<p>ნორვეგიელმა ვუნდერკინდმა გაიმეორა <br> 20 წლის ნორვეგიელმა ვუნდერკინდმა ჰენრიკ კრისტოფერსენმა, რომელმაც ოთხი თვის წინ კარიერაში პირველი სლალომი მოიგო, ეს შედეგი გასულ უქმეებზე სლოვენიის კურორტ კრანსკა გორაში გაიმეორა.</p><p>სხვათა შორის, გასულ წელს კრანსკა გორას ტრასაზე კრისტოფერსენმა პოდიუმის მესამე საფეხური დაიკავა გიგანტურ სლალომსა და სლალომში, წელს კი შედეგი გააუმჯობესა. რაც მთავარია, ეს ერთგვარი რეაბილიტაცია იყო ბივერ კრიკში მსოფლიოს ჩემპიონატზე დაკავებული მეოთხე ადგილისთვის, რამაც ნორვეგიელს დიდი იმედგაცრუება მოუტანა.</p><p>კრანსკა გორაში კრისტოფერსენმა 0.24 წამით აჯობა იტალიელ ჯულიანო რაცოლის. ამ უკანასკნელმა ძალიან გაიხარა მეორე ადგილის გამო, რადგან 2010 წლის ოლიმპიურ ჩემპიონს ასეთი შედეგი ოთხი წელია არ ჰქონია. მესამე ადგილზე გავიდა შვედი მატიას ჰარგინი, რომელმაც გამარჯვებულთან 0.86 წამი წააგო. აღსანიშნავია, რომ პირველი ცდის შემდეგ რაცოლიც და ჰარგინიც უსწრებდნენ კრისტოფერსენს.</p><p>შეიძლება ითქვას, ჩააგდო ეს ეტაპი მთავარმა ფავორიტმა, ავსტრიელმა მარსელ ჰირშერმა, რომელიც ისევ ებრძვის გერმანელ ფელიქს ნოიროიტერს სლალომში ბროლის მცირე გლობუსისთვის და ნორვეგიელ ჩეტილ იანსრუდს ბროლის დიდი გლობუსისთვის. კრასნსკა გორაში ავსტრიელმა პირველი ცდა ჩააგდო და მხოლოდ მე-19 დრო აჩვენა, მეორე დაშვებისას კი აბსოლუტურად საუკეთესო დრო აჩვენა, მაგრამ ამან ორი ცდის ჯამში მხოლოდ მეექვსე ადგილი მოუტანა.</p><p>ახლა ჰირშერი სლალომის ჩათვლაში 55 ქულას აგებს ნოიროიტერთან, ხოლო გენერალურ კლასიფიკაციაში 164 ქულით უსწრებს იანსრუდს. წინ არის ოთხი სტარტი საფრანგეთის კურორტ მერიბელში და ყველაფერი მომავალ უქმეებზე სწორედ იქ გაირკვევა.</p><p>* * *</p><p>ამასობაში, ქალებმა ამ უქმეებზე შვედეთის კურორტ ორეში გიგანტურ სლალომსა და სლალომში იასპარეზეს. ავსტრიელმა ანა ფენინგერმა მხოლოდ გიგანტში მიიღო მონაწილეობა, მისმა კონკურენტმა გენერალურ კლასიფიკაციაში, სლოვენიელმა ტინა მაზემ - ორივე დისციპლინაში. მიუხედავად ამისა, ავსტრიელმა წაართვა ლიდერობა მაზეს ბროლის დიდი გლობუსისთვის ბრძოლაში.</p><p>ფენინგერმა გიგანტურ სლალომში ორი ცდის ჯამში საუკეთესო დრო აჩვენა და კარიერაში მე-13 გამარჯვება მოიპოვა მსოფლიოს თასის ეტაპებზე. ბოლო 10 გიგანტში მას უკვე შვიდი გამარჯვება დაუგროვდა. ამ სტარტამდე ფენინგერი 44 ქულით აგებდა მაზესთან, ახლა კი მერიბელის ოთხი დასკვნითი სტარტის წინ 30 ქულით ჩამოიტოვა უკან სლოვენიელი.</p><p>მაზე ძალიან წარუმატებლად გამოვიდა შვედეთში - მხოლოდ მე-20 ადგილი გიგანტურ სლალომში და მე-16 - სლალომში.</p><p><strong>ყოველდღიური სპორტული გაზეთი "ლელო"</strong></p>
სილქნეტის მხარდაჭერით საქართველოს თასის გათამაშების მეოთხე ეტაპი გუდაურში გაიმართება
ფიგურულ სრიალში ქართულმა წყვილმა გრან პრიზე ოქროს მედალი მოიპოვა
მომავალ სეზონებზე ბაკურიანი და გუდაური მსოფლიო თასის ეტაპებს უმასპინძლებენ
"უდინეზეს" მეკარეს 4-წლიანი დისკვალიფიკაცია ემუქრება
დირკ კუიტმა ნიდერლანდური გუნდი ჩაიბარა
20 წ. | 10 გამოცდილით ჩემპიონატის პირველ მატჩში
"სპაერმა" "ტორპედო" დაამარცხა და სუპერთასის ფინალში ითამაშებს
სუპერკომპიუტერმა საკლუბო მუნდიალის ფავორიტი დაასახელა
ერთი ქართველი წავიდა, მეორე მიდის - ჩაკვეტაძის დამატება "ვალენსიას" სურს
გუგეშაშვილი "პაოკში" წარადგინეს - ძირითადი მეკარე გუნდს ტოვებს
"ყველას ვეტყვი, სანაპიროზე რას აკეთებდი და ვისთან ერთად" - ცნობილი ფრანგი რეპერი მბაპეს დაემუქრა
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
უიმბლდონის პირველ წრეში ბასილაშვილის მეტოქე ცნობილია
კონტემ რასპადორის თაობაზე მოულოდნელი გადაწყვეტილება მიიღო
ილია თოფურიამ სასურველი მეტოქე დაასახელა
"ამ ფეხბურთელს ვაღმერთებ" - ბრედ პიტი
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
პსჟ-ს სერიოზული პრობლემა აქვს - "კვარა" და პსჟ ჯორჯიის მწველი მზის ქვეშ
"დილა" სუპერთასის პირველი ფინალისტია
ბრწყინვალე ჟესტი - ჯანო ანანიძემ ეთერ ლიპარტელიანს საჩუქრად ბინა გადასცა
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები