ქართველი სამთო მოთხილამურეები ამჟამად უცხოეთში იმყოფებიან და სხვადასხვა ქვეყნის თოვლიან ტრასებზე ცდიან ძალებს
ქართველი სამთო მოთხილამურეები ამჟამად უცხოეთში იმყოფებიან და სხვადასხვა ქვეყნის თოვლიან ტრასებზე ცდიან ძალებს. განსაკუთრებით ბაკურიანელმა იასონ აბრამაშვილმა იყოჩაღა. მან ერზრუმის საერთაშორისო ტურნირებში იასპარეზა, რომლებშიც 8 ქვეყნის 70-ზე მეტი სპორტსმენი მონაწილეობდა.

პირველი ტურნირი სლალომში გაიმართა. იასონმა 1.46,75-ით მეორე ადგილი დაიკავა - ირანელ ჰოსეინ შავენ შემშაკს მცირედით ჩამორჩა. სამაგიეროდ, მომდევნო სამ ტურნირში არავის დაუთმო პირველობა: მეორე ტურნირში 1.49,10-ით ყველას აჯობა.

იმავე შეჯიბრებაში გიორგი კურტანიძემ მე-13 ადგილი დაიკავა.

მომდევნო ორი პაექრობა გიგანტურ სლალომში აბრამაშვილმა უკონკურენციოდ მოიგო (დრო: 2.26,71 და 2.26,04). გიორგი კურტანიძე, შესაბამისად, მე-19 (2.37,88) და მე-15 (2.35,70) ადგილებზე გავიდა. ორივე ქართველმა მოთხილამურემ რეიტინგები გაიუმჯობესა.

იაპონიაში ნინო წიკლაურის ამასწინანდელ წარმატებაზე უკვე ვწერდით. ნინო კიდევ ორ ტურნირში მონაწილეობდა და ორივეში (სლალომი: 1.42,52 და 1.43,74) მე-8 ადგილი დაიკავა. პირველ შეჯიბრებაში მასპინძელმა ემიკო კიიოსავამ (1.38,38), მეორეში კი საკურაკო მუკოგავამ (იაპონია, 1.41,34) გაიმარჯვა.

ავსტრიაში ასპარეზობენ სანდრო ოგბაიძე, ნიკოლოზ კოზანაშვილი, ბესარიონ ჯაფარიძე და ალექსი ბენიაიძე. ერთ-ერთ ტურნირზე კოზანაშვილი ოცდამეოთხე იყო (1.39,94), ხოლო დანარჩენებმა დისტანცია ვერ ჩაამთავრეს. პირველ ადგილზე ფინელი იუჰო დაჰლი (1.34,50) გავიდა.

ყოველდღიური სპორტული გაზეთი "ლელო"

23-წლამდელთა ევროპირველობაზე ქართველმა ფალავნებმა ჯერ 4 ოქროს და 1 ბრინჯაოს მედალი მოიპოვეს

ევროპის ახალგაზრდული ჩემპიონატი: არნახული წარმატება - 8 კაცი და 8 მედალი! [VIDEO]

ბ/რ ჭიდაობა. ახალგაზრდული ნაკრები: სასარიში დახვეტილი მედლები

თეგები:

გიორგი კურტანიძე

ნინო წიკლაური

ალექსი ბენიაიძე

იასონ აბრამიშვილი

სანდრო ოგბაიძე

ნიკოლოზ კოზანაშვილი

ბესარიონ ჯაფარიძე

გაზიარება:

(0)

/

(0)