<p>საქართველოს შვიდკაცა რაგბის ნაკრებმა პორტუგალიის დედაქალაქ ლისაბონში გამართულ ევროპის რეპეშაჟში მეოთხე ადგილი დაიკავა <br> საქართველოს შვიდკაცა რაგბის ნაკრებმა პორტუგალიის დედაქალაქ ლისაბონში გამართულ ევროპის რეპეშაჟში მეოთხე ადგილი დაიკავა და რიო დე ჟანეიროს ოლიმპიადის ლიცენზიისთვის ბრძოლას გამოეთიშა.</p><p>ჩვენი ნაკრები ძალიან ძლიერ, A ჯგუფში მოხვდა. ამის დასტურად ისიც საკმარისია, რომ საუკეთესო ოთხეულში ამ ჯგუფის სამი წევრი მოხვდა: რუსეთი, ირლანდია და ჩვენ.</p><p>"შვიდკაცა ბორჯღალოსნებმა" სტარტი წარმატებულად აიღეს. პირველ მატჩში ჩვენმა გუნდმა იტალიის ნაკრები დაამარცხა - 12:7. თუმცა მერე ირლანდიის გუნდთან პირველი ტაიმი 21:0 ისე წააგო, ბურთი არ ჰქონია. შესვენების შემდეგ ქართველი მორაგბეები საგრძნობლად გააქტიურდნენ, სამი ლელოც გაიტანეს, თუმცა აქედან მხოლოდ ერთი გარდასახეს და 17:21 დამარცხდნენ.</p><p>საკმაოდ საინტერესო და დაძაბული გამოდგა ბრძოლა რუსეთის ნაკრებთან, რომელიც ჩვენმა მორაგბეებმა 10:7 მოიგეს და ჯგუფში მეორე ადგილი დაიკავეს. აღსანიშნავია, რომ რუსები საბოლოოდ ტურნირის გამარჯვებულები გახდნენ.</p><p>შეჯიბრების მეორე დღეს საქართველოს ნაკრები ასპარეზობაში მეოთხედფინალიდან ჩაება. აქ ჩვენი გუნდი იოლად გაუსწორდა ბელგიის ნაკრებს - 21:5 და ნახევარფინალში გააღწია. გლობალურ რეპეშაჟში გასასვლელად კი, სულ მცირე, მესამე ადგილის დაკავება იყო საჭირო.</p><p>სამწუხაროდ, საქართველოს შვიდკაცა რაგბის ნაკრებმა ეს ვერ მოახერხა. ნახევარფინალში ჩვენი გუნდი გერმანიის ნაკრებთან დამარცხდა - 5:26. მესამე ადგილისთვის მატჩი კი ირლანდიელებთან დავთმეთ - 7:15.</p><p>დღესდღეობით რიო დე ჟანეიროს ოლიმპიადაზე ასპარეზობის უფლება აქვს მასპინძელ ბრაზილიას; ფიჯიმ, სამხრეთ აფრიკამ, ახალმა ზელანდიამ და დიდმა ბრიტანეთმა ლიცენზია შვიდკაცა რაგბის "მსოფლიოს სერიის" შედეგების მიხედვით მოიპოვეს.</p><p>რეგიონული ტურნირებიდან არგენტინამ სამხრეთ ამერიკის შესარჩევი მოიგო, აშშ-მა კი - ჩრდილოეთ ამერიკის. ევროპაში საუკეთესო საფრანგეთი აღმოჩნდა. გასამართავია შესარჩევი ტურნირები აფრიკაში, აზიასა და ზღვისპირეთში. ამას გარდა, დარჩება კიდევ ერთი საგზური, რომელიც გლობალურ რეპეშაჟში გათამაშდება. აქ თამაშის უფლება ევროპიდან რუსეთმა, გერმანიამ და ირლანდიამ მოიპოვეს.</p><p><span style="color: #3366ff;"><strong>საქართველოს ნაკრები</strong></span></p><p>ზურაბ ძნელაძე, ბახვა კობახიძე, დავით ლოსაბერიძე, შავლეგ მახარაშვილი, გიორგი შკინინი, მეთიუ ჯენი, იოსებ კიკვაძე, ნიკო აფციაური, ანზორ სიჭინავა, ლევან გოგოლაშვილი, ირაკლი გეგენავა, ლადო მიმინოშვილი.</p><p><span style="text-decoration: underline;">A ჯგუფი </span></p><p>საქართველო-იტალია 12:7</p><p>საქართველო-ირლანდია 17:21</p><p>საქართველო-რუსეთი 10:7</p><p><span style="text-decoration: underline;">მეოთხედფინალი</span></p><p>საქართველო-ბელგია 21:5</p><p><span style="text-decoration: underline;">ნახევარფინალი</span></p><p>საქართველო-გერმანია 5:26</p><p>რუსეთი-ირლანდია 24:10</p><p><span style="text-decoration: underline;">XI ადგილისთვის</span></p><p>პოლონეთი-ლატვია 19:12</p><p><span style="text-decoration: underline;">IX ადგილისთვის</span></p><p>უკრაინა-იტალია 12:19</p><p><span style="text-decoration: underline;">VII ადგილისთვის</span></p><p>ბელგია-პორტუგალია 26:22</p><p><span style="text-decoration: underline;">V ადგილისთვის</span></p><p>რუმინეთი-ლიტვა 22:0</p><p><span style="text-decoration: underline;">III ადგილისთვის</span></p><p>საქართველო-ირლანდია 7:15</p><p><span style="text-decoration: underline;">ფინალი</span></p><p>რუსეთი-გერმანია 38:12</p><p><strong>საბოლოო მდგომარეობა </strong></p><p>1. რუსეთი, 2. გერმანია, 3. ირლანდია, 4. საქართველო, 5. რუმინეთი, 6. ლიტვა, 7. ბელგია, 8. პორტუგალია, 9. იტალია, 10. უკრაინა, 11. პოლონეთი, 12. ლატვია.</p><p><strong>ყოველდღიური სპორტული გაზეთი "ლელო"</strong></p>
giorgi
სად ვიყავით ახლოს? ამის მერე 16 გუნდა რეპეშაჟი იყო სადაც არავითარი შანსი არ გვქონდა
chiko
დასანანია, თუმცა მომავალი იმედისმომცემია. წარმატებები
irakli apkhaidze
რაგბის კავშირის მუშაობა სამაგალითოა და ძნელია მასზე სასაყვედუროდ ენა მოგიბრუნდეს, მაგრამ 7-კაცა რაგბი ოლიმპიური სახეობაა და პრიორიტეტული უნდა ყოფილიყო. მითუმეტეს, რომ სათამაშო სახეობებში ასე ახლოს არასდროს ვყოფილვართ ლიცენზიასთან
მარიამ გოგუაძე: გულშემატკივარს მეორე ეტაპზე ბევრად უკეთეს თამაშს ვაჩვენებთ
ნინო ელოშვილი მოლდოვაში იმსაჯებს
7-კაცა და 7-ქალა | ჯგუფები და შემადგენლობები ჰამბურგში
20 წ. | ირლანდია ირლანდიამდე
"უდინეზეს" მეკარეს 4-წლიანი დისკვალიფიკაცია ემუქრება
"სპაერმა" "ტორპედო" დაამარცხა და სუპერთასის ფინალში ითამაშებს
სუპერკომპიუტერმა საკლუბო მუნდიალის ფავორიტი დაასახელა
გუგეშაშვილი "პაოკში" წარადგინეს - ძირითადი მეკარე გუნდს ტოვებს
"ყველას ვეტყვი, სანაპიროზე რას აკეთებდი და ვისთან ერთად" - ცნობილი ფრანგი რეპერი მბაპეს დაემუქრა
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
უიმბლდონის პირველ წრეში ბასილაშვილის მეტოქე ცნობილია
კონტემ რასპადორის თაობაზე მოულოდნელი გადაწყვეტილება მიიღო
ილია თოფურიამ სასურველი მეტოქე დაასახელა
"ამ ფეხბურთელს ვაღმერთებ" - ბრედ პიტი
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
პსჟ-ს სერიოზული პრობლემა აქვს - "კვარა" და პსჟ ჯორჯიის მწველი მზის ქვეშ
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
ᓡᓐᓥᓐᓠᓗᓕᓔᓚᓝᓡ "ᓨᓕᓘᓓᓙᓐᓪᓐᓛ" ᓔᓕᓠᓝᓞᓘᓡ ᓒᓠᓐᓜ ᓞᓠᓘᓡ ᓡᓔᓠᓘᓘᓡ ᓛᓔᓝᓠᓔ ᓔᓢᓐᓞᓖᓔ ᓛᓔᓝᓗᓮᓔ ᓐᓓᓒᓘᓚᓘ ᓓᓐᓘᓙᓐᓕᓐ
საქართველოს შვიდკაცა რაგბის ნაკრები დუბაის ტურნირში იასპარეზებს
ᓡᓐᓥᓐᓠᓗᓕᓔᓚᓝᓡ ᓨᓕᓘᓓᓙᓐᓪᓐ ᓠᓐᓒᓑᓘᓡ ᓜᓐᓙᓠᓔᓑᓘ ᓛᓝᓡᓙᓝᓕᓨᓘ ᓒᓐᓔᓛᓒᓖᓐᓕᓠᓐ
ᓡᓐᓥᓐᓠᓗᓕᓔᓚᓝᓡ ᓨᓕᓘᓓᓙᓐᕪᓐ ᓠᓐᓒᓑᓘᓡ ᓜᓐᓙᓠᓔᓑᓘ ᓔᓕᓠᓝᓞᓘᓡ ᓒᓠᓐᓜ ᓞᓠᓘᓖᓔ ᓘᓐᓡᓞᓐᓠᓔᓖᓔᓑᓡ
საქართველოს შვიდკაცა რაგბის ნაკრები: ექსეტერში მერვეზე, იმედად რეპეშაჟია
ᓡᓐᓥᓐᓠᓗᓕᓔᓚᓝᓡ ᓨᓕᓘᓓᓙᓐᓪᓐ ᓠᓐᓒᓑᓘᓡ ᓠᓐᓖᓛᓘ ᓪᓜᓝᓑᓘᓚᓘᓐ