<p>ახალ ზელანდიაში გასამართ მსოფლიოს თასზე საქართველოს ნაკრების მეტოქე შოტლანდიის ეროვნული გუნდი ექვსი ერის გათამაშებისთვის ემზადება</p><p><br> ახალ ზელანდიაში გასამართ მსოფლიოს თასზე საქართველოს ნაკრების მეტოქე შოტლანდიის ეროვნული გუნდი ექვსი ერის გათამაშებისთვის ემზადება. "სკოტები" პირველ შეხვედრას 5 თებერვალს პარიზში გამართავენ საფრანგეთის ნაკრებთან.</p><p>"ნარშავების" ინგლისელ თავკაცს ენდი რობინსონს "ლე ბლეს" დამარცხების იმედი აქვს. შოტლანდიელებმა პარიზში უკანასკნელად 12 წლის წინ მოიგეს, იქამდე კი ფრანგთა მიწაზე 42 წელიწადი არ მოეგოთ. ინგლისელი თავკაცის მისვლით შოტლანდიის ნაკრებმა მცირე, მაგრამ პროგრესი მაინც განიცადა.</p><p>რობინსონის ბიჭებმა ბოლო ექვს თამაშში ხუთი შეხვედრა მოიგეს. წარმატებების სერია, რომელმაც სათავე შარშანდელი ექვსი ერის გათამაშებაში აიღო და ივნისის ტესტებზე გაგრძელდა, ნოემბერში ახალი ზელანდიის ნაკრებთან მარცხით დასრულდა.</p><p>არგენტინის, ირლანდიისა და სამოას ნაკრებებთან მიღწეულმა წარმატებამ ენდის იმედი ჩაუსახა, რომ პარიზში გამარჯვების მიღწევა შეიძლება.</p><p>"პირველი თამაში, ნებისმიერი გუნდის წინააღმდეგ, ყოველთვის ძნელია. პრობლემა ისაა, რომ მოთამაშეები რამდენიმეთვიანი განშორების შემდეგ იკრიბებიან და შეთამაშება, რგოლებს შორის კავშირის აღდგენა უჭირთ. საჭიროა, სასწრაფოდ მოძებნო თამაშის რიტმი, დაალაგო დაცვა, რათა მეტოქის შეტევების მოგერიება შეძლო. ამასთან, შეტევის ორგანიზებაზეც უნდა იფიქრო, რაც არანაკლებ რთულია.</p><p>არ ვიცი რა მოხდა ავსტრალიასთან მატჩში, რატომ წააგეს ფრანგებმა ასეთი გამანადგურებელი ანგარიშით (16:59). ამბობენ, რომ "ლე ბლეს" კრიზისი დაეწყო, მაგრამ ეს ასე არ არის. ფრანგებს შესანიშნავი გუნდი ჰყავთ, რომელსაც მაღალი მიზნებისთვის ბრძოლა შეუძლია. არც ის დაგავიწყდეთ, რომ საფრანგეთის ნაკრებმა შარშან დიდი სლემი შეასრულა. მიუხედავად ამისა, ჩვენ მზად ვართ ყველაფერი ვიღონოთ, რათა პარიზში წარმატებას მივაღწიოთ", - თქვა ენდი რობინსონმა.</p><p>რობინსონმა შოტლანდიის ნაკრები უმძიმეს პერიოდში ჩაიბარა. მას "ნარშავებში" საკმაოდ მწირი პოტენციალის მოთამაშეები დახვდა. მას შემდეგ, მართალია გუნდი პროგრესს განიცდის, თუმცა ისეთი არაფერი ხდება, რომ სარაგბო სამეცნიერო ლიტერატურა ხელახლა გადაწერონ.</p><p>შოტლანდიის ნაკრების ძლიერ მხარედ ისევ რჩება შერკინება. რობინსონმა ძველ, ნაცად მოთამაშეებთან ერთად შედარებით ახალი, სკამაოდ ღონიერი და კარგად განსწავლული მორაგბეები, ჯონ ველში, რობ ჰარლი და ჯეკ ქეთბერი იხმო. სამივე მათგანმა მწვრთნელის სიმპათია ჯერ კიდევ ნოემბრის ტესტებისას დაიმსახურა და დღემდე ინარჩუნებენ ბრწყინვალე სათამაში ფორმას.</p><p>რობინსონს გაცილებით მეტი თავსატეხი აქვს უკანა ხაზში. ტრავმების გამო გუნდს დააკლდებიან: გრემ მორისონი, კრის კაზიტერი, ფილ გოდმენი, ალასდაირ დიკინსონი და ჯიმ ჰემილთონი. შოტლანდიელებისთვის კარგი ამბავი ისაა, რომ ტრავმის მოშუშების შემდეგ დაბრუნდა ნიკ დე ლუკა.</p><p>შოტლანდიელებს ექვსი ერის წლევანდელ გათამაშებაში "გლაზგოს" მეორეხაზელი ალისტერ კელოკი უკაპიტნებს. ამ 29 წლის მორაგბის მეთაურობით "ნარშავებმა" ივნისის ტესტებისას არგენტინა ტრიუმფით მოიარეს. რობინსონს სჯერა, რომ ტრავმამოშუშებული კელოკი გუნდის ჭეშმარიტი ლიდერია და "სკოტებს" გამარჯვებისკენ გაუძღვება.</p><p>"კელოკის ლიდერის ხასიათმა გადამწყვეტი როლი ითამაშა, არგენტინაში, გუნდის მიერ მიღწეულ წარმატებაში. დაშავებული მუხლის მოშუშების შემდეგ დაბრუნებულმა კლუბში არაერთხელ წარმოაჩინა თავისი ხასიათი და ბრწყინვალე თამაშის უნარი. ვფიქრობ, კელოკს რეალურად შესწევს ძალა გუნდი სწორი გზით ატაროს", - იმედოვნებს რობინსონი.</p><p><strong>შოტლანდიის ნაკრები</strong></p><p>შერკინება: ჯონ ბარკლი, ჯონი ბითი, კელი ბრაუნი, ჯოფ გროსი, როს ფორდი, რიჩი გრეი, დაგ ჰალი, რობერტ ჰარლი, ნათან ჰინესი, ალან იაკობსენი, ალისტერ კელოკი, სკოტ ლაუსონი, მური ლოუ, სკოტ მაკლოიდი, ევან მურეი, როს რენი, რიჩი ვერნონი, ჯონ ველში.</p><p>უკანა ხაზი: ჯო ანსბრო, მაიკ ბლერი, ჯეკ კუთბერტი, საიმონ დანიელი, ნიკ დე ლუკა, მაქს ევანსი, ალექს გროვი, რუარიდ ჯექსონი, გრეგ ლაიდლოუ, რორი ლამონტი, შონ ლამონტი, რორი ლაუსონი, დენ პარქსი, კრის პატერსონი, ჰუგო საუთვილი, ნიკი ვოლკერი.</p><p>.</p>
რაგბის კავშირმა და მაისაშვილმა თანამშრომლობა დაასრულეს
15-ქალას ელიტური მეტოქე
ნიკა ამაშუკელი - ტოკიო, ლონდონი და გენუა
"არსენალი" ნუსას შეძენით ინტერესდება - "ლაიფციგმა" ნორვეგიელის ფასი დაასახელა
ბლექ ფორტრესმა პირველი გამარჯვება ზესტაფონში იზეიმა | ირაკლი ხოშტარიას წარმატებული დებიუტი
სობოსლაი: ახლოს ვიყავი იმასთან, რომ საქართველოსთან არ მეთამაშა
საბო: ბევრ უკრაინელ ფეხბურთელს ოსტატობა არ ჰყოფნის, მაგრამ საქართველოს მოვუგებთ
"ასეთია ჩვენი დონე, მაგრამ ქართველებთან არ წავაგებთ" - ამბობს უკრაინის ნაკრების ყოფილი ფეხბურთელი
ოთარ კაკაბაძე: ვიმუშავებთ და აუცილებლად გამოვასწორებთ
"მაგალითი "არსენალისგან" უნდა აიღოს" - დინის აზრით, პოჩეტინომ "მანჩესტერიდან" ტოქსიკური ვარსკვლავები უნდა გაუშვას
"დაგვაკლდა თუ არა რონალდო?"- პორტუგალიის ნაკრების მწვრთნელი ჟურნალისტის შეკითხვამ გააღიზიანა
ორბმა ზედიზედ მე-4 გამარჯვება ახალციხესთან მოიპოვა
[VIDEO] "მოიგე რა... რამდენჯერ გადაატრიალა, აჭარული იცეკვა..." - ხვიჩა კვარაცხელიას რეაქცია საბა ლაზიშვილის ჭიდაობაზე
ლაზიშვილს PFL და UFC ეპატიჟებიან - მისი პოპულარობა არნახულად გაიზარდა
ჩრდილოეთ ირლანდიამ უკრაინას მოუგო და გოლგაუშვებლად მიიწევს წინ
U18. საქართველოს ნაკრები ფინალში ესპანეთთან ისევ დამარცხდა
როგორი შეფასებები მიიღეს საქართველოს ნაკრების ფეხბურთელებმა უნგრეთთან მატჩში?
რამაზ სვანაძე: გოლი ვერ გაგვაქვს, უკვე წარმოუდგენელია!..
უნგრეთის ნაკრების მწვრთნელი: მოვუმატეთ და გავიმარჯვეთ!..
[VIDEO] "თარიღი მითხარი და ერთი-ერთზე დაგანგრევ" - საბა ლაზიშვილმა უმარ ნურმაგომედოვი გამოიწვია
[VIDEO] საქართველოს ნაკრებმა ისევ ვერ გაიტანა და უნგრეთთან ისევ დამარცხდა
[VIDEO] ქართველი, რომელსაც არაფერი აშინებს - საბა ლაზიშვილმა ლეგენდარული ურაია ფეიბერი დაამარცხა!
[VIDEO] გთხოვთ, ეს ბიჭები ციხიდან გამოუშვით" - მერაბ დვალიშვილმა ტატამიდან აბუ-დაბის მთავრობას მიმართა