<p>"თუ ევროთასების საგზურს მოვიპოვებთ, უეფადან შემოსული თანხებით უმტკივნეულოდ გავისტუმრებთ მოთამაშეთა სახელფასო დავალიანებას" <br> ეროვნული ჩემპიონატის უკანასკნელ ტურში გორის "დილამ" საშინაო ასპარეზზე მნიშვნელოვანი შეხვედრა მოუგო ბოლნისის "სიონს". <strong>უჩა სოსიაშვილის</strong> გუნდს ეს გამარჯვება ჰაერივით სჭირდებოდა.</p><p><a href="/fexburti/qarthuli-fekhburthi/chempionati/90557-dila-sioni-21-shin-mogebis-gemo-video.html" target="_blank"><span style="color: #0000ff;"><span style="text-decoration: underline;">დილა-სიონი 2:1 - შინ მოგების გემო [VIDEO] </span></span></a></p><p>მართალია, გორელთა საჩემპიონო შანსები ზღაპარს ჰგავს და უდიდესი ალბათობით ტიტულის დათმობა მოუწევთ, მაგრამ არის სხვა მიზანიც - ევროპალიგაზე გასვლა.</p><p>"ლელო" სოსიაშვილს დაუკავშირდა და აქტუალურ თემებზე ესაუბრა...</p><p><strong>- თავდაპირველად, "სიონთან" მატჩის შეფასება უნდა გთხოვოთ...</strong></p><p>- ჩვენთვის ეს იყო ძალიან მნიშვნელოვანი შეხვედრა. ჯერ ერთი, უშუალო კონკურენტს ვეთამაშებოდით, და მეორეც - მეორე წრეში შინ თამაში არ გვქონდა მოგებული და დიდ პასუხისმგებლობას ვგრძნობდით გულშემატკივრების წინაშე. ჩვენ ხომ მხოლოდ ჩვენთვის არ გვინდა ფეხბურთი, უპირველეს ყოვლისა, ქომაგებისთვის ვთამაშობთ... ამიტომ, ფეხბურთელებს ძალიან დიდი მოტივაცია ჰქონდათ.</p><p>ჩვენთვის უაღრესად მნიშვნელოვანია ევროპალიგის საგზურის მოპოვება. თუ ამას შევძლებთ, უეფადან შემოსული თანხებით უმტკივნეულოდ გავისტუმრებთ მოთამაშეთა სახელფასო დავალიანებას. თუ არა და... ბევრი პრობლემა გვექნება.</p><p><strong>- საინტერესოა, სეზონის დასრულების შემდეგ თუ აპირებთ "დილაში" დარჩენას?</strong></p><p>- სიმართლე გითხრათ, ახლა ამ საკითხზე საერთოდ არ ვფიქრობ. ჯერ საქმეა ბოლომდე მისაყვანი - "დილამ" წარმატებით უნდა დაასრულოს სეზონი. წარმატებაში ვგულისხმობ ევროპალიგის საგზურის მოპოვებას.</p><p>კლუბთან კონტრაქტი მაისის ბოლომდე მაკავშირებს. მერე ვნახავთ, რა და როგორ იქნება - რა ამბიციები ექნება გუნდს, რამდენად მოხერხდება შემადგენლობის შენარჩუნება... ეს ყველაფერი გასათვალისწინებელია...</p><p>ისე, არც იმას გამოვრიცხავ, რომ ნებისმიერ შემთხვევაში დავრჩე "დილაში"... მაგრამ, მოდით, ამ საკითხზე სეზონის დასრულების შემდეგ ვისაუბროთ. ახლა ჩემ წინაშე კონკრეტული ამოცანა დგას და მის გადაჭრაზე ვარ კონცენტრირებული.</p><p><strong>- თუ "დილამ" ევროპალიგის საგზური მოიპოვა, შეძლებთ ლიდერების შენარჩუნებას? დამეთანხმებით, ეს მნიშვნელოვანი პრობლემაა ქართული საკლუბო ფეხბურთისთვის...</strong></p><p>- პირდაპირ უნდა გითხრათ, რომ არსებული მოცემულობით ეს გაჭირდება. ჩვენ შეგვიძლია, ფეხბურთელები ვათამაშოთ ევროთასებზე და მერე კლუბთან ერთად მათ გადაწყვიტონ საკუთარი მომავალი.</p><p><strong>- რა ხდება კლუბში ფინანსური კუთხით? დიდია ფეხბურთელების მიმართ დავალიანება?</strong></p><p>- წინა თვეში 20 დღის დავალიანება გასწორდა. ახლა, როგორც მითხრეს, კიდევ ირიცხება ერთი თვის ფული და თუ ასეა, დარჩება ორი თვის დავალიანება.</p><p>რაც შეეხება პრემიალურ თანხას, ჩემი ინფორმაციით, ჩვენ ვერ ავიღებთ პრემიებს პირველ წრეში მოგებული თამაშებისთვის. მეორე წრეშიც პრემიების გარეშე ვთამაშობთ.</p><p><strong>- აუცილებლად უნდა გკითხოთ უზბეკი მეკარის, ალიშერ აჰმედოვის შესახებ. რა მოხდა მასთან დაკავშირებით? აჰმედოვმა თქვა, რომ მას არც კი გაესაუბრეთ, ისე გაფრინდა სამშობლოში. თურმე, არც არავინ გააცილა...</strong></p><p>- ჩვენ დავუკავშირდით მას და ჩამოვიყვანეთ. მგზავრობის ხარჯები აანაზღაურა კლუბმა. რაც შეეხება წასვლას, ჩვენ იმ დღეს ვთამაშობდით ბათუმში და ვერ გაჰყვებოდა მას ჩვენი წარმომადგენელი. აჰმედოვს ჰქონდა ტაქსის ფული, მობილურის ნომერი, რომელიც მას ჩვენ ავუღეთ...</p><p>რაც შეეხება იმას, რომ მას არ დაელაპარაკა "დილას" მთავარი მწვრთნელი, ეს არ არის სიმართლე. როცა ის გუნდში მოვიდა, გავიცანი, მოვისმინე მისი ისტორია...</p><p>ყოველდღე რატომ უნდა გვქონოდა კომუნიკაცია? ვარჯიშობდა, დაკვირვებას ვაწარმოებდით, ცდილობდა გუნდში დამკვიდრებას... ჩვენ ის გვინდოდა პირველ მეკარედ, თუმცა მან ვერ დააკმაყოფილა ჩვენი მოთხოვნები. სიმართლე ესაა - მას უნდოდა "დილაში" დარჩენა, ამბობდა, იმ ხელფასის ნახევარზეც თანახმა ვარ, რაც თავიდან შემომთავაზეთო, მაგრამ ჩვენ მასთან განშორება გადავწყვიტეთ.</p><p><strong>- დაბოლოს, უნდა გთხოვოთ საქართველოს მიმდინარე ჩემპიონატის მეორე წრის შეფასება. რა შეგიძლიათ თქვათ განვლილ ეტაპზე?</strong></p><p>- ჩემპიონატი ჯერ არ დასრულებულა, თუმცა ზოგადი შეფასების გაკეთება უკვე შესაძლებელია. ფაქტია, დაძაბულობამ იმატა. ეს განპირობებულია ფეხბურთის განვითარების სახელმწიფო პროგრამის ამოქმედებით. ყველა გუნდს გაუჩნდა ამბიცია. ზოგს უმაღლეს ლიგაში სურს ადგილის შენარჩუნება, ზოგს ევროთასებზე გასვლა უნდა...</p><p>დაძაბულობამ კი იმატა, მაგრამ სათამაშო დონეც რომ ამაღლდეს, ეს ერთ და ორ თვეში ვერ მოხდება - ხანგრძლივი პროცესია. ერთ სისტემაში უნდა მოექცეს ყველაფერი. მეტი ყურადღება უნდა დაეთმოს ბავშვთა ფეხბურთის განვითარებას, მწვრთნელების განათლებას. მოკლედ ესაა, რის თქმაც შემიძლია.</p><p><strong>ყოველდღიური სპორტული გაზეთი "ლელო"</strong></p>
დიმა
ეს ტიპი სულ წუწუნობს?
furnier
იმედია გამოსწორდება ფინანსური პრობლემები. წარმატებები!
სარეკორდო ტრანსფერი - "ტორპედომ" მამუჩაშვილი დაიმატა და გიგაური გაუშვა
"იბერია 1999"-მა კოტ-დ'ივუარის ნაკრების ფეხბურთელი დაიმატა
"დილას" იტალიელი მწვრთნელი ჩაუდგა სათავეში
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ილია თოფურიამ სასურველი მეტოქე დაასახელა
[VIDEO] "რეალის" ლამაზი გოლები "ზალსბურგთან" - ალონსოს გუნდმა ჯგუფში პირველი ადგილი დაიკავა და "იუვენტუსს" შეხვდება
"ლივერპულმა" "ნაპოლის" თავდამსხმელი ძვირად დაუფასა
"დილა" სუპერთასის პირველი ფინალისტია
Tutto Juve: ეს შანსი გამოსაყენებელია - მიქაუტაძის შეძენის სურვილი იტალიურ გრანდსაც აქვს
ლუნინი "რეალს" მხოლოდ ერთ შემთხვევაში დატოვებს
ფედელე: კვარაცხელიას შეცვლა? - მხოლოდ ღმერთის იმედი უნდა გვქონდეს
2022 წლის შემდეგ პირველად - ნიკოლოზ ბასილაშვილი უიმბლდონის ძირითად ბადეში ითამაშებს
რონალდომ "ალ ნასრთან" კონტრაქტი გაახანგრძლივა
ისტორიული დაპირისპირება: საქართველო ირლანდიის წინააღმდეგ მიხეილ მესხის სტადიონზე - ემოციები და მოლოდინები
კასანომ "ნაპოლის" კვარაცხელიას შემცვლელი ურჩია
"ალ ნასრმა" სტეფანო პიოლი გაათავისუფლა
"მანჩესტერ იუნაიტედმა" და "ჩელსიმ" შესაძლოა ფეხბურთელები გაცვალონ
ზაზა ფაჩულიას აკადემია 14-წლამდელთა ჩემპიონატის გამარჯვებულია | მენსანა ვერცხლს დასჯერდა
"თუ მოიგებ, ოქტაგონს შენი სახით მოვწმენდ" - რატომ დაუპირისპირდნენ თოფურია და ცარუკიანი ერთმანეთს?
ქომაგის რეაქცია, მას შემდეგ, რაც დრაფტზე მისმა გუნდმა რუსი კალათბურთელი აირჩია - ვიდეო სოციალურ ქსელში ვირუსულად ვრცელდება [VIDEO]
მესიც საუდის არაბეთში? - "ალ ჰილალის" პრეზიდენტმა მოლაპარაკებები დაიწყო
ტეო ერნანდესი "მილანიდან" "ალ ჰილალში" გადავა
"წაეთრიე" - "ლიონის" ფანები კლუბის ამერიკელ მფლობელს აუმხედრდნენ
"რუსთავში" რევაზ ძოძუაშვილი იმუშავებს
"სიონის" მწვრთნელად სოსიაშვილი დანიშნეს
"სანამ კინი "ტორპედოს" მწვრთნელია, "ჯუნგლები" ტრიბუნას ვტოვებთ" - "ტორპედოს" ფანების განცხადება [PHOTO]
გორის "დილას" კარს უზბეკეთში ცნობილი მეკარე დაიცავს
"შუქურა" უჩა სოსიაშვილმა დატოვა
მას ლიგა 1-ში 146 მატჩი აქვს ჩატარებული - გორის "დილამ" გამოცდილი მცველი დაიმატა
გორის "დილა" მთავარმა მწვრთნელმა დატოვა - მოტამ დემჩენკოს მსგავსი პუნქტით ისარგებლა და სომხური გუნდი ჩაიბარა
"სიონი" გიორგი ჭელიძემ ჩაიბარა
"სამგურალის" მწვრთნელად უჩა სოსიაშვილი დანიშნეს
ჩხუბი ფეხბურთელებს შორის მოედანზე - "დილას" ამხანაგური მატჩი უკრაინულ გუნდთან აღარ გაგრძელდა
სეზონის დაწყებიდან ეროვნული ლიგის გუნდი მეორე მწვრთნელმა დატოვა
"იბერია 1999"-მა და "დილამ" მოიგეს, ფოთში ფრე დაფიქსირდა
"გადავწყვიტეთ მივმართოთ ფედერაციას თხოვნით, რომ კანკავას წითელი ბარათი გაუქმდეს" - გორის "დილას" განცხადება