<p>ირანსა და საქართველოში თავისუფალი და ნაციონალური ჭიდაობების ერთობლივი ტურნირები გაიმართება <br> ირანში კასპიის ზღვის მხარის მაზანდარანის ოლქის ქალაქ ბენშარში ამას წინათ გაიმართა 20 წლამდე თავისუფალ მოჭიდავეთა საერთაშორისო ტურნირი. საქართველოდან 3 მედალოსანზე (1-ოქრო, 2-ვერცხლი) უკვე წერდა "ლელო".</p><p>ახლა ერთი პრიზის (მედლის) შესახებ გვინდა გაუწყოთ, რომელიც ტურნირის ყველაზე ტექნიკურ მოჭიდავეს დრაშ დანგე სარაქის (55 კგ) გადასცა საქართველოს გუნდის ერთ-ერთმა მწვრთნელმა ვლადიმერ იაშვილმა.</p><p>ეს იყო მსოფლიოს ორგზის ჩემპიონის საქართველოს ფიზკულტურულ-სპორტული კლუბის "დინამოს" აღმასრულებელი დირექტორის გურამ საღარაძის სპეციალური მედალი.</p><p>ჭიდაობის სამყაროში ცნობილია გურამ საღარაძისა და "მაზანდარანელი ვეფხვის" ემამალ ჰაბიბის მეტოქეობის და ამავდროულად მეგობრობის შესახებაც. ჰაბიბი სწორედ მაზანდარანის ოლქის მკვიდრია.</p><p>როდესაც ბენშარის სპორტის სასახლეში ადგილობრივმა დიქტორმა გამოაცხადა, რომ ქართველი საღარაძის სპეციალური მედალი გადაეცემა ირანელ ახალგაზრდა გამორჩეულ მოჭიდავეს, მაყურებლებმა ოვაცია გაუმართა ქართულ დელეგაციას და დრაშ დანგე სარაქის.</p><p>თანაც სიმბოლურია, რომ ბენშარის სპორტის სასახლე საქართველოს ანუ სპარსულად "გურჯისტანის" ქუჩაზე მდებარეობს...</p><p>ქართველ მოჭიდავეებთან მივიდა ქართული წარმოშობის ჰაშიდ ათთარი და საკუთარ ოჯახში დამზადებული ხალვა მიართვა ჩვენს ბიჭებს. ასეთი რამ ირანში თურმე დიდ პატივად ითვლება...</p><p>ტურნირის დასრულების შემდეგ ქ. ბენშარში შედგა წინასწარი მოლაპარაკება ირანის მაზანდარანის ოლქის და თბილისის ჭიდაობის ფედერაციების თანამშრომლობის თაობაზე. უკვე მომზადებულია პროექტი, რომელიც ითვალისწინებს თავისუფალთან ერთად ირანული ნაციონალური და ქართული ჭიდაობების ტურნირების მოწყობას მონაცვლეობით ორივე ქვეყანაში. ირანის მხრიდან პროექტში ჩართულია მაზანდარანის ოლქის ჭიდაობის ფედერაციის პრეზიდენტი დოქტორი რეზოო (გომარეზა ბიკასიიანი).</p><p>ითქვა, რომ ირანელები წლეულსვე მსოფლიოს ორგზის ჩემპიონის გურამ საღარაძის სახელობის ამბროლაურის ტურნირზე იასპარეზებენ. ნავარაუდევია ირანელების ქართულ, ჩვენი მოჭიდავეების კი ირანულ ტრადიციულ ჭიდაობაში მონაწილეობაც.</p><p><strong>გაბრიელ ბარჯაძე</strong></p>
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
"არსენალი" "ჩელსის" შემტევს 52 მილიონ ევროდ შეიძენს
16 წლამდე გოგონათა ნაკრებმა გიბრალტარი გაანადგურა და ბრძოლას მე-5 ადგილისთვის აგრძელებს
ქართველების გარეშე, ბრაზილიელების გოლებით - "შახტარმა" "ილვესი" გაანადგურა
როგორ განწყობაზეა ჩვენი მეტოქე? - "ჩიტასის" შემადგენლობა
"ბორჯღალოსნები" | შეცვლილი შემადგენლობით და დებიუტანტებით "ჩიტასთან"
"ჯვაროსნების" აღმასვლა და სხვა ცვლილებები ფიფას რეიტინგში
"არსენალი" და "სპორტინგი" ვერ თანხმდებიან, იოკერეში გაცეცხლებულია - რა ბედი ეწევა შვედს?
"ჩემი აზრით, ის "ოქროს ბურთს" იმსახურებს" - დონარუმას აგენტმა იტალიურ გამოცემასთან ისაუბრა
“დაგვეხმარეთ, გადავარჩინოთ ბათუმის "დინამო" - "შავი ზღვის პირატების" განცხადება
"ჩვენს გუნდში საუკეთესოა" - ენრიკემ შეგირდი შეაქო
გაუპატიურების ბრალდებით - NBA-ის ყოფილი კალათბურთელი 8 წლით დააპატიმრეს
"ამაზე უკეთესი კომპლიმენტი არ არსებობს" - რა თქვა კარაგერმა პსჟ-ზე?
"დომინანტი გუნდი ვართ" - ლუის ენრიკე "ბარსას" ფანების მილოცვებს ვერ აუდის
როგორი შეფასებები მიიღეს პსჟ-ს ფეხბურთელებმა "რეალთან" მატჩში?
[VIDEO] პსჟ GALACTICS! - "კვარას" გუნდმა "რეალი" გაანადგურა და ფინალში გავიდა
14 კაცით მძიმე ბრძოლაში - ახალგაზრდა "ბორჯღალოსნების" დასანანი ფრე იტალიასთან
3:0. პირველი ტაიმის შემდეგ პსჟ "რეალს" ამარცხებს
"რეალთან" მატჩში პსჟ-ს სასტარტო შემადგენლობა ცნობილია
პსჟ-ს ორი საკლუბო რეკორდის დამყარება შეუძლია
ჩაკვეტაძემ "უოტფორდის" პირველ მატჩში ვერ ითამაშა