<p>კანონზომიერი, მაგრამ რთული მატჩები <br> "ატლანტას" კალათბურთელებმა, რომლებმაც "ბოსტონთან" პირველი წრის სერიაში მეტოქეს სამქულიანების მხოლოდ 27 პროცენტი ჩააგდებინეს, მთლიანად ჩააგდეს "კლივლენდთან" მატჩის პირველი ნახევარი და ყველას ეგონა, რომ მეორე ტაიმში თამაშს ინტრიგა აღარ ექნებოდა.</p><p>"კავალიერზს" ბრწყინვალე გუნდური თამაში გამოუვიდა: 51-დან 40 ქულა მასპინძლებმა შედეგიანი გადაცემების შემდეგ მოაგროვეს და სამქულიანების 50 პროცენტი გამოიყენეს.</p><p>"კლივლენდი" ძალიან კარგად მოქმედებდა ჯეფ ტიგის წინააღმდეგ, რომელმაც 10 ქულის მოგროვებაც ვერ შეძლო, კაილ კორვერს კი 37 წუთში მხოლოდ ერთი სამქულიანი ასროლინეს. ამ ყველაფერმა ის გამოიწვია, რომ მესამე მეოთხედის ბოლოსკენ, მასპინძლების უპირატესობა 18 ქულას შეადგენდა და გამარჯვებულის საკითხიც ყველას მოგვარებული ეგონა.</p><p>როგორც ჩანს, იგივე იფიქრეს "კლივლენდის" კალათბურთელებმა და კინაღამ დაისაჯნენ ამის გამო. მათ გამოეპარათ "ატლანტას" სათადარიგო გამთამაშებლის დენის შრიოდერის აქტიურობა. ახალგაზრდა გერმანელმა ათიდან ხუთი სამქულიანი ჩააგდო და პლეი ოფში შედეგიანობის პირადი რეკორდი დაამყარა (27 ქულა). სწორედ ის იყო 16:3 გაქცევის მთავარი გმირი, რითაც "ჰოქსი" თამაშში დაბრუნდა.</p><p>ბოლო მეოთხედში სტუმრებმა წინ გასვლაც კი შეძლეს, მაგრამ იმის ნაცვლად, რომ ლოკალური წარმატება განევრცოთ, მთლიანად აურიეს თამაში. ბოლო ოთხ წუთში მათ სამჯერ დაკარგეს ბურთი და თამაშიდან მხოლოდ ორი ბურთი ჩააგდეს, თან მთლიანად დაუთმეს საკუთარი ფარი მეტოქეს. შედეგად, "კლივლენდმა" 17:5 გაქცევა მოაწყო და უკან აღარ მოუხედავს.</p><p>ლებრონ ჯეიმსი 25 ქულით ყველაზე შედეგიანი იყო თავის გუნდში. "კლივლენდის" ლიდერმა პლეი ოფში 120-ე შეხვედრა მოიგო, რითაც ამ სტატისტიკურ კატეგორიაში თვით მაიკლ ჯორდანს გაუსწრო.</p><p><strong><em>კლივლენდი-ატლანტა 104:93</p><p></em></strong>30:19, 21:22, 23:29, 30:23</p><p>კ: ჯეიმსი (25+9 პასი+7 მოხსნა+5 ჩაჭრა), ირვინგი (21+8 პასი+2 დაფარება), ლავი (17+11 მოხსნა), სმიტი (12+5 მოხსნა+3 პასი), ტომპსონი (8+14 მოხსნა+2 დაფარება), ჯეფერსონი (8), ფრაი (8), ჯონსი (2), შამპერტი (2), დელავედოვა (1+4 პასი).</p><p>ა: შრიოდერი (27+6 პასი), მილსეპი (17+13 მოხსნა+4 დაფარება+3 პასი), ბეიზმორი (16+12 მოხსნა+4 პასი), ჰორფორდი (10+6 მოხსნა+3 დაფარება), ტიგი (8+4 პასი), სკოტი (7), კორვერი (3+5 მოხსნა), პატერსონი (3), სეფოლოშა (2).</p><p>რეალიზაციის პროცენტი: თამაშიდან (44.6/37.9), სამქულიანები (48.4/32.4), საჯარიმოები (71.4/76.2).</p><p>სერია: 1-0</p><p><p><div style="text-align: center;"><strong style="font-size: 12.16px; line-height: 1.3em;"><span style="color: #ff0000;">ბოში დაბრუნებისთვის მზად არის, მაგრამ...</span></strong></div></p> "მაიამი ჰიტს" დღეს დილით უნდა დაეწყო თავისი მეოთხედფინალური სერია "ტორონტოს" წინააღმდეგ. მოგეხსენებათ, ფლორიდულ კლუბს თებერვლიდან მოყოლებული ვერ ეხმარება კრის ბოში - ფორვარდი აგერ უკვე ზედიზედ მეორე წელია ფეხის თრომბის გამო გამოვიდა მწყობრიდან.</p><p>ამჟამად, სიტუაცია ასეთია - ბოში მიიჩნევს, რომ მზად არის მოედანზე გასასვლელად და "ტორონტოს" წინააღმდეგ სათამაშოდ, "მაიამის" ხელმძღვანელობას კი არ უნდა რისკზე წასვლა და კალათბურთელს ტრავმირებულთა სიაში ტოვებს.</p><p>ბოშის მოედანზე დაბრუნების კამპანიაში ერთ-ერთი ყველაზე აქტიური კალათბურთელის მეუღლეა, რომელმაც "ტვიტერში" დაიწყო შესაბამისი კამპანია ჰეშთეგით #BringBoshBack. თავად კრისმა კი სოციალურ ქსელში თავისი ვარჯიშის ვიდეო განათავსა.</p><p>გამორიცხული არ არის, რომ ბოშის წარმომადგენლებმა მოთამაშეთა პროფკავშირი გამოიყენონ "მაიამიზე" ზეწოლისთვის.</p><p><strong>ყოველდღიური სპორტული გაზეთი "ლელო"</strong></p>
[VIDEO] ჰალიბარტონის და "ინდიანას" მორიგი სასწაული - "ოკლაჰომა" სუპერფინალის პირველ მატჩში დამარცხდა
[VIDEO] "ინდიანა პეისერსმა" "ნიუ იორკ ნიქსი" დაამარცხა და სუპერფინალში ითამაშებს
[VIDEO] პირველად 13 წლის შემდეგ - "ოკლაჰომა" კონფერენციის სუპერფინალში ითამაშებს
7-კაცა | მაკარსკაში კლოდ სორელის ხსოვნის პატივსაცემად
რეგიონების განვითარების პროექტის ფარგლებში თანამედროვე ტაბლოები თელავისა და ლაგოდეხის დარბაზებმაც მიიღეს
ამაზე უარის თქმა რთული იქნება - "ფენერბაჰჩემ" სანეს ზღაპრული შეთავაზება გაუკეთა
"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს
[VIDEO] დონარუმას პირველ ტაიმში სამი გაუტანეს - იტალია ნორვეგიასთან განადგურდა
კალანდაძის ლიდერობით - საქართველოს ნაკრებმა ლუქსემბურგსაც მოუგო
პსჟ-ს მძიმე დანაკლისი - ესპანეთთან პარიზელთა ორმა ფეხბურთელმა ტრავმა მიიღო
სომხეთის ნაკრები ისევ დიდი ანგარიშით დამარცხდა
ზედიზედ მესამედ - ვახტანგ ახობაძე ევროპის ჩემპიონია!
ისტორიული ოქრო პარაკაიაკის ევროპის ჩემპიონატზე
კიმი შეიძლება იტალიაში დაბრუნდეს
საბო: რა ჯანდაბა უნდოდა შევჩენკოს უკრაინის ფეხბურთის ასოციაციაში?
ანშლაგი ქუთაისში - საქართველო - კაბო-ვერდე | 7 ივნისის განრიგი
უარი "სიტის" - მიქაუტაძის თანაგუნდელის გოლი და საგოლე პასი ესპანეთთან
ევრობასკეტისთვის მოსამზადებელ პერიოდში საქართველოს ნაკრები 6 ამხანაგურ მატჩს გამართავს
საქართველოს რაგბის ეროვნული ნაკრები, სულ რაღაც, ერთ თვეში თბილისში ირლანდიის ნაკრებს ხვდება!
"ვერ ვხვდები, ჩემგან უპატივცემულობა სად დაინახა" - სპალეტიმ აჩერბის უპასუხა
"მბაპე ცენტრფორვარდია და ამ პოზიციაზე თამაშს გააგრძელებს" - დეშამი ესპანეთთან მარცხის შემდეგ
უარი "ალ ჰილალს" - ოსიმენისთვის ბრძოლაში ახალი კლუბი ჩაერთო
დვალიშვილი VS ომალი 2 - დიდ ბრძოლამდე სულ ცოტა დრო რჩება
ბუცები, ბურთები და ბუკინისტები – აპრილი, სპორტი და წიგნები
[VIDEO] ლებრონისთვის და ლუკასთვის სეზონი დასრულებულია - "ლეიკერსი" "მინესოტასთან" დამარცხდა და პლეი-ოფს გამოეთიშა
გამოუსადეგარი ბოში: "მაიამის" ლიდერს კარიერის განახლების უფლებას არ აძლევენ
დონჩიჩმა დაბადების დღე გამარჯვებით აღნიშნა - "ლეიკერსმა" კალიფორნიულ დერბიში "კლიპერსი" დაამარცხა [VIDEO]
კრის ბოში და პორნოინდუსტრია
გამარჯვების მომტანი სამქულიანი საკუთარი ნახევრიდან - საოცარი მატჩი NBA-ში [VIDEO]
40 წლის ლებრონ ჯეიმსმა "ლოს ანჯელეს ლეიკერსს" ბოლო წამზე მოაგებინა [VIDEO]
NBA. რეგულარული ჩემპიონატი: ბოშს წელს ვეღარ ვნახავთ?
პოლ პირსი ერთი სეზონისთვის დარჩა
კრის ბოშმა ვარჯიში დაიწყო
დონჩიჩი ყოფილ გუნდს პირველად დაუპირისპირდა - სლოვენიელმა სამმაგი დუბლი შეასრულა [VIDEO]
NBA: კრის ბოში საბოლოოდ წავიდა