- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
აფრიკის ერთა თასი 2015: ჩუკუ ჩუკუ აფრიკა!
<p>უჩემპიონო შავი კონტინენტის ფავორიტები და აუტსაიდერები <br> 17 იანვარს აფრიკის ერთა თასმა ეკვატორულ გვინეაში აიღო სტარტი - ოთხიდან სამ ჯგუფში I ტურის თამაშები გაიმართა. შეგახსენებთ, რომ კონტინენტის პირველობისთვის მაროკოს უნდა ემასპინძლა, მაგრამ ებოლას ვირუსის საფრთხის გამო ამ ქვეყანამ მასპინძლობა იუარა, რადგან ქვეყნის განცხადებით, უსაფრთხოების ზომები ბოლომდე დაცული ვერ იქნებოდა.</p><p>ეკვატორულმა გვინეამ საჩქაროდ გამოთქვა სურვილი ტურნირის მასპინძლობის და მისი გადადებაც აღარ გახდა აუცილებელი. შეგახსენებთ, რომ ეკვატორული გვინეა 2012 წლის აფრიკის თასის თანამასპინძელი გახლდათ გაბონთან ერთად. წინა გათამაშება კი 2013 წელს სამხრეთ აფრიკაში გაიმართა და მაშინ ნიგერიამ იმარჯვა, რომელმაც ფინალში ბურკინა ფასო დაამარცხა (1:0).</p><p>დანამდვილებით ვიცით, რომ აფრიკის თასს ახალი ტრიუმფატორი ეყოლება, რადგან ნიგერია ფინალურ ეტაპზე ვერ მოხვდა და ვიცით ისიც, რომ ყველაზე ტიტულოვანი, კერძოდ კი, 7-გზის ჩემპიონი ეგვიპტე საკუთარ მონაგარს ვერ გაზრდის, რადგან არც ისაა ფინალურ ეტაპზე.</p><p>სამაგიეროდ, ამ მხრივ მეორეზე მყოფები, ანუ 4-გზის ჩემპიონები, განა და კამერუნი შედეგის გაუმჯობესებას შეეცდებიან. როგორც წესი, ეს ტურნირი სიურპრიზებით გვანებივრებს. თუნდაც 2012 წლის პირველობა გავიხსენოთ, როცა ზამბიის ნაკრებმა ფინალში ვარსკვლავურ კოტ დ'ივუარს პენალტების სერიაში აჯობა.</p><p><p><div style="text-align: center;"><strong style="line-height: 1.3em;"><span style="color: #ff0000;">რა, სად, როდის</span></strong></div></p> სანამ უშუალოდ ჯგუფებზე გადავიდოდეთ, აღვნიშნოთ, რომ ფორმატი ძალიან მარტივია: 4 ჯგუფში მყოფი 4-4 ნაკრებიდან 2-2 საუკეთესო მეოთხედფინალში ითამაშებს.</p><p>მატჩების ძირითად ნაწილს ოთხი ქალაქი მასპინძლობს - ებებიინი, მონგომო, მალაბო და ბატა. ყველაზე მეტი შეხვედრა უკანასკნელ ორ ქალაქში იმართება. მატჩი მესამე ადგილისთვის მალაბოში, "ნუევო ესტადიო დე მალაბოზე" 7 თებერვალს ჩატარდება, ხოლო ფინალი "სტადიო ბატაზე" 8 თებერვალსაა.</p><p>თანაბარქულიანობის შემთხვევაში, უპირატესობა ურთიერთშეხვედრებს და ურთიერთშეხვედრებში გატანილ გოლებს ენიჭება.</p><p>ტურნირის ოფიციალური სიმბოლო არის ციყვი, სახელად "ჩუკუ ჩუკუ".</p><p><p><div style="text-align: center;"><strong style="line-height: 1.3em;"><span style="color: #ff0000;">A ჯგუფი: ჩვენთვის ნაცნობი ოვონო</span></strong></div></p></p><p><strong>ბურკინა ფასო</p><p>გაბონი</p><p>ეკვატორული გვინეა</p><p>კონგო</strong></p><p>ამ ჯგუფის მთავარი ფავორიტი, უდავოდ, გაბონის ნაკრებია, რომლის კარსაც თბილისის "დინამოს" ყოფილი მეკარე დიდიე ოვონო იცავს. ლიდერი კი, რა თქმა უნდა, პიერ-ემერიკ ობამეიანგია. "დორტმუნდის" შემტევი, შესაძლოა, ერთ-ერთი მთავარი ვარსკვლავიც გახდეს ტურნირისა. ყოველ შემთხვევაში, პორტუგალიელი ჟორჟე კოშტას გუნდი ადვილი ლუკმა არავისთვის იქნება.</p><p>კლოდ ლე რუას კონგო ერთ-ერთი აუტსაიდერია და ამ გუნდის რიგებიდან, პირველ რიგში, პრინს ონიანგს თუ გამოვარჩევთ, "რეიმსის" ნახევარმცველი მართლაც კარგ ფორმაშია.</p><p>ბურკინა ფასომ წინა ტურნირის ფინალი ითამაშა და ახლაც ყურადღებას იმსახურებს. გუნდში საფრანგეთის მოთამაშე რამდენიმე საინტერესო ფეხბურთელია, რომელთაგანაც "ლიონის" მცველი ბაქარი კონე და "ლორიანის" ფორვარდი ალენ ტრაორე შეგვიძლია გამოვყოთ. ნაკრების კაპიტანი "კრასნოდარის" ფეხბურთელი შარლზ კაბორე, ერთ-ერთი ყველაზე გამოცდილი მოთამაშეა. ალბათ, იცნობთ სწრაფ და ტექნიკურ შემტევ ჯონათან პიტროიპასაც. აქვეა "ვიტესის" 19 წლის ტალანტი ბერტრან ტრაორე.</p><p>ეკვატორულ გვინეას სერიოზულ კანდიდატად არავინ განიხილავს. ყველაზე საინტერესო ის არის, რომ დაახლოებით ორი კვირაა, ნაკრებს ახალი მწვრთნელი ჰყავს, ესტებან ბეკერის სახით. არგენტინელმა სპეციალისტმა ქალთა ნაკრები გახადა კონტინენტის ჩემპიონი და ახლა მას მამაკაცთა გუნდი მიაბარეს... ეკვატორული გვინეას ყველაზე ცნობილი წარმომადგენელი ევროპული პუბლიკისთვის ემილიო ნსუეა, ვინც "მალიორკადან" უნდა გახსოვდეთ, ახლა იგი "მიდლსბროში" ირიცხება.</p><p>შეგვიძლია "ეშტორილის" მოთამაშე ხავიერ ბალბოაც გამოვარჩიოთ. საინტერესოა, რომ ნაკრებში გამოჩნდა მადრიდის "რეალის" ახალგაზრდული გუნდის წევრი რუბენ ბელიმა.</p><p><p><div style="text-align: center;"><strong style="line-height: 1.3em;"><span style="color: #ff0000;">B ჯგუფი: აუტსაიდერთა იმედი პლატინი</span></strong></div></p></p><p><strong>კაბო ვერდე</p><p>კონგოს დრ.</p><p>ტუნისი</p><p>ზამბია</strong></p><p>კონგოს დემოკრატიული რესპუბლიკა ამ ჯგუფის აუტსაიდერად მიიჩნევა, მაგრამ... ამ გუნდში არიან "ვესტ ბრომვიჩის" იუსუფ მულუმბუ, "კრისტალ პალასის" შესანიშნავ ფორმაში მყოფი შემტევი იანიკ ბოლაზი, კევის "დინამოს" დიემურსი მბოკანი, "ევიანის" სედრიკ მონგონგუ; არიან საინტერესო ლეგიონერები ბელგიიდანაც. ასე რომ, პირადად ამ ნაკრებს ბოლომდე ვერ ჩამოვწერდი.</p><p>კაბო ვერდეს ხშირად ჰყავს ხოლმე ნორმალური ფეხბურთელები, მაგრამ ამ დონეზე თამაში იშვიათად გამოსდის და ახლა ეს ამ ნაკრების შანსია. კაბო ვერდეს გუნდი, ძირითადად, პორტუალიაში მოთამაშე ფეხბურთელებითაა დაკომპლექტებული და ასევე არიან ისეთი მოთამაშეები, რომლებიც ცოტა ხნის წინ გადავიდნენ პორტუგალიიდან სხვა ჩემპიონატებში, მაგალითად, ტექნიკური თავდამსხმელი ჯანინი და ასევე პროდუქტიული გარემარბი კარლიტოსი. მწვრთნელიც პორტუგალიელია - რუი აგუაში.</p><p>ცალკე გამოვარჩიოთ ფრანგული ფრთა - "რეიმსის" ოდერ ფორტესი და, რაც მთავარია, "ლილის" რაიან მენდეში. არის "ელჩეს" გარი როდრიგესიც, "ტეპლიცეს" ნივალდო და სოფიას ცსკა-ში მოთამაშე პლატინიც.</p><p>ზამბიაზე შესავალში ვისაუბრეთ. ტუნისს რაც შეეხება, გუნდი ბოლო დროს წარმატებებს ვეღარ აღწევს, მაგრამ ჯგუფის ფავორიტია და ამის მიზეზი თუნდაც ეს მოთამაშეები არიან: "მონაკოს" აიმენ აბდენური, "ციურიხის" ფეხბურთელები - იასინ შიხაუი და ამინ შემეტი, "ლუდოგორეცის" ჰამზა იუნესი, "მეცის" ახალგაზრდა ნახევარმცველი ფერჯანი სასი, "ბორდოს" ვაჰბი ჰაზრი, "მონპელიეს" ჯამელ საიჰი...</p><p><p><div style="text-align: center;"><strong style="line-height: 1.3em;"><span style="color: #ff0000;">C ჯგუფი: სიკვდილის ჯგუფი</span></strong></div></p></p><p><strong>ალჟირი</p><p>განა</p><p>სენეგალი</p><p>სამხრეთი აფრიკა</strong></p><p>ეს ულაპარაკოდ ყველაზე საინტერესო ჯგუფია და სალაპარაკოც ნაკლებია, რაოდენ უცნაურადაც უნდა ჟღერდეს. ამის მიზეზი კი ის არის, რომ ეს ნაკრებები და მათი წამყვანი ფეხბურთელები თქვენთვის ისედაც კარგად ნაცნობნი არიან.</p><p>მიუხედავად იმისა, რომ ჯგუფს "სიკვდილისა" ეთქმის და ფავორიტის გამორჩევა ადვილი არ არის, ასეთებად მაინც ალჟირი და განა უნდა დავასახელოთ. ავრაამ გრანტის "შავი ვარსკვლავები" და კრისტიან გურკუფის ალჟირი არა მარტო ქვეჯგუფის, არამედ ერთა თასის მთავარი ფავორიტები არიან კოტ დ'ივუართან ერთად.</p><p>ასამოა გიანით, აბედი პელეს ვაჟებით, ანდრე და ჯორდან აიუებითა და სხვებით "შეიარაღებული" განა შეეცდება დაამტკიცოს, რომ მუნდიალზე ცუდი გამოსვლა დავიწყებულია. ხოლო იასინ ბრაჰიმით, ნაბილ ბენტალებით, ფაუზი გულამით, იშაკ ბელფოდილით, ისლამ სლიმანით, ფუედ კადირითა და ასევე არაერთი კარგი ფეხბურთელით განებივრებული ალჟირელები იმის დამტკიცებას ეცდებიან, რომ მუნდიალზე ბრწყინვალე გამოსვლა შემთხვევითობა არ იყო.</p><p>გამოსარჩევ ფეხბურთელებზე თუ მიდგა საქმე, ასეთები სენეგალს არავისზე ნაკლები ჰყავს. ალენ ჟირესის გუნდი ინგლისში, საფრანგეთში, თურქეთში, ესპანეთში, გერმანიასა და სხვა ქვეყნებში მოთამაშე ლეგიონერებითაა გადავსებული. "საუთჰემპტონის" სადიო მანემ, როგორ უცბადაც შემოიჭრა პრემიერლიგაში, შესაძლოა, ისეთივე მყისიერი ეფექტი მოახდინოს აფრიკის თასზეც. პაპის დემბა სისეზე, მუსა სოუზე, შეიხუ კუიატეზე, იდრის გეიეზე, პაპე სუარესა და ყველა დანარჩენზე ცალ-ცალკე რომ დავიწყოთ საუბარი, ძალიან შორს წავალთ; უფრო მნიშვნელოვანი კი ის არის, რამდენად შორს წავა თავად სენეგალი, რომელსაც წარმატებები მოენატრა.</p><p>ზუსტად იმავე შეკითხვის დასმა და ანალოგიური პათოსის გატარება შეგვიძლია სამხრეთ აფრიკასთან მიმართებაშიც. ბოლო წლებში ნაკრებს აშკარა რეგრესი აქვს და ბევრი ამის მიზეზად იმას მიიჩნევს, რომ "ბაფანა-ბაფანაში" ძალიან ცოტა ლეგიონერია. თუმცა სამხრეთაფრიკელებს საკუთარი ჩემპიონატის განვითარება უნდათ და მსურველებს იქით ეპატიჟებიან; იმისაც სჯერათ, რომ ადრე თუ გვიან შედეგიც მოვა. ადრეა ახლა თუ გვიანი, ამაზე თავად გვიპასუხებენ მინდორზე.</p><p><p><div style="text-align: center;"><strong style="line-height: 1.3em;"><span style="color: #ff0000;">D ჯგუფი: ოქროს თაობის ბოლო შანსი</span></strong></div></p></p><p><strong>გვინეა</p><p>კამერუნი</p><p>კოტ დ'ივუარი</p><p>მალი</strong></p><p>აფრიკის თასის ერთ-ერთი მთავარი ფავორიტის, კოტ დ'ივუარის ბევრი ცნობილი ფეხბურთელისა და "ოქროს თაობისთვის" ეს ბოლო შანსია, კონტინენტის ოქროს "წაეთამაშოს".</p><p>რამდენიმე ცნობილი ფეხბურთელი უკვე წავიდა ნაკრებიდან და მალე, შესაძლოა, ამ გზას იაია და კოლო ტურეები, სიაკა ტიენე, სალომონ კალუ, შეიკ ტიოტე და სხვანი დაადგნენ. ამიტომაც ისინი და "სიტიში" გადასვლით გამხნევებული უილფრიდ ბონი, "რომას" ლიდერად ქცეული ჟერვინიო და სხვა არაერთი ვარსკვლავი, ყველაფერს გააკეთებენ წარმატებისთვის, რომელთანაც ყველაზე ახლოს 2012 წელს იყვნენ, მაგრამ სენსაციურად წააგეს ზამბიასთან, ნაკრებთან, რომელსაც მაშინ ერვი რენარი წვრთნიდა.</p><p>ეს ფრანგი სპეციალისტი ახლა სწორედ "სპილოებს" უდგას სათავეში და იქნებ მასთან ერთად მოხერხდეს ის, რაც მის გამო არ მოხერხდა.</p><p>ჰენრიკ კასპერჩაკის მალი, რომლისგანაც დიდი მოლოდინი არ არის, შესაძლოა, პატარა სიურპრიზით გამოირჩეს. სეიდუ კეიტა, მუსტაფა იატაბარე, მოდიბო მაიგა... ეს ის ფეხბურთელები არიან, რომლებსაც გარკვეული მოულოდნელობების შემოთავაზება ძალუძთ.</p><p>ჯგუფი კი მძიმე თუნდაც მარტო იმიტომ არის, რომ იქ, "სპილოებთან" ერთად, ფოლკერ ფინკეს კამერუნია. თუ ნიგერიამ ბოლო წლების ფიასკოები აფრიკის თასის წინა გათამაშების მოგებით შედარებით მაინც გააფერადა, კამერუნს აშკარად ცუდი დროება უდგას. პოტენციალი ნამდვილად არის და ქარიზმატული სტეფან მბიას კაპიტნობით, აფრიკის თასის ერთ-ერთი ყველაზე ახალგაზრდული ნაკრები თავისი სიტყვის თქმას შეეცდება.</p><p>აი, ყველაზე ახალგაზრდა და ამავდროულად, ყველაზე სუსტ გუნდად მიჩნეული ნაკრები კი გვინეაა. თუმცა აქაც ვაწყდებით საკმაოდ ცნობილ ფეხბურთელებს.</p><p>თუნდაც "გლადბახის" იბრაჰიმა ტრაორესა და "ტრაბზონის" კევინ კონსტანტს. აქვეა პოლ პოგბას უფროსი ძმა, "სენტ ეტიენის" მცველი ფლორენ პოგბა, მაგრამ იგი კარგ თამაშზე მეტად ცნობილი იმითაა, რომ პოლის ძმაა.</p><p><strong><span style="color: #ff0000;">აფრიკის ერთა თასის გამარჯვებულები </span></strong></p><p>ნაკრები ჩემპ წლები</p><p>ეგვიპტე 7 1957, 1959, 1986, 1998, 2006, 2008, 2010</p><p>განა 4 1963, 1965, 1978, 1982</p><p>კამერუნი 4 1984, 1988, 2000, 2002</p><p>ნიგერია 3 1980, 1994, 2013</p><p>კონგო დრ. 2 1968, 1974</p><p>კოტ დ'ივუარი 1 1992</p><p>ზამბია 1 2012</p><p>ტუნისი 1 2004</p><p>სუდანი 1 1970</p><p>ალჟირი 1 1990</p><p>ეთიოპია 1 1962</p><p>მაროკო 1 1976</p><p>სამხ. აფრიკა 1 1996</p><p>კონგო 1 1972</p><p><strong>ყოველდღიური სპორტული გაზეთი "ლელო"</strong></p>
რონალდინიო: დიდი სიყვარული ვიგრძენი - მადლობა, საქართველო!
[VIDEO] საქართველოს ნაკრებისა და „ბარსელონას“ ლეგენდების მატჩი სტუმართა გუნდის გამარჯვებით დასრულდა
"შედარება მესისთან?" - რა თქვა ლამინ იამალმა
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
ხვიჩას დაჯილდოება, მიქაუტაძისა და დავითაშვილის გადამწყვეტი მატჩი და სხვა ამბები
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
იაია ტურე: ფეხბურთის ფანები, ადამიანები ახლა უფრო იდიოტები არიან, ვიდრე ადრე
ტრანსფერ ONLINE: გაარწივებული ადებაიორი
თბილისის "დინამო" და საკონტროლო მატჩები - სიახლეების მოლოდინი
იანვრის TOP ტრანსფერები: პატო, ადებაიორი, ედერი, ელ შაარავი და სხვები
"ბარსელონამ" რობერტო ფირმინოს უარი უთხრა
არ ათამაშებდა და გაუხარდა - ობამეიანგმა პოტერის წასვლა მოიწონა
ტრანსფერ ONLINE. 22 აგვისტოს ტრანსფერები და ჭორები
ზამთრის სამი საუკეთესო ტრანსფერი
ტურე: გვარდიოლას იმდენ ფულს აძლევენ და ლიგა ვერ უნდა მოიგოს?!
"თუ "ბარსელონასთან" გაიბრწყინებს..." - იაია ტურეს ყოფილმა აგენტმა ხვიჩაზე ისაუბრა
ობამეიანგი კარიერას "მარსელში" გააგრძელებს
"ჩელსიმ" ამ ზაფხულს 269 მილიონი დახარჯა - ტუხელმა გუნდი სრულად დააკომპლექტა
Goal.com: გვარდიოლა ლიგიდან შამანების წყევლის გამო გავარდა [PHOTO]
რუდი გარსია და "რომას" კრიზისი
ფოტოშარჟების მორიგი გმირი ამჯერად ჟერვინიო გახდა [PHOTO]
გადაწყდა, უილფრიდ ბონი "მანჩესტერ სიტის" ფეხბურთელია
"მანჩესტერ სიტი": მოგება ტურეს გარეშე და ტურეს დაბრუნება
[ოთხშაბათის საკითხავი] აფრიკის თასისთვის ხომ არ გვეყურებინა?
იაია ტურე: საუკეთესო მოგონება "რეალის" სტუმრად 6:2 დამარცხებაა
საიუბილეო "სიტი": ბონის პირველი, პელეგრინის მეასე, "სიტის" მეათასე
საჩხერის "ჩიხურას" მეტოქე "ვადუცი" - აქამდე "ჯუჯებს" მაინც ვჯობდით...
ტრანსფერ ONLINE: ჭორები და ტრანსფერები. 7 ივლისი
ობამეიანგს, რომელმაც პოტერის წასვლა მოიწონა, ლამპარდი შანსს მისცემს
"რომ არა დებილები, თბილისის "ლოკომოტივთან" არ წავაგებდით" - ამბობს რუსი აგენტი
ჟერვინიო "პარმას" ფეხბურთელი გახდა
ობამეიანგს "ბარსელონაში" დაბრუნება სურს
სტევან იოვეტიჩი ჩემპიონთა ლიგის განაცხადს მიღმა დარჩა