<p>ისტორიული შეხვედრა ჩიკაგოში <br> ისტორიული შეხვედრა გაიმართა ჩიკაგოში, სადაც "მაიამი" ჩავიდა სათამაშოდ. თითქოს, "სან ანტონიოსა" და "დალასის" დამარცხების შემდეგ "ბულზმა" ჩვეული რიტმი აკრიფა და შინ არ უნდა გასჭირვებოდა არასტაბილური "ჰიტის" დამარცხება, მაგრამ, როგორც აღმოჩნდა, ტომ ტიბოდოს გუნდს კრიზისი არ გადაულახავს.</p><p>უკვე პირველ მეოთხედში "ხარებმა" ტყორცნების მხოლოდ 38 პროცენტი გამოიყენეს, თან გუნდს არც ტემპი უვარგოდა. მეორე 12-წუთეულში სიტუაცია კიდევ უფრო გაუარესდა - 22 პროცენტი თამაშიდან, სრული კრახი შეტევაში და მეტად უყურადღებო მოქმედება დაცვაში. საკმარისია აღინიშნოს, რომ სამწამიანი ზონიდან ჩიკაგოელებმა 11-დან მხოლოდ ერთი ბურთი ჩააგდეს.</p><p>რომ არა ბრუქსის ორი სამქულიანი, "ჰიტის" უპირატესობა უფრო მეტი იქნებოდა, ვიდრე 12 ქულა, რომელიც მეორე მეოთხედში დაფიქსირდა. დაახლოებით 10-ქულიანი ჰანდიკაპი ფინალურ სირენამდე შენარჩუნდა. მასპინძლებს მინიმალური მუხტიც კი არ ჰქონდათ იმისთვის, რომ თამაშის ბედი თავიანთ სასარგებლოდ შემოეტრიალებინათ.</p><p>ტიბოდოს გუნდმა ვერაფრით დაალაგა შეტევებისთვის საჭირო რიტმი, სამწამიანში შესვლის კი ეშინოდა, რადგან იქ სასწაულებს ახდენდა ჰასან უაიტსაიდი, რომელმაც თავის ანგარიშზე 12 დაფარება ჩაიწერა. ცენტრმა 24 წუთში სამმაგი დუბლი შეასრულა. ბოლო 30 წლის განმავლობაში ასეთი სწრაფი ტრიპლ-დაბლი 10 დაფარებით არავის ჰქონია. გარდა ამისა, 12 ბლოკი - "მაიამის" საკლუბო რეკორდია.</p><p>მეოთხე მეოთხედში უეიდმა და უაიტსაიდმა "ხარების" მინიმალურ მონდომებას ხაზი გადაუსვეს. დუეინმა ცხრიდან ექვსი ტყორცნა მოათავსა კალათში, უაიტსაიდმა კი ხუთი ტყორცნა დაბლოკა და ამას 7 მოხსნა და 8 ქულაც დაუმატა.</p><p>საბოლოოდ, "ჩიკაგომ" ტყორცნების 35 პროცენტი ჩააგდო და კიდევ ერთხელ გაუცრუა იმედები საკუთარ პუბლიკას. მიმდინარე სეზონში როუზი და კომპანია ვერაფრით ახერხებს მოგება/წაგების ნეგატიური ბალანსის მქონე გუნდებთან წარმატებულ თამაშს.</p><p><strong><em>ჩიკაგო-მაიამი 84:96</p><p></em></strong>20:26, 18:22, 24:26, 22:22</p><p>ჩ: როუზი (19), ბრუქსი (17), პ. გასოლი (13+17 მოხსნა+4 დაფარება), გორდონი (11+8 მოხსნა).</p><p>მ: უეიდი (26), ბოში (20+7 მოხსნა), დენგი (15+10 მოხსა), ჩელმერსი (15+5 პასი), უაიტსაიდი (14+13 მოხსნა+12 დაფარება).</p><p><strong>ყოველდღიური სპორტული გაზეთი "ლელო"</strong></p>
[VIDEO] ჰალიბარტონის და "ინდიანას" მორიგი სასწაული - "ოკლაჰომა" სუპერფინალის პირველ მატჩში დამარცხდა
[VIDEO] "ინდიანა პეისერსმა" "ნიუ იორკ ნიქსი" დაამარცხა და სუპერფინალში ითამაშებს
[VIDEO] პირველად 13 წლის შემდეგ - "ოკლაჰომა" კონფერენციის სუპერფინალში ითამაშებს
7-კაცა | მაკარსკაში კლოდ სორელის ხსოვნის პატივსაცემად
რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს
ამაზე უარის თქმა რთული იქნება - "ფენერბაჰჩემ" სანეს ზღაპრული შეთავაზება გაუკეთა
"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს
[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა
კალანდაძის ლიდერობით - საქართველოს ნაკრებმა ლუქსემბურგსაც მოუგო
პსჟ-ს მძიმე დანაკლისი - ესპანეთთან პარიზელთა ორმა ფეხბურთელმა ტრავმა მიიღო
სომხეთის ნაკრები ისევ დიდი ანგარიშით დამარცხდა
ზედიზედ მესამედ - ვახტანგ ახობაძე ევროპის ჩემპიონია!
ისტორიული ოქრო პარაკაიაკის ევროპის ჩემპიონატზე
კიმი შეიძლება იტალიაში დაბრუნდეს
საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?
ანშლაგი ქუთაისში - საქართველო - კაბო-ვერდე | 7 ივნისის განრიგი
უარი "სიტის" - მიქაუტაძის თანაგუნდელის გოლი და საგოლე პასი ესპანეთთან
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა
"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ
უარი "ალ ჰილალს" - ოსიმენისთვის ბრძოლაში ახალი კლუბი ჩაერთო
დვალიშვილი VS ომალი 2 - დიდ ბრძოლამდე სულ ცოტა დრო რჩება