- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჩოგბურთი
სლავა - ნაწყვეტები დავით ქლიბაძის წიგნიდან "დრიბლინგი"
<p>დღეს 80 წელი შეუსრულდებოდა ლეგენდარულ ქართველ ფეხბურთელს, სლავა მეტრეველს <br> დღეს 80 წელი შეუსრულდებოდა ლეგენდარულ ქართველ ფეხბურთელს, სლავა მეტრეველს. ამ თარიღთან დაკავშირებით, გთავაზობთ წერილს დავით ქლიბაძის წიგნიდან - "დრიბლინგი"...</p><p>ფეხბურთზე უზომოდ შეყვარებულმა ჩემმა ახლო ნათესავმა, გვარად მეტრეველმა, ერთ დღეს თავის მოსკოველ მოგვარეზე დამიწყო ლაპარაკი: დედამისი, ჟენია და მამა, კალისტრატე, ნიგავზებელი მეტრეველები არიან, სოჭში ცხოვრობენ და ზაურიც იქ დაიბადა: ჯერ იქაურ გუნდში იყო, მერე ერთი წელი გორკში ითამაშა და სულ ახლახან მოსკოვის "ტორპედოში" მიიღესო, - ამაყად მეუბნებოდა.</p><p>1956 წლის ზაფხულში რაჭაში, უწერაში, პირველად ვნახე თანაგუნდელების - მეტრეველისა და ოსტროვსკის პატარა, პასპორტის ფოტოები. სსრ კავშირის ოლიმპიურ ნაკრებში ვალენტინ ივანოვი და ედუარდ სტრელცოვი იყვნენ მიწვეულნი და ვიქტორ მასლოვმა "ტორპედო" თბილისში ჩამოიყვანა საკონტროლო მატჩების ჩასატარებლად. ის ფოტოებიც მაშინ აჩუქეს ჩემი ნათესავის ნათესავს, ნიგავზებელ ლილი მეტრეველს.</p><p>სხვათა შორის, ქალბატონმა ტატიანამ ახლახან მითხრა, რომ ზაური არასოდეს ყოფილა მისი მეუღლის სახელი. ბავშვობაში მამის სანადირო თოფის - "ზაუერის" ნაცვლად, "ზაურს" ამბობდა თურმე, რაც მალე მეტსახელად იქცა. ვერაფერს გეტყვით, შესაძლოა, კიდევ არსებობდეს სხვა ვერსიაც.</p><p>ასე იყო თუ ისე, იმ პერიოდში ყველაზე დიპლომატიურად, შეუცდომლად იქცეოდა გარეგნობითა და აქცენტით ეჭვმიუტანელი თბილისელი სომეხი, შუახნის კაცი, რომელიც ახლანდელ თავისუფლების მოედანზე, სადღესასწაულო ზეიმებისთვის აგებულ სამთავრობო ტრიბუნასთან იდგა, ფეხბურთის მატჩის პროგრამებს ყიდდა და გაიძახოდა:</p><p>Программа футболаи прогармма футболаи в "Торпедо" играет сын грузинского народа Метревели...</p><p>მისი ხმა განსაკუთრებით ომახიანი იყო მაშინ, როცა ტორპედოელები სეზონის განმავლობაში უამინდობის გამო გადადებული საშინაო მატჩების ჩასატარებლად თბილისში ჩამოდიოდნენ.</p><p>როცა 1963 წლის სეზონის გახსნისას, ლენინგრადის "ზენიტისა" და "დინამოს" მატჩის დაწყებამდე სტადიონის დიქტორ-ინფორმატორმა ვლადიმერ პარტინმა მასპინძელთა გუნდის შემადგენლობა გამოაცხადა, მაყურებლებმა, როგორც იქნა, გაიხარეს - დინამოელთა ასე ნანატრი ახალი მარჯვენა გარემარბი ხომ მეტრეველი იყო: საბჭოთა კავშირის ნაკრების წევრი 1958 წლის შემოდგომიდან, სსრ კავშირის ჩემპიონი და თასის მფლობელი, ევროპის ჩემპიონი და მსოფლიო ჩემპიონატის მონაწილე. მოსკოვის "ტორპედოდან" თბილისის "დინამოში" სლავა მეტრეველის გადმოყვანის პერიპეტიებსა და ვნებათაღელვაზე წიგნი რომ დაწერილიყო, მის ავტორს არ დაავიწყდებოდა ფეხბურთის ერთგული თაყვანისმცემლები, საქმიანი ხალხი: ძმები ლაზიშვილები და ირაკლი ნემსაძე, რომლებსაც ძალა, ენერგია და ფული არ დაუზოგავთ ქართველი ფეხბურთელის სამშობლოში ჩამოსაყვანად.</p><p>მიუხედავად იმისა, რომ 1958 წლის მაისიდან ედუარდ სტრელცოვი აღარ თამაშობდა, ვიქტორ მასლოვმა მართლაც არაჩვეულებრივი გუნდი შექმნა: მაღალტექნიკური, კორექტული, შემტევი - ერთ-ერთი საუკეთესო საბჭოთა ფეხბურთის ისტორიაში.</p><p>შუსტიკოვი, ოსტროვსკი, ვორონინი, მანოშინი, მეტრეველი, ივანოვი, გუსაროვი, დენისოვი. 1961 წელს ამ შემადგენლობას კავაზაშვილიც დაემატა. მართლაც დიდებული ფეხბურთელები იყვნენ. "ტორპედო" ძალიან უყვარდათ თბილისში, თუმცა ვერ ივიწყებდნენ "დინამოს" მარცხით გამოწვეულ გულისტკენას ჯერ კიდევ სტრელცოვის პერიოდში: თბილისში - 1:6, მოსკოვში თასზე - 0:5 (ხუთივე გოლი სტრელცოვმა გაიტანა). უფრო მოგვიანებით, 1960 წლის თასის გათამაშების ფინალური მატჩის 3:4 წაგება კი, უპირველეს ყოვლისა, კიეველი არბიტრის, ცაპოვეცკის "დამსახურება" იყო და არა ახლა ასე პოპულარული "ჩაწყობის" მასპინძელთა მხრიდან.</p><p>მეტრეველის თამაში არაერთხელ მინახავს - "დინამოში" მის გადმოსვლამდე და შემდეგაც. რა დამავიწყებს 1961 წელს "სპარტაკისა" და "ტორპედოს" შეხვედრას. სპარტაკელებმა პირველი ტაიმი 2:0 მოიგეს, მაგრამ მეორე ტაიმში, როცა ტრავმირებული ვალენტინ ივანოვი მაინც გამოვიდა მოედანზე, მეტრეველმა ისეთი ძალით გააგრძელა თამაში, რომ "სპარტაკის" მარცხენა მცველის, კრუტიკოვის საცოდაობით დაიწვა 103 ათასი მაყურებელი, რომელთა შორის მეც ვიყავი.</p><p>გუსაროვმა და ბატანოვმა ანგარიში გაქვითეს, ტორპედოელთა უპირატესობა გამოიკვეთა და, როცა მატჩის მიწურულს გლუხოტკომ 40 მეტრიდან დარტყმული ბურთი გაუშვა, ისე განვიცადე "ტორპედოს" დამარცხება, როგორც ჩვენი "დინამოს" წაგება შეიძლებოდა, განმეცადა... (ბურთი მართლაც მრგვალია - ის გოლი ხომ კრუტიკოვმა გაიტანა.)</p><p>მახსენდება 1963 წლის ოქტომბერში ევროპის ჩემპიონატის პირველი მერვედფინალური მატჩი მოსკოვში სსრ კავშირისა და იტალიის გუნდებს შორის, რომელიც მასპინძლებმა 2:0 მოიგეს. სლავა 20 წლის ჯაჩინტო ფაკეტის წინააღმდეგ თამაშობდა და იტალიელი ჟურნალისტების უმაღლესი შეფასება დაიმსახურა.</p><p>იმავე საღამოს სლავამ ფაკეტი ალექსანდრ იაკუშევის ქორწილში წაიყვანა. არაყი ძალით დამალევინეს, კიდევ კარგი, შამპანური დავაყოლეო, - სიცილით გვითხრა სახელოვანმა იტალიელმა ფეხბურთელმა 1977 წლის ზაფხულის ბოლოს, მილანის სიახლოვეს, აპიანო ჯენტილეში, "ინტერნაციონალეს" ბაზაზე ნოდარ ახალკაცსა და მე.</p><p>სლავა მეტრეველის ამბებიც დაწვრილებით გამოგვკითხა და თვალები სიხარულით გაუბრწყინდა, როცა შეიტყო, რომ მისი მეგობარი მილანში ჩავიდოდა "ინტერისა" და "დინამოს" მატჩზე. თამაშის შემდეგ მეტრეველი და "დინამო" ჩემი სტუმრები იქნებითო, - უხაროდა ფაკეტის, რომლისთვისაც მერე ის მატჩი საბედისწერო გამოდგა...</p><p>სლავა მეტრეველისა და მაშინდელი "დინამოს" თამაშს სიხარული მოჰქონდა ყველასთვის, არამხოლოდ თბილისში. ის განცდა და სიამოვნება დღემდე არ განელებიათ ფეხბურთის ნამდვილ გურმანებს... ასე მგონია, ყველას ყველაფერი გახსოვთ, რაც ჩვენს პირველ ჩემპიონებს უკავშირდება...</p><p>დიდი ხანია ვუყურებ ფეხბურთს და სრული პასუხისმგებლობით შემიძლია კიდევ ერთხელ გავიმეორო: მსოფლიო ფეხბურთის ისტორიაში არ მეგულება სხვა არც კლუბი, არც ეროვნული ნაკრები, ერთდროულად ორი ისეთი რანგის გარემარბი ჰყოლოდეს, სლავა მეტრეველი და მიხეილ მესხი რომ იყვნენ.</p><p>და ახლა ვინმემ სლავა მეტრეველის დახასიათება რომ მთხოვოს, ასე დავიწყებდი: ის იყო ქართული ფეხბურთის ყველა დროის ყველაზე დიდი პროფესიონალი, და შემდეგ ჩამოვთვლიდი ამ ექსტრაკლასის ვარსკვლავის სხვა ღირსებებს...</p><p><strong>ყოველდღიური სპორტული გაზეთი "ლელო"</strong></p>
-
ხვიჩა
ნემსაძე ებრაელია და ლაზიშვილები იყვნენ სომხები, მეტრეველი საერთოდ ლაზიშვილებმა ჩამოიყვანეს მოტყუებით, დაათვრეს თვითონ სლავა და მისი მეუღლეც, ეს არის ფაქტი და როდესაც წერ წიგნს სიმართლე უნდა დაწერო.
საქართველოს ამერიკული ფეხბურთის ნაკრების წარმატება
"ლივერპულს" კვლავ განადგურების შეეშინდა - უცხოური მედია "დინამოს" ტრიუმფს იხსენებს
მიზანი ერთია, დიადი ნათელი - ცნობილი გახდა ანჩელოტის ამოცანა და ხელფასი
20 წ. | მსოფლიომდე ინგლისთან
"მათ კომპლექსები არ გააჩნიათ" - ლაპორტა "ბარსელონას" ფეხბურთელებზე
[VIDEO] ბრწყინვალე იამალის გოლი და საგოლე პასი - "ბარსელონა" ვადამდე გახდა ჩემპიონი
ლეგენდა მიდის - "ლიონის" მთავარი თავდამსხმელი მიქაუტაძე გახდება
ევროპის ჩემპიონატზე საქართველოს ნაკრების მეტოქეები ცნობილია
Ballon d'Or 2025: კვარაცხელია რეიტინგში კიდევ უფრო დაწინაურდა
მოურინიოს პორტუგალიის ნაკრების მწვრთნელად არ დანიშნავენ
მარადიშვილი საქართველოს ნაკრების ფეხბურთელი უნდა გამხდარიყო, ახლა კი შეიძლება კარიერის დასრულება მოუწიოს
"ესპანელი ბიჭუნა ხარ" - მახაჩევმა თოფურიას მიმართა
პსჟ გოლების მანქანის შეძენას გეგმავს
"რეალისთვის" ყველაფერი გავაკეთე" - კარლო ანჩელოტი
სუპერლიგის ფინალურ სერიაში "ქუთაისი" და თსუ შეერკინებიან
ფეხბურთელი, რომელმაც კვარასთან ერთად სკუდეტო მოიგო, სერია C-ში ითამაშებს
"დე ბრუინს "ნაპოლის" შესახებ ეს უთხრეს" - ცნობილმა იტალიელმა ჟურნალისტმა ბელგიელზე ისაუბრა
"ქართული ფეხბურთის ხარისხი იზრდება და ეს შთაგონება სხვა პატარა ქვეყნებისთვისაცაა" - სავიოლა ლეგენდების მატჩის წინ
"იცით, "ალავესის" ფეხბურთელმა რა მითხრა?" - მამარდაშვილი
უარი "ლივერპულს" და "ჩელსის" - ალონსოს ინიციატივით "რეალმა" პირველი ტრანსფერი შეათანხმა
[VIDEO] "გოლდენ სტეიტი" პლეი-ოფს გამოეთიშა - "მინესოტა" კონფერენციის ფინალშია
[VIDEO] ლობჟანიძემ MLS-ში საგოლე პასი შეასრულა
[VIDEO] ოსიმენის ისტორიული რეკორდი - ნიგერიელმა "გალათასარაის" თასი მოაგებინა
ნოდარ ახალკაცი ფიფას ევროპის ასოციაციების ხელმძღვანელის პოსტს დაიკავებს
ზუსტად 60 წლის წინ - სლავა მეტრეველმა და მიხეილ მესხმა სსრკ-ს ევროპის ჩემპიონობა მოუტანეს [VIDEO]
სამეული - ნაწყვეტები დავით ქლიბაძის წიგნიდან "დრიბლინგი"
1960 წლის ევროპის ბოლო ჩემპიონიც გარდაიცვალა
სლავა მეტრეველის სახელობის სუპერთასი - სფფ-ში აღმასრულებელი კომიტეტის სხდომა გაიმართა
"ჯანომ ერთი წუთი მაინც რომ ითამაშოს საქართველოს ნაკრებში, მერე რუსები ვეღარ წაგვართმევენ-მეთქი"
როგორც პელე - გამოცემა sports.ru-მ რევაზ ჩელებაძეს წერილი მიუძღვნა
ლეგენდასთან - ნაწყვეტები დავით ქლიბაძის წიგნიდან "დრიბლინგი"
უკრაინის ჩემპიონატში გოლი მიხეილ მესხმა გაიტანა [VIDEO]
ნოდარ ახალკაცი: პრეზიდენტობიდან გადადგომის მიზეზი მხოლოდ ეს არ ყოფილა...
საქართველოს ფეხბურთის ფედერაციის ექსპრეზიდენტი ფიფაში დააწინაურეს
15 ფეხბურთელი, რომლითაც კავკასია ამაყობს
სამეული - ნაწყვეტები დავით ქლიბაძის წიგნიდან "დრიბლინგი"
1982 წელს ახალკაცის, ბესკოვისა და ლობანოვსკის ერთად ყოფნამ დაგვაბნია - ბლოხინმა წარსული გაიხსენა
მიშა მაინც სხვა იყო... - ნაწყვეტები დავით ქლიბაძის წიგნიდან "დრიბლინგი"
მიხეილ მესხმა ზივზივაძის გუნდს გამარჯვება მოუტანა [VIDEO]
მიხეილ მესხის აზრით, აუტსაიდერობას არ იმსახურებენ
მახარაძე და მესხი უკრაინის ჩემპიონატის ტურის სიმბოლურ ნაკრებში შეიყვანეს
ქართველები ევროპის ჩემპიონატებზე - იყო დრო, ჩემპიონებიც გვყავდა და ვიცეჩემპიონებიც!
ლეგენდასთან - ნაწყვეტები დავით ქლიბაძის წიგნიდან "დრიბლინგი"
საბჭოთა კავშირის საუკეთესო ნაკრები 5 ქართველით - და როგორ გაწირა ბესკოვმა ყიფიანი...
სამეული - ნაწყვეტები დავით ქლიბაძის წიგნიდან "დრიბლინგი"