
              • საუდის არაბეთის გრან-პრი
              • იაპონიის გრან-პრი
              • ჩინეთის გრან-პრი
              • მაიამის გრან-პრი
              • ემილია-რომანიის გრან-პრი
              • აბუ დაბის გრან-პრი
              • MMA
                • UFC
                • სხვადასხვა
                  • კრივი
                  • ველოსპორტი
                  • ტანვარჯიში
                  • ცურვა
                  • ჭადრაკი
                  • მძლეოსნობა
                  • ძალოსნობა
                  • მკლავჭიდი
                  • ტყვიის სროლა
                  • კარატე
                  • ნიჩბოსნობა
                  • მშვილდოსნობა
                  • ფარიკაობა
                  • წყალბურთი
                  • ხელბურთი
                  • ფრენბურთი
                  • ავტოსპორტი
                  • ჰოკეი
                  • თხილამურებით სრიალი
                  • ფიგურული სრიალი
                  • საინტერესო ამბები
                  • სხვადასხვა
                  • ფიტნესი
                  • ფიგურული ციგურაობა
                  • სხვა სახეობები

მზიური (გალი)-ცხუმი (სოხუმი) 0:0 - შეხვედრა წარსულთან

მზიური (გალი)-ცხუმი (სოხუმი) 0:0 - შეხვედრა წარსულთან

<p>საქართველოს ჩემპიონატი. II ლიგა. აღმოსავლეთი ზონა. XV ტური <br> ორი აფხაზური გუნდი - გალის "მზიური" და სოხუმის "ცხუმი" - საქართველოს ჩემპიონატში ბოლოს 22 წლის წინათ დაუპირისპირდა ერთმანეთს; სამწუხაროდ, 1992 წლის აგვისტოში, აფხაზეთში საომარი მოქმედებები დაიწყო და "ცხუმი", "მზიური" და კიდევ ერთი აფხაზური გუნდი, ოჩამჩირის "ამირანი" ჩემპიონატს გამოეთიშნენ.</p><p>მერე რამდენჯერმე იყო მცდელობა, რომ სოხუმის სახელით მოასპარეზე გუნდს საქართველოს ჩემპიონატში ეთამაშა, შარშან კი სოხუმის მკვიდრთა - ალექსანდრე წულაიასა და გიორგი ზარიას (სოხუმის "დინამოსა" და ქუთაისის "ტორპედოს" ყოფილი ფეხბურთელის, გენო ზარიას ვაჟის) მეცადინეობით, "ცხუმი" ისევ აღდგა და დღესდღეობით მეორე ლიგის აღმოსავლეთ ზონის ლიდერია.</p><p>უფრო ზუსტად რომ ვთქვათ, ზამთრის პაუზას ეს გუნდი პირველ ადგილზე შეხვდა და საერთოდაც, ამ სეზონში "ცხუმის" მიზანი პირველ ლიგაში აღზევება იქნება. სხვათა შორის, "ცხუმი" შესაშური შედეგიანობით გამოირჩევა: პირველ წრეში ჩატარებულ თოთხმეტ მატჩში გუნდმა მეტოქეთა კარში 63 გოლი გაიტანა!</p><p>აღსანიშნავია ის ფაქტიც, რომ გოლების ნახევარზე მეტი ორ ფეხბურთელზე "მოდის": 23 წლის მინდია გოგატიშვილმა 20 გოლი გაიტანა, 22 წლის გიორგი ნარსიამ კი - 18. ეს უკანასკნელი გუშინდელ მატჩში ტრავმის გამო თავის გუნდს ვერ ეხმარებოდა, აი, გოგატიშვილმა კი რამდენიმე ხელსაყრელი მომენტი ვერ გამოიყენა. თუმცა სჯობს, გუშინდელ მატჩზე უფრო ვრცლად ვისაუბროთ, მით უფრო, რომ უგოლო შეხვედრის მიუხედავად, 90 წუთი საკმაოდ საინტერესოდ წარიმართა.</p><p>...როგორც ფავორიტს შეეფერებოდა, "ცხუმმა" მატჩი აქტიურად დაიწყო და გოლის გატანის ორი კარგი შანსიც ჰქონდა, თუმცა მინდია გოგატიშვილმა არაზუსტად დაარტყა, სპირიდონ წულაიამ კი "მზიურის" 17 წლის მეკარეს, ბორის მთიულიშვილს ვერ აჯობა.</p><p>აღსანიშნავია, რომ ორივე შემთხვევაში "ცხუმის" მარჯვენა მცველი გიორგი გოცირიძე ასრულებდა ზუსტ გადაცემებს; ტაიმის ბოლომდე "ცხუმს" კიდევ ორჯერ შეეძლო ანგარიშის გახსნა, მაგრამ ბორის მთიულიშვილი უშეცდომოდ თამაშობდა. თავის მხრივ, "მზიურმა", ფაქტობრივად, ერთადერთხელ განახორციელა მწვავე კონტრშეტევა, რომელიც, ცოტაც და, შედეგიანი იქნებოდა, მაგრამ გიორგი ჭურჭელაურმა საშუალო მანძილიდან ბურთი ხარიხას გაარტყა.</p><p>შესვენების შემდეგ "ცხუმის" თავკაცმა ირაკლი ვასაძემ რამდენიმე ახალი ფეხბურთელი შემოიყვანა მოედანზე და მათგან განსაკუთრებით ლევან ციხელაშვილი აქტიურობდა; სწორედ ამ 20 წლის შემტევის წინააღმდეგ დაარღვიეს თამაშის წესები საკუთარ საჯარიმოში "მზიურის" მცველებმა და ფიფას არბიტრმა გიორგი ვადაჭკორიამაც პენალტი უყოყმანოდ დანიშნა.</p><p>11-მეტრიანის შესრულება გუნდის და, საერთოდ, აღმოსავლეთ ზონის საუკეთესო ბომბარდირმა მინდია გოგატიშვილმა ითავა, მაგრამ მის მიერ ძლიერად დარტყმული ბურთი ხარიხას მოხვდა! ამის მერე ისევ ბორის მთიულიშვილმა გაიბრწყინა, როცა ზედიზედ ორ ეპიზოდში საკუთარი კარი აშკარა ხიფათს გადაარჩინა.</p><p>მატჩის ბოლო წუთებზე "ცხუმმა" შტურმი მოუწყო მეტოქეს, მაგრამ "მზიურის" მეკარე და მცველები უშეცდომოდ თამაშობდნენ. ეგ კი არა, დიდი იყო იმის შანსიც, რომ "მზიურს" სულაც მოეგო ეს მატჩი: ერთ ეპიზოდში, ზურაბ ფიჩხაძის მიერ წამოწყებული შეტევა გუნდის კაპიტანმა ირაკლი სონგულიამ გააგრძელა, მაგრამ მის მიერ დარტყმული ბურთი ძელს მოხვდა, უკუგდებულზე კი ყველას თორნიკე ჩოლოგაურმა დაასწრო, მაგრამ ამ ეპიზოდში "ცხუმის" მეკარემ, ირაკლი ვასაძემ (უმცროსმა) იყოჩაღა.</p><p>აი, ასე დასრულდა 22-წლიანი პაუზის მერე ძველისძველი მეტოქეების მატჩი, რომელიც თბილისში ჩატარდა; ჰოდა, ის ვისურვოთ, რომ "ცხუმსა" და მზიურს" საშინაო მატჩები სოხუმსა და გალში ჩაეტარებინოთ...</p><p><span style="color: #3366ff;"><strong><strong>საქართველოს ჩემპიონატი. II ლიგა. აღმოსავლეთი ზონა</strong>. XV ტური</strong></span></p><p>09.12. თბილისი. სპორტკომპლექსი "შატილი"</p><p><em><strong>მზიური (გალი) - ცხუმი (სოხუმი) 0:0</strong></em></p><p><strong>მზიური (5-4-1):</strong> მთიულიშვილი - თედიაშვილი, მეგრელიშვილი, მაღრაძე, ლობჟანიძე, შარია - გვაზავა, ჭურჭელაური, სონგულია, კარაპეტიანი - სუხიაშვილი.</p><p>შეცვლაზე შევიდნენ: ფიჩხაძე, მჭედლიშვილი, ქოიავა, შეყლაშვილი, ჭიჭინაძე, ჩოლოგაური.</p><p>მწვრთნელი: ირაკლი ანჩაბაძე</p><p><strong>ცხუმი (4-4-2):</strong> ვასაძე - გოცირიძე, კუცია, მაძღარაშვილი, ჭუმბურიძე - წიწაკიშვილი, ხანიაშვილი, ჭიაბერაშვილი, ჯალაღონია - წულაია, გოგატიშვილი.</p><p>შეცვლაზე შევიდნენ: დოლიძე, ციხელაშვილი, კიკვაძე, ქავთარაშვილი, ფუტკარაძე, სარქისოვი</p><p>მწვრთნელი: ირაკლი ვასაძე</p><p><strong>არბიტრი:</strong> გ. ვადაჭკორია</p><p><span style="color: #3366ff;"><strong>სხვა მატჩები</strong></span></p><p>ამირანი-გაგრა 2 0:7</p><p>გარდაბანი-აფხაზეთი 6:2</p><p>მზიური-ცხუმი 0:0</p><p>კოლხი-ვოიაჟი 0:2</p><p>ვიტ ჯორჯია 2-იბერია 1:2</p><p>გარეჯი-შავნაბადა 5:0</p><p>სართი-ბახტრიონი 7:1</p><p>ა გ თ მ ფ წ ბ ქ</p><p>1. ცხუმი 14 11 3 0 63-6 36</p><p>2. ვოიაჟი 14 10 1 3 38-11 31</p><p>3. სართი 14 10 0 4 40-17 30</p><p>4. ვიტ ჯორჯია 2 14 9 2 3 33-17 29</p><p>5. იბერია 14 9 2 3 27-19 29</p><p>6. გაგრა 2 14 7 4 3 44-17 25</p><p>7. მზიური 14 6 4 4 36-24 22</p><p>8. ნორჩი დინამო 14 6 2 6 30-28 20</p><p>9. გარეჯი 14 6 1 7 24-27 19</p><p>10. გარდაბანი 14 5 2 7 27-29 17</p><p>11. კოლხი 14 4 2 8 29-43 14</p><p>12. ამირანი 14 4 1 9 22-49 13</p><p>13. შავნაბადა 14 3 2 9 14-38 11</p><p>14. ბახტრიონი 14 1 1 12 10-48 4</p><p>15. აფხაზეთი 14 0 1 13 15-79 1</p><p><strong>ყოველდღიური სპორტული გაზეთი "ლელო"</strong></p>

სარეკორდო ტრანსფერი - "ტორპედომ" მამუჩაშვილი დაიმატა და გიგაური გაუშვა

"იბერია 1999"-მა კოტ-დ'ივუარის ნაკრების ფეხბურთელი დაიმატა

"დილას" იტალიელი მწვრთნელი ჩაუდგა სათავეში

38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი

ილია თოფურიამ სასურველი მეტოქე დაასახელა

[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება

"ლივერპულმა" "ნაპოლის" თავდამსხმელი ძვირად დაუფასა

"დილა" სუპერთასის პირველი ფინალისტია

Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს

ლუნინი "რეალს" მხოლოდ ერთ შემთხვევაში დატოვებს

ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს

2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს

რონალდომ "ალ ნასრთან" კონტრაქტი გაახანგრძლივა

ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები

კასანომ "ნაპოლის" კვარაცხელიას შემცვლელი ურჩია

"ალ ნასრმა" სტეფანო პიოლი გაათავისუფლა

"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ

ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა

"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?

ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]

მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო

ტეო ერნანდესი "მილანიდან" "ალ ჰილალში" გადავა

"წაეთრიე" - "ლიონის" ფანები კლუბის ამერიკელ მფლობელს აუმხედრდნენ

ციხიდან პირდაპირ... ფეხბურთში! "ცხუმმა" ყოფილ პატიმარს კონტრაქტი გაუფორმა

სოხუმური დერბი - პირველად დამოუკიდებელი ქართული ფეხბურთის ისტორიაში

საქართველოს მეორე ლიგის მატჩში ფეხბურთელებმა მსაჯს სცემეს [VIDEO]

"ცხუმი" ვალს იბრუნებს - როგორ იქცა ყოფილი მსჯავრდებული გუნდის ლიდერად

სოხუმის "ცხუმი": ტერიტორია არის, პრეზიდენტი სტადიონის აშენებაზე ჯერ ფიქრობს...

საფეხბურთო სკოლა და მოედანი - სოხუმის "ცხუმის" მფლობელის გეგმები