ტვიტერი სახიფათოა!

ინგლისის ფეხბურთის ასოციაცია „არსენალის“ ვარსკვლავ ჯეკ უილშირს დასჯის. ინგლისის ფეხბურთის ასოციაცია „არსენალის“ ვარსკვლავ ჯეკ უილშირს დასჯის. მიზეზი: 19 წლის ფეხბურთელმა მსაჯ ფილ დოდზე ჯავრი სოციალურ ქსელ „ტვიტერში“ იყარა. სხვა საქმეა, რომ როგორც კი „ორთქლი გამოუშვა“ უილშირმა თავისი ნაწერი წაშალა და... ხელადვე ცნობილი გახდა, რომ არც ასოციაციას სდომებია მაინცდამაინც მისი დასჯა, მაგრამ ვალდებული იყო ემსჯელა.უილშირი, რომელიც ფაბიო კაპელომ ნაკრებში გამოიძახა და ოთხშაბათს, დანიელების წინააღმდეგ ამხანაგურ შეხვედრაში, სავარაუდოდ, ძირითად შემადგენლობაში ათამაშებს კიდეც, „ტვიტერში“ ჩიოდა რატომ გაგვიგდო დოდმა ნიუკასლში თამაშის დღეს მოედნიდან აბუ დიაბი და იმავე შეხვედრაში, ზუსტად ისეთივე საქციელისთვის, კევინ ნოლანი მოედანზე რატომ დასტოვაო. შეგახსენებთ, რომ ერთი ხნის წინ ასოციაციას „ლივერპულის“ ყოფილი მოთამაშის, დღეს „ჰოფენჰაიმის“ თავდამსხმელის რაიან ბაბელის დასჯა მოუხდა. მიზეზი: ჰოლანდიელმა „ტვიტერში“ მოათავსა მსაჯ ჰოვარდ ვების დამონტაჟებული ფოტო, სადაც ის „მანჩესტერ იუნაიტედის“ ფორმაში ჩაცმული. ჩელსი პენალტს იმსახურებდა ყოფილმა ინგლისელმა მსაჯმა, გრემ პოლმა, რომელიც თავის მოსაზრებებს „დეილი მეილში“ აქვეყნებს, „ჩელსისა“ და „ლივერპულის“ შეხვედრა განიხილა და იმ ორ ეპიზოდს შეეხო, როდესაც ინგლისის ჩემპიონს პრეტენზია გაუჩნდა, რომ არბიტრ ანდრე მარინერს „ლივერპულის“ კარში პენალტი უნდა დაენიშნა. პოლი წერს, რომ მარინერმა ამ ორი მომენტიდან ერთი სწორად შეაფასა მეორეში კი შეცდა, რადგან პენალტის დანიშვნა მართებდა. ფიფას ყოფილი არბიტრის აზრით ეპიზოდში, როდესაც ბურთი ლუკასს მოხვდა ხელში, ფეხბურთელს ხელი ბუნებრივად ეჭირა და, შესაბამისად, ის კი არ შეეხო ბურთს, არამედ ბურთი შეეხო მას. მეორე შემთხვევაში კი გლენ ჯონსონმა ბრანისლავ ივანოვიჩი „დაბლოკა“ და ამისათვის თერთმეტმეტრიანი უნდა დანიშნულიყო. პოლი ამბობს, რომ ამაზე მკაფიო მაგალითს თუ რა არის „ბლოკი“ ადამიანი ძნელად თუ იშოვნიდა სადმე.იყო კიდევ ერთი ეპიზოდი, როდესაც რაულ მეირელეშმა შეახო ბურთს ხელი, მაგრამ, პოლის მტკიცებით ეს ამბავი საჯარიმოს გარეთ მოხდა და მას საპენალტე სიტუაციებზე ლაპარაკისას ვერ განვიხილავთ. რომანი დასრულდა რომან პავლიუჩენკომ „ტოტენჰემის“ მწვრთნელს ჰარი რედნაპს შეუტია: „სეზონის ბოლოს „სფურზიდან“ უნდა წავიდე“.რუს თავდამსხმელს სათადარიგოთა სკამზე ჯდომა მობეზრდა და „დეზებთან“ ახალი კონტრაქტის გაფორმებაზე უარი თქვა. ფორვარდი ამბობს, რომ „უაით ჰართ ლეინზე“ ყველაფერი მოსწონს, გარდა ერთისა - რედნაპი მას სხვა გუნდში გადასვლისკენ უბიძგებს.„არ მესმის რატომ არ მათამაშებს რედნაპი. თავად ამის შესახებ არაფერს მეუბნება. გაუგებარია, იმ შეხვედრის შემდეგ, რომელშიც გოლი შევაგდე, რატომ უნდა ვიჯდე სათადარიგოთა სკამზე. ძალიან დამღალა გაუგებრობამ. ადრე საზარდულის ტრავმა მაწუხებდა, მაგრამ ბოლო ორი შეხვედრისთვის სრულიად მზად ვიყავი. მეტიც, „ფულჰემთან“ 4:0-ს რომ ვაგებდით რედნაპმა მაშინაც კი არ შემიშვა მოედანზე. არადა, ინტერვიუებში მწვრთნელი იმეორებს, რომ ვჭირდები და ჩემს გაყიდვას არ აპირებს. ჩემი აგენტი „ტოტენჰემის“ თავმჯდომარეს შეხვდა, მაგრამ ამან სასიკეთო არაფერი მოიტანა. მოედანზე თავმჯდომარე ხომ არ გამიშვებს“. მაგნიტი კარს უკან როგორც „არსენალის“ რუსი თავდამსხმელი ანდრეი არშავინი ყვება, „ნიუკასლთან“ 4:4-ის შემდეგ გასახდელში შესულმა არსენ ვენგერმა ხმა ვერ მოიღო. შეგახსენებთ, რომ „მეთოფეები“ 4:0-ს იგებდნენ.„მან საერთოდ ვერაფერი გვითხრა. ის საშინლად დაზაფრული იყო. რაა გასაკვირი, ასე იქნებოდა მის ადგილას ყველა. ფეხბურთელებიც საშინელ გუნებაზე ვიყავით. იმ საღამოს ცოტა „მანჩესტერ იუნაიტედის“ წაგებამ გამოგვაფხიზლა. საბედნიეროდ ფსიქოლოგიურად არ გავმტყდარვართ. უფლება არ გვაქვს გავტყდეთ. თუ წარმატება გვინდა ყურების ჩამოყრისთვის ვერ უნდა მოვიცალოთ. იმ დღეს კი ვერ მივმხვდარვარ რა მოხდა. რვა გოლი ერთ კარში გავიდა - თითქოს იმ კარის უკან მაგნიტი იყო დამონტაჟებული. მაგრამ, მორჩა, ნიუკასლი უკვე წარსულს ჩაბარდა“.

ტოდ ბოელიმ "ჩელსის" ხელმძღვანელის პოსტი დატოვა

პსჟ "ლივერპულის" მთავარი იმედის გადაბირებას გეგმავს

"მეგონა, კარიერას "სიტიში" დავასრულებდი" - როდრი მანჩესტერული გუნდის დატოვების მიზეზზე

სეოკ-ის აღმასრულებელი კომიტეტის სხდომა

კლოპი გერმანიის ნაკრების ძირითადი მეკარის საკითხში ჩამოყალიბდა

პსჟ "ლივერპულის" მთავარი იმედის გადაბირებას გეგმავს

"ნეიტრალური, მშვიდი ადგილი გვინდა" - დევისი და სმოლკინი ქორწილის გადახდას საქართველოში გეგმავენ

როდის იქნება თოფურია ბრძოლისთვის მზად და დაუბრუნდება ოქტაგონს - ქართველს გეიჯისთან რემატჩი სურს

"გიჟური საღამო გამოვიდა, ძალიან ბედნიერი ვარ" - მამარდაშვილი "ტოტენჰემთან" მატჩის შემდეგ "ლივერპულის" ოფიციალურ გვერდს ესაუბრა

ბასილაშვილმა თითქმის მოგებული მატჩი ბოლომდე ვერ მიიყვანა და თამაში შეწყვიტა

მესის ბოლო სანაკრებო შეკრება - ლეოს ეროვნული გუნდიდან 6 ოქტომბერს გააცილებენ

სკანდალი - უკრაინელმა ფეხბურთელმა გუნდი თვითნებურად დატოვა და კარიერას რუსეთში გააგრძელებს

[VIDEO] ალისონი აღფრთოვანებული დარჩა - რა რეაქცია ჰქონდა ბრაზილიელს მამარდაშვილის ბრწყინვალე მოგერიებაზე

ლიბერთი, ბაზისბანკ ჯგუფის წევრი GNPF Youth Open ტურნირის მხარდამჭერია

უარი უკრაინას - ქოჩორაშვილის თანაგუნდელმა შოტლანდიის ნაკრებში თამაში არჩია

"შავი ლომი" | 28 მორაგბით ინგლისში

"ღმერთო დიდებულო, როგორ უყვარს ამ ბიჭს არაერთგვაროვანი ასპარეზობა" - ინგლისური მედია მამარდაშვილის თამაშს გამოეხმაურა

[VIDEO] მამარდაშვილის დიდებული მოგერიებები - "ლივერპულმა" თასზე "ტოტენჰემს" სძლია

[VIDEO] წიტაიშვილი ლა ლიგაში პირველ გოლთან ახლოს იყო - "რაიო ვალეკანომ" "ესპანიოლს" მოუგო

"ტოტენჰემთან" მატჩში გიორგი მამარდაშვილი სასტარტოშია

ლევან კობიაშვილმა უეფას აღმასრულებელი კომიტეტის მუშაობაში მიიღო მონაწილეობა

15-ქალა რაგბი ევროპის ალაფაზე აღზევდა

ქართველმა მსაჯებმა უეფას წინასასეზონო შეკრებაში მიიღეს მონაწილეობა