- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
დავით ზარქუა საქართველოს ჩემპიონია
<p>მოჭადრაკე ვაჟთა 70-ე ეროვნული ჩემპიონატის ფინალში ეროვნულმა ოსტატმა დავით ზარქუამ დიდოსტატ ლევან ფანცულიას სძლია <br> გუშინ თბილისის ჭადრაკის სასახლეში დამთავრდა მოჭადრაკე ვაჟთა 70-ე ეროვნული ჩემპიონატი, რომელშიც თავიდან სხვადასხვა ქალაქის 16 წარმომადგენელი ჩაება ნოკაუტსისტემით. ფინალში, როგორც გაუწყეთ, დიდოსტატი ლევან ფანცულაია და ეროვნული ოსტატი დავით ზარქუა გავიდნენ.</p><p>ოთხი კლასიკური პარტიის ყაიმით დამთავრების შემდეგ გამარჯვებულის ვინაობა ტაიბრეიკებში უნდა გამოვლენილიყო. ორი 25-წუთიანი პარტიაც ყაიმით დამთავრდა, ხუთწუთიან ბლიცებში კი ზარქუამ 2:0 აჯობა მეტოქეს და საქართველოს ჩემპიონობა პირველად მოიპოვა. მესამე ადგილისთვის პაექრობაში ლუკა პაიჭაძემ გიგა ყუფარაძე დაჯაბნა.</p><p>ამდენად, საბოლოოდ გაირკვა არა მარტო მედლების, არამედ ფულადი პრიზების მფლობელთა ვინაობაც. ოქროს მედალთან ერთად მთავარი ჯილდო 4000 ლარი ზარქუას ხვდა. მეორე-მესამე ადგილებზე გასულ ფანცულაიას და პაიჭაძეს, შესაბამისად, 3500 და 3000 ლარი ერგოთ, ყუფარაძეს 2000 ლარი, ხოლო V-VIII ადგილოსნებს: კონსტანტინე შანავას, თამაზ გელაშვილს, თორნიკე სანიკიძესა და გიორგი მარგველაშვილს 500-500 ლარი გადაეცათ.</p><p>გამარჯვებულები და პრიზიორები სპორტისა და ახალგაზრდობის საქმეთა მინისტრის მოადგილემ გია გალდავამ და ჭადრაკის ფედერაციის პრეზიდენტმა გია გიორგაძემ დაააჯილდოვეს.</p><p>”ჩემს საჭადრაკო კარიერაში ეს არის უბედნიერესი დღე, - სიხარულს ვერ მალავდა დავით ზარქუა. - ასეთ დაძაბულ და უძლიერესი მოჭადრაკეებით დაკომპლექტებულ ტურნირში თუ გავიმარჯვებდი და ჩემპიონობას მოვიპოვებდი, ნამდვილად არ მეგონა. ვეცდები, საერთაშორისო ტურნირებშიც წარმატებით ვითამაშო და უახლოეს მომავალში დიდოსტატობას მივაღწიო.</p><p>გია გალდავა: საქართველოში ყოველთვის იყო ჭადრაკის პრიორიტეტი და დღესაც ასეა. სახელმწიფო დიდ ყურადღებას აქცევს ბრძენთა თამაშს და თანადგომას არ აკლებს. სასიამოვნოა, რომ ბოლო დროს წინა პლანზე ახალგაზრდები გამოვიდნენ. ეს ნაკრებში მოსახვედრად კონკურენციას გაზრდის. როგორც ქალთა, ისე ვაჟთა შორის ეროვნული ჩემპიონატის გამარჯვებულებსა და პრიზიორებს წარმატებას ვულოცავ. სახელმწიფო მათ როგორც ევროპის ჩემპიონატებზე, ასევე ამ შეჯიბრებებისთვის მოსამზადებელ ტურნირებზე გასამგზავრებლად დააფინანსებს. იმედია, ისინი საერთაშორისო სარბიელზეც გვასახელებენ.</p><p>გია გიორგაძე: ვაჟთა წლევანდელი ჩემპიონატი დიდოსტატებისა და სპეციალისტების თხოვნით ნოკაუტსისტემით ჩავატარეთ, რადგან მსოფლიოს ჩემპიონატები და თასის გათამაშებაც სწორედ ამ სისტემით იმართება. ამდენად, ეს შეჯიბრება ჩვენებისთვის კარგი რეპეტიციაც იქნება.</p><p>ჩემპიონატმა რამდენიმე ახალგაზრდა მოჭადრაკე გამოავლინა. დავით ზარქუას მივულოცავ ჩემპიონობას. ის რეიტინგით მე-16 იყო, მაგრამ ბრძოლისუნარიანობითა და ჟინით გამოირჩეოდა, ამიტომ წარმატებასაც მიაღწია. მჯერა, რომ ჩვენს ამქარს მალე კიდევ ერთი ძლიერი დიდოსტატი შეემატება. ზარქუამ ფანცულაიასთან ერთად ნაკრებში დაიბევა ადგილი და, იმედია, ისინი წლევანდელ გუნდურ შეჯიბრებებში გვასახელებენ.</p><p>-<strong> ქალთა ჩემპიონატზე რას გვეტყვით?</p><p></strong>- ანაკლიაში შეჯიბრება შესანიშნავად იყო ორგანიზებული. მაია ლომინეიშვილმა კიდევ ერთხელ დაადასტურა, რომ ღირსია, იყოს საქართველოს ნაკრების წევრი. იგივე ითქმის ბელა ხოტენაშვილსა და ნინო ხურციძეზე. მართალი გითხრათ, მეტს მოველოდი ნაზი პაიკიძისგან, რომელიც ტურნირის რეიტინგფავორიტი იყო, თუმცა მთლად ურიგოდ არ უასპარეზია, - ოცწლიანთა შორის საუკეთესო შედეგი აჩვენა. ფედერაცია მასთან მომავალში განაგრძობს მუშაობას.</p><p>მნიშვნელოვანი იყო ისიც, რომ ანაკლიაში გამართულ შეჯიბრებას ესწრებოდნენ ქალთა ნაკრების მთავარი მწვრთნელი ზურაბ სტურუა და კაპიტანი ნინო გურიელი, რომლებიც უშუალოდ აკვირდებოდნენ მოჭადრაკეთა პარტიებს და შეჯიბრებების შემდეგ საქმიან რჩევა-დარიგებებს აძლევდნენ მათ.</p><p>ჩემპიონატმა დადებითად იმოქმედა რეგიონის საჭადრაკო ცხოვრებაზე - იქაურ მწვრთნელებს ამ დღეებში ხელფასები გაეზარდათ, ადგილობრივი ხელისუფლება საჭადრაკო კლუბის გარემონტებას შეგვპირდა.</p><p>მინდა მადლობა გადავუხადო ჩემპიონატის მასპინძლებსა და ორგანიზატორებს, რომლებმაც ასპარეზობის მონაწილეებს პაექრობისა და აქტიური დასვენების შესანიშნავი პირობები შეუქმნეს.</p><p><strong>- მოჭადრაკე ქალთა ჩემპიონატი წლეულს თურქეთში უნდა გამართულიყო..</p><p></strong>- დიახ, მაგრამ ევროპის საჭადრაკო კავშირმა მას ეს უფლება ჩამოართვა - კონტრაქტი გაუუქმა ვალდებულებათა შეუსრულებლობის გამო. კერძოდ, თურქებმა დეპოზიტის თანხა არ გადაიხადეს, საპრიზო ფონდის საგარანტოს წერილი ვერ წარადგინეს. იყო სხვა წვრილმანი დარღვევებიც. ჩემპიონატის სამასპინძლოდ ახალი ტენდერი გამოცხადდა.</p><p>2011 წელი საქართველოში მოჭადრაკე ქალთა წლად გვაქვს გამოცხადებული, რადგან რამდენიმე ტიტულოვან დიდოსტატს საიუბილეო თარიღები უსრულდება. გადავწყვიტეთ, შანსი გამოვიყენოთ - ევროპის ჩემპიონატს ვუმასპინძლოთ და იგი ჩვენს მანდილოსნებს მივუძღვნათ. ჭადრაკის ფედერაციის ინიციატივას მხარი დაუჭირეს სპორტის სამინისტრომ და თბილისის მერიამ, რომლებმაც თანადგომა აღგვითქვეს. ჩვენმა გენერალურმა სპონსორმა ”სოკარი ენერჯი ჯორჯიამ" ევროპის ჩემპიონატის ძირითადი დამფინანსებლის როლი იკისრა - საპრიზო თანხის (100 000 ევრო) ნახევარს გაიღებს. ანუ იმის თქმა მინდა, რომ ყველა პირობა შეიქმნა ქალთა ევროპის ჩემპიონატის თბილისში გასამართავად. ამის თაობაზე უკვე ველაპარაკე ევროპის საჭადრაკო კავშირის პრეზიდენტ სილვიო დანაილოვს და სათანადო საბუთებიც გავუგზავნე, ისიც დავძინეთ, რომ შეჯიბრების მასპინძლობას მაისამდე ვერ შევძლებთ. იმედია, ევროპის საჭადრაკო კავშირი მხარს დაგვიჭერს.</p><p>.</p>
-
kopala
ყველაფერში ვეთანხმები ბატონ გია გიორგაძეს გარდა იმისა,რომ პაიკიძე მგონი მე-9 ადგილზე გავიდა და რომ აჯობა არაბიძეს და დანელიას ესაა საუკეთესო შედეგი და წარმატებული?
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
20 წ. | მსოფლიომდე ინგლისთან
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
ლეგენდა მიდის - "ლიონის" მთავარი თავდამსხმელი მიქაუტაძე გახდება
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
[VIDEO] "გოლდენ სტეიტი" პლეი-ოფს გამოეთიშა - "მინესოტა" კონფერენციის ფინალშია
[VIDEO] ლობჟანიძემ MLS-ში საგოლე პასი შეასრულა
[VIDEO] ოსიმენის ისტორიული რეკორდი - ნიგერიელმა "გალათასარაის" თასი მოაგებინა
სკანდალი. "მსაჯი რეციდივისტი და მძარცველია - მამარდაშვილის მომენტის გამო პენალტი არ უნდა დანიშნულიყო" - ესპანური მედია
[VIDEO] მამარდაშვილის მოგერიებები, "აკიდებული" პენალტი და "ვალენსიას" ათმატჩიანი წაუგებელი სერიის შეწყვეტა