როგორი უნდა იყოს საქართველოს კალათბურთელთა ნაკრების ახალი მწვრთნელი? [დასასრული]

განვიხილოთ საქართველოს ნაკრებისთვის სასურველი კანდიდატები გაგრძელება. <a href="/kalatburti/qarthuli-kalathburthi/erovnuli-nakrebi/87452-rogori-unda-iyos-saqarthvelos-kalathburtheltha-nakrebis-akhali-mtsvrthneli-dasatsyisi.html" target="_blank">იხილეთ დასაწყისი</a>წინა სტატიაში გესაუბრეთ მწვრთნელებზე, ანდრეა ტრინკიერისა და ჰენრიკ დეტმანზე. მათ თავისი პლუსები აქვთ. ტრინკიერის ძალიან კარგად აწყობილი კლუბები ჰყავს, ხოლო დეტმანი ფინეთში თავიდან ფეხებამდე კალათბურთში იყო ჩაფლული და ამ ქვეყანაში ეს სპორტი მაღალ დონეზე ასწია.დღეს სხვა მწვრთნელების დადებით თვისებებს განვიხილავთ და საბოლოოდ გამოვიყვანთ ჰიბრიდს - როგორი უნდა იყოს საქართველოს ნაკრების თავკაცი.<div style="text-align: center;">ტოონ ვან ჰალფტერენის დისციპლინა</div> ჰოლანდიის ნაკრები ხომ გახსოვთ? - ევრობასკეტის გახსნით მატჩში რომ დაგვამარცხა. ყველაზე მეტად ვინ გაგონდებათ მეტოქე გუნდიდან? ალბათ, აფრიკული წარმოშობის შარლონ კლოოფი, რომელმაც ჩვენს კალათაში ყველაზე მეტი ქულა მოათავსა. იმავე კლოოფმა იცით რა "ჩაიდინა" გადამწყვეტ მატჩში საბერძნეთთან? - ბოლო წამებზე რამდენიმე ჯარიმა გააცუდა და ბერძნებმა ჰოლანდია სამი ქულის სხვაობით დაამარცხეს.მოკლედ, იმის თქმა მინდა, რომ ჰოლანდიელთა ყველაზე შედეგიან კალათბურთელსაც კი არ აღმოაჩნდა სათანადო კლასი ერთმანეთის მიყოლებით ორი სამი მატჩი ჩაეტარებინა მაღალ დონეზე.ასეთი გუნდი კინაღამ ევრობასკეტის პლეი ოფში გავიდა. ეს ყველაფერი მთავარი მწვრნელის, ტოონ ვან ჰალფტერენის დამსახურება იქნებოდა. ზაგრებში, საბერძნეთთან წაგების შემდეგ იგი კალათის უკან იდგა და ვიღაცას ელოდა.პრესლოჟიდან ჩავედი და გამოველაპარაკე. დიქტოფონი არ ჩამირთავს, მინდოდა გულწრფელად მეთქვა რას ვფიქრობდი და მისგანაც იგივე მომესმინა. აი, რა მითხრა:"ჰოლანდიის ნაკრები საქართველოს შემადგენლობით ვერ გაუტოლდებოდა. მოგება თუ გვინდოდა, დაცვაში უშეცდომოდ უნდა გვეთამაშა და მწვრთნელების მიერ მიცემული გზიდან ერთ კალათბურთელს არ უნდა გადაეხვია.საქართვლოსთან ეს გამოვიდა, საბერძნეთთანაც, მაგრამ კლასმა მაინც თავისი გაიტანა".ვან ჰალფტერენს მოედანზე მართლაც ჯარისებრი დისციპლინა ჰქონდა, ისეთი, როგორიც საქართველოს ნაკრებში ვერასოდეს დამყარდება. თუნდაც იმიტომ, რომ ჩვენთან მაღალი კლასის ინდივიდუალისტები თამაშობენ... აბა, როგორ შეიძლება თორნიკე შენგელია არჩევანში შეზღუდო და სისწრაფეაკრეფილს რამე კომბინაცია მოსთხოვო. თუმცაღა, თოკო "ბასკონიაში" ერთ-ერთი ყველაზე გუნდური კალათბურთელია.დასკვნა: ტოონ ვან ჰალფტერენი იმდენად უშუალო ადამიანია, ქართველებთან საერთო ენის გამონახვა არ გაუჭირდება, არც ჩვენი შემადგენლობისთვის შესაფერისი სტრატეგიის მოძებნა იქნება პრობლემა, ერთია მხოლოდ - ჰალფტერენი პირველად სწორედ 2015 წელს იყო ევრობასკეტის დარ შეჯიბრებაში. გაცილებით გამოცდილი მწვრთნელი გვჭირდება.<div style="text-align: center;">აინარს ბაგაცკისის გამბედაობა</div> ლატვიელ აინარს ბაგაცკისს არც გამოცდილება აკლია, არც გამბედაობა და არც ქართველებთან ურთიერთობა.გამოცდილება: ბაგაცკისმა ლატვიის ნაკრებთან ერთად ევროპის ორ ჩემპიონატზე ითამაშა, 2015 წელს სულაც მეოთხედფინალში გავიდა. იგი პარალელურად წარმატებული საკლუბო მწვრთნელია - ნაკლებად ცნობილი შემადგენლობით "ნიჟნი ნოვგოროდთან" ერთად ევროლიგის ტოპ-16-შიცაა ნათამაშები და არაერთი მაღალბიუჯეტიანი გუნდი დაუმარცხებია. შემოდგომით თვით ცსკა-ს აჯობა.ქართველებთან ურთიერთობა: 2011 წელს ბატონი აინარსი წვრთნიდა ქართულ "სოხუმს"; 2014 წელს "ნიჟნი ნოვგოროდში" აიყვანა ლევან ფაცაცია; 2013 წელს გიორგი ცინცაძესთან ერთად "ბუდიველნიკს" უკრაინის ჩემპიონატი მოაგებინა; ევრო-2013 წელს შესარჩევ ჯგუფში საქართველოს ნაკრებს დაუპირისპირდა, 2015 წლის ზაფხულში თბილისში მერიის თასზე ითამაშა.გამბედაობა: ბაგაცკისმა 2012 წელს მითხრა - ჯგუფის ფავორიტი საქართველოს ნაკრებია, თქვენებრი მაღალი დონის კალათბურთელებს მეც ვნატრობო. საქართველოსთან მატჩებში სტრატეგიაც საინტერესო შეარჩია - თორმეტივე კალათბურთელი საკმარისად დატვირთა, მთელი თამაში მაღალ ტემპში წარმართა, რომ გამოცდილი ქართველები მოეღალა და ბოლო წუთებზე უპირატესობა მოეპოვებინა.ასეც მოხდა: თბილისში ლატვიამ ბოლო პერიოდში 14-ქულიანი ჩამორჩენა აღმოფხვრა და ბოლო წამებზე მოგების კარგი შანსიც ჰქონდა, მაგრამ ახალგაზრდა მეჟერისმა ორივე საჯარიმო გააცუდა და პულენმა სამქულიანით გამარჯვება საქართველოს მოუტანა.სწორედ თბილისურ მატჩში გამოჩნდა ბაგაცკისის გამბედაობა: ახალგაზრდა კალათბურთელებს ბოლომდე ენდობოდა, ისინი კი მომავალი წლებისთვის გამოცდილებას აგროვებდნენ და, როგორც გითხარით, ლატვიის ნაკრები 2015 წელს ევრობასკეტის მეოთხედფინალში გაიყვანეს.დასკვნა: მეჟერისზე არანაკლებ ნიჭიერი ახალგაზრდები ჩვენც გვყავს, რომლებსაც დროულად სჭირდებათ გუნდთან შერწყმა. ჩვენი ნაკრების მწვრთნელად ბაგაცკისი რომ დაინიშნოს, გუნდში ბევრ ახალ სახეს ვიხილავთ, განაცხადში მყოფი 12-დან 10 კალათბურთელი მეტ-ნაკლებად თანაბრად დაიტვირთება და ნაკრების პერსპექტივაც გამოჩნდება...აინარს ბაგაცკისი თბილისს შემოდგომითაც სტუმრობდა, "ვითასთან" სათამაშოდ "ნიჟნი ნოვგოროდს" ჩამოუძღვა. ვკითხეთ კიდეც, საქართველოს ნაკრების მწვრთნელობაზე რა აზრისა იყო. გვიპასუხა:"ადრე დაინტერესება მართლაც იყო, ოღონდ ოფიციალური წინადადება არ მიმიღია. წლეულს შეთავაზება არ მაქვს, ამიტომ ჯერ ვერაფერს ვიტყვი..."...ეს იყო შემოდგომით.<div style="text-align: center;">იგორ კოკოშკოვის დიპლომატია</div> კოკოშკოვმა ქართულ საზოგადოებას წინასაახალწლოდ ღია წერილით მიმართა, რომელშიც სამადლობელი სიტყვები იყო და რჩებოდა შთაბეჭდილება, რომ იგორი გვემშვიდობებოდა.რეალურად, მას ევრობასკეტის შემდეგ კონტრაქტის ვადა ამოეწურა და ნაკრების მწვრთნელი აღარ არის.ბატონი იგორი ქართული სპორტის ისტორიაში უკვე შევიდა: ნაკრების თავკაცის პოსტზე მისებრ დიდი ხნით აქამდე არც ერთ სპეციალისტს არ უმუშავია, სპორტის არც ერთ სახეობაში. იცით, რატომ გაძლო 8 წელიწადი? - იმიტომ, რომ ქართული მენტალიტეტიც კარგად შეიცნო და თავისებური დიპლომატიით კალათბურთელებთან კარგი ურთიერთობა დაამყარა.ცხადია, იყო მეორე მიზეზიც - შედეგი. კოკოშკოვის ხელში საქართველოს ნაკრებმა მეორე ეშელონს თავი დააღწია, ზედიზედ სამ ევრობასკეტზე ითამაშა და ისევ და ისევ ქართული სპორტის ისტორიაში პირველად გაიყვანა ეროვნული ნაკრები ასეთი დონის შეჯიბრების პლეი ოფში.დასკვნა: ამ შემთხვევაში დასკვნებისგან თავი უნდა შევიკავოთ, რადგან თავად კოკოშკოვი უკვე სლოვენიის ნაკრების თავკაცია. მხოლოდ ის შეგვიძლია დავწეროთ, რომ მისებრი დიპლომატი მწვრთნელი გვჭირდება.<div style="text-align: center;">ილიას ზუროსის დრო</div> ბერძენი ილიას ზუროსი ნაკრების მწვრთნელობის ერთ-ერთი კანდიდატია, თუმცა მას, როგორც სანაკრებო მწვრთნელს, კარგად არ ვიცნობთ, ამიტომ ვრცლად ვერ ვილაპარაკებთ. მხოლოდ თითო პლუსისა და მინუსის გამოყოფა შეიძლება:ბერძენი სპეციალისტი კლუბში მუშაობას ახლო მომავალში არ აპირებს, შესაბამისად, ბევრ სხვა კანდიდატთან შედარებით დიდი პლუსიც ექნება. მართალია, კალათბურთში მიღებულია ნაკრების პარალელურად კლუბში მოღვაწეობა, მაგრამ სად ორ საქმეს რომ გააკეთებს და სად ერთს!და მეორე: ზუროსს სანაკრებო გამოცდილება ნამდვილად აქვს, თუმცა ხანმოკლე, რითაც ზოგიერთ კონკურენტს ვერ გაუტოლდება. იგი 2011 წლის მარტში საბერძნეთის ნაკრების მთავარ მწვრთნელად დაინიშნა. ევრობასკეტის მეორე ჯგუფურ ეტაპზე საქართველოსაც დაუპირისპირდა (73:60 აჯობა), ხოლო მეოთხედფინალში საფრანგეთთან დამარცხდა.ზუროსის გაწვრთნილმა საბერძნეთმა ლონდონის 2012 წლის ოლიმპიადის საგზური ვერ მოიპოვა და ელინთა ნაკრებს დაემშვიდობა.ვინაიდან ზუროსის სანაკრებო ხედვასთან დაკავშირებით სრული წარმოდგენა არ გვაქვს, ეროვნული გუნდის მომავალი მწვრთნელის ჰიბრიდი მის გარეშე შევადგინოთ.(იბეჭდება მცირე ცვლილებით)ყოველდღიური სპორტული გაზეთი "ლელო"

buratino

რა ზუროსი, რის ზუროსი! ბაგატსკისი ზედგამოჭრილია ჩვენი გუნდისთვის! იცნობს ქართულ ხასიათს, შემოქმედი მწვრთნელია და მაქსიმუმს გამოწურავს გუნდისგან
georgian

მე მაინც შექმნილ ვითარებაში ბაგატსკისი მიმაჩნია ოპტიმალურ ვარიანტად. სკეპტიკურად ვარ განწყობილი ზუროსის მიმართ.
აგული

მე მაინც მგონია,რომ იგი ჭკვიანი, განათლებული,ოჯახში გაზრდილი და ცუდი შესახედაობის არ უნდა იყოს.მირჩევნია თერაპევტი იყოს.

საქართველოს ნაკრებმა მეორე სპარინგ-მატჩი ესტონეთთან გამართა და 70:75 დამარცხდა

რატომ არ ითამაშა საქართველოს ნაკრებში ბოლდუინმა - GBF.GE სიტუაციას განმარტავს

მამუკელაშვილის და ბოლდუინის გარეშე - საქართველოს ნაკრები ისრაელთან 10 ქულით დამარცხდა

"ნაპოლიმ" სიმეონე "ტორინოში" გაანათხოვრა

ფიფას ტალანტების განვითარების სქემის კოორდინატორის ვიზიტი საქართველოში

"ბარსელონას" ხელმძღვანელობის გადაწყვეტილებით ტერ-შტეგენს კაპიტნის სამკლაური ჩამოართვეს

"მესმის, რომ "მანჩესტერ იუნაიტედი" უდიდესი კლუბია, მაგრამ არა დღესდღეობით" - შირერმა შეშკოს "მანკუნიანელებში" შესაძლო ტრანსფერზე ისაუბრა

"არ მესმის, ისაკის ტრანსფერი მბაპეს ფასი რატომ უნდა დაგვიჯდეს?" - კარაგერის მოსაზრება შვედის ტრანსფერთან დაკავშირებით

პსჟ-მ შეკრება დაიწყო - "ლივერპული" მათი ორი შემტევის შეძენას გეგმავს

ოდიშარია განაცხადში არ იყო - რფს სახლში "კუპსთან" დამარცხდა

ოფიციალურად - ტომას მიულერი "ვანკუვერ უაიტკეპსის" ფეხბურთელი გახდა

ქართველი მსაჯები კონფერენს ლიგის მატჩს მოემსახურებიან

არაბიძემ კორეულ კლუბს ფიფაში უჩივლა და 2.88 მილიონს მიიღებს

საქართველოს ნაკრების კალათბურთელმა "ბაიერნში" გადასვლის შემდეგ განცხადება გააკეთა: ევრობასკეტზე ჯგუფური ეტაპი უნდა დავძლიოთ და შემდეგ ყველაფერია შესაძლებელი

თანამდეობაზე მხოლოდ რამდენიმე თვე დაჰყო - საქართველოსთან განადგურებული ვან'ტ სხიპი სომხეთის ნაკრებიდან დაითხოვეს

შეშკომ არჩევანი გააკეთა - "ლაიფციგის" ფორვარდი კარიერას პრემიერ ლიგაში განაგრძობს

"ბარსელონა" ლა ლიგაში სეზონის დაწყებას საკუთარ სტადიონზე გეგმავს

დარვინ ნუნიესმა მამარდაშვილის "ლივერპული" დატოვა - ფეხბურთელი კარიერას საუდის არაბეთში განაგრძობს

ლუკა იოვიჩი კარიერას საბერძნეთის ჩემპიონატში განაგრძობს

Geo Team: გიორგი გოჩოლეიშვილი კარიერას გერმანიის ბუნდესლიგაში განაგრძობს

[VIDEO] "ძალიან დამწუხრებული ვარ... ახლა მას ჩემთან საუბარი, რომ შეძლებოდა, ამას მეტყოდა..." - მოურინიო პრესკონფერენციაზე ატირდა

ერთი ნაბიჯი ტურნირის ძირითად ბადემდე - ბასილაშვილი ცინცინატის მასტერსის კვალიფიკაციის ფინალშია

U19 | მონტენეგრო 2:1 საქართველო

ჰენკ ნორელი: ფაჩულიიან საქართველოს ერთხელ უკვე მოვუგეთ!

ჯიკიჩი: სწორად გავაანალიზოთ ყველაფერი და მოლოდინებიც შესაბამისი გვქონდეს

ირაკლი ხოშტარია: ყველაზე რთული მეტოქე გვერგო - ესპანური გუნდი

[VIDEO] ოფიციალურად: თორნიკე შენგელია "ბარსელონას" კალათბურთელია

ზუროსი: შედეგი ისტორიულია - ოლიმპიადის საკვალიფიკაციო ტურნირშიც მივიღებთ მონაწილეობას

ძველი მეგობრის წინააღმდეგ: დღეს საქართველოს ნაკრები კოკოშკოვის სერბეთს შეხვდება

რატომ არ ითამაშა საქართველოს ნაკრებში ბოლდუინმა - GBF.GE სიტუაციას განმარტავს

საქართველოს ნაკრების მოთამაშე კარიერას "ბაიერნში" გააგრძელებს

ზუროსი ნაკრებში ცქიტიშვილის დაბრუნებაზე ფიქრობს

[VIDEO] შენგელიას მორიგი კარგი მატჩი - "ვირტუსმა" "ბრეშა" მეორე მატჩშიც დაამარცხა

ეროვნულ ნაკრებში ილიას ზუროსის ერა დასრულდა!

კოკოშკოვი: საქართველო სტაბილური და თანმიმდევრული გუნდია - დამსახურებულად გაიმარჯვა

ევრობასკეტი 2015: ლატვია პირველი მეოთხედფინალისტია

ვითამაშოთ ევროთასებზე და ეთიოპიასაც აღარ შეგვადარებენ

საქართველოს ნაკრების სასტარტო ხუთეული - ვის აირჩევს ილიას ზუროსი?

ზუროსი: ახლა თავს უფრო ქართველად ვგრძნობ, ვიდრე ბერძენად

"საქართველოს ნაკრებს მხოლოდ ამ შემთხვევაში დავამარცხებთ" - უკრაინელთა მწვრთნელი

დინამო VS ხუვენტუდი - ახალი ისტორიის დასაწყისი

კოკოშკოვს საქართველოს დამსახურებული მწვრთნელის წოდება მიენიჭა

[VIDEO] შენგელიას გმირობა - თოკომ მხოლოდ 3 წუთი ითამაშა და "ვირტუსი" ნახევარფინალში გაიყვანა

ლევან ფაცაცია და "ნიჟნი ნოვგოროდი" კონტრაქტის გაწყვეტაზე შეთანხმდნენ

სამწუხარო ამბავი - შენგელიას თანაგუნდელს სიმსივნე აღმოაჩნდა

საქართველოს ნაკრები ისტორიულ მსოფლიოზე - კარგი და ცუდი, გამოსასწორებელი და "გამოუსწორებელი" - თაობათა ცვლა ისევ ზუროსთან ერთად?!

ბაგაცკისი: უკმაყოფილო ქართველმა ვარსკვლავებმა წიგნი წაიკითხონ

რატომ გახდა "დინამო" ჩემპიონი? ინტერვიუ ირაკლი ხოშტარიასთან

იგორ კოკოშკოვი VS ილიას ზუროსი

მარნეულის "დელტამ" ლევან ფაცაცია დაიმატა

საქართველოს ნაკრების ყოფილი მწვრთნელი "ფენერბახჩეს" ჩაიბარებს

ილიას ზუროსმა ბერძნული გუნდი ჩაიბარა

სერბეთის ნაკრებმა თბილისში ივარჯიშა - კოკოშკოვი უკმაყოფილოა

ვითა-ნიჟნი ნოვგოროდი 78:100 - პერიმეტრიდან წაგებული [VIDEO]

"მუდამ ქართული კალათბურთის მნიშვნელოვანი ნაწილი იქნებით" - შენგელია ზუროსს გულთბილად დაემშვიდობა

შენგელიას კარგი მატჩი საკმარისი არ აღმოჩნდა - "ვირტუსს" ნახევარფინალამდე კვლავ 1 მოგება აშორებს

შენგელიას ლიდერობით "ვირტუსმა" მილანში იმარჯვა და სერია A-ს ფინალამდე 1 მოგება აშორებს