<p>ქართველმა ჩოგბურთელმა, რომელიც აშშ-ის სახელით ასპარეზობს, ისაუბრა თუ რა შეიცვალა მის ცხოვრებაში მას შემდეგ, რაც აშშ-ის მოქალაქეობა მიიღო <br> ქართველმა ჩოგბურთელმა ანა ტატიშვილმა, რომელიც აშშ-ის სახელით ასპარეზობს, კვირის პალიტრასთან ინტერვიუში ისაუბრა თუ რა შეიცვალა მის ცხოვრებაში მას შემდეგ, რაც აშშ-ის მოქალაქეობა მიიღო.</p><p><strong>- აპრილში ორი წელი ხდება, რაც აშშ-ის სახელით ასპარეზობ. რა შეიცვალა შენს ცხოვრებაში ამ ხნის განმავლობაში?</strong></p><p>- დოკუმენტაციის მხრივ არაფერი - როგორც კი აშშ-ის პასპორტი მივიღე, მაშინვე შევიტანე განაცხადი საქართველოს მოქალაქეობაზე და ახლა ორმაგი მოქალაქეობა მაქვს. ასპარეზობებისთვის მზადებაში აშშ-ის ნაკრების მწვრთნელებიც მეხმარებიან და ფიზიკური მომზადების სპეციალისტებიც. მამაც ძველებურად მიდგას გვერდში, მაგრამ რაც მთავარია, როგორც ჩოგბურთელი, უპატრონოდ აღარ ვგრძნობ თავს - ყველანაირ ყურადღებას ვხედავ, რაც ძალიან მეხმარება. საქართველოს ჩოგბურთის ფედერაციისთვის არასდროს მითხოვია, ჩემთვის, ან მამაჩემისთვის გადაეხადათ რამე თანხა - მწვრთნელისთვის საჭირო ფულს ვითხოვდი. დამპირდნენ კიდეც, მაგრამ... ერთხელაც არ შეუსრულებიათ. 2014 წლის აპრილის შემდეგ ეს დახმარება უკვე მაქვს - "უპატრონო მოთამაშე" აღარ ვარ...</p><p><strong>- მაშინ თქვი, რომ სხვა გზა არ გქონდა - ჩოგბურთი სპორტის ძვირად ღირებული სახეობაა, ტრავმების ასარიდებლად და ოსტატობის მუდმივი სრულყოფისთვის ჩოგბურთელს კარგი სავარჯიშო პირობები, მწვრთნელები, სპარინგი სჭირდება, ძალიან ძნელია, როცა წინსვლა გინდა, მაგრამ მხარდაჭერას არ გრძნობ და 24 წლის ასაკში ერთ ადგილზე ხარ გაჩერებულიო...</strong></p><p>- ტრავმის გამო დიდი დრო გამიცდა და მჭირდებოდა მწვრთნელი, რომელიც ფორმის აღდგენაში დამეხმარებოდა. საქართველოში არც ერთი დაპირება არ შემისრულეს და რაღაცას თუ არ შევცვლიდი, არათუ ასეულში, 200 საუკეთესო ჩოგბურთელს შორის ყოფნაც გამიჭირდებოდა.</p><p>შარშანაც ტრავმებმა ბევრი დრო დამაკარგვინა, მაგრამ აქაური მწვრთნელები ყველაფერში მეხმარებიან. სწორედ ამაზე იყო ლაპარაკი, თორემ, ვიმეორებ, სხვა თანხა არასდროს მომითხოვია...</p><p><strong>- ბოლო ორი წლის განმავლობაში საქართველოს ჩოგბურთის ფედერაციასთან თუ გქონია ურთიერთობა?</p><p></strong>- ხანდახან ლალი ზერეკიძეს ვეხმიანები ხოლმე, ფედერაციის სხვა წარმომადგენლებთან კი არც მანამდე მქონია ურთიერთობა და ახლა - მით უმეტეს...</p><p><strong>- WTA-ს (ქალ ჩოგბურთელთა ასოციაცია) რეიტინგში ახლა მე-100 პოზიციაზე ხარ. რას ელის ანა ტატიშვილი 2016 წლისგან?</strong></p><p>- მთავარია, ჯანმრთელი ვიყო, ვიმუშაო და რეიტინგში წინსვლაც თავისთავად მოვა! არ მაქვს კონკრეტული მიზანი, რომ წელი აუცილებლად 50-ე პოზიციაზე უნდა დავასრულო, ესა და ეს ტურნირი მოვიგო და ა.შ. თუმცა, ნამდვილად არ ვიტყვი უარს, თუ წლის ბოლოს მინიმუმ თოპ-50-ში ვიქნები!</p><p><strong>- თბილისი არ გენატრება?</strong></p><p>- თბილისი ისე მიყვარს, როგორც კი თავისუფალი დრო გამომიჩნდება, საქართველოში მოვრბივარ! ბოლოს, შარშან ნოემბერში ვიყავი - სეზონი დასრულდა თუ არა, მაშინვე საქართველოში გამოვფრინდი და რვა დღე თბილისში გავატარე.</p><p><a href="http://www.kvirispalitra.ge/sport/28125-qarchevani-aghar-mrcheba-an-chogburthis-thamashs-thavi-unda-davanebo-an-ashsh-is-sakhelith-viasparezoq.html" target="_blank"><span style="color: #ff0000;"><strong>იხილეთ ინტერვიუს სრული ვერსია</strong></span></a></p><p>ავტორი: რატი შელეგია</p><p>წყარო: <a href="http://www.kvirispalitra.ge/sport/28125-qarchevani-aghar-mrcheba-an-chogburthis-thamashs-thavi-unda-davanebo-an-ashsh-is-sakhelith-viasparezoq.html" target="_blank">kvirispalitra.ge</a></p>
MARADONA
დავბრუნდით 90 იანებში და ეგ არის. სრული-შეგნებული ქაოსი.ქართველების გაწყვეტა განადგურება უნდა მტერს -ჩრდილოეთში და აქაური დამქაშებით აკეთებს ამას.ყველა სფეროში უნდა ქაოსი იყოს,უიმედობა ანარქია ნიჰილიზმი და ეს არის მათი მიზანი, გაწყდა ქართველობა.შაჰაბასმა რაც ვერ გააკეთა ესენი აკეთებენ!
M.Z>
ხალხო ვერ ხედავთ რომ წლიობით იგივე მდგომარეობაა ქართული სფორტის ყყველა სხვა სახეობებშიც.ჩინოვნიკებმა გადაჭამეს ყველა და ყველაფერი და "უფატრონო", მართლა გამრჯე, არა ყველა,ნიჭიერი სფორტსმენები კი, "წელებზე ფეხებს იდგამენ"მაგრამ ეროვნული სფორტული წინსვლა მაინც არ სჩანს, ამ გაუმაძღართა "უღელ ქვეშ", აი რაგბიშიც ისევ ჩინოვნიკი მოვიდა,კალათბურთშიც "მაგრად" არიან "მოკუჭულნი თბილ ადგილებზე",ფეხბურთშიც განუკითხაობაა,მოდის ახალი თაობა,ხალხის არჩევით,ნებით....მაგრამ არასაკმარისად როტაციით და ვეჭვობ "ფულისტი არაფრისმკეთებლები"გასრესენ" ქართული სფორტის მომავალს, თუ ერთად არ "შევებრძოლებით" .
"ყველაზე სამწუხარო, შენი სასოწარკვეთის ეს დონეა" - ბასილაშვილის პასუხი იმ ადამიანს, რომელმაც გარიგებულ მატჩებში დაადანაშაულა
ლეგენდარული რაფაელ ნადალი "რეალის" დირექტორთა საბჭოს წევრი გახდა
"მეტოქე შესანიშნავად თამაშობდა" - ბასილაშვილს კარგი გარჯა ალკარასმაც შეუქო
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
უკრაინასთან მატჩში საქართველოს ნაკრების შემადგენლობა ცნობილია
U17. საქართველოს ნაკრები საკვალიფიკაციო ეტაპის A ლიგაში გავიდა
"მერაბმა ლამაზად შეუსრულა - უსმანი ყველა ფრონტზე დამარცხდა" - ამბობს დაღესტანელი პრომოუტერი
საქართველოს ნაკრებმა პირველი ვარჯიში თბილისი არენაზე გამართა
216 სანტიმეტრი სიმაღლის ცენტრით - ჯიკიჩმა ნოემბრის სანაკრებო მატჩებისთვის გაფართოებული შემადგენლობა დაასახელა
საბა ლაზიშვილი: უმართან ბრძოლა ჩემთვის პირადულია, რადგან კულისებს მიღმა ისეთი რაღაცები მოხდა...
ერლინგ ჰოლანმა შესაძლოა, ზაფხულში "სიტი" დატოვოს
დვალიშვილის თხოვნის შემდეგ, უსმან ნურმაგომედოვი და მისი თანაგუნდელები აბუ-დაბის ციხიდან გაათავისუფლეს
[VIDEO] "ილიასთან მთელი ცხოვრების გატარება მინდოდა... ურთიერთობის გაგრძელება ამას ნიშნავდა" - თოფურიას ყოფილმა მეუღლემ საჯაროდ განქორწინებაზე პირველად ისაუბრა
რომელუ ლუკაკუმ 33 წლის ასაკში სანაკრებო კარიერა დაასრულა
მილევსკიმ უკრაინა ანდორას დონეზე დააყენა და ჩვენ უფრო ცუდ დღეში მოგვიხსენია - მაშინ სადაა საქართველოს ნაკრები?!
რამოსი კვლავ ლა ლიგაში? - ლეგენდარულ ესპანელს ახალი ვარიანტი აქვს
მესი კვლავ არგენტინის ნაკრებში და უკვე სხვა როლით? - ლეოს ახალი წინადადება აქვს
წლის რჩეული მამაკაცი - საფრანგეთში ამ პრიზის მფლობელი კვარაცხელია გახდა