<p><p>სესკი სამსაჯო სკანდალში გაეხვა</p> <br> <p>ის, რომ სამშაბათს, „არსენალისა“ და „ევერტონის“ შეხვედრის შესვენებისას, გასახდელებისკენ მიმავალ გვირაბში „მეთოფეთა“ კაპიტანი სესკ ფაბრეგასი მსაჯს მიეჭრა და უყვირა „ლელოს“ მკითხველს კარგად მოეხსენება, მაგრამ აქამდე ცნობილი არ იყო კერძოდ რა თქვა ესპანელმა ვარსკვლავმა. თუ გახსოვთ, ვწერდით, რომ „ევერტონის“ მწვრთნელმა, დევიდ მოიესმა ამის შესახებ მატჩის დამთავრების შემდეგ, პრესკონფერენციაზე ილაპარაკა, ოღონდ ფაბრეგასის სიტყვები არ გაიმეორა - დაე, საზოგადოებას თავად მსაჯმა უთხრას რა აპატია „არსენალის“ კაპიტანსო - მოიესი ბრაზობდა, რომ ფაბრეგასს იქვე, გვირაბში არ ამოუღეს წითელი ბარათი. და აი, ახლა გაირკვა თუ რა უთხრა ფაბრეგასმა არბიტრ ლი მეისონს. ესპანელს უყვირია: „რამდენი გადაგიხადეს?“ და შემდეგ ევერტონელებზე უთქვამს, თაღლითობენო.</p><p>შეგახსენებთ, რომ „არსენალმა“ ის შეხვედრა მაინც მოიგო, 2:1. ეპიზოდი, რომლის გამოც ფაბრეგასი აღშფოთდა და მსაჯს მექრთამეობა დასწამა სწორედ ის გახლდათ, როდესაც ლივერპულის გუნდმა, კერძოდ კი მისმა ფრანგმა თავდამსხმელმა ლუი საამ ანგარიში გახსნა. ტელეეკრანზე, მით უფრო გამეორებების დროს, კარგად გამოჩნდა, რომ საა თამაშგარე მდგომარეობაში იყო.</p><p>მაშ ასე, ფაბრეგასი აღშფოთდა და, როგორც გაირკვა, მსაჯს შესვენებისას გვარიანი შეურაცხყოფაც მიაყენა, თუმცა მეისონმა ესპანელს არც წითელი ბარათი ამოუღო და მეტიც, ეს ამბავი არც პატაკში შეუტანია. შესაბამისად, ქვეყნის ფეხბურთის ასოციაციას არანაირი მიზეზი არ აქვს, ინციდენტი რომ გამოიძიოს და ფაბრეგასი დასაჯოს. არის მხოლოდ ერთი ვარიანტი - „ევერტონმა“ უნდა იჩივლოს.</p><p>ფაბრეგასმა ჟურნალისტებთან შეხვედრისას თქვა: „ერთადერთი, რისი თქმაც შემიძლია ის გახლავთ, რომ მე ყველა არბიტრს პატივს ვცემ. მათი საქმე ძალიან რთულია, ხოლო გადაწყვეტილება საბოლოო. დიახ, შესვენებისას ძალიან განაწყენებული ვიყავი. განაწყენებული გახლდათ სტადიონზე შეკრებილი 60 ათასი ჩვენი გულშემატკივარიც. დაბლა, მოედანზე, ორივე გუნდის აღელვებული ფეხბურთელები ერთმანეთს რაღაცებს უძახდნენ და ასეთ პირობებში გავედით გვირაბში.</p><p>მე „არსენალის“ თავგადაკლული ქომაგი ვარ და როგორც ყველა ფეხბურთელს მინდა ყოველ შეხვედრაში გავიმარჯვო, ასე რომ ხშირად, მომენტის ემოცია რაღაცებს მათქმევინებს ხოლმე“.</p><p>შეგახსენებთ, რომ „არსენალი“ შემდეგი სამი კვირის განმავლობაში სამირ ნასრის გარეშე ითამაშებს. გარდა ამისა, გუნდის ხელმძღვანელობა ექიმებისგან ალექს სონგის დიაგნოზსაც ელის. სონგი სწორედ „ევერტონთან“ შეხვედრაში დაშავდა. შაბათს „მეთოფეებს“ „ნიუკასლთან“ აქვთ თამაში და მიუხედავად იმისა, რომ იმავ ევერტონთან კოჭი იტკინა, მოედანზე იქნება. აი, ლუკაშ ფაბიანსკის კი არ არის გამორიცხული მხარზე ოპერაცია დასჭირდეს და თუ ასე მოხდა... ნოემბრამდე ვეღარ ითამაშებს.</p><p></p></p>
ერლინგ ჰოლანმა შესაძლოა, ზაფხულში "სიტი" დატოვოს
ოფიციალურად: "კრისტალ პალასს" ახალი მთავარი მწვრთნელი ჰყავს
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
"ბარსელონამ" ესპარტს ხელშეკრულება გაუხანგრძლივა
"რეალმა" კურტუას კონტრაქტი გაუგრძელა
პოჩეტინომ "მანჩესტერ იუნაიტედის" მთავარ მიზანზე ისაუბრა და ბავშვობის კერპი დაასახელა
კონტემ განმარტა, რატომ დატოვა "ინტერი" საჩემპიონო სეზონის შემდეგ
"ბარსელონა" გერმანიის ნაკრების მცველის შეძენას შეეცდება
ანგისას "ნაპოლიდან" წასვლა უნდა
"როგორც იქნა, გვირაბის ბოლოს სინათლე გამოჩნდა" - ჯორჯო კიელინიმ იტალიის ნაკრებზე ისაუბრა
"არსენალი" ზამთრის სატრანსფერო ფანჯარაზე 2 შემტევის დამატებას გეგმავს
მესიმ არგენტინის ფეხბურთის ასოციაციის ხელმძღვანელობასთან კავშირი გაწყვიტა
"ყველაზე მეტი ამ მწვრთნელისგან ვისწავლე, ის ჩემთვის მისაბაძი მაგალითი იყო" - ლუის ენრიკე
[VIDEO] ბითაძის 20 წუთი - "ორლანდოს" 4-მატჩიანი მოგებათა სერია "ფილადელფიასთან" შეწყდა
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
საბო: დავითაშვილს უნდა ვუმადლოდეთ - კითხვა მაქვს ქართველთა მეკარესთან
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა