- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
ნუკრი რევიშვილი: "შეცდომა ყველა მეკარეს მოსდის და ამან არ უნდა გაგტეხოს"
<p>საქართველოს ნაკრების მეკარეს გრანდის სათადარიგოთა სკამზე ჯდომას, შედარებით უამბიციო გუნდის ძირითადში თამაში ურჩევნია <br> რუსეთის პრემიერლიგაში "ანჟის" სადებიუტო სეზონში ახალგაზრდა ქართველი მეკარის, ნუკრი რევიშვილის გარჯამ მნახველებზე კარგი შთაბეჭდილება დატოვა, მიუხედავად იმისა, რომ ჩვენებურს გუნდის ძირითადში ადგილს მეორე გოლკიპერი ილია აბაევი ეცილებოდა. ამ უკანასნკელის ნიჟნი ნოვგოროდში გადასვლის შემდეგ კი საქართველოს ეროვნული გუნდის გოლკიპერი უკვე "ანჟის" ნომერ პირველ მეკარედ მოიაზრება.</p><p>ახლახან ქართველ მეკარესთან, რომელიც 9 თებერვალს სომხეთთან ამხანაგური მატჩისთვის ჩვენი ნაკრების მთავარმა მწვრთნელმა განაცხადში შეიყვანა, ინტერვიუ sports.ru-ზე გამოქვეყნდა.</p><p><strong>- როგორ გაატარეთ შვებულება?</strong></p><p>- ნორმალურად, ეს დრო სამშობლოში გავატარე. მეგობრებთან ერთად სამი დღით ბარსელონას ვსტუმრობდი, სადაც "ბარსელონა"-"რუბინის" მატჩს დავესწარით. ახალ წელს, როგორც ყოველთვის, ამჯერადაც ოჯახთან ერთად შევხვდი.</p><p><strong>- ახალი სეზონის წინ განწყობა როგორი გაქვთ? </strong></p><p>- განწყობა კარგი მაქვს - ახალი სეზონი, ახალი გუნდი. ჩვენგან ხომ ბევრი ფეხბურთელი წავიდა. ვფიქრობ, უკეთესი წელიწადი გვექნება - გუნდი შარშანდელთან შედარებით უფრო ძლიერია. თანაც, როგორც ამბობენ, გუნდში ახალი სპონსორები მოვიდნენ.</p><p><strong>- თქვენ, რომელიც "რუბინთან" ერთად ჩემპიონობისთვის იბრძოდით, "ანჟიში" ალბათ უფრო მეტის მიღწევა გსურთ, ვიდრე მხოლოდ პრემიერლიგაში ადგილის შენარჩუნება.</strong></p><p>- რა თქმა უნდა! თუკი წელს რვა საუკეთესოთა შორის მოვხვდებით, ეს ჩვენთვის დიდი წარმატება იქნება. ისე კი ვფიქრობ, ჯობს მოედანზე იბრძოდე გადარჩენისთვის, ვიდრე სათადარიგოთა სკამზე - მედლებისთვის. მე, როგორც მოთამაშეს, მირჩევნია "ანჟინიში" ვთამაშობდე, ვიდრე "რუბინის" სათადარიგოთა შორის ვიჯდე.</p><p><strong>- შეიძლება ითქვას, რომ ილია აბაევის წასვლის შემდეგ "ანჟის" ძირითადში პირველი ადგილი დაიბევეთ?</strong></p><p>- არა, რატომ? ჩემი აზრით, გუნდში კონკურენცია ისევ მაღალი იქნება, თუმცა მე ყველაფერს გავაკეთებ, რათა მწვრთნელებს დავუმტკიცო, რომ პირველ ნომრად ყოფნას ვიმსახურებ.</p><p><strong>- გარდა გუნდის მეკარე მაკაროვისა, თქვენთან კიდევ რამდენიმე ახალგაზრდა გოლკიპერი ისინჯება...</strong></p><p>- დიახ, თუმცა ჯერ არ არის გარკვეული, ვინ დარჩება და ვინ - არა.</p><p><strong>- თუკი კლუბმა სრულფასოვანი კონკურენტი არ მოგიყვანათ, ეს ნეგატიურად აისახება თქვენს ოსტატობაზე?</strong></p><p>- კონკურენცია ფეხბურთში ყოველთვის სასარგებლოა. ასეთ დროს მუდმივად ბრძოლა გიწევს და საკუთარ თავს მოდუნების უფლებას არ აძლევ. თუმცა, არც ისე ვარგა, როგორც ეს შარშან ჩვენ გუნდში იყო - რიგ-რიგობით რომ ვთამაშობდით.</p><p><strong>- როცა გუნდში ორი თანაბარი ძალის მქონე მეკარეა, მათ შორის ურთიერთობა როგორ წარიმართება? შესაძლოა, მათ იმეგობრონ? </strong></p><p>- რა თქმა უნდა. მაგალითად, მე და ილია ვმეგობრობდით. ქალაქში ერთად დავდიოდით, რესტორანში გვერდიგვერდ ვსხდებოდით. ჩვენ კონკურენციის თვალსაზრისით პრობლემა არასდროს გვქონია.</p><p><strong>- აბაევის გარდა გუნდი კიდევ რამდენიმე ლიდერმა დატოვა. თქვენი აზრით, ახალ სეზონში "ანჟი" როგორ ითამაშებს?</strong></p><p>- რა თქმა უნდა, კარგი იქნებოდა, თუკი ლიდერთა ბირთვი შენარჩუნდებოდა, მაგრამ რას ვიზამთ, საფეხბურთო ცხოვრება ასეთია. მაგრამ ჩვენ გამოცდილი მწვრთნელი გვყავს, უკეთეს გუნდს შეკრებს. ყოველ შემთხვევაში, არანაკლებს.</p><p><strong>- როგორ აფასებთ რუსული ფეხბურთის ელიტაში სადებიუტო სეზონს?</strong></p><p>- სეზონს შეიძლება წარმატებული ვუწოდოთ. როცა გუნდი პრემიერლიგაში გადადის, პირველ სეზონში მთავარია, ადგილი შეინარჩუნოს. შემდეგ გუნდი ნელ-ნელა გამოცდილებას იძენს და უფრო ძლიერი ხდება.</p><p><strong>- ანუ, ცხრილში მეთერთმეტე ადგილის დაკავება "ანჟისთვის" შესაძლებლობების მაქსიმუმი იყო?</strong></p><p>- დიახ, მეათე-მეთერთმეტე ადგილი, ვფიქრობ, რეალურად ასახავს იმ გუნდის ძალას, რომელიც შარშან გვყავდა.</p><p><strong>- შარშან საკუთარ თამაშს როგორ შეაფასებდით?</strong></p><p>- საკუთარ თამაშს ყოველთვის კრიტიკულად ვაფასებ. ჩატარებული მატჩების რაოდენობის მიხედვით შეიძლება ითქვას, რომ ჩემთვის ეს რუსეთში გატარებული პირველი სეზონი იყო და საერთო ჯამში, ნორმალური გამოვიდა. რა თქმა უნდა, იყო მატჩები, როცა უკეთ გარჯა შემეძლო.</p><p><strong>- შარშან საქართველოს ნაკრებშიც გამოგიძახეს. ეროვნულ გუნდში "ანჟიში" ჩარიცხვამდეც გიწვევდნენ?</strong></p><p>- დიახ. ნაკრებში ჯერ კიდევ 2005 წელს მიმიწვიეს, მაგრამ მაშინ ქუთაისში ვთამაშობდი. მას შემდეგ კი, რაც "რუბინში" გადავედი, აღარ მიძახებდნენ, რაც ჩემი უთამაშებლობით იყო განპირობებული.</p><p>როგორც კი "ანჟიში" თამაშის საშუალება მომეცა და ფორმა აღვიდგინე, ნაკრებშიც დამაბრუნეს. სწორედ "ანჟის" უნდა ვუმადლოდე, რომ ეროვნულ გუნდში მიწვევენ.</p><p><strong>- შარშან გუნდში არაერთი თქვენი თანამემამულე გამოდიოდა, ახლა კი ქართველთაგან მხოლოდ თქვენ დარჩით. ამან განწყობა ხომ არ გაგიფუჭათ?</strong></p><p>- დიახ, ჯერჯერობით ერთადერთი ქართველი ვარ, რომელსაც "ანჟისთან" მოქმედი კონტრაქტი მაკავშირებს. გუნდში არის კიდევ ერთი ქართველი გასინჯვაზე, თუმცა მის შესახებ გადაწყვეტილი ჯერ არაფერია. თუკი აიყვანენ, ხომ კარგი და თუ არა - არც ეს იქნება ტრაგედია. მეგობრები ადგილობრივ ფეხბურთელებშიც მრავლად მყავს და ამ მხრივ პრობლემა არ მაქვს.</p><p><strong>- ანუ, თქვენთვის სულ ერთია, იქნებიან თუ არა ქართველები გუნდში?</strong></p><p>- ჩემთვის მთავარი ხშირ-ხშირად თამაში და დავალების კარგად შესრულებაა, სხვა დანარჩენი კი მეორეხარისხოვანია.</p><p><strong>- ომარ თეთრაძე, რომელმაც მახაჩყალაში მიგიწვიათ, ახლა "ვოლგაშია", სადაც ბევრი თქვენი თანაგუნდელი გადავიდა. ნიჟნი ნოვგოროდში თქვენ არ მიგიწვიათ?</strong></p><p>- უწინ მსგავსი საუბრები იყო, მაგრამ, სიმართლე გითხრათ, შემდეგ აბაევი დაიმატეს, ჩემზე კი სერიოზული საუბარი აღარ ყოფილა.</p><p><strong>- შარშანდელ სეზონში თქვენი თამაშებიდან ყველაზე მეტად რომელი დაგამახსოვრდათ?</strong></p><p>- ყაზანში, "რუბინის" წინააღმდეგ, რომელიც 0:0 ვითამაშეთ და ასევე გასვლითი მატჩი "ზენიტთან", რომელშიც ისეთი შეცდომა დავუშვი. აქამდე არ მავიწყდება. რას ვიზამთ - ყველა მეკარე ცდება.</p><p><strong>- მრავალ მეკარეს მსგავსი შეცდომა კარიერის დასრულებად უჯდება, რადგან ფსიქოლოგიურ პრობლემას ვერ უმკლავდებიან. თქვენ ეს როგორ შეძელით? </strong></p><p>- მეკარეთა უმრავლესობისთვის პრობლემა სწორედ ფსიქოლოგიურია. უბრალოდ, სასოწარკვეთილებაში არ უნდა ჩავარდე - შეცდომა ხომ ყველა მეკარეს მოსდის. ცხოვრება ამით არ მთავრდება და თამაში უნდა გააგრძელო.</p><p><strong>- მსგავსი შეცდომების შემდეგ ყველას ხომ არ ჰყოფნის ვაჟკაცობა, თავისი დანაშაული აღიაროს...</strong></p><p>- შეცდომების აღიარება ყოველთვის აუცილებელია. თუკი ჩემ შეცდომას სხვებს გადავაბრალებ, ამით არაფერი შეიცვლება.</p><p><strong>მომზადებულია sports.ru-ს მიხედვით</p><p>.</strong></p>
პსჟ-ის გზა მსოფლიოს საკლუბო ჩემპიონატზე - მეტოქეები, თარიღი და ტურნირის ახალი ფორმატი
დავითაშვილიც პარიზში? - ზურიკოთი ლიგა 1-ის კიდევ ორი კლუბი დაინტერესდა
"ამის გამო გველესიანი "პერსოპოლისიდან" განაწყენებული წავიდა" - ირანული კლუბის წარმომადგენელმა ინციდენტის მიზეზი განმარტა
ბასილაშვილმა როლან გაროსზე პირველი მატჩი მოიგო
მიქაუტაძის თანაგუნდელს ტოპ-კლუბები ეპატიჟებიან
მამარდაშვილმა ბექაურს აჯობა - პრიზი ვალენსიაში
კონტეს და "ნაპოლის" გზები იყოფა - დე ლაურენტისმა ახალი მწვრთნელი უკვე შეარჩია
IFFHS-მა მესი ყველა დროის საუკეთესო ფეხბურთელად დაასახელა - რონალდო მხოლოდ მეოთხეა
"ამის გამო გველესიანი "პერსოპოლისიდან" განაწყენებული წავიდა" - ირანული კლუბის წარმომადგენელმა ინციდენტის მიზეზი განმარტა
"მერაბი ნახევრად მკვდარი იყო, არავინ იცით, მას რა სჭირდა..." - დვალიშვილის მწვრთნელმა ნურმაგომედოვთან ბრძოლამდე ქართველის ჯანმრთელობის პრობლემებზე ისაუბრა
დრო და ადგილი ცნობილია - როდის და სად ვიხილავთ კვარაცხელიას "ოქროს ბურთის" დაჯილდოვებაზე
ახლა ფავორიტი "ბაიერნია" - "სიტი" ვირცისთვის ბრძოლას ჩაეხსნა
ფინალის შედეგის მიუხედავად მიდის? - ინძაგიმ ახალ კლუბთან შეთანხმებას მიაღწია
ფარიოლი წავიდა - "აიაქსმა" მთავარ მწვრთნელად შესაძლოა, ყოფილი დამრიგებელი დააბრუნოს
თანამშრომლობა გრძელდება - "ბარსელონა" ფლიკს კონტრაქტს უხანგრძლივებს
La Stampa: კლოპმა შეთანხმმებას მიაღწია და სერია A-ს კლუბს ჩაიბარებს
ევრო 2026 | საქართველოს ნაკრების კალენდარი ევროპის ჩემპიონატზე
კელეჰერი მიდის - მამარდაშვილს "ლივერპულში" მხოლოდ ალისონი დახვდება
ნეაპოლში საგიჟეთია - ქალაქი სკუდეტოს საზეიმოდ ემზადება
7-ქალა | მესამე ადგილი და საჭირო გამოცდილება ბონში
Geo Team: სანიოლის გადაწყვეტილება - ივნისში საქართველოს ნაკრები ლიდერების გარეშე ითამაშებს
მიქაუტაძის ყოფილ მწვრთნელს ორი ფრანგული კლუბი ეპატიჟება
პლეი-აუტში ბუდუს "ჰაიდენჰაიმის" მეტოქე გაირკვა