<p>"რუსთავი" საკონტროლო მატჩს სომხურ "მიკასთან" 6 თებერვალს, "ფოლადის" სტადიონზე გამართავს <br> უმაღლესი ლიგის გუნდების მსგავსად, სეზონის განახლებისთვის აქტიურად ემზადებიან პირველი ლიგის გუნდებიც და ამ მხრივ, არც "რუსთავია" გამონაკლისი. შეგახსენებთ, რომ ეს გუნდი, ფაქტობრივად, ამ სეზონის დაწყებამდე რამდენიმე დღით ადრე დაარსდა, პატრონობა კი საკუთარ თავზე ქალაქ რუსთავის მერიამ აიღო...</p><p>დებიუტანტის კვალობაზე, "რუსთავს" პირველ წრეში ურიგოდ ნამდვილად არ უთამაშია: ადგილობრივი სპეციალისტის, <strong>გიორგი მიშველიძის </strong>ხელმძღვანელობით მოასპარეზე გუნდი ზამთრის პაუზას VI ადგილზე შეხვდა. განსაკუთრებით წარმატებული გამოდგა პირველი წრის დასკვნითი ნაწილი, როცა "რუსთავმა" ზედიზედ 7 წაუგებელი მატჩი ჩაატარა.</p><p>მეორე წრისათვის მზადება კი "რუსთავმა" 10 იანვრიდან დაიწყო და იქიდან მოყოლებული, გუნდი ადგილზე, "ფოლადის" სტადიონზე ვარჯიშობს; და არა მხოლოდ ძირითადი გუნდი: აქვე ემზადება სეზონის განახლებისთვის "რუსთავი II" - მეორე ლიგის აღმოსავლეთ ზონაში მოასპარეზე გუნდმა პირველი წრე IV ადგილზე ჩაამთავრა.</p><p>ისიც უნდა აღინიშნოს, რომ ასევე ადგილობრივი სპეციალისტის, <strong>მამუკა ყაულაშვილის</strong> ხელმძღვანელობით მოასპარეზე ახალგაზრდულმა გუნდმა პირველი წრის ფინიშზე ზედიზედ 6 მატჩი მოიგო.</p><p>მოკლედ, ორივე გუნდმა პირველ წრეში საკუთარი შესაძლებლობების მაქსიმუმი უჩვენა, მაგრამ კლუბის ხელმძღვანელებს სამომავლოდ ბევრად უფრო ამბიციური გეგმები გააჩნიათ: ძირითადმაც და მეორე გუნდმაც სეზონი პირველ სამეულში უნდა დაასრულონ!</p><p>აი, ასეთი ამოცანა დაუსახეს ორივე გუნდის სამწვრთნელო შტაბს კლუბის დირექტორმა <strong>ბადრი მაჭავარიანმა</strong> და სპორტულმა დირექტორმა <strong>ლევან სილაგაძემ</strong><strong>.</strong> თავის მხრივ, კლუბის ხელმძღვანელობაც ყველაფერს აკეთებს, ორივე გუნდი სრულფასოვნად რომ მოემზადოს ახალი სეზონისათვის: დასუფთავდა საშხაპეები და სატრენაჟორო დარბაზი, ასევე დასუფთავდა და მოწესრიგდა სტადიონის ტერიტორიაზე არსებული ის ობიექტი, სადაც ფეხბურთელები შეკრების დროს იცხოვრებენ.</p><p>ასევე მოგვარებულია კვების საკითხიც და, საერთოდაც, "ფოლადის" სტადიონის დირექცია (<strong>თამაზ გაბრიჭიძე, მერაბ კოპალიანი</strong>) მაქსიმალურად ცდილობს, გვერდში დაუდგეს ახლად დაარსებულ კლუბს; ასევე დიდ ყურადღებას იჩენს კლუბის მიმართ რუსთავის სპორტის სამსახურის ხელმძღვანელი <strong>ბაჩო ხაჩიძე</strong>, რომელიც ხშირად სტუმრობს "ფოლადს".</p><p>ამ ცოტა ხნის წინათ კი სტადიონს ქალაქ რუსთავის მერი <strong>დავით ჯიქია </strong>სტუმრობდა, რომელიც დეტალურად გაეცნო კლუბში მიმდინარე პროცესებსაც და "ფოლადზე" მომხდარ სასიკეთო ძვრებსაც. ყველაფერს თავი რომ დავანებოთ, საკმაოდ დიდი ხნის პაუზის შემდეგ რუსთავის სტადიონს შეუფერხებლად მიეწოდება ელექტროენერგია, ბუნებრივი აირი და წყალი...</p><p>პირველი წრის შემდეგ გუნდში უმნიშვნელო ცვლილებები მოხდა: მეკარე <strong>დავით ლეგაშვილი</strong> (ჩინებულად რომ ჩაატარა ყველა მატჩი) "დილაში" გადავიდა, საყრდენი ნახევარმცველი <strong>გიორგი კილასონია</strong> კი - "სიონში". ახალწვეულიც ორია და ორივე რუსთავის საფეხბურთო სკოლის აღზრდილია: <strong>ბექა ზაქრაძე</strong> და <strong>რევაზ ბარამიძე</strong>.</p><p>მეორე წრისთვის მზადების პერიოდში "რუსთავმა" 5 საკონტროლო მატჩიც ჩაატარა: სტუმრად "სიონს" 3:2 მოუგო (გოლები: <strong>ლევან ბერუაშვილი, ვანო შენგელიძე, გიორგი ჩიკვაიძე</strong>), "ვიტ ჯორჯიას" კი - 2:0 (გოლები: <strong>ბაჩო გოცაძე, ბექა ზაქრაძე</strong>); ამის შემდეგ გუნდმა საკუთარ მოედანზე "ცხინვალის" დუბლებთან 2:3 (გოლები: <strong>ზვიად მეტრეველი, გურამ მინდორაშვილი</strong>) წააგო, მერე კი ზედიზედ ორი ფრე ითამაშა "მარკ სტართან" (0:0, 2:2, გოლები: <strong>გიორგი გოცაძე, ზაზა ციცქიშვილი</strong>).</p><p>აქვე, ისიც უნდა ვთქვათ, რომ ამ საკონტროლო მატჩებში "რუსთავის" მთავარი მწვრთნელი გიორგი მიშველიძე ხშირად მიმართავს როტაციას და თავის გამოჩენის საშუალებას მეორე გუნდის ფეხბურთელებსაც აძლევს.</p><p>სეზონის განახლებამდე "რუსთავი" კიდევ ჩაატარებს რამდენიმე საკონტროლო მატჩს. განსაკუთრებით დიდ ინტერესს იწვევს სპარინგ-შეხვედრა სომხურ "მიკასთან", რომლის მთავარი მწვრთნელიც ახლო წარსულში ცნობილი ცენტრფორვარდი <strong>სერგეი იურანი</strong> გახლავთ, კლუბის პრეზიდენტი კი სომხური ფეხბურთის ცნობილი ლეგენდა <strong>ხორენ ოგანესიანია</strong>. ეს საკონტროლო მატჩი შაბათს, 6 თებერვალს, "ფოლადის" სტადიონზე 12 საათზე დაიწყება.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ramo
ძან კაი რუსთავში რო ემზადება დინამოს ოქროს თაობას არ უვლია თურქეთებში და კიდე სახვაგან მარა კი მოიგო თასების თასი
rustavi
cota meti piroba rustavs da es gundi aucileblad gadmova umagles ligashi ,,, imedia amis uplebas miscems federacia da rustavs umaglesis gareshe ar datoveben,, mixedet rustavs
ფრე წყალტუბოში: "გარეჯის" თავურები
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"დინამო თბილისი": სამი გოლი, სამი ქულა
"კვარას" ბარკოლა შეცვლის - "ანჟესთან" მატჩში პსჟ-ს სასტარტო შემადგენლობა ცნობილია
ბუნდესლიგა ხმაურიანი მატჩით იხსნება - "ბაიერნი" "ლაიფციგს" უმასპინძლებს
"ამ ფეხბურთელმა ნამდვილად გამაოცა" - ოდეგორმა თანაგუნდელი გამოარჩია
ოფიციალურად: მატიჩი კარიერას სერია A-ში გააგრძელებს
"დარწმუნებული ვარ, ფორმაში შესასვლელად დიდი დრო დასჭირდება" - უოლკოტმა დიოკერეშზე ისაუბრა
"ნიუკასლის" ფეხბურთელი რომ ვიყო, ისაკის გუნდში დაბრუნება არ მენდომებოდა" - უეინ რუნი შვედი თავდამსხმელის სატრანსფერო საგას გამოეხმაურა
ქართველები ევროტურნირებზე - "სლოვანის" მარცხი, სიგუას დებიუტი
სფფ-ის ტექნიკური ცენტრი "ავაზა" გაიხსნა
[PHOTO] დაფრინავდნენ უნიტაზები, ფეკალიები, ქვები, ჯოხები - არიან დაჭრილები, 300 ფანი კი დაპატიმრებულია
[VIDEO] საქართველოს ნაკრებმა ბოლო სპარინგიც წააგო - რა იქნება ევრობასკეტზე?
სპერციანმა ინგლისური კლუბი უარით გაისტუმრა
ლუის ენრიკე: დონარუმა? კრიტიკა მესმის, თუმცა...
საქართველოს მეტოქეები მსოფლიო ჩემპიონატის შესარჩევისთვის უკრაინითა და დანიით შეივსო
"მის ჩანაცვლებას ვცდილობდით, მაგრამ ეს შეუძლებელია" - დე ლაურენტისმა კვარაცხელიაზე ისაუბრა
ჯიკიჩმა შემადგენლობა 3 მოთამაშით შეკვეცა
"ტოტენჰემი" სავინიოს სანაცვლოდ 80 მილიონს იხდის - რას გადაწყვეტს "მანჩესტერ სიტი"?
"საფონოვმა ეს სურვილი დააფიქსირა" - ფრანგი ჟურნალისტი რუსი მეკარის მომავალზე წერს
"ყველაფერი კარგად იყო, მაგრამ შემდეგ მბაპე და ნეიმარი მოვიდნენ" - დრაქსლერმა პსჟ-ში გატარებული პერიოდი გაიხსენა
მატჩის დღე! ხვიჩა კვარაცხელია განაცხადში არაა
"არსენალმა" "ტოტენჰემს" მთავარი სატრანსფერო სამიზნე წაართვა - ეზეს მომავალი გაირკვა
შექმნილი ვითარება ხვიჩა კვარაცხელიას "ლოკომოტივში" გადასვლაში ხელს არ შეუშლის
"მარგვეთი 2006": მცირე პერიოდში ეს ძალიან სერიოზული პროგრესია...
"რუსთავის" დირექტორი: "ბარსელონა" აგებს შინ და ჩვენ თუ მარტვილში ვაგებთ, გარიგებაა?!
ვინ სად გადავიდა? - ბოლო სატრანსფერო დღის გარიგებები
ბესიკ ჩიმაკაძე "რუსთავისთვის" გაიტანს
რუსთავიდან თავრიზში - კახა კაკაშვილი ირანულმა გუნდმა წაიყვანა
საქართველოს ორი ჩემპიონი ერთმანეთის პირისპირ - შესამჩნევი იაპონელი და განელებზე კარგი შთაბეჭდილებით
ახალგახსნილ დარბაზში მასპინძელმა "რუსთავმა" "დელტასთან" ბოლო წამზე წააგო
როგორი იქნება 2017 წელს ქართული ფეხბურთი? სფფ-მ და კლუბებმა ქობულეთში იბაასეს
48 მლნ ევრო მცველში - მადრიდის "რეალმა" მესამე ტრანსფერი განახორციელა
I ლიგა. XI ტური: ნაცნობ-უცნობი სახეები
საქართველოს ჩემპიონატი. I ლიგა. XIV ტური: შედეგი საუკეთესო თავდაცვით
ლევან სილაგაძე: "რუსთავი" თავის ადგილს დაიბრუნებს!
I ლიგა: "რუსთავი" - ახალი გუნდის ახალი ცხოვრება
"რუსთავის" დირექტორი: "ლოკომოტივს" კვარაცხელიას თაობაზე არ მოუმართავს, მათ კონტრაქტის გამოსყიდვის პრიორიტეტული უფლება აქვთ
ისაკი გუნდთან ერთად ვარჯიშს არ აპირებს - "ნიუკასლმა" შვედი დააჯარიმა
საქართველოს ჩემპიონატი. I ლიგა: ახალწვეულთა დომინაცია
"ზესტაფონი": პლუს გიორგი ვასაძე, მინუს ალექსი ბენაშვილი
განახლებული "ვიტ ჯორჯია" უმაღლეს ლიგაში დაბრუნებას უმიზნებს
გოჩა ხოჯავა: დიდი ფეხბურთი მომენატრა და ძალიან მინდა, რომ დავბრუნდე
"რუსთავმა" თსუ-ს იოლად მოუგო და სუპერლიგის ჩემპიონს ერთი მატჩი გაარკვევს
რამდენს მიიღებს "რუსთავი" ხვიჩა კვარაცხელიას ტრანსფერიდან ?
პსჟ-ს, შესაძლოა, ტრანსფერების განხორციელება აეკრძალოს
"კავკასიამ" და "რუსთავმა" იმარჯვეს და სუპერლიგის ლიდერ "ოლიმპს" გაუთანაბრდნენ
საქართველოს ჩემპიონატი. I ლიგა. I ტური: ნეტავ, უმაღლესშიც შემცირდებოდეს...
ვარლამ კილასონია: გვენდობიან და ამიტომაც არიან ჩვენთან...
პლეიოფები: "გაგრა" და "თელავი" ისევ კრისტალბეთ ეროვნულ ლიგაში ითამაშებენ
"შუქურა" მეოთხე ლიგაში დააქვეითეს - ეროვნული ლიცენზირების შედეგები
პირველი ლიგა: რუსთავური ამბიცია
მიხაილ გორელიშვილი გორის "დილაში" დაბრუნდა
დუეინ უეიდმა "კლივლენდი" აირჩია