მათე ვაწაძე იჯარით "ანჟიში"?

ნიჟნი ნოვგოროდის "ვოლგას" ქართველ თავდამსხმელს ნაკრებში გამოძახებისთვის სათამაშო პრაქტიკა ჰაერივით სჭირდება ნიჟნი ნოვგოროდის "ვოლგას" მთავარმა მწვრთნელმა ომარ თეთრაძემ "სპორტბოქსთან" ინტერვიუში ახალწვეულები დაახასიათა და აღნიშნა, რომ გია გრიგალავასა და მათე ვაწაძის დამატების მიუხედავად, საკადრო პრობლემები ბოლომდე არ მოგვარებულა."გრიგალავას "მოსკვასა" და "როსტოვში" თამაშით კარგად ვიცნობ. ეს ახალგაზრდა დიდი პოტენციალის მცველია, იცის ფეხბურთი და მისი მეიმედება. რაც შეეხება ვაწაძეს, ახალგაზრდა ქართველი თავდამსხმელი თბილისის "დინამოდან" გადმოვიდა და მასაც დიდ იმედებს ვუკავშირებ. რა თქმა უნდა, პირველ ტურებში მათეს გაუჭირდება და რუსეთის პრემიერლიგასთან ადაპტაციისთვის გარკვეული დროც დასჭირდება, მაგრამ მას პოტენციალი უდავოდ აქვს.თუმცა საკადრო პრობლემები ჯერ კიდევ არ მოგვიგვარებია. კონკურენცია განსაკუთრებით საყრდენი ნახევარმცველის პოზიციაზე გვჭირდება, რადგან აქ, ფაქტობრივად, მხოლოდ გოგიტა გოგუა გვყავს", - ამბობს თეთრაძე."ვოლგას" მწვრთნელს მათესი კი ეიმედება, მაგრამ, არ არის გამორიცხული, საქართველოს ნაკრების თავდამსხმელმა ნიჟნი ნოვგოროდის კლუბი დროებით დატოვოს და სხვას შეუერთდეს. "ვოლგას" თავდასხმაში არ უჭირს, ვაწაძესთან ერთად, ნიჟნი ნოვგოროდელებმა გამოცდილი ანტონ ხაზოვი და მერსუდინ ახმეტოვიჩიც შეიძინეს, რომელთაც რუსულ პრემიერლიგაში თამაშის გვარიანი გამოცდილება გააჩნიათ. მათ გარდა თეთრაძეს უპირველესად ოთარ მარცვალაძის იმედი აქვს, რომელიც გასულ წელს პირველი დივიზიონის საუკეთესო ფეხბურთელი და ბომბარდირი გახდა.როგორც გვითხრეს, მათეს სწორედ ეს აფიქრებს: თეთრაძე მას რუსულ ფეხბურთთან კარგად შეჩვეულ ფორვარდებზე წინ დააყენებს? "ვოლგას" მწვრთნელი ინტერვიუში ამბობს კიდეც, ვაწაძეს თავიდან გაუჭირდება და ადაპტაციისთვის გარკვეულ დრო დასჭირდებაო.სწორედ ეს "გარკვეული დროა", რომლის გამოც მათე იჯარით სხვა კლუბში თამაშზე ზრუნავს და მართალიც არის - როგორც იქნა, მომჯობინდა, ეროვნულ ნაკრებში იწვევენ და თუ სათამაშო პრაქტიკა არ ექნება, ნაკრებში არ გამოიძახებენ.რომელია ის კლუბი, სადაც, შესაძლოა, მათე გაანათხოვრონ? საქართველოში, კერძოდ, თბილისის "დინამოში" ვაწაძის დაბრუნება გამორიცხულია. როგორც გვითხრეს, არის შანსი, ქართველი თავდამსხმელი მახაჩყალის "ანჟიში" გაუშვან, რომელსაც წინა ხაზში პრობლემები აქვს.თუმცა, ვერც იმას დავიჩემებთ, რომ მათემ სწორედ ამის გამო არ ითამაშა "ვოლგას" შემადგენლობაში პირველი საკონტროლო შეხვედრაში "კრასნოდართან".ყოველდღიური სპორტული გაზეთი "ლელო".

"გამოჯანმრთელდი, ხვიჩა, ნეაპოლში შენი ისტორია დაუვიწყარია" - "ნაპოლი" და ტიფოზები კვარაცხელიას ამხნევებენ

"შეინარჩუნე შენში ეს ცეცხლი!" - კრიშტიანო რონალდომ ხვიჩა კვარაცხელიას მიმართა

"კვარა" - ვარდისფერი გამუქდა, მაგრამ მენტალურ მონსტრს შეუძლია!..

გოჯუ-რიუს აკადემიის მოწვევით, საქართველოს სენსეი სიდნი ლაიენჰორსტი ეწვია

"ლივერპულის" ნახევარმცველმა კონტრაქტის გაგრძელების შესახებ ისევ ისაუბრა

"ბორჯღალოსნები" | ბრონკანმა ნოემბრისთვის გაფართოებული შემადგენლობა დაასახელა

მარიო რუი პორტუგალიის მესამე ლიგის გუნდში გადავიდა

იქნება თუ არა როდრი "ელ კლასიკოში" - ფლიკმა ესპანელ ფეხბურთელზე ისაუბრა

[PHOTO] რუსეთის დროშის ფერებში - UFC-იმ წარადგინა შორტი, რომლითაც იანი დვალიშვილის წინააღმდეგ გამოვა

"პსჟ ახლა ჩვენზე უკეთესია" - რა თქვა ფლიკმა მატჩის შემდეგ

"ბრაგამ" კარლოს ვისენსი მთავარი მწვრთნელის პოსტიდან გაათავისუფლა

წინასწარი დიაგნოზი - კვარაცხელიამ შეიძლება ამ სეზონში ვერ ითამაშოს

იტალია 3:2 საქართველო

[VIDEO] "მანჩესტერ სიტიმ" აეკ-ი გაანადგურა - ფოდენმა ჰეთ-თრიკი შეასრულა

[VIDEO] კვარაცხელიამ ტრავმა მიიღო - პსჟ-მ დიდებულ მატჩში "ბარსელონას" სძლია

[VIDEO] გიორგი მიქაუტაძემ "ენფილდზე" "ლივერპულს" გაუტანა!

"ბარსელონასთან" მატჩში პსჟ-ს შემადგენლობა ცნობილია

საქართველო ფუტსალის ევროპის 2030 წლის ჩემპიონატის მასპინძლობის კანდიდატია

"კვარაცხელია განსაკუთრებული და "არსენალისთვის" მიუწვდომელია - თითქოს საგაზაფხულო ბრძოლებისთვის ემზადება" - ამბობს ლონდონური გუნდის ყოფილი ფეხბურთელი

იურიჩი: გოგლიჩიძე მაგარი ბიჭია - ნაკრებში გამგზავრება წაადგა

"რონალდო მწვრთნელად ვერ წარმომიდგენია" - შერინგემმა კრიშტიანოს მომავალზე ისაუბრა

TNT Sports-მა "ოქროს ბურთის" მთავარ პრეტენდენტად კეინი დაასახელა - კვარაცხელია მეოთხეა

არველაძეები, ანანიძე, შარიქაძე - ტურნირი, რომელიც დღესასწაულად უნდა იქცეს!..