<p>შაბათს საქართველოს 17-წლამდელთა ნაკრებთან გამართულ საკონტროლო მატჩში ფოთის "კოლხეთს" ზაზა ინიაშვილმა უხელმძღვანელა, მომდევნო შეხვედრას კი გუნდი ისევ ბესიკ შეროზიას თავკაცობით ჩაატარებს</p><p><br> შაბათს საქართველოს 17-წლამდელთა ნაკრებთან გამართულ საკონტროლო მატჩში ფოთის "კოლხეთს" ზაზა ინიაშვილმა უხელმძღვანელა, მომდევნო შეხვედრას კი გუნდი ისევ ბესიკ შეროზიას თავკაცობით ჩაატარებს. ''ლელოს" მკითხველმა იცის, რომ გამოცდილი სპეციალისტი ''კოლხეთის" ხელმძღვანელობასთან აპირებდა შეხვედრას და ამის შემდეგ მიიღებდა დაბრუნება-არდაბრუნების გადაწყვეტილებას. როგორც მოსალოდნელი იყო, კლუბის მმართველებმა შეროზია მთავარ მწვრთნელად დაბრუნებაზე დაიყოლიეს და სეზონის მეორე ნახევრისთვის ''კოლხეთს" კვლავაც იგი მოამზადებს.</p><p>''კლუბის ფინანსური მდგომარეობა კვლავ არასახარბიელოა, მაგრამ ''კოლხეთს" ცოტა უკეთესობა მაინც შეეტყო და რაკი სეზონის ჩამთავრების პერსპექტივა გაჩნდა, საკუთარ თავს გუნდის მიტოვების უფლება არ მივეცი. ბევრს ვერ ვახერხებთ, მაგრამ მწირი ბიუჯეტი მაინც გვექნება და უმაღლეს ლიგაში ადგილის შესანარჩუნებლად ყველაფერს ვიღონებთ. ზაზა ინიაშვილმა კი ჩემ არყოფნაში ''კოლხეთისთვის" ძალიან ბევრი გააკეთა, რისთვისაც მადლობას ვუხდი", - გვითხრა შეროზიამ.</p><p>მისგან ისიც შევიტყვეთ, რომ ადგილობრივმა მთავრობამ 10-დღიანი შეკრებისთვის საჭირო თანხაც გამოყო და ''კოლხეთი" სეზონის განახლებამდე ფოთში მოემზადება.</p><p>''კოლხეთში" მხოლოდ შეროზია არ მიბრუნებულა. გუნდს შეუერთდა გამოცდილი მცველი მიხეილ მახვილაძე, რომელიც გუნდს სეზონის პირველ ნახევარში კაპიტნობდა.</p><p>მოლაპარაკებები მიმდინარეობს კიდევ ორ წასულთან – ერთ-ერთი მათგანი ასევე გამოცდილი უკანახაზელი ალექსანდრე ინწკირველია, რომელიც, ალბათ, დღეისთვის გადაწყვეტს, უღირს თუ არა დაბრუნება, მეორის ვინაობა კი ჯერ ვერ დავადგინეთ.</p><p>''კოლხეთი" უმაღლეს ლიგაში თამაშის გამოცდილების მქონე სხვა ფეხბურთელებითაც აპირებს გაძლიერებას, რამდენიმე ახალწვეულის ვინაობა ცოტა ხნის წინ გაირკვა – ესენი არიან ''სამტრედიას" ყოფილი წევრები, მეკარე ლაშა ძაგანია და თავდამსხმელი გიგა კვერენჩხილაძე, ასევე ახალგაზრდა კიპერი ვახტანგ ლობჟანიძე და ნახევარმცველი ბორის გელაჭეიშვილი.</p><p>სინჯებზეა თემურ ფურთუხია, რომელსაც უმაღლესი ლიგის რამდენიმე კლუბში უთამაშია.</p><p>შეროზია უახლოესი ერთი კვირის განმავლობაში ამხანაგური მატჩის ჩატარებას მიზანშეწონილად არ მიიჩნევს, 5 ან 6 თებერვალს კი ''კოლხეთი" ''გაგრას" ან ''ბათუმს" შეხვდება.</p><p><strong></p><p>ყოველდღიური სპორტული გაზეთი "ლელო"</strong></p><p>.</p>
“დაგვეხმარეთ, გადავარჩინოთ ბათუმის "დინამო" - "შავი ზღვის პირატების" განცხადება
"ჩემი ფეხბურთელები სასურველი შედეგისთვის მზად არიან" - "იბერიას" მწვრთნელმა "მალმიოსთან" დაპირისპირებაზე ისაუბრა
გიტის პაულაუსკასმა ბათუმის "დინამო" დატოვა და სლოვაკეთში გადაბარგდა
16 წლამდე გოგონათა ნაკრებმა გიბრალტარი გაანადგურა და ბრძოლას მე-5 ადგილისთვის აგრძელებს
"ბორჯღალოსნები" | შეცვლილი შემადგენლობით და დებიუტანტებით "ჩიტასთან"
"არსენალი" და "სპორტინგი" ვერ თანხმდებიან, იოკერეში გაცეცხლებულია - რა ბედი ეწევა შვედს?
"ჩემი აზრით, ის "ოქროს ბურთს" იმსახურებს" - დონარუმას აგენტმა იტალიურ გამოცემასთან ისაუბრა
“დაგვეხმარეთ, გადავარჩინოთ ბათუმის "დინამო" - "შავი ზღვის პირატების" განცხადება
"ჩვენს გუნდში საუკეთესოა" - ენრიკემ შეგირდი შეაქო
გაუპატიურების ბრალდებით - NBA-ის ყოფილი კალათბურთელი 8 წლით დააპატიმრეს
"ამაზე უკეთესი კომპლიმენტი არ არსებობს" - რა თქვა კარაგერმა პსჟ-ზე?
"დომინანტი გუნდი ვართ" - ლუის ენრიკე "ბარსას" ფანების მილოცვებს ვერ აუდის
როგორი შეფასებები მიიღეს პსჟ-ს ფეხბურთელებმა "რეალთან" მატჩში?
[VIDEO] პსჟ GALACTICS! - "კვარას" გუნდმა "რეალი" გაანადგურა და ფინალში გავიდა
14 კაცით მძიმე ბრძოლაში - ახალგაზრდა "ბორჯღალოსნების" დასანანი ფრე იტალიასთან
3:0. პირველი ტაიმის შემდეგ პსჟ "რეალს" ამარცხებს
"რეალთან" მატჩში პსჟ-ს სასტარტო შემადგენლობა ცნობილია
პსჟ-ს ორი საკლუბო რეკორდის დამყარება შეუძლია
ჩაკვეტაძემ "უოტფორდის" პირველ მატჩში ვერ ითამაშა
"ასეთ სიტუაციაში ვერავის ვერ დავადანაშაულებ" - მუსიალას ვიდეომიმართვა
ოფიციალურად: "ლიონი" მომდევნო სეზონში ლიგა 1-ში ითამაშებს
“თბილისი” საფრანგეთში, ორლეან 3×3 ჩელენჯერში საასპარეზოდ მიემგზავრება
საქართველოს U16 ნაკრები ევრობასკეტისთვის მზადებას ამბროლაურიდან იწყებს