<p><p>NBA: "სან ანტონიოს" მარცხი ისეთი იშვიათობაა, რომ ამ გუნდის წაფორხილება პორტლენდში დიდ მოულოდნელობად შეფასდა</p> <br> <p>რეგულარული ჩემპიონატის ლიდერ "სან ანტონიოს" მარცხი ისეთი იშვიათი მოვლენაა, რომ ამ გუნდის წაფორხილება პორტლენდში ყველამ დიდ მოულოდნელობად შეაფასა. ამ მატჩში "ბლეიზერსის" მთავარი იმედი ლამარკუს ოლდრიჯი იყო. სწორედ მასპინძლების ერთ-ერთმა ლიდერმა ათრია 48 წუთი თავისი გუნდი და მისი შეჩერება ვერც ტიმ დანკანმა და ვერც დეჟუან ბლეირმა შეძლეს.</p><p>"სან ანტონიო", როგორც ყოველთვის, გუნდური თამაშით იყო ძლიერი და დიდ შესვენებაზე ტექსასელები პროგნოზისამებრ ლიდერის რანგში გავიდნენ. მაგრამ ოლდრიჯი გაჩერებას არ აპირებდა. რაც არ უნდა მოემოქმედებინა "სპურსს" შეტევაში, მაკმილანის შეგირდები მაინც პოულობდნენ ღირსეულ პასუხს. ხოლო, როცა ბოლო მეოთხედში ოლდრიჯს დროულად წამოეხმარნენ მეტიუზი და მილერი, "პორტლენდის" შეჩერება შეუძლებელი გახდა და მასპინძლებმა რთული, მაგრამ დამსახურებული გამარჯვება მოიპოვეს.</p><p>ოლდრიჯი კი ტურის მთავარ ვარსკვლავად აღიარეს. მან 40 ქულით (თამაშიდან - 16/23, საჯარიმო - 8/9) კარიერის პირადი რეკორდი დაამყარა, გარდა ამისა, 11 მოხსნა, 3 ჩაჭრა, 2 შედეგიანი პასი და 1 დაფარება მითვალა. საფინალო სირენის შემდეგ ლამარკუსს სიუპრიზი ელოდა: "ჩემთან "სპურსის" მთავარი მწვრთნელი პოპოვიჩი მოვიდა და ხელი ჩამომართვა. ადრე ასეთი რამ არასოდეს მომხდარა".</p> <p> </p> <p>კარგი ფორმა აკრიფა "საკრამენტომ". მიუხედავად იმისა, რომ "მეფეებმა" შინ წააგეს "ბოსტონთან", უესტფოლის ახალგაზრდა გუნდში პროგრესი შეუიარაღებელი თვალითაც კარგად ჩანს. სტარტზე მეტოქის გაქცევის შემდეგ "საკრამენტომ" მეორე მეოთხედში თავად მოაწყო სპურტი და ლიდერობა იგდო ხელთ. კალიფორნიელთა რიგებში მთავარი მოქმედი პირები დემარკუს კაზინსი და ტაირიკ ევანსი იყვნენ.</p> <p> </p> <p>მეორე ტაიმში "ბოსტონი" უფრო აგრესიულად ათამაშდა. რეი ალენისა და რაჟონ რონდოს გარდა, სერიოზულად მოჰკიდა საქმეს ხელი პოლ პირსმა. მესამე მეოთხედში ანგარიშის გათანაბრების შემდეგ "სელტიქსმა" კლასის ხარჯზე გაუსწრო მეტოქეს და ბოლოსკენ "კინგზის" წინააღმდეგობა უკვე ფორმალურ ხასიათს ატარებდა.</p><p>ძალიან უჭირს ბოლო დროს "ლეიკერსს". "საკრამენტოსთან" და "ბოსტონთან" ორი საშინაო წაგების შემდეგ ჩემპიონმა მხოლოდ ოვერტაიმში დაჯაბნა მოკრძალებული "ჰიუსტონი". კლასში დიდი განსხვავების მიუხედავად, "ლეიკერსმა" "რაკეტების" სწრაფ შეტევას ბევრი ვერაფერი დაუპირისპირა. განსაკუთრებით თვალში საცემია კალიფორნიელთა პრობლემები დაცვაში. სწორედ ამ მიზეზით, "ლეიკერსმა" ბოლო მეოთხედში 2 წუთის განმავლობაში ექვსქულიანი უპირატესობა გაფლანგა. ძირითადი დროის დასრულებამდე ხუთი წამით ადრე აარონ ბრუქსმა ლუის სკოლას მისცა ბურთი, რომელიც აბსოლუტურად თავისუფალი იდგა მეტოქის სამწამიანში და არგენტინელმა შეხვედრა ოვერტაიმში გადაიყვანა.</p><p>თუმცა დაცვისგან განსხვავებით, ფილ ჯექსონის გუნდი შეტევაში საკმაოდ კარგად გამოიყურებოდა. ბრაიანტის, გასოლისა და ოდომის ტრიომ მატჩი უმაღლეს დონეზე წარმართა. დამატებით ხუთ წუთში სწორედ მათმა თამაშმა განსაზღვრა საბოლოო შედეგი. თუმცა ამ მოგებამ "ლეიკერსის" თამაშის შესახებ უფრო მეტი კითხვა გააჩინა, ვიდრე პასუხი...</p><p>სხვათა შორის, ამ მატჩში კობის კიდევ ერთი კარიერული მიღწევა ჰქონდა. მისი სნაიპერული თვისებები ყველამ იცის, ახლა კი 11 პასით ბრაიანტმა თავისი მონაგარი 5 ათას შედეგიან გადაცემამდე აიყვანა.</p><p>არ შეიძლება გვერდი ავუაროთ "ვაშინგტონის" მორიგ მარცხს გასვლაზე. სეზონის სტარტიდან მოყოლებული დედაქალაქელებმა სტუმრად ზედიზედ 25-ე შეხვედრა დათმეს. ამჯერად "უიზარდსმა" ვერაფერი მოუხერხა "ნიუ ორლეანს", რომელსაც ტრავმის გამო ძირითადი ცენტრი ემეკა ოკაფორი აკლდა, მაგრამ ამას ხელი არ შეუშლია მასპინძლებისთვის მატჩის 8 ქულით მოგებაში. ოკაფორი სამ კვირას დაისვენებს, მის ნაცვლად ძირითადში მოხვედრილმა ჯეისონ სმიტმა კი კარიერაში სარეკორდო - 20 ქულა დააგროვა.</p> <p></p><p><em><strong>ნიუ ორლეანი-ვაშინგტონი 97:89</strong></em></p><p>29:26, 26:18, 25:21, 17:24</p><p>ნ-ო: სმიტი (20+5 მოხსნა), არიზა (16), პოლი (15+9 პასი+5 მოხსნა), გრინი (11), უესტი (10+8 მოხსნა), ტორნტონი (10).</p><p>ვ: იანგი (30), ბლეტჩი (21+9 მოხსნა), ჰაინრიხი (10).</p> <p></p><p><em><strong>პორტლენდი-სან ანტონიო 99:86</strong></em></p><p>24:22, 23:30, 24:19, 28:15</p><p>პ: ოლდრიჯი (40+11 მოხსნა), მეტიუზი (21), მილერი (18+9 პასი).</p><p>ს-ა: ჯინობილი (17), დანკანი (15+7 მოხსნა), ბლეირი (14+12 მოხსნა), ჯეფერსონი (10), ჰილი (10).</p> <p></p><p><em><strong>საკრამენტო-ბოსტონი 90:95</strong></em></p><p>20:27, 34:18, 17:29, 19:21</p><p>ს: კაზინსი (20+6 მოხსნა), ევანსი (20), გრინი (15), უდრიხი (12+6 მოხსნა+6 პასი).</p><p>ბ: ალენი (22+6 მოხსნა), რონდო (17+10 პასი), პირსი (15+5 მოხსნა+5 პასი), დევისი (14), გარნეტი (12+7 მოხსნა), პერკინსი (8+10 მოხსნა).</p> <p></p><p><em><strong>ლეიკერსი-ჰიუსტონი 114:106 (ო)</strong></em></p><p>31:23, 23:25, 20:26, 24:24, 16:8</p><p>ლ: ბრაიანტი (32+11 პასი+6 მოხსნა), გასოლი (26+16 მოხსნა), ოდომი (20+20 მოხსნა), ფიშერი (11).</p><p>ჰ: მარტინი (30), სკოლა (24+15 მოხსნა), ბრუქსი (16+8 პასი).</p> <p> </p> <p> </p> <p> </p> <p>.</p></p>
"ამაზე ძალიან ვღელავთ" - სტეფ კარი ტრავმირებულია
"რაც მთავარია, ჩემი ოჯახი უსაფრთხოდაა" - ლებრონ ჯეიმსი ბოლოდროინდელ სკანდალს გამოეხმაურა
რამდენიმე საათში, რაც თანაგუნდელმა ვადაგასულ რძეს შეადარა - კრისტაპს პორზინგისმა კალათბურთელის კარიერა დროებით შეაჩერა
"რეალმა" კურტუას კონტრაქტი გაუგრძელა
პოჩეტინომ "მანჩესტერ იუნაიტედის" მთავარ მიზანზე ისაუბრა და ბავშვობის კერპი დაასახელა
კონტემ განმარტა, რატომ დატოვა "ინტერი" საჩემპიონო სეზონის შემდეგ
"ბარსელონა" გერმანიის ნაკრების მცველის შეძენას შეეცდება
ანგისას "ნაპოლიდან" წასვლა უნდა
"როგორც იქნა, გვირაბის ბოლოს სინათლე გამოჩნდა" - ჯორჯო კიელინიმ იტალიის ნაკრებზე ისაუბრა
"არსენალი" ზამთრის სატრანსფერო ფანჯარაზე 2 შემტევის დამატებას გეგმავს
მესიმ არგენტინის ფეხბურთის ასოციაციის ხელმძღვანელობასთან კავშირი გაწყვიტა
"ყველაზე მეტი ამ მწვრთნელისგან ვისწავლე, ის ჩემთვის მისაბაძი მაგალითი იყო" - ლუის ენრიკე
[VIDEO] ბითაძის 20 წუთი - "ორლანდოს" 4-მატჩიანი მოგებათა სერია "ფილადელფიასთან" შეწყდა
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
საბო: დავითაშვილს უნდა ვუმადლოდეთ - კითხვა მაქვს ქართველთა მეკარესთან
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა