<p>დღეს ანკარაში მიმდინარე ტურნირზე გუნდური პირველობის დღეა <br> მსოფლიოს ვიცე-ჩემპიონმა <strong>ქრისტინე ესებუამ</strong> ანკარაში მიმდინარე მშვილდოსანთა ზამთრის მსოფლიოს პირველობაზე კი გაიბრძოლა, მაგრამ პირად პირველობაში მაინც ნაადრევად დავასრულეთ გამოსვლა და უმედლოდ დავრჩით.</p><p>ჩემპიონატი 2 მარტს დაიწყო და მაშინვე გაიმართა პლეი ოფის საწყისი ეტაპი, რაც ჩვენებიდან მხოლოდ ესებუამ გადალახა. თუმცა ისიც თანაგუნდელს, ევროპული თამაშების ვიცე-ჩემპიონ <strong>ხათუნა ნარიმანიძეს</strong> ხვდებოდა, გუშინ კი პლეი ოფის მეორე წრეში ესებუამ უკრაინელი ლიდია სიჩენიკოვაც დაამარცხა - 6:4.</p><p>ეს პაექრობა გარდამავალი უპირატესობით წარიმართა - ჩვენმა ჩუბინმა მოიგო პირველი და მესამე სერიები (თანაც, ორივე ერთნაირი ანგარიშით, 30:29), უკრაინელმა - მეორე და მეოთხე (30:27; 28:27). წესით, გადამწყვეტი სერიის მოგება ესებუას უწევდა და ლოგიკური ჯაჭვი არც მან დაარღვია - 28:27 მოიგო.</p><p>სამწუხაროდ, მეოთხედფინალმა მას სახეირო ვერაფერი მოუტანა - ჩვენი მსროლელი გერმანელ ლიზა უნრუსთან 4:6 დაამარცხდა. ამ შეხვედრის პირველი სერია გერმანელმა მოიგო - 29:27, რასაც ესებუას გაბრძოლება მოჰყვა. ჩვენებურმა ჯერ ზედიზედ ორი სეტი დაამთავრა ფრედ და ორივე 29:29, მეოთხეში კი 30:29 იმარჯვა და საერთო ანგარიშიც გაათანაბრა: 4:4. თუმცა დამატებით სერიაში უფრო მობილიზებული გერმანელი გამოდგა და 29:26 მოიგო.</p><p>უნრუმ ნახევარფინალში უკრაინელი ვერონიკა მარჩენკოც დაამარცხა და ფინალში პოლონელ ნატალია ლესნიაკს შეხვდება. ბრინჯაოსთვის მარჩენკო და იტალიელი კლაუდია მანდია იბრძოლებენ.</p><p>ვაჟთა შორისაც ერთი მონაწილე გვყავდა დარჩენილი - ყველაზე ახალგაზრდა <strong>ზურაბ მესტვირიშვილი</strong>, თუმცა ისიც განწირული ჩანდა, რადგან მეტოქედ საკვალიფიკაციოს მომგები ამერიკელი ბრედ ელისონი ჰყავდა.</p><p>ელისონმა წინა წრეში <strong>ლაშა ფხაკაძესაც</strong> მოუგო და მესტვირიშვილსაც 7:3 სძლია. მესტვირიშვილმა ის კი შეძლო, რომ ფრედ დაასრულა მეორე (30:30) და მოიგო მეოთხე (30:29), დანარჩენები კი წააგო.</p><p>ელისონმა მეოთხედფინალში <strong>ჯაბა მოსეშვილის</strong> მძლეველ ბელორუს ალექსანდერ ლიანუშევსაც აჯობა, მაგრამ ნახევარფინალში უკრაინელ სერგეი მაკარევიჩთან წააგო. ვაჟთა შეჯიბრება უკრაინელთა საშინაო საქმედ იქცა - ფინალში მაკარევიჩის მეტოქე თანაგუნდელი ჰეორჰი ივანიცკი იქნება.</p><p>დღეს ჩემპიონატში გუნდური პირველობის დღეა. შეგახსენებთ, რომ პლეი იოფში ჩვენი ოთხივე ნაკრები მოხვდა. ქალები, რომლებიც პლეი ოფში მეხუთე ადგილით გავიდნენ, იტალიელებს შეხვდებიან, ხოლო მეექვსეადგილოსანი ვაჟები - გერმანელებს. ახალგაზრდებში გოგოების მეტოქე და ბიჭებისაც საფრანგეთია.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
koba
ქრისტინე ესებუა 8 საუკეთესოში მოხვდა, რაც არ უნდა იყოს ცუდი შედეგი...
koba
მესტვირიშვილი კარგი მსროლელია სავარაუდოდ. ბევრი ათიანში გაარტყა. უბრალოდ მეტოქე აღმოჩნდა ძალიან ძლიერი. წარმატებები! სასიხარულოა, რომ ყველა ნაკრები კონკურენტუნარიანი გვყავს - ქალთა, კაცთა, ბიჭებიც და გოგონებიც!
მშვილდოსნობაში 2023 წლის საქართველოს თასის პირველი ეტაპი გაიმართა - გამოვლინდნენ გამარჯვებულები
თეა წულუკიანი მშვილდოსნობის ფედერაციას შეხვდა
მშვილდოსნობა. მსოფლიოს ჩემპიონატი: დედა-შვილი ერთად იასპარეზებს
გუგეშაშვილი "პაოკში" წარადგინეს - ძირითადი მეკარე გუნდს ტოვებს
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
ევროპის დიდი პრიზი: ქართველი მშვილდოსანი ქალების მორიგი წარმატება
ანტალიის ტურნირი: ჩვენი ქალებიდან საუკეთესო ქრისტინე ესებუა იყო
მშვილდოსნობა. მსოფლიოს ჩემპიონატი: დედა-შვილი ერთად იასპარეზებს
ბიჭები ახლებურად ივარჯიშებენ - ინტერვიუ თამაზ ფუტკარაძესთან
მშვილდოსნობა. ევროპის ჩემპიონატი: ქალების ისტორიული წარმატება
მინსკი 2019: ქართველი მშვილდოსნები და მოკრივეები წარმატებულად ასპარეზობენ
მინსკი 2019: ქართველი სპორტსმენების 21 ივნისის განრიგი
მშვილდოსნობა. თურქეთის ტურნირი: ქალების მორიგი ჯილდო
მშვილდოსნობა. ევროპის ჩემპიონატი: წყვილად შემორჩნენ
საქართველოს ჩემპიონატი: ის ურჩევნია მამულსა - დედა-შვილის შერკინება
გადაკიდებული იტალია და ახალი თაობა - ინტერვიუ თამაზ ფუტკარაძესთან
ანტალიის ტურნირი: დაგვრჩა მხოლოდ ქრისტინე ესებუა
დედა შვილს არ აიყვანსო - ინტერვიუ თამაზ ფუტკარაძესთან
საქართველოს მშვილდოსან ქალთა ნაკრებმა "ევროპის დიდი პრიზი" მოიგო
ნატო ნასარიძე: ერთი ოლიმპიური ციკლი ისევ თურქეთში ვიქნები, მერე კი ვნახოთ...