სინდისი სინდისია?

ტაბლოიდების კვლადაკვალ გასულ კვირაში, ინგლისში აგორებული სექსიზმის ამბავი მთელს მსოფლიოს მოედო. შეგახსენებთ, რომ მან Sky Sport-ის ორი ცნობილი წამყვანის, ენდი გრეისა და რიჩარდ კეისის სამსახური შეიწირა, შემდეგ კი ათასი კუდი და გაგრძელება ჰპოვა. სკანდალი ასე დაიწყო: ტელეჟურნალისტთა წყვილს ეგონა, რომ მიკროფონები გამორთული იყო და ქალ თანამსაჯზე სიან მესიზე ლაპარაკისას წამოროშა, ოფსაიდის წესი ისევე როგორც ზოგადად ქალებს კარგად მასაც არ ესმისო. ეს სიტყვები გრეისა და კეისს ქალების უფლებების შელახვად ჩაუთვალეს, რასაც საკუთრივ ტელეკომპანიის მხრიდან საკმაოდ თავისებური ქცევა მოჰყვა - თუკი ამ ორ კაცს ეთერს მიღმა (თუმცა, ჩართული კამერების წინ) რაიმე უთქვამს ან უღლაბუცია, ყველაფერი საჯარო გახადა. ამიტომაც იყო, მთელი ოთხი დღე რომ ელოდნენ დაზაფრულ გრეის ყვითელი გაზეთების ჟურნალისტები მისი სახლის გარეთ. ყოფილი ტელევარსკვლავი, რომელსაც წელიწადში 1,7 მილიონ ფუნტს უხდიდენ, მხოლოდ მეხუთე დღეს გამოვიდა შინიდან, მეუღლესა და ქალიშვილთან ერთად თავის „აუდი Q7“-ში ჩაჯდა და ისე, რომ ხმა არავის გასცა, სადღაც გაემგზავრა.„სანი“ წერს, რომ გრეი გაუპარსავი იყო და დაღლილი ჩანდა. „სულ რაღაც ერთი კვირის წინ ის დიდი შემოსავლის მქონე ვარსკვლავი იყო, ახლა კი უმუშევარია, რომელიც არავის უყვარს“, - თქვა მავანმა მეზობელმა თუ გამვლელმა, რომელმაც შინიდან გამოსულ ჟურნალისტს თვალი მოჰკრა. 55 წლის ყოფილი ფეხბურთელის ახლო მეგობარმა ასე მოყვა:„ამ დღეებში ენდი საწოლიდან არ დგებოდა და საჭმელიც, თითქმის, არ უჭამია. მას კიდევ არ სჯერა, რომ დაკარგა საქმე, რომელსაც მთელი 20 წლის განმავლობაში დიდი სიყვარულით ემსახურა.“გრეის მდგომარეობა ოჯახის სხვა ახლობელმაც აღწერა: „ის საშინლად დათრგუნა მოპყრობამ, რომელსაც ბოლო დღეებში წააწყდა. მას მომავალზე არასდროს უფიქრია, ყველაფერი საათივით ჰქონდა აწყობილი.“ ამბობენ, რომ ენდი გრეი Sky Sport-ის წინააღმდეგ ჩივილს აპირებს. მას მიაჩნია, რომ სამსახურიდან უსამართლოდ გააგდეს და კომპენსაციის სახით 3 მილიონი ფუნტის მოთხოვნას აპირებს. საამისოდ „ევერტონისა“ და შოტლანდიის ნაკრების ყოფილი მოთამაშე ადვოკატებს ხვდება.სად გადის სამართლიანობის ზღვარი? - ამ საინტერესო კითხვაზე საპასუხოდ შეგვიძლია კიდევ ერთი მაგალითი მოვიტანოთ. ამჯერად რიჩარდ კეისის შემთხვევა განვიხილოთ, უფრო სწორად კი მოვყვეთ, ხოლო განხილვა „ლელოს“ მკითხველისთვის მიგვინდია. საქმე „ლივერპულის“ ყოფილი ფეხბურთელის, ჯეიმი რედნაპის ოდინდელ მეგობარ გოგონას, ლუის გლესს ეხება. დღეს, რედნაპი, მოგეხსენებათ, ჟურნალისტია და Sky Sport-ში გამოდის. ეს ამბავიც, გადაცემის დაწყების წინ, ამ ტელეკომპანიის სტუდიაში მოხდა, სადაც ოთხი კაცი იჯდა, მათ შორის კეისი და რედნაპი. ლაზღანდარობისას სიტყვამ ლუის გლესი მოიტანა და კეისმა რედნაპს ჟარგონზე ჰკითხა მასთან სექსი ხომ გქონდაო. ვიმეორებთ, ჟურნალისტები გადაცემის დაწყებამდე დროს კლავდნენ. კეისმა მაგიდაზე ფეხებიც კი შემოაწყო. ეს კადრი (კამერა ჩართული იყო) საჯაროდ რომ არ ეჩვენებინათ, პრობლემა არ შეიქმნებოდა, მაგრამ კეისის ცუდი ბიჭობის დასამტკიცებლად აჩვენეს და... რასაკვირველია, ქალი შეურაცხჰყვეს. დღეს ის „კერლისლ იუნაიტედის“ ოდინდელი მეკარის ჯიმი გლესის მეუღლე და ორი შვილის დედაა, სოფელ დორსეტში ცხოვრობს. რედნაპს „ბურნმუთში“ თამაშის წლებში (1989-1991) ხვდებოდა. 38 წლის ქალბატონი, ვექილებს დაეძებს, რათა რიჩარდ კეისს უჩივლოს.როგორც ჩანს, ერთადერთი ადამიანი, რომელმაც კეისს გაუგო მისი მეუღლე ჯულია კეისია, რომელიც მასთან სტუმრად მისულ „ყვითელ ჟურნალისტებს“ ჩაით გაუმასპინძლდა და უთხრა, რომ მის ქმარს Sky Sport-ის ხელმძღვანელობა უსინდისოდ მოექცა.„იმისათვის, რომ ეს ტელეკომპანია მსოფლიო რუკას კარგად დამჩნეოდა ჩემმა ქმარმა და ენდი გრეიმ ბევრი იშრომეს. შესაძლოა ვინმეს ისინი პიროვნულად არ მოსწონდეს, მაგრამ პროფესიონალიზმს ნამდვილად ვერავინ დაუწუნებს. ის რაც ეთერში აჩვენეს ბიჭების ლაზღანდარობა იყო და მეტი არაფერი.“ .

პსჟ ზაბარნის შეძენას ინგლისის პრემიერ ლიგის გუნდებს სთავაზობს

რომერო მალე "ტოტენჰემს" დატოვებს

ლეგენდარული კევინ კიგანი გარდაიცვალა

[VIDEO] ლანჩხუთის "გურიამ" საქართველოს თასის 1/16 ფინალში თბილისის "დინამო" დაამარცხა და შემდგომ ეტაპზე გავიდა!

საქართველოს U18 ნაკრებმა შვედეთიც დაამარცხა და ჯგუფში ერთპიროვნულად გალიდერდა

მესი MLS-ის ყველა ვარსკვლავის მატჩში არც წელს ითამაშებს

7-კაცა | საფრანგეთს მეორედ ვეღარ ვაჯობეთ

მარცხის შემდეგ გამარჯვება - "ნიკე ლუსომ" ჩემპიონთა ლიგაზე ასპარეზობა დაასრულა

საქართველოს ნაკრები ჩინეთთან დამარცხდა, თუმცა მასპინძლებს მედგარი წინააღმდეგობა გაუწია

ვოზინია მალე "კოლო-კოლოსთან" გააფორმებს კონტრაქტს

ტელეკომპანიამ არგენტინის ნაკრების მოძულეთა სიმბოლური გუნდი შეადგინა

"იმ მომენტიდან მივიღე გადაწყვეტილება, რომ მწვრთნელი ვიქნებოდი" - მოურინიოს ემოციური განცხადება

„ოქროს ტბაზე“ ევროპისა და აფრიკის წყალსათხილამურო სპორტის ღია ჩემპიონატი საზეიმოდ გაიხსნა

უარი პსჟ-ს, "მანჩესტერ იუნაიტედს" და "ჩელსის" - სამერვილი კარიერას "ალ-ჰილალში" გააგრძელებს

"ამ იდიოტმა ძალიან გამაბრაზა" - ჩარლზ ბარკლი ლებრონ ჯეიმსზე

გამარჯვებით დაწყებული ევროპის ჩემპიონატი: საქართველოს U18 ნაკრებმა ჩრდილოეთ მაკედონია დაამარცხა

მადრიდის "რეალის" დიდი გეგმები - როდრიმ და დიომანდემ "სამეფო კლუბთან" პირადი კონტრაქტი შეათანხმეს

თბილისის "დინამომ" 21 წლის შემტევი დაიმატა

7-კაცა | სამი წლის შემდეგ - პორტუგალია და საფრანგეთი დამარცხებულია!

"ატალანტამ" ალაიბეგოვიჩი ვერ შეიძინა და დავითაშვილის ტრანსფერზე გადაერთო

Geo Team: საქართველოს ნაკრების ფეხბურთელი ბათუმის "დინამოში" ითამაშებს

გადაწყდა - იტალიის ნაკრებს პირლო ჩაუდგება სათავეში

საქართველოს ნაკრების კანდიდატთა გუნდმა ჩინეთში მონტენეგრო დაამარცხა