- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
მომნატრებია ჭიდაობა - ინტერვიუ დავით მარსაგიშვილთან
<p>მარსაგიშვილს სპორტში დაბრუნებისკენ ოლიმპიადაზე მოხვედრის და იქ წარმატების მოპოვების სურვილმა უბიძგა <br> ევროპის ორგზის ჩემპიონი, მსოფლიოსა და ოლიმპიური ბრინჯაოს მედალოსანი <strong>დავით მარსაგიშვილი</strong> (86) სამწლიანი განშორების შემდეგ ჭიდაობაში დაბრუნდა და წინა კვირაში რიგაში, ევროპის ჩემპიონატზე ბრინჯაოს მედალიც მოიპოვა.</p><p>ამით მან ევროპირველობებზე მედლების სრული კოლექცია ააგროვა, მანამ კი იყო ბრწყინვალე გამარჯვება საქართველოს ჩემპიონატში, სადაც მთელი თავით ამაღლებული გამოჩნდა ახალგაზრდა კონკურენტებზე, და მესამე ადგილი მინსკში, ალექსანდრ მედვედის თასზე, რითაც კიდევ ერთხელ დაამტკიცა, რომ ოლიმპიადაზე წასვლის შემთხვევაში ფავორიტთა შორის იქნება.</p><p>დაბრუნდა და კვლავ იგრძნო ის "ნარკოტიკი", რასაც ჭიდაობის, შენი პროფესიის მონატრება ჰქვია. თან დაბრუნდა სხვა მენტალიტეტით, სხვა მიდგომით და აზროვნებით, რადგან, როგორც თავად ამბობს, ჭიდაობაში ყველაფერი ნახა - დისციპლინაც და უდისციპლინობაც ანუ შედარების საშუალება აქვს, თან გამოცდილებაც მოემატა და მორალურადაც დიდი სტიმული აქვს - სპორტში დაბრუნებისკენ ოლიმპიადაზე მოხვედრის და იქ წარმატების მოპოვების სურვილმა უბიძგა.</p><p>ჩვენც წარმატებებს ვუსურვებთ ამ სურვილში და მასთან ინტერვიუს გთავაზობთ, რომელიც ჩავლილ ევროპირველობას და მომავალ ოლიმპიადას ეძღვნება.</p><p><strong>- ძნელი იყო დაბრუნება სამწლიანი პაუზის შემდეგ?</strong></p><p>- მართლაც სამი წელიწადი გავიდა მას შემდეგ, რაც აქტიურ სპორტში აღარ ვარ. თავიდან ერთი სეზონი კი ვიკოტრიალე, წავედ-წამოვედი, ხოლო მერე საერთოდ არ მიჭიდავია. ახლა ოლიმპიური წელიც მოვიდა და უნდა მოინდომო - როდის, თუ არა ასეთ დროს.</p><p>დაბრუნებისთვის ოლიმპიადამ სტიმული მომცა. სპორტსმენისთვის მთავარი ოლიმპიური თამაშები და იქ წარმატების მიღწევაა. ევროპის ჩემპიონი უკვე ორჯერ გავხდი და ამ ტიტულს ჩემთვის ის მუხტი აღარ აქვს, მეტი მინდა, მეტი კი ცოტა ვარჯიშით და ცოტა მონდომებით არ გამოდის, ამაში დიდი შრომა უნდა ჩადო. უკვე ყველანაირად ვარ მობილიზებული.</p><p>ბოლო პერიოდში თან ტრავმებს ვიშუშებდი, თან ვვარჯიშობდი და მთელი ყურადღება სპორტისკენ მქონდა მობილიზებული. ღმერთის წყალობით, ტრავმები უკვე აღარ მაქვს, მოვირჩინე ბოლომდე ჩართული ვარ სპორტში. შედეგიც მივიღეთ - დასაწყისისთვის მესამე ადგილიც არაა ცუდი. შეგვიძლია ჩავთვალოთ, რომ რაღაც ეტაპი გავლილია.</p><p><strong>- ყოველ შემთხვევაში, არ მიგაჩნიათ, რომ ეს თქვენი მაქსიმუმია.</strong></p><p>- არა, რა თქმა უნდა, მაქსიმუმი არაა, მინიმუმია. უბრალოდ, დასაწყისისთვის მისაღები შედეგია.</p><p><strong>- ჭიდაობაში ბევრი რამეა შეცვლილი? კონკურენცია უფრო გაზრდილია თუ ადრე მეტი იყო?</strong></p><p>- ბევრი არაფერია შეცვლილი, მხოლოდ კონკრეტული გვარ-სახელები. რამდენიმე ახალი მეტოქეა და მეტი არაფერი. ზოგადად, მომნატრებია ჭიდაობა.</p><p><strong>- რიგაში რამ შეგიშალათ ხელი მეტის მიღწევაში თუ ამ ეტაპზე ეს თქვენი მაქსიმუმი იყო? </strong></p><p>- პატარა შეცდომა დავუშვი, რაც იქიდან გამომდინარეობდა, რომ მაკლდა ის ორწლიანი გაცდენა, აქტიურად ვერ ვიყავი ჩართული უშუალოდ ლეიბზე. შეიძლება, ფიზიკურად კარგად ვიყავი მომზადებული, მაგრამ სატურნირო პრაქტიკა მაკლდა. შარშან საერთოდ არ მიჭიდავია, შარშანწინ კი ერთი-ორი შეჯიბრება ჩავატარე.</p><p><strong>- მწვრთნელებთან თუ გქონდათ საუბარი, რამე ხარვეზებზე ხომ არ მიგითითეს?</strong></p><p>- ჯერ არ გვქონია საქმიანი შეხვედრა, ისე კი ამ შეჯიბრებას განვიხილავთ. თუმცა მე რაც ვიგრძენი ტურნირზე, ამჯერად გამძლეობით ნორმალურად ვიყავი, რაც ადრე ჩემი მთავარი პრობლემა იყო. თუმცა ამის გაუმჯობესება კიდევ შეიძლება.</p><p><strong>- თქვენს დაბრუნებას როგორი რეზონანსი ჰქონდა, იყვნენ ძველი კონკურენტები?</strong></p><p>- კი, როგორ არა, იყვნენ. შეხვედრა კარგი იყო - სიცილით და კეთილგანწყობით მხვდებოდნენ, მილოცავდნენ დაბრუნებას.</p><p><strong>- დღევანდელი კონკურენტებიდან საოლიმპიადოდ ვის გამოარჩევთ?</strong></p><p>- ალბათ, ყველაზე ძლიერი რუსი აბდულრაშიდ სადულაევი იქნება, რაც ლოგიკურიცაა - კაცმა ბოლო ორი მსოფლიოს ჩემპიონატი მოიგო და ყველაზე ძლიერია. ალბათ, კუბელი, მსოფლიოს ორგზის ფინალისტი რაინერის პერეს სალასიც ერთ-ერთი ძლიერი იქნება და ირანელი მსოფლიოს პრიზიორი ალირეზა კარიმიმაჩიანიც. მას თებერვალში მინსკში ადვილად კი მოვუგე, მაგრამ ოლიმპიადაზე სულ სხვა იქნება.</p><p>აზერბაიჯანელი კირილ გოსტიევიც გასათვალისწინებელია, თუმცა მათ ჯერ გასარკვევი აქვთ, ვის დააყენებენ, რადგან ამის გარდა, სხვებიც ჰყვათ - მაგალითად, მაგომედგაჯი ხატიევი, შარშან მსოფლიო ვინც იჭიდავა, ნურმაგომედ გაჯიევი და სხვები, მაგრამ მგონია, რომ რუსი, კუბელი და ირანელი სხვებზე მაღლა დგანან.</p><p><strong>- როგორ ფიქრობთ, საიდულაევის წინააღმდეგ როგორ უნდა იჭიდაოთ, რის ხარჯზე შეიძლება მისი დამარცხება? </strong></p><p>- უპირველესად, ფსიქოლოგიურად უნდა იყო მზად მოსაგებად და უნდა იჭიდაო. განსაკუთრებული არაფერი, მოგება უნდა გინდოდეს და მოიგებ.</p><p><strong>- საოლიმპიადოდ რა ასპექტებზე აპირებ ყურადღების გამახვილებას, რის გამოსწორებას მიიჩნევ აუცილებლად და საჭიროდ? </strong></p><p>- უნდა იყო ფორმაში, რეჟიმში და მაქსიმალური ყურადღებით სპორტისკენ. ბოლომდე უნდა იყო ჩართული ჭიდაობაში და გვერდზე რაღაც-რაღაცები არ უნდა გაინტერესებდეს, არ უნდა გადიოდე აქეთ-იქით. ყველაფერი უნდა გადადო დროებით და მაქსიმალურად იყო კონცენტრირებული ოლიმპიადისთვის.</p><p><strong>- და თქვენს შემთხვევაში როგორაა აქეთ-იქით გასვლების პრობლემა, ხართ მაქსიმალურად მობილიზებული?</strong></p><p>- უკვე ყველაფერი რიგზეა. ისიც მინახავს, როცა გავდიოდი გვერდზე და ისიც, როცა არ გავდიოდი. ამიტომ ვიცი, ბოლომდე თუ არ იქნები ჩართული ჭიდაობაში და კონცენტრაციას ამაზე არ გააკეთებ, ისე არაფერი გამოვა, შედეგი არ იქნება.</p><p><strong>- თქვენს პირად მწვრთნელ დავით ხურციასაც ნახავდით, რომელიც დღეს აზერბაიჯანის ნაკრებში მუშაობს. რა გითხრათ, კმაყოფილი იყო თქვენი გამოსვლით?</strong></p><p>- კი, ვნახე, როგორ არა. ხურცია ჩემი გამოსვლით კმაყოფილი ვერანაირად ვერ იქნებოდა, რადგან მესამეზე გავედი, თუმცა მანაც ის მითხრა, რომ ამ გაცდენილი წლების შემდეგ ეს გამოსვლა სასტარტო ტურნირად გამოდგებოდა.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
ზოიძის ვერცხლი და ლოლუას ბრინჯაო ევროპის ჩემპიონატზე
სოლომონ მანაშვილი ევროპის ჩემპიონატის ფინალში დამარცხდა
20 წ. | მსოფლიომდე ინგლისთან
თოფურია vs ოლივეირა: დიდ დაპირისპირებამდე – წინასწარი ანალიზი და მოლოდინები
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
დღეს საფრანგეთის ჩემპიონატი დასრულდება - ხვიჩას ოქრო და სხვა ქართველების ამბები...
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
[VIDEO] უმძიმესი კადრები "ელ პრატიდან" - "ესპანიოლი" "ბარსელონას" მატჩი რამდენიმე წუთით შეჩერდა
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
ზურაბ იაკობიშვილი და ელიზბარ ოდიკაძე მსოფლიოს ჩემპიონატის ნახევარფინალში გავიდნენ
რა ბედი ელის აზერბაიჯანელების ქართველ მწვრთნელს, დავით ხურციას?
ჭიდაობა. მეტოქე: მელდონიუმმა რუსი მოჭიდავეებიც ჩააგდო
იაკობაშვილი და ოდიკაძე ნახევარფინალში გავიდნენ, ხუციშვილი და მარსაგიშვილი მედლების გარეშე დარჩნენ
დავით მარსაგიშვილი: პატარა არა ვარ, ასეთი შეხვედრის წაგება არ მეპატიება
დავით მარსაგიშვილი მსოფლიოს ყველაზე მაღალანაზღაურებადი საკლუბო ჩემპიონატის ფინალშია
იაკობაშვილი და ოდიკაძე ნახევარფინალში დამარცხდნენ და ბრინჯაოს მედლებისთვის იჭიდავებენ
დავით მარსაგიშვილის საუკეთესო მომენტები ინდოეთის პრო ლიგაში [VIDEO]
იმ ილეთს არ მოველოდი - "რუსულმა ტანკმა" ქართველი მოჭიდავე შეაქო [VIDEO]
სანდრო ამინაშვილი: მთავარი დამნაშავე ტრავმები იყო
მეტოქე: ოლიმპიადის ფინალისტები - მწვრთნელებად
საპლაჟო ჭიდაობის სალიცენზიო ტურნირში საქართველოს ნაკრებმა 3 ოქროს მედალი მოიპოვა